هُوشَع 4:10 - الكتاب المقدس بالعربي الدارجي هنا تشاد

¹⁰ هُمَّنْ يَاكُلُوا وَ لَاكِنْ مَا يَشْبَعَوْا وَ يَزْنَوْا وَ لَاكِنْ مَا يَلْدَوْا عِيَالْ أَشَانْ هُمَّنْ أَبَوْا مَا شَالَوْا دَرْبِي أَنَا اللّٰهْ.

هُوشَع 4:10 Referenca të Kryqëzuara

مِيخا 6:14

إِنْتُو تَاكُلُوا وَ مَا تَشْبَعَوْا وَ الْجُوعْ يَسْكُنْ فِي بُطُونْكُو. إِنْتُو تَخْزُنُوا وَ مَا تَقْدَرَوْا تَحْفَضَوْه عَدِيلْ. وَ الْحَفَضْتُوهْ كُلَ، أَنَا نِسَلِّمَهْ لِلْحَرِبْ.

لاوِيِّين 26:26

وَ أَنَا نِوَقِّفْ مِنْكُو الْمَعَاشْ وَ عَشَرَةْ عَوِينْ يِسَوَّنْ لَيْكُو أَكِلْ فِي فُرُنْ وَاحِدْ. هِنَّ يِجِيبَنَّهْ لَيْكُو شِيَّةْ. إِنْتُو تَاكُلُوا وَ مَا تَشْبَعَوْا.

حَقَّاي 1:6

إِنْتُو تَيْرَبْتُوا كَتِيرْ وَ لِقِيتُوا شِيَّةْ وَ أَكَلْتُوا وَ مَا شِبِعْتُوا. وَ شِرِبْتُوا وَ مَا رِوِيتُوا وَ لِبِسْتُوا وَ قَاعِدِينْ بَرْدَانِينْ. وَ دَا مِثِلْ أُجْرِتْكُو دَسَّيْتُوهَا فِي جَيْب مَقْدُودْ.»

صَفَنْيا 1:6

وَ نُقُشّ الْيِخَلُّونِي أَنَا اللّٰهْ وَ الْمَا يِتَابُعُونِي وَ لَا يَسْأَلَوْا مِنِّي.»

هُوشَع 4:14

«أَنَا مَا نِعَاقِبْ بَنَاتْكُو بِسَبَبْ شَرْمَطَتْهِنْ وَ لَا نِعَاقِبْ عَوِينْ أَوْلَادْكُو بِسَبَبْ زِنَاهِنْ. أَشَانْ رُجَالْ الدِّينْ ذَاتْهُمْ يِنْفَرْدُوا بِالشَّرَامِيطْ وَ يِلْقَاسَمَوْا أَكِلْ الضَّحَايَا مَعَ الزَّنَّايَاتْ الْمُخَصَّصَاتْ. الشَّعَبْ الْمَا يَفْهَمَوْا يِوَدُّرُوا نُفُوسْهُمْ.»

حِزْقِيال 18:24

وَ لَاكِنْ كَنْ الصَّالِحْ يِخَلِّي عَدَالْتَهْ وَ يِسَوِّي الظُّلُمْ وَ يِسَوِّي كُلَّ الْمُحَرَّمَاتْ السَّوَّاهُمْ الْعَاصِي، هَلْ يَحْيَى وَلَّا؟ وَ كُلَّ الْعَدَالَةْ السَّوَّاهَا أَوَّلْ، مَا يِذَّكَّرَوْهَا بَتَّانْ. هُو يُمُوتْ بِسَبَبْ الْخِيَانَةْ وَ الذُّنُوبْ السَّوَّاهُمْ.

أمْثال 13:25

الصَّالِحْ يَاكُلْ وَ يَشْبِعْ نَفْسَهْ وَ لَاكِنْ الْعَاصِي بَطْنَهْ مَا تِنْمَلِي أَبَداً.

زَبُور 125:5

وَ لَاكِنْ النَّاسْ الْيِشِيلُوا الدَّرِبْ الْأَعْوَجْ، أَطْرُدْهُمْ، يَا اللّٰهْ، مَعَ النَّاسْ الْيِسَوُّوا الشَّرّ. وَ جِيبْ السَّلَامْ لِبَنِي إِسْرَائِيلْ!

زَبُور 36:3

وَ كَلَامْ خَشْمَهْ فَسَالَةْ وَ غَشّ وَ أَبَى الْحِكْمَةْ وَ خَلَّى الْخَيْر.

2 أخبار 24:17

وَ بَعَدْ مَوْت يَهُويَدَعْ، كُبَارَاتْ مَمْلَكَةْ يَهُوذَا جَوْا وَ سَجَدَوْا قِدَّامْ الْمَلِكْ. وَ الْمَلِكْ خَطَّ بَالَهْ وَ قَاعِدْ يَسْمَعْهُمْ.

إرْمِيا 34:15

وَ إِنْتُو الْيَوْم سَوَّيْتُوا الْعَدِيلْ قِدَّامِي. أَيِّ وَاحِدْ مِنْكُو عَالَنْ الْحُرِّيَّةْ لِأَخُوهْ وَ خَلَّاهْ مَشَى حُرّ. وَ دَا بِمُعَاهَدَتْكُو السَّوَّيْتُوهَا قِدَّامِي فِي بَيْتِي الْفَوْقَهْ أُسْمِي. وَ لَاكِنْ إِنْتُو نِدِمْتُوا!

حِزْقِيال 22:9

وَ فِي لُبِّكِ، فِيَّهْ نَاسْ الْيَنْقُلُوا الْكَلَامْ لِيَكْتُلُوا دِمَّةْ. وَ فِيكِ، يَاكُلُوا مِنْ ضَحَايَا الْأَصْنَامْ فِي رُوسَيْ الْجِبَالْ. وَ فِي أُسُطْكِ، يِسَوُّوا فِعِلْ شَيْن.

هُوشَع 7:4

هُمَّنْ كُلُّهُمْ زَنَّايِينْ وَ شَهْوِتْهُمْ مِثِلْ فُرُنْ مُقَبَّضْ. سِيدْ الْفُرُنْ مَا يِرَاقِبَهْ مِنْ عَجَّنْ دَقِيقَهْ لَحَدِّي عَجِينَهْ يُقُمّ.

إرْمِيا 9:12

وَ هَلْ فِي نَادُمْ حَكِيمْ يَفْهَمْ الشَّيّءْ دَا؟ كَنْ اللّٰهْ حَجَّى لَيَّهْ، خَلِّي يِفَسِّرَهْ. مَالَا الْبَلَدْ دِي أَدَّمَّرَتْ؟ وَ مَالَا هِي خِرْبَتْ وَ بِقَتْ صَحَرَاء وَ مَا فِي نَادُمْ الْيَجِي فَوْقَهْ؟