هُوشَع 12:3 - الكتاب المقدس بالعربي الدارجي هنا تشاد

³ حَتَّى فِي بَطُنْ أَمَّهْ كُلَ، يَعْقُوبْ غَشَّ شِقْ تَوْمَهْ. وَ وَكِتْ بِقِي رَاجِلْ، هُو صَارَعْ مَعَ الرَّبّ.

هُوشَع 12:3 Referenca të Kryqëzuara

تكوين 25:26

وَ بَعَدْ دَا، التَّانِي كُلَ مَرَقْ وَ كَارِبْ كَعَبْ أَخُوهْ عِيسُو. أَشَانْ دَا، سَمَّوْه يَعْقُوبْ (مَعَنَاتَهْ كَارِبْ كَعَبْ وَلَّا النَّجِيضْ). وَ إِسْحَاقْ عِنْدَهْ 60 سَنَةْ وَكِتْ وِلِدْ الْعِيَالْ دَوْل.

رَوْمَا 9:11

لَاكِنْ قُبَّالْ التِّيمَانْ مَا يَلْدَوْهُمْ وَ قُبَّالْ هُمَّنْ مَا يِسَوُّوا شَيّءْ وَ لَا زَيْن وَ لَا فَسِلْ، اللّٰهْ شَالْ نِيَّةْ وَ عَزَلْ وَاحِدْ مِنْهُمْ أَشَانْ نِيَّةْ اللّٰهْ تِتِمّ بِالْإِخْتِيَارْ.

2 مُلوك 17:18

وَ اللّٰهْ غِضِبْ غَضَبْ شَدِيدْ ضِدّ بَنِي إِسْرَائِيلْ وَ بَعَّدَاهُمْ مِنَّهْ وَ إِلَّا قَبِيلَةْ يَهُوذَا بَسْ فَضَّلَتْ.

2 مُلوك 17:20

وَ بِسَبَبْ دَا، اللّٰهْ أَبَاهُمْ لِكُلَّ ذُرِّيَّةْ بَنِي إِسْرَائِيلْ وَ عَيَّبَاهُمْ وَ سَلَّمَاهُمْ فِي إِيدْ النَّهَّابِينْ وَ فِي الأَخِيرْ، بَعَّدَاهُمْ مِنَّهْ.

2 مُلوك 17:23

لَحَدِّي اللّٰهْ طَرَدَاهُمْ بَعِيدْ مِنَّهْ حَسَبْ الْكَلَامْ الْهُو قَالَهْ بِوَاسِطَةْ عَبِيدَهْ الْأَنْبِيَاء. وَ بَيْدَا نَاسْ مَمْلَكَةْ إِسْرَائِيلْ، كَرَبَوْهُمْ وَ وَدَّوْهُمْ فِي الْغُرْبَةْ فِي بَلَدْ أَشُورْ بَعِيدْ مِنْ بَلَدْهُمْ وَ قَاعِدِينْ هِنَاكْ لَحَدِّي الْيَوْم.

إرْمِيا 2:9

وَ فِي شَانْ دَا، دَايْماً أَنَا نَشْكِيكُو فِي الشَّرِيعَةْ وَ نَشْكِي بَتَّانْ عِيَالْكُو وَ عِيَالْ عِيَالْكُو. وَ دَا كَلَامْ اللّٰهْ.

حِزْقِيال 7:3

وَ هَسَّعْ، جَاتْ نِهَايِتْكُو إِنْتُو. أَنَا نِرَسِّلْ غَضَبِي ضِدُّكُو وَ نِحَاكِمْكُو حَسَبْ دَرِبْكُو الشِّلْتُوهْ وَ نِحَمِّلْكُو نَتِيجَةْ عَمَلْكُو الْمُحَرَّمْ.

حِزْقِيال 7:8

وَ هَسَّعْ، قَرِيبْ نِنَزِّلْ غَضَبِي فَوْقكُو مِنْ بِدَايْتَهْ لَحَدِّي نِهَايْتَهْ. وَ نِحَاكِمْكُو حَسَبْ دَرِبْكُو الشِّلْتُوهْ وَ نِحَمِّلْكُو نَتِيجَةْ كُلَّ عَمَلْكُو الْمُحَرَّمْ.

هُوشَع 4:1

يَا بَنِي إِسْرَائِيلْ، أَسْمَعَوْا كَلَامْ اللّٰهْ! هُو قَالْ: «أَنَا اللّٰهْ نَشْكِي سُكَّانْ الْبَلَدْ دِي أَشَانْ مَا فِي أَمَانْ وَ مَا فِي رَحْمَةْ وَ مَا فِي مَعْرَفَةْ اللّٰهْ فِي الْبَلَدْ.

هُوشَع 4:9

الشَّعَبْ وَ رُجَالْ الدِّينْ يُكُونُوا سَوَا سَوَا. نِعَاقِبْهُمْ حَسَبْ دَرِبْهُمْ الشَّالَوْه وَ نِكَافِيهُمْ حَسَبْ عَمَلْهُمْ.

عَمُوس 2:4

وَ دَاهُو اللّٰهْ قَالْ: «بِسَبَبْ بَنِي يَهُوذَا عِصَوْا تَلَاتَةْ وَ أَرْبَعَةْ مَرَّاتْ، أَنَا أَبَداً مَا نِخَلِّي الْقَرَارْ الشِّلْتَهْ ضِدُّهُمْ. أَشَانْ أَبَوْا شُرُوطْ التَّوْرَاةْ وَ مَا يَحْفَضَوْا قَوَانِينِي. وَ تَابَعَوْا الْكِدِبْ وَ وَدَّرَوْا وَ دَا الْكِدِبْ الْأَبَّهَاتْهُمْ تَابَعَوْه.

مِيخا 6:2

يَا الْجِبَالْ! أَسْمَعَوْا شَكْوَةْ اللّٰهْ! إِنْتُو يَا أَسَاسْ الْأَرْض الْقَوِي، خُطُّوا بَالْكُو! اللّٰهْ يِجِيبْ شَعَبَهْ فِي الشَّرِيعَةْ وَ يُلُومْ بَنِي إِسْرَائِيلْ.»