هُوشَع 3:2 - الكتاب المقدس بالعربي الدارجي هنا تشاد

² خَلَاصْ، أَنَا مَشَيْت فَدَيْت مَرْتِي بِـ‍ 15 حَجَرْ فُضَّةْ وَ 4 شُوَالْ هَنَا قَمَحْ أَبْيَضْ.

هُوشَع 3:2 Referenca të Kryqëzuara

حِزْقِيال 45:11

وَ خَلِّي الْكَوْرَوْ الْبِنَادُوهْ أَيْفَةْ وَ الْمِكْيَالْ الْبِنَادُوهْ بَتّ يَبْقَوْا سَوَا سَوَا، أَيِّ وَاحِدْ مِنْهُمْ يِسَاوِي عُشُرْ هَنَا الْحَوْمَرْ. وَ الْحَوْمَرْ هُو يُكُونْ الْمِكْيَالْ الرَّسْمِي.

لاوِيِّين 27:16

«وَ كَنْ نَادُمْ خَصَّصْ بَكَانْ لِلّٰهْ مِنْ أَرْض وَرَثَتَهْ، تَمَنَهْ يَبْقَى حَسَبْ الشَّيّءْ التِّتَيْرُبُوهْ وَ دَا 50 حَجَرْ فُضَّةْ لِشُوَالَيْن وَ نُصّ هَنَا قَمَحْ أَبْيَضْ.

تكوين 34:12

وَ خُطُّوا فَوْقِي الْمَالْ التِّدَوْرُوهْ وَ هَدِيَّةْ كَتِيرَةْ وَ أَنَا نَنْطِيكُو كُلَّ شَيّءْ التِّدَوْرُوهْ. لَاكِنْ نِدَوْر الْبِنَيَّةْ دِي تَبْقَى مَرْتِي.»

إشَعْيا 5:10

وَ 10 حَبِلْ هَنَا جِنَيْنَةْ عِنَبْ يَنْتِجْ إِلَّا 10 كَوْرَوْ هَنَا عَصِيرْ وَ الْيِتَيْرِبْ 100 كَوْرَوْ هَنَا قَمَحْ يَلْقَى 10 كَوْرَوْ بَسْ.»

1 صَمُوِيل 18:25

وَ شَاوُولْ قَالْ: «قُولُوا لِدَاوُدْ: ‹الْمَلِكْ مَا بِدَوْر مِنَّكْ مَالْ فِي بِنَيِّتَهْ. لَاكِنْ هُو يِدَوْر مِيَةْ قُلَفْ هَنَا الْفِلِسْطِيِّينْ التَّكْتُلْهُمْ. أَشَانْ شَاوُولْ يِشِيلْ التَّارْ فِي عُدْوَانَهْ.›» وَ بَيْدَا، شَاوُولْ يَحْسِبْ يَرْمِي دَاوُدْ فِي إِيدْ الْفِلِسْطِيِّينْ.

خُروج 22:17

وَ كَنْ أَبُو الْبِنْت أَبَى كُلَ، الرَّاجِلْ وَاجِبْ يِكَفِّي جَيْب الْبَنَاتْ الْعُدْرِيَّاتْ.

تكوين 31:41

وَ بَيْدَا كُلَ، أَنَا قَعَدْت مَعَاكْ 20 سَنَةْ. وَ أَنَا خَدَمْت لَيْك 14 سَنَةْ أَشَانْ بَنَاتَكْ الْإِتْنَيْن. وَ سِتَّةْ سَنَةْ بَتَّانْ أَشَانْ نَلْقَى مِنَّكْ بَهَايِمْ. وَ بَيْدَا كُلَ، إِنْتَ غَيَّرْت مَاحِيّتِي عَشَرَةْ مَرَّاتْ.

رَعُوث 4:10

وَ أَنَا شِلْت رَعُوثْ الْمُوَابِيَّةْ مَرِةْ مَحْلُونْ لِتَبْقَى مَرْتِي أَشَانْ الْأَرْض تَقْعُدْ وَرَثَةْ لِأَهَلْ الْمَيِّتْ. وَ أُسْمَهْ مَا يِنْقَشَّ مِنْ الْعَايِلَةْ وَ يَقْعُدْ مُسَجَّلْ فِي دَفْتَرْ الْمَدِينَةْ. إِنْتُو الْيَوْم شَاهِدِينْ!»

هُوشَع 3:3

وَ قُلْت لَيْهَا: «أَقْعُدِي دَايْماً لَيِّ أَنَا وِحَيْدِي. مَا تِشَّرْمَطَيْ وَ لَا تَمْشِي لِرَاجِلْ آخَرْ. وَ أَنَا كُلَ مَا نِقَرِّبْ لَيْكِ.»