هُوشَع 8:4 - الكتاب المقدس بالعربي الدارجي هنا تشاد

⁴ هُمَّنْ دَرَّجَوْا مُلُوكْ بَلَا إِذْنِي وَ كُبَارَاتْ بَلَا مُوَافَقَتِي. بِفُضِّتْهُمْ وَ دَهَبْهُمْ، هُمَّنْ صَنَعَوْا لَيْهُمْ أَصْنَامْ وَ دَا يِسَبِّبْ دَمَارْهُمْ.

هُوشَع 8:4 Referenca të Kryqëzuara

هُوشَع 13:2

وَ يَا هَسَّعْ كُلَ، قَاعِدِينْ يِزِيدُوا فِي ذُنُوبْهُمْ أَشَانْ صَنَعَوْا لَيْهُمْ صَنَمْ بِفُضِّتْهُمْ. أَيْوَى حَسَبْ عِلِمْهُمْ، سَوَّوْا لَيْهُمْ أَصْنَامْ الدَّقَّاهُمْ صِنَاعِي مَعْرُوفْ. وَ النَّاسْ يُقُولُوا: «قَدُّمُوا لَيْهُمْ ضَحَايَا!» شِيفُوا! النَّاسْ دَوْل يِحِبُّوا أَصْنَامْ الْعَجَّالْ!

هُوشَع 2:8

«وَ هِي مَا عِرْفَتْ كَدَرْ دَا أَنَا بَسْ الْقَاعِدْ نَنْطِيهَا الْقَمَحْ وَ الْخَمَرْ وَ الدِّهِنْ. أَنَا كَتَّرْت الْفُضَّةْ وَ الدَّهَبْ وَ لَاكِنْ هِي أَسْتَعْمَلَتْهُمْ لِعِبَادَةْ بَعَلْ.

1 مُلوك 16:31

وَ هُو تَابَعْ الذُّنُوبْ السَّوَّاهُمْ يَرُبَعَامْ وِلَيْد نَبَاتْ. وَ دَا كُلَ، هُو شَافَهْ شِيَّةْ وَ سَوَّى زِيَادَةْ مِنَّهْ! أَخَابْ مَشَى أَخَدَاهَا لِإِزَبِيلْ بِنَيَّةْ أَتْبَعَلْ مَلِكْ بَلَدْ صَيْدَا وَ سَجَدْ لِإِلٰـهْ الْأُسْمَهْ بَعَلْ وَ عَبَدَهْ.

غَلاطِية 4:9

لَاكِنْ هَسَّعْ دَخَلْتُوا فِي عَلَاقَةْ مَعَ اللّٰهْ، وَلَّا أَخَيْر نُقُولْ اللّٰهْ دَخَّلَاكُو فِي عَلَاقَةْ مَعَايَهْ. وَ كَنْ كَيْ دَا، مَالَا تِدَوْرُوا تِقَبُّلُوا تِتَابُعُوا بَتَّانْ شُرُوطْ وَ عَادَاتْ الدُّنْيَا الْمَا عِنْدُهُمْ قُدْرَةْ وَ لَا فَايْدَةْ؟ مَالَا تِدَوْرُوا تَبْقَوْا بَتَّانْ عَبِيدْ؟

يُوحَنَّا 10:14

«أَنَا الرَّاعِي الْعَدِيلْ. نَعَرِفْ غَنَمِي وَ هُمَّنْ كُلَ يَعَرْفُونِي

1 مُلوك 12:28

وَ خَلَاصْ، الْمَلِكْ يَرُبَعَامْ لِقِي فِكْرَةْ وَ صَنَعْ عَجَّالْ إِتْنَيْن هَنَا دَهَبْ وَ قَالْ لِلشَّعَبْ: «إِنْتُو مَشَيْتُوا عِدَّةْ مَرَّاتْ فِي مَدِينَةْ الْقُدُسْ. وَ هَسَّعْ دَا، يَا بَنِي إِسْرَائِيلْ، دَوْل بَسْ إِلٰـهَاتْكُو الْمَرَقَوْكُو مِنْ بَلَدْ مَصِرْ.»

لُوقا 13:27

لَاكِنْ هُو يُقُولْ: ‹نُقُولْ لَيْكُو مَا نَعَرِفْ إِنْتُو يَاتُمَّنْ. يَلَّا كِسُّوا مِنِّي بَعِيدْ، إِنْتُو الْفَسْلِينْ!›

لُوقا 13:25

كَنْ سِيدْ الْبَيْت قَمَّ سَدَّ الدَّرِبْ وَ إِنْتُو وَاقْفِينْ بَرَّا، تُقُمُّوا تُدُقُّوا الْبَابْ وَ تُقُولُوا: ‹سَيِّدْنَا، أَفْتَحْ لَيْنَا.› وَ هُو يُرُدّ لَيْكُو وَ يُقُولْ: ‹مَا نَعَرِفْكُو. إِنْتُو كَيْ مِنْ وَيْن؟›

مَتَّى 25:12

وَ الْعَرِيسْ رَدَّ لَيْهِنْ وَ قَالْ: ‹نُقُولْ لَيْكَنْ الْحَقّ، أَنَا مَا نَعَرِفْكَنْ.›»

حِزْقِيال 18:31

خَلُّوا مِنْكُو عِصْيَانْكُو وَ غَيَّرَوْا قَلِبْكُو بِقَلِبْ جَدِيدْ وَ غَيَّرَوْا رُوحْكُو بِرُوحْ جَدِيدَةْ. مَالَا تُمُوتُوا، يَا بَنِي إِسْرَائِيلْ؟

1 مُلوك 13:34

وَ دَا بَسْ سَبَبْ ذَنِبْ عَايِلَةْ يَرُبَعَامْ. وَ أَشَانْ دَا بَسْ، عَايِلْتَهْ أَدَّمَّرَتْ وَ وَدَّرَتْ مِنْ وِجْه الْأَرْض.

إرْمِيا 16:20

هَلْ الْإِنْسَانْ يَقْدَرْ يِسَوِّي لِنَفْسَهْ إِلٰـهَاتْ وَلَّا؟ لَا! هُمَّنْ بِصَحِيحْ مَا يَبْقَوْا إِلٰـهْ.»

دَنْيال 3:1

وَ بَعَدْ دَا، الْمَلِكْ نَبُوخَدْنَصَرْ سَوَّى صَنَمْ هَنَا دَهَبْ طُولَهْ 60 دُرَاعْ وَ عُرْضَهْ 6 دُرَاعْ. وَ خَطَّاهْ فِي السَّهَلَةْ الْأُسُمْهَا دُورَا فِي وُلَايَةْ بَابِلْ.

هُوشَع 8:3

وَ لَاكِنْ بَنِي إِسْرَائِيلْ أَبَوْا الْخَيْر وَ هَسَّعْ عَدُوهُمْ يِطَارِدْهُمْ.

هُوشَع 13:1

وَكِتْ نَاسْ أَفْرَايِمْ حَجَّوْا، الْخَوْف بِقِي شَدِيدْ فِي بَلَدْ إِسْرَائِيلْ. وَ لَاكِنْ هُمَّنْ بِقَوْا خَاطِيِّينْ أَشَانْ عَبَدَوْا إِلٰـهْ بَعَلْ وَ مَاتَوْا بِسَبَبَهْ.

هُوشَع 13:11

فِي زَعَلِي، أَنَا دَرَّجْت لَيْكُو مَلِكْ وَ فِي غَضَبِي، أَنَا نَزَّلْتَهْ.