هُوشَع 5:3 - الكتاب المقدس بالعربي الدارجي هنا تشاد

³ أَنَا نَعَرِفْ تَمَامْ قَبِيلَةْ أَفْرَايِمْ، أَيْوَى، بَنِي إِسْرَائِيلْ مَا مُلَبَّدِينْ لَيِّ. يَا نَاسْ أَفْرَايِمْ، إِنْتُو أَشَّرْمَطْتُوا، أَيْوَى، بَنِي إِسْرَائِيلْ أَنَّجَّسَوْا.»

هُوشَع 5:3 Referenca të Kryqëzuara

عَمُوس 3:2

«أَنَا عَزَلْتُكُو إِنْتُو وِحَيْدكُو مِنْ أُسُطْ كُلَّ قَبَايِلْ الْأَرْض. وَ فِي شَانْ دَا، أَنَا نِعَاقِبْكُو بِسَبَبْ كُلَّ خَطَايَاكُو.»

رُؤية 3:15

أَنَا نَعَرِفْ خِدِمْتَكْ. وَ نَعَرِفْ إِنْتَ بِقِيتْ مِثِلْ أَلْمِي دَافِي. أَخَيْر لَيِّ كَنْ إِنْتَ مِثِلْ أَلْمِي بَارِدْ وَلَّا مِثِلْ أَلْمِي حَامِي.

عِبْرَانِيِّين 4:13

وَ مَا فِي شَيّءْ فِي كُلَّ الْخَلِيقَةْ الْمُلَبَّدْ لِلّٰهْ. كُلَّ شَيّءْ مُكْشُوفْ وَ وَاضِحْ قِدَّامَهْ هُو بَسْ. وَ وَاجِبْ لَيْنَا أَنِحْنَ كُلِّنَا نَجُوا بِأَعْمَالْنَا أَشَانْ هُو يِحَاسِبْنَا.

عَمُوس 5:12

أَنَا عَالِمْ بِكُلَّ خَطَايَاكُو وَ ذُنُوبْكُو الْكَتِيرِينْ. تَظُلْمُوا الصَّالِحْ وَ تِشِيلُوا الرَّشْوَةْ وَ تَدْحَرَوْا الْفَقْرِي مِنْ حَقَّهْ فِي الشَّرِيعَةْ.

هُوشَع 13:1

وَكِتْ نَاسْ أَفْرَايِمْ حَجَّوْا، الْخَوْف بِقِي شَدِيدْ فِي بَلَدْ إِسْرَائِيلْ. وَ لَاكِنْ هُمَّنْ بِقَوْا خَاطِيِّينْ أَشَانْ عَبَدَوْا إِلٰـهْ بَعَلْ وَ مَاتَوْا بِسَبَبَهْ.

هُوشَع 12:1

قَبِيلَةْ أَفْرَايِمْ تَرْوَى بِرِيحْ وَ تَجْرِي وَرَاءْ رِيحْ الصَّبَاحْ. كُلَّ يَوْم هِي تِكَتِّرْ الْكِدِبْ وَ الدَّمَارْ. تِسَوِّي عَلَاقَةْ مَعَ أَشُورْ وَ تَنْطِيهْ دِهِنْ لِمَصِرْ فِي بَدَلْ السَّلَامْ.

هُوشَع 8:11

نَاسْ أَفْرَايِمْ كَتَّرَوْا الْمَدَابِحْ لِضَحَايَا هَنَا كَفَّارَةْ الذَّنِبْ. وَ لَاكِنْ الْمَدَابِحْ دَوْل سَبَّبَوْا لَيْهُمْ الذَّنِبْ.

هُوشَع 6:4

«يَا نَاسْ قَبِيلَةْ أَفْرَايِمْ، نِسَوِّي لَيْكُو شُنُو؟ يَا بَنِي يَهُوذَا، نِسَوِّي لَيْكُو شُنُو؟ مَحَبِّتْكُو مِثِلْ سَحَابْ الْفَجُرْ الْيُفُوتْ وَ مِثِلْ كَرَنْج الصَّبَاحْ الْمَا يِطَوِّلْ.

هُوشَع 5:13

نَاسْ أَفْرَايِمْ شَافَوْا مَرَضْهُمْ وَ بَنِي يَهُوذَا شَافَوْا عُوَارْهُمْ. وَ دَوَّرَوْا مُسَاعَدَةْ مِنْ بَلَدْ أَشُورْ وَ رَسَّلَوْا نَاسْ لِلْمَلِكْ الْكَبِيرْ. لَاكِنْ الْمَلِكْ دَا مَا يَقْدَرْ يَشْفِيهُمْ وَ مَا يَقْدَرْ يِدَاوِي عُوَارْهُمْ.

هُوشَع 5:11

ظَلَمَوْا نَاسْ أَفْرَايِمْ وَ عَوَّجَوْا شَرِيعِتْهُمْ أَشَانْ هُمَّنْ يِرِيدُوا يَجْرُوا وَرَاءْ الرِّيحْ.

هُوشَع 5:9

فِي يَوْم الْعِقَابْ، نَاسْ أَفْرَايِمْ يَخْرَبَوْا. وَ الْخَبَرْ النِّبَلِّغَهْ لَيْكُو، يَا قَبَايِلْ إِسْرَائِيلْ، هُو خَبَرْ أَكِيدْ.

إشَعْيا 7:17

وَ اللّٰهْ يِجِيبْ فَوْقَكْ إِنْتَ، يَا الْمَلِكْ أَحَازْ، وَ فِي شَعَبَكْ وَ عَايِلْتَكْ أَيَّامْ الْأَبَداً مَا جَوْا مِنْ يَوْم تُرَابْ أَفْرَايِمْ أَنْفَرَقْ مِنْ تُرَابْ يَهُوذَا. وَ الْأَيَّامْ الْفَسْلِينْ دَوْل يَجُوا لَيْك بِسَبَبْ مَلِكْ بَلَدْ أَشُورْ.»

إشَعْيا 7:5

أَشَانْ بَلَدْ أَرَامْ وَ تُرَابْ قَبِيلَةْ أَفْرَايِمْ وَ وِلَيْد رَمَلْيَا دَوَّرَوْا يِسَوُّوا لَيْك الْفَسَالَةْ وَ قَالَوْا:

تَثْنِية 33:17

هُو عِنْدَهْ شَرَفْ مِثِلْ تَوْر وَلْد الْبِكِرْ وَ قُرُونَهْ مِثِلْ قُرُونْ الْجَامُوسْ. بِضَرْبَةْ وَاحِدَةْ، هُو يَضْرُبْ بَيْهُمْ كُلَّ الشَّعَبْ لَحَدِّي آخِرْ الْأَرْض. وَ هُمَّنْ عَشَرَاتْ الْآلَافْ مِنْ عِيَالْ أَفْرَايِمْ وَ آلَافْ مِنْ عِيَالْ مَنَسَّى.

إشَعْيا 7:16

وَ لَاكِنْ قُبَّالْ الْوِلَيْد دَا مَا يَعَرِفْ الزَّيْن وَ الْفَسِلْ، تُرَابْ الْمُلُوكْ الْإِتْنَيْن دَوْل يَبْقَى خَلَاءْ.

هُوشَع 1:2

دَاهُو بِدَايَةْ كَلَامْ اللّٰهْ الْقَالَهْ بِوَاسِطَةْ النَّبِي هُوشَعْ. اللّٰهْ قَالْ لِهُوشَعْ: «أَمْشِي آخُدْ لَيْك مَرَةْ شَرْمُوطَةْ وَ أَلْدَ مِنْهَا عِيَالْ زِنَى. أَشَانْ نَاسْ الْبَلَدْ أَشَّرْمَطَوْا مَعَ الْأَصْنَامْ وَ أَبَوْنِي أَنَا اللّٰهْ.»

هُوشَع 6:10

«فِي أُسُطْ بَنِي إِسْرَائِيلْ، أَنَا شِفْت فَضِيحَةْ. فِي لُبُّهُمْ، نَاسْ أَفْرَايِمْ أَشَّرْمَطَوْا أَيْوَى، بَنِي إِسْرَائِيلْ أَنَّجَّسَوْا.

هُوشَع 13:5

أَنَا عِرِفْتُكُو فِي الصَّحَرَاءْ، فِي بَلَدْ الْيَبَاسْ.