هُوشَع 3:5 - الكتاب المقدس بالعربي الدارجي هنا تشاد

⁵ وَ بَعَدْ دَا، بَنِي إِسْرَائِيلْ يِقَبُّلُوا يِتَابُعُوا اللّٰهْ إِلٰـهُّمْ وَ مَلِكْهُمْ الْمِنْ ذُرِّيَّةْ دَاوُدْ. وَ فِي آخِرْ الْوَكِتْ، يَخَافَوْا مِنْ اللّٰهْ وَ يَلْقَوْا خَيْرَهْ.

هُوشَع 3:5 Referenca të Kryqëzuara

إرْمِيا 30:9

وَ لَاكِنْ يَعَبُدُونِي أَنَا اللّٰهْ إِلٰـهُّمْ. وَ يَخْدُمُوا لِمَلِكْ مِنْ ذُرِّيَّةْ دَاوُدْ النِّثَبِّتَهْ فَوْقهُمْ.»

إشَعْيا 2:2

فِي آخِرْ الْوَكِتْ، جَبَلْ بَيْت اللّٰهْ يَثْبِتْ فِي رُوسَيْ الْجِبَالْ وَ يَبْقَى عَالِي مِنْ كُلَّ الْحُجَارْ. وَ كُلَّ الْأُمَمْ يَجُوا لَيَّهْ بِكَتَرَةْ مِثِلْ أَلْمِي الْجَارِي.

رَوْمَا 2:4

تِدَوْر تَحْقِرْ خَيْر اللّٰهْ الْعَظِيمْ وَ صَبْرَهْ وَ طُولْ رُوحَهْ وَلَّا؟ مَا تَعَرِفْ كَدَرْ هُو قَاعِدْ يِسَوِّي لَيْك الْخَيْر أَشَانْ يِدَوْر يِوَدِّيكْ لِلتَّوْبَةْ وَلَّا؟

مِيخا 4:1

وَ فِي آخِرْ الْوَكِتْ، جَبَلْ بَيْت اللّٰهْ يَثْبِتْ فِي رُوسَيْ الْجِبَالْ وَ يَبْقَى عَالِي مِنْ كُلَّ الْحُجَارْ. وَ الشُّعُوبْ يَجُوا لَيَّهْ بِكَتَرَةْ مِثِلْ أَلْمِي الْجَارِي.

حِزْقِيال 38:8

وَ بَعَدْ أَيَّامْ وَ فِي آخِرْ الْوَكِتْ، تِنَظِّمْ دَيْشَكْ وَ تَهْجِمْ بَلَدْ إِسْرَائِيلْ. زَمَانْ، شَعَبْهَا نِجَوْا مِنْ الْحَرِبْ وَ هَسَّعْ، قَبَّلَوْا كَتِيرِينْ مِنْ بَيْن الشُّعُوبْ وَ جَوْا لَمَّوْا فِي جِبَالْ إِسْرَائِيلْ الْخَرْبَانِينْ مِنْ مُدَّةْ طَوِيلَةْ. وَ هَسَّعْ كُلُّهُمْ سَاكْنِينْ بِأَمَانْ.

حِزْقِيال 16:63

وَ وَكِتْ تِفَكِّرِي فِي الْفَاتْ، الْعَيْب يَكْرُبْكِ وَ بَتَّانْ مَا تَقْدَرَيْ تُفُكِّي خَشُمْكِ أَشَانْ إِنْتِ وَدَّرْتِ شَرَفْكِ. وَ لَاكِنْ أَنَا نَغْفِرْ لَيْكِ كُلَّ شَيّءْ السَّوَّيْتِيهْ.» وَ دَا كَلَامْ اللّٰهْ الرَّبّ.

إرْمِيا 23:5

وَ دَاهُو كَلَامْ اللّٰهْ: «أَكِيدْ يَجِي يَوْم وَاحِدْ، أَنَا نِقَوِّمْ نَادُمْ صَالِحْ مِنْ ذُرِّيَّةْ دَاوُدْ مِثِلْ بِذْرَةْ. وَ النَّادُمْ دَا، أَنَا بَسْ نِدَرِّجَهْ مَلِكْ وَ هُو يَحْكِمْ بِحِكْمَةْ وَ يِجِيبْ الْحَقّ وَ الْعَدَالَةْ فِي الْبَلَدْ.

رَوْمَا 11:25

يَا أَخْوَانِي، نِدَوْر نِأَوْرِيكُو بِسِرّ وَاحِدْ الْاللّٰهْ بَيَّنَهْ لَيِّ. نِأَوْرِيكُو بَيَّهْ أَشَانْ كَنْ فِهِمْتُوهْ عَدِيلْ، مَا تِسْتَكْبَرَوْا فِي أَفْكَارْكُو. وَاحِدِينْ مِنْ بَنِي إِسْرَائِيلْ بِقَوْا عَاصِيِينْ وَ مَا يِآمُنُوا بِعِيسَى الْمَسِيحْ. وَ عِصْيَانْهُمْ دَا يُدُومْ لَحَدِّي عَدَدْ الْمُؤمِنِينْ مِنْ الْأُمَمْ يَلْحَقْ الْعَدَدْ الْاللّٰهْ يِدَوْرَهْ.

عَمُوس 9:11

«وَ فِي الْيَوْم دَا، نَبْنِي مِنْ جَدِيدْ مَدِينَةْ دَاوُدْ الْمُكَسَّرَةْ. وَ نِكَدِّكْ نُقَارْهَا وَ نِعَدِّلْ دَرَادِرْهَا وَ هِي تَبْقَى مِثِلْ أَوَّلْ.

هُوشَع 5:15

أَنَا نَمْرُقْ وَ نِقَبِّلْ فِي بَكَانِي لَحَدِّي يِعْتَرُفُوا بِخَطَاهُمْ وَ يِوَجُّهُوا عَلَيِّ. وَ فِي ضِيقِتْهُمْ دِي، يِفَتُّشُونِي.»

هُوشَع 5:6

يَمْشُوا يِقَدُّمُوا بَقَرْهُمْ وَ غَنَمْهُمْ ضَحَايَا لِيِفَتُّشُوا اللّٰهْ وَ لَاكِنْ مَا يَلْقَوْه أَشَانْ هُو خَلَّاهُمْ خَلَاصْ.

دَنْيال 10:14

وَ هَسَّعْ، جِيتْ نِفَسِّرْ لَيْك الشَّيّءْ الْيُكُونْ لِشَعَبَكْ بَعَدَيْن أَشَانْ الرُّؤْيَةْ دِي تُخُصّ آخِرْ الْوَكِتْ.»

دَنْيال 2:28

لَاكِنْ أَعَرِفْ كَدَرْ اللّٰهْ رَبّ السَّمَاوَاتْ يَكْشِفْ الْأَسْرَارْ. وَ هَسَّعْ، هُو وَصَّفْ لِلْمَلِكْ نَبُوخَدْنَصَرْ الشَّيّءْ الْيَبْقَى فِي الْأَيَّامْ الْجَايِينْ. وَ دَاهُو الْحِلِمْ وَ الرُّؤْيَةْ الْإِنْتَ شِفْتَهْ وَكِتْ إِنْتَ نَايِمْ فِي فُرَاشَكْ.

حِزْقِيال 38:16

وَ تَهْجُمُوا شَعَبِي بَنِي إِسْرَائِيلْ لَحَدِّي تِغَطُّوا الْبَلَدْ مِثِلْ سَحَابَايْ. وَ دَا يَبْقَى فِي آخِرْ الْوَكِتْ. يَا جُوجْ، أَنَا نِجِيبَكْ ضِدّ بَلَدِي وَ بَيْك إِنْتَ، نِوَصِّفْ قَدَاسْتِي قِدَّامْ الْأُمَمْ أَشَانْ يَعَرْفُونِي.“›»

إرْمِيا 33:17

وَ دَاهُو اللّٰهْ قَالْ: «أَيْوَى دَايْماً يُكُونْ نَادُمْ مِنْ ذُرِّيَّةْ دَاوُدْ الْيَقْعُدْ فِي كُرْسِي الْمُلُكْ هَنَا بَنِي إِسْرَائِيلْ.

1 مُلوك 12:16

وَ وَكِتْ كُلَّ قَبَايِلْ بَنِي إِسْرَائِيلْ شَافَوْا كَدَرْ الْمَلِكْ مَا سِمِعْ كَلَامْهُمْ دَا، قَالَوْا لَيَّهْ: «شُنُو الْيِلِمِّنَا مَعَ ذُرِّيَّةْ دَاوُدْ؟ أَنِحْنَ مَا عِنْدِنَا وَرَثَةْ مَعَ عِيَالْ يَسَّى! يَلَّا، يَا قَبَايِلْ إِسْرَائِيلْ، خَلِّي أَيِّ وَاحِدْ يِقَبِّلْ بَيْتَهْ! وَ هَسَّعْ دَا، يَا ذُرِّيَّةْ دَاوُدْ، هِمُّوا بِنُفُوسْكُو.» وَ بَنِي إِسْرَائِيلْ شَتَّوْا وَ قَبَّلَوْا بُيُوتْهُمْ.

تَثْنِية 4:30

وَ كَنْ فِي ضِيقِتْكُو تَوَاجُهُوا كُلَّ الْكَلَامْ دَا، خَلَاصْ فِي الأَخِيرْ، تِقَبُّلُوا لِلّٰهْ إِلٰـهْكُو وَ تَسْمَعَوْا كَلَامَهْ.

عَدد 24:14

وَ بَتَّانْ بَلْعَامْ قَالْ: «هَسَّعْ، قُبَّالْ مَا نِقَبِّلْ لِشَعَبِي، تَعَالْ نِأَوْرِيكْ بِالشَّيّءْ الْيِسَوِّيهْ الشَّعَبْ دَا بَعَدَيْن فِي شَعَبَكْ.»

إرْمِيا 33:9

وَ الْمَدِينَةْ دِي، تَبْقَى لَيِّ فَرَحْ وَ تِجِيبْ لَيِّ شُكُرْ وَ شَرَفْ قِدَّامْ كُلَّ أُمَمْ الْأَرْض الْيَسْمَعَوْا بِالْخَيْر الْأَنَا سَوَّيْتَهْ لِشَعَبِي. وَ الْأُمَمْ دَوْل يَخَافَوْا وَ يِبَرْجُلُوا بِسَبَبْ كُلَّ الْخَيْر وَ السَّلَامْ الْأَنَا جِبْتَهْ فِي الْمَدِينَةْ دِي.»

إرْمِيا 30:24

وَ غَضَبْ اللّٰهْ الْمُحْرِقْ مَا يَقِيفْ لَحَدِّي يِحَقِّقْ نِيّتَهْ الْهُو شَالْهَا. وَ فِي الأَخِيرْ، تَفْهَمَوْا الشَّيّءْ دَا عَدِيلْ.

إشَعْيا 2:3

وَ شُعُوبْ كَتِيرِينْ يَجُوا وَ يُقُولُوا: «تَعَالُوا نَطْلَعَوْا فِي جَبَلْ اللّٰهْ، فِي بَيْت إِلٰـهْ يَعْقُوبْ. هُو يِعَلِّمْنَا دَرْبَهْ وَ أَنِحْنَ نَمْشُوا فَوْقَهْ.» أَشَانْ مِنْ صَهْيُون، يَمُرْقُوا شُرُوطْ التَّوْرَاةْ وَ مِنْ مَدِينَةْ الْقُدُسْ يَمْرُقْ كَلَامْ اللّٰهْ.

إشَعْيا 9:13

الشَّعَبْ مَا قَبَّلَوْا لِإِلٰـهُّمْ الضَّرَبَاهُمْ وَ مَا فَتَّشَوْا اللّٰهْ الْقَادِرْ.

إشَعْيا 17:7

وَ فِي الْيَوْم دَا، الْإِنْسَانْ يِتْوَكَّلْ عَلَيْ إِلٰـهَهْ الْخَلَقَهْ وَ يِوَجِّهْ بِأَمَانْ عَلَيْ قُدُّوسْ إِسْرَائِيلْ.

هُوشَع 1:11

بَنِي يَهُوذَا وَ بَنِي إِسْرَائِيلْ يِلِمُّوا سَوَا وَ يِدَرُّجُوا نَادُمْ وَاحِدْ كَبِيرْ فَوْقهُمْ. وَ يَكْتَرَوْا فِي أَرْضُهُمْ فِي يَوْم كَبِيرْ الْبِنَادُوهْ يَزْرَعِيلْ (مَعَنَاتَهْ اللّٰهْ يَزْرَعْ).

هُوشَع 11:10

«نَاسْ الْفِي الْغُرْبَةْ يُقُمُّوا يِتَابُعُونِي وَكِتْ أَنَا اللّٰهْ نِكِرّ مِثِلْ الدُّودْ. أَيْوَى، أَنَا نَهْرِجْ وَ عِيَالِي يَرْجُفُوا وَ يَجُوا مِنْ غَادِي لِلْبَحَرْ.

إشَعْيا 60:5

وَ وَكِتْ تِشِيفِيهُمْ، تِرَارِي وَ قَلِبْكِ يَضْرُبْ مِنْ الْفَرَحْ. أَشَانْ عَلَيْكِ يَجِي كَنْز الْبُحُورْ بِكَتَرَةْ وَ غُنَى الْأُمَمْ تَجِي لَيْكِ.

هُوشَع 6:1

«تَعَالُوا نِقَبُّلُوا لِلّٰهْ أَشَانْ هُو بَسْ الْجَرَحْنَا وَ هُو بَسْ الْيَشْفِينَا. هُو بَسْ الضَّرَبَانَا وَ هُو بَسْ الْيِدَاوِي عُوَارْنَا.