هُوشَع 7:1 - الكتاب المقدس بالعربي الدارجي هنا تشاد

¹ وَ وَكِتْ نِدَوْر نَشْفِي بَنِي إِسْرَائِيلْ، خَطَا أَفْرَايِمْ وَ فَسَالَةْ السَّامِرَةْ يِبِينُوا أَشَانْ فِعِلْهُمْ كُلَّ غَشّ. السَّرَّاقْ يَدْخُلْ فِي الْبُيُوتْ وَ رَبَّاطِينْ الدُّرُوبْ يَقْعُدُوا فِي الشَّوَارِعْ.

هُوشَع 7:1 Referenca të Kryqëzuara

هُوشَع 7:13

«الْعَذَابْ لَيْهُمْ أَشَانْ عَرَّدَوْا مِنِّي! الدَّمَارْ لَيْهُمْ أَشَانْ أَتْمَرَّدَوْا ضِدِّي! أَنَا شِلْت نِيَّةْ لِنَفْدَاهُمْ وَ لَاكِنْ هُمَّنْ قَالَوْا فَوْقِي كَلَامْ كِدِبْ.

هُوشَع 6:4

«يَا نَاسْ قَبِيلَةْ أَفْرَايِمْ، نِسَوِّي لَيْكُو شُنُو؟ يَا بَنِي يَهُوذَا، نِسَوِّي لَيْكُو شُنُو؟ مَحَبِّتْكُو مِثِلْ سَحَابْ الْفَجُرْ الْيُفُوتْ وَ مِثِلْ كَرَنْج الصَّبَاحْ الْمَا يِطَوِّلْ.

لُوقا 19:42

وَ قَالْ: «أَنَا نِتْمَنَّى الْيَوْم إِنْتِ تَعَرْفِي الشَّيّءْ الْيِجِيبْ لَيْكِ السَّلَامْ لَاكِنْ لَحَدِّي هَسَّعْ، مَا فِهِمْتِيهْ.

هُوشَع 4:2

فَوْقهَا إِلَّا اللَّعَنَةْ وَ الْكِدِبْ وَ الْكَتِلْ وَ السِّرْقَةْ وَ الزِّنَى. يِسَوُّوا عُنُفْ وَ يِدَفُّقُوا دَمّ وَرَاءْ دَمّ.

لُوقا 13:34

«يَا مَدِينَةْ الْقُدُسْ! يَا مَدِينَةْ الْقُدُسْ! يَا كَتَّالِينْ الْأَنْبِيَاء! إِنْتُو التَّرْجُمُوا النَّاسْ الْاللّٰهْ يِرَسِّلْهُمْ لَيْكُو. كَمْ مَرَّةْ دَوَّرْت نِلِمّ عِيَالْكُو مِثِلْ الْجِدَادَةْ تِلِمّ عِيَالْهَا تِحِتْ جَنَاحَيْهَا. لَاكِنْ إِنْتُو أَبَيْتُوا.

مَتَّى 23:37

«يَا مَدِينَةْ الْقُدُسْ! يَا مَدِينَةْ الْقُدُسْ! يَا كَتَّالِينْ الْأَنْبِيَاء! إِنْتُو التَّرْجُمُوا النَّاسْ الْاللّٰهْ يِرَسِّلْهُمْ لَيْكُو. كَمْ مَرَّةْ دَوَّرْت نِلِمّ عِيَالْكُو مِثِلْ جِدَادَةْ تِلِمّ عِيَالْهَا تِحِتْ جَنَاحَيْهَا. لَاكِنْ إِنْتُو أَبَيْتُوا.

مِيخا 6:16

وَ إِنْتُو تِتَابُعُوا الْعَادَةْ الْفَسْلَةْ هَنَا الْمَلِكْ عُمْرِي وَ الْعَمَلْ الْهَوَانْ هَنَا عَايِلَةْ مَلِكْ أَخَابْ وَ تُرُوغُوا حَسَبْ خِطِّتْهُمْ. وَ فِي شَانْ دَا، أَنَا نِسَلِّمْ مَدِينِتْكُو لِلْخَرَابْ وَ سُكَّانْهَا يَبْقَوْا شِمَّيْتَةْ وَ يِعَيُّبُوكُو مِثِلْ يِعَيُّبُوا كُلَّ شَعَبِي.»

عَمُوس 8:14

نَاسْ وَاحِدِينْ يَحَلْفُوا بِصَنَمْ مَدِينَةْ السَّامِرَةْ وَ يُقُولُوا: ‹يِعِيشْ إِلٰـهْكِ، يَا حِلَّةْ دَانْ! وَ يِعِيشْ إِلٰـهْكِ، يَا حِلَّةْ بِيرْ سَبْعَةْ!› وَ النَّاسْ دَوْل يَهْلَكَوْا مَرَّةْ وَاحِدْ وَ بَتَّانْ مَا يُقُمُّوا.»

هُوشَع 11:12

«قَبِيلَةْ أَفْرَايِمْ حَوَّقَتْنِي بِكِدِبْ، أَيْوَى، بَنِي إِسْرَائِيلْ حَوَّقَتْنِي بِغَشّ. وَ لَاكِنْ بَنِي يَهُوذَا يَمْشُوا وَرَايِ وَ عِنْدُهُمْ أَمَانْ لَيِّ أَنَا الْقُدُّوسْ.»

هُوشَع 10:5

وَ سُكَّانْ السَّامِرَةْ يَرْجُفُوا فِي شَانْ صَنَمْهُمْ هَنَا الْعِجِلْ فِي حِلَّةْ بَيْت إِيلْ الْفَسْلَةْ. شَعَبْهَا يَحْزَنَوْا بِسَبَبْ عِجِلْهُمْ وَ رُجَالْ دِينْهُمْ كُلَ يَرْجُفُوا أَشَانْ يِوَدُّوا مَجْد صَنَمْهُمْ فِي الْغُرْبَةْ.

هُوشَع 8:9

وَ وَكِتْ مَشَوْا عَلَيْ أَشُورْ، بِقَوْا مِثِلْ حُمَارْ الْكَدَادَةْ الْعَايِشْ وِحَيْدَهْ. أَيْوَى، قَبِيلَةْ أَفْرَايِمْ قَاعِدَةْ وِحَيْدهَا حَتَّى كَانْ كَفَّتْ أُجْرَةْ لِصُدْقَانْهَا كُلَ.

هُوشَع 8:5

يَا نَاسْ مَدِينَةْ السَّامِرَةْ، خَلُّوا صَنَمْكُو الْهُو عِجِلْ هَنَا دَهَبْ! أَنَا غِضِبْت زِيَادَةْ ضِدُّكُو. إِنْتُو مَا بَرِيِّينْ! وَ تَقْعُدُوا مِثِلْ كَيْ لَحَدِّي مَتَى؟

هُوشَع 5:1

«يَا رُجَالْ الدِّينْ، أَسْمَعَوْا الْكَلَامْ دَا! يَا بَنِي إِسْرَائِيلْ، خُطُّوا بَالْكُو! يَا نَاسْ بَيْت الْمَلِكْ، خُطُّوا أَدَانْكُو! الشَّرِيعَةْ دِي مُوَجِّهَةْ لَيْكُو إِنْتُو أَشَانْ فِي مِصْفَةْ، كَجَّيْتُوا شَرَكْ لِشَعَبِي وَ فِي جَبَلْ تَابُورْ، خَطَّيْتُوا لَيْهُمْ أَمْ كَجَّامَةْ.

هُوشَع 4:17

نَاسْ أَفْرَايِمْ أَنْرَبَطَوْا زِيَادَةْ مَعَ الْأَصْنَامْ وَ بَيْدَا، خَلِّيهُمْ بَسْ!

حِزْقِيال 23:4

وَ أُسُمْ الْكَبِيرَةْ أُهُولَةْ وَ هِي تِمَثِّلْ مَدِينَةْ السَّامِرَةْ. وَ أَخُتْهَا أُسُمْهَا أُهُولِيبَةْ وَ هِي تِمَثِّلْ مَدِينَةْ الْقُدُسْ. هِنَّ هِنَيّ أَنَا وَ جَابَنْ لَيِّ أَوْلَادْ وَ بَنَاتْ.

حِزْقِيال 16:46

وَ أَخُتْكِ الْكَبِيرَةْ هِي مَدِينَةْ السَّامِرَةْ الْقَاعِدَةْ مُنْشَاقْ مِنْكِ مَعَ بَنَاتْهَا. وَ طَرِيدِتْكِ حِلَّةْ سَدُومْ الْقَاعِدَةْ جُنُوبْ مِنْكِ مَعَ بَنَاتْهَا.

إرْمِيا 51:9

«أَنِحْنَ دَوَّرْنَا نِعَالُجُوا بَابِلْ وَ لَاكِنْ هِي مَا أَدَّاوَتْ لَيْنَا. يَلَّا نِخَلُّوهَا! أَيِّ وَاحِدْ يَمْشِي لِبَلَدَهْ أَشَانْ عِقَابْهَا لِحِقْ لَحَدِّي السَّمَاءْ وَ أَنْرَفَعْ لَحَدِّي السَّحَابْ.

إشَعْيا 59:12

يَا رَبّ، عِصْيَانَّا بِقِي كَتِيرْ قِدَّامَكْ وَ ذُنُوبْنَا شَهَدَوْا فَوْقنَا. نِفَكُّرُوا دَايْماً فِي عِصْيَانَّا وَ خَطَانَا كُلَ نَعَرْفُوهْ.

إشَعْيا 28:1

الْعَذَابْ لِمَدِينَةْ السَّامِرَةْ، هِي مِثِلْ تَاجْ الْإِسْتِكْبَارْ هَنَا سَكَّارَى أَفْرَايِمْ. الْعَذَابْ لَيْهَا هِي، الْجَمَالْهَا وَ زِينِتْهَا مِثِلْ زُهُورْ الْيَابْسِينْ. الْمَدِينَةْ دِي فِي رَاسْ الْوَادِي الْأَخْضَرْ، وَ دَا بَكَانْكُو إِنْتُو الْغِمِرْتُوا مِنْ الْخَمَرْ.

حِزْقِيال 24:13

وَ إِنْتِ كُلَ، يَا مَدِينَةْ الْقُدُسْ، فِعِلْكِ الشَّيْن نَجَّسَاكِ! أَنَا طَهَّرْتِكِ وَ لَاكِنْ إِنْتِ مَا بِقِيتِ طَاهِرَةْ. وَ إِنْتِ مَا تِطَّهَّرَيْ مِنْ نَجَاسِتْكِ قَبُلْ أَنَا مَا نِتِمّ غَضَبِي الشَّدِيدْ ضِدِّكِ.

هُوشَع 11:8

«يَا أَفْرَايِمْ، كِكَّيْف نِخَلِّيكْ؟ يَا إِسْرَائِيلْ، كِكَّيْف نِسَلِّمَكْ لِلْعَدُو؟ هَلْ نِدَمِّرَكْ مِثِلْ دَمَّرْت حِلَّالْ أَدْمَةْ وَ صَبُويِيمْ وَلَّا؟ أَنَا أَلْحَيَّرْت وَ قَلْبِي حَنَّ فَوْقكُو مَرَّةْ وَاحِدْ.

إشَعْيا 59:13

كَدَبْنَا وَ عِصِينَا اللّٰهْ وَ أَبَيْنَا مَا تَابَعْنَا إِلٰـهْنَا. حَجَّيْنَا إِلَّا بِظُلُمْ وَ مُؤآمَرَةْ ضِدّ الْآخَرِينْ وَ قُلُوبْنَا مَلَانِينْ بِكَلَامْ كِدِبْ.

إشَعْيا 59:14

بَيْدَا، الْحَقّ كَسْكَسْ وَرَاءْ وَ الْعَدَالَةْ وَقَفَتْ بَعِيدْ. الصَّحِيحْ يِتَّرْتَعْ فِي الشَّوَارِعْ وَ الْأَمَانْ مَا يَقْدَرْ يَجِي.

هُوشَع 12:1

قَبِيلَةْ أَفْرَايِمْ تَرْوَى بِرِيحْ وَ تَجْرِي وَرَاءْ رِيحْ الصَّبَاحْ. كُلَّ يَوْم هِي تِكَتِّرْ الْكِدِبْ وَ الدَّمَارْ. تِسَوِّي عَلَاقَةْ مَعَ أَشُورْ وَ تَنْطِيهْ دِهِنْ لِمَصِرْ فِي بَدَلْ السَّلَامْ.

هُوشَع 12:2

اللّٰهْ يِجِيبْ بَنِي يَهُوذَا فِي الشَّرِيعَةْ أَشَانْ يِعَاقِبْ ذُرِّيَّةْ يَعْقُوبْ حَسَبْ دَرِبْهُمْ وَ يِكَافِيهُمْ حَسَبْ عَمَلْهُمْ.

عَمُوس 3:9

«عِيطُوا فِي قُصُورْ مَدِينَةْ أَشْدُودْ وَ فِي قُصُورْ بَلَدْ مَصِرْ وَ قُولُوا: ‹لِمُّوا فِي جِبَالْ السَّامِرَةْ وَ شِيفُوا الْبَرْجَالْ الْكَتِيرْ الْفِي لُبَّهَا وَ الظُّلُمْ الْقَاعِدْ فَوْقهَا.›

عَمُوس 3:10

وَ دَا كَلَامْ اللّٰهْ. شَعَبِي مَا يَعَرْفُوا يِسَوُّوا الْحَقّ وَ يَخْزُنُوا فِي قُصُورْهُمْ كُلَّ شَيّءْ الشَّالَوْا بِعُنُفْ وَ نَهِبْ.»