هُوشَع 1:7 - الكتاب المقدس بالعربي الدارجي هنا تشاد

⁷ لَاكِنْ نَرْحَمْ بَنِي يَهُوذَا وَ أَنَا اللّٰهْ إِلٰـهُّمْ، نِنَجِّيهُمْ. أَيْوَى، نِنَجِّيهُمْ بَلَا نُبَّالْ وَ لَا سَيْف وَ لَا حَرِبْ وَ بَلَا خَيْل وَ لَا سِيَادْ خَيْل.»

هُوشَع 1:7 Referenca të Kryqëzuara

زَكَرِيَّا 4:6

وَ خَلَاصْ، هُو قَالْ لَيِّ: «اللّٰهْ حَجَّى لِزَرُبَابِلْ وَ قَالْ: ‹الْخِدْمَةْ دِي مَا بِقُوَّةْ وَ لَا بِقُدْرَةْ وَ لَاكِنْ بِرُوحِي أَنَا. وَ دَا، اللّٰهْ الْقَادِرْ بَسْ قَالَهْ.

إشَعْيا 12:2

دَاهُو الْإِلٰـهْ الْمُنَجِّي! أَنَا أَتْوَكَّلْت عَلَيَّهْ وَ بَتَّانْ مَا نَخَافْ. أَشَانْ قُدُرْتِي وَ قُوِّتِي، هُو اللّٰهْ وَ هُو بَسْ النَّجَّانِي.»

2 مُلوك 19:35

وَ خَلَاصْ فِي اللَّيْلَةْ دِي، مَلَكْ اللّٰهْ جَاءْ ضَرَبْ مُعَسْكَرْ الْأَشُورِيِّينْ وَ كَتَلْ 185 000 رَاجِلْ. وَ بِفَجُرْ وَكِتْ قَمَّوْا، الْفَضَّلَوْا مِنْهُمْ شَافَوْا كُلَّ الْجَنَازَاتْ دَوْل.

هُوشَع 11:12

«قَبِيلَةْ أَفْرَايِمْ حَوَّقَتْنِي بِكِدِبْ، أَيْوَى، بَنِي إِسْرَائِيلْ حَوَّقَتْنِي بِغَشّ. وَ لَاكِنْ بَنِي يَهُوذَا يَمْشُوا وَرَايِ وَ عِنْدُهُمْ أَمَانْ لَيِّ أَنَا الْقُدُّوسْ.»

إشَعْيا 7:14

وَ فِي شَانْ دَا، الرَّبّ هُو ذَاتَهْ يَنْطِيكُو عَلَامَةْ. دَاهُو الْبِنَيَّةْ غَلْبَانَةْ وَ تَلْدَ وِلَيْد وَ تِسَمِّيهْ عِمَّانُوِيل (مَعَنَاتَهْ اللّٰهْ مَعَانَا).

إشَعْيا 49:6

وَ اللّٰهْ قَالْ: «دَا شِيَّةْ لَيْك تَبْقَى عَبْدِي وَ تِثَبِّتْ قَبَايِلْ يَعْقُوبْ وَ تِقَبِّلْ الْفَضَّلَوْا مِنْ بَنِي إِسْرَائِيلْ. زِيَادَةْ مِنْ دَا، أَنَا نِسَوِّيكْ نُورْ لِلْأُمَمْ أَشَانْ نَجَاتِي تَلْحَقْ لَحَدِّي طَرَفْ الْأَرْض.»

زَبُور 33:16

كَتَرَةْ الدَّيْش مَا تَفْزَعْ الْمَلِكْ وَ الْقُوَّةْ الشَّدِيدَةْ مَا تِنَجِّي الْفَحَلْ.

1 صَمُوِيل 17:47

وَ كُلَّ النَّاسْ الْقَاعِدِينْ هِنِي يَعَرْفُوا كَدَرْ اللّٰهْ مَا يَنْصُرْ بِسَيْف وَ لَا بِحَرْبَةْ أَشَانْ اللّٰهْ هُو بَسْ سِيدْ الْحَرِبْ وَ الْيَوْم يِسَلِّمْكُو فِي إِيدَيْنَّا.»

2 مُلوك 19:29

«وَ دِي هِي الْعَلَامَةْ، يَا حِزْقِيَّا. فِي السَّنَةْ دِي، تَاكُلُوا مِنْ الْكِشَّيْب وَ فِي السَّنَةْ التَّانِيَةْ، تَاكُلُوا مِنْ الْبَنْدَرْ. وَ لَاكِنْ فِي السَّنَةْ التَّالْتَةْ، تِتَيْرُبُوا وَ تَقْطَعَوْا وَ تِمَقُّنُوا جِنَيْنَاتْكُو هَنَا الْعِنَبْ وَ تَاكُلُوا مِنْ فَوَاكِهُّمْ.

إشَعْيا 30:18

وَ فِي شَانْ دَا، اللّٰهْ يَرْجَى الْوَكِتْ الْمُنَاسِبْ لِيِحِنّ فَوْقكُو وَ يَرْحَمْكُو أَشَانْ اللّٰهْ الرَّبّ هُو عَادِلْ. مَبْرُوكْ لِكُلَّ النَّاسْ الْيُخُطُّوا عَشَمْهُمْ فَوْقَهْ!

إرْمِيا 25:5

وَ بِوَاسِطَةْ الْأَنْبِيَاء دَوْل اللّٰهْ قَالْ: ‹قَبُّلُوا أَيِّ وَاحِدْ مِنْ دَرْبَهْ الْهَوَانْ وَ مِنْ عَمَلَهْ الْفَسِلْ. وَ بَيْدَا، تَسْكُنُوا فِي الْأَرْض الْأَنْطَيْتهَا لَيْكُو إِنْتُو وَ لِجُدُودْكُو دَايْماً وَ إِلَى الْأَبَدْ.

إرْمِيا 25:6

أَنْقَرْعُوا! مَا تَجْرُوا وَرَاءْ إِلٰـهَاتْ آخَرِينْ وَ تَعَبُدُوهُمْ وَ تَسْجُدُوا قِدَّامْهُمْ. وَ مَا تِغَضُّبُونِي بِالْأَصْنَامْ السَّوَّيْتُوهُمْ بِإِيدَيْكُو. وَ خَلَاصْ بَيْدَا، أَنَا كُلَ مَا نِسَوِّي لَيْكُو شَيّءْ فَسِلْ.

إرْمِيا 33:26

وَ مِثِلْ دَا، أَنَا مَا نَقْدَرْ نِخَلِّي ذُرِّيَّةْ يَعْقُوبْ وَ ذُرِّيَّةْ دَاوُدْ عَبْدِي. وَ مِنْ ذُرِّيَّةْ دَاوُدْ بَسْ، نِشِيلْ مُلُوكْ الْيَمُلْكُوا فِي ذُرِّيَّةْ إِبْرَاهِيمْ وَ إِسْحَاقْ وَ يَعْقُوبْ. وَ نَرْحَمْهُمْ وَ نِقَبِّلْ نَاسْهُمْ الْوَدَّوْهُمْ فِي الْغُرْبَةْ.›»

هُوشَع 1:8

وَ مَرِةْ هُوشَعْ فَرَدَتْ مَا نَرْحَمْهَا. وَ بَعَدْ دَا، بَتَّانْ بِقَتْ غَلْبَانَةْ وَ وِلْدَتْ وِلَيْد.

خُروج 14:13

وَ لَاكِنْ مُوسَى رَدَّ لَيْهُمْ وَ قَالْ: «مَا تَخَافَوْا! أَقْعُدُوا بَكَانْ وَاحِدْ وَ شِيفُوا كِكَّيْف الْيَوْم اللّٰهْ يِنَجِّيكُو! الْمَصْرِيِّينْ الْإِنْتُو قَاعِدِينْ تِشِيفُوهُمْ الْيَوْم، أَبَداً مَا تِشِيفُوهُمْ!

خُروج 14:30

وَ فِي الْيَوْم دَا، اللّٰهْ نَجَّى بَنِي إِسْرَائِيلْ مِنْ الْمَصْرِيِّينْ وَ هُمَّنْ شَافَوْا جَنَازَاتْ الْمَصْرِيِّينْ مُشَتَّتِينْ فِي خَشُمْ الْبَحَرْ.

2 مُلوك 6:18

وَ عَسْكَرْ الْأَرَامِيَّيْن وَجَّهَوْا عَلَيْ أَلْيَسَعْ. وَ هُو شَحَدْ اللّٰهْ وَ قَالْ: «مِنْ فَضْلَكْ، أَضْرُبْ النَّاسْ دَوْل يَبْقَوْا عَمْيَانِينْ!» وَ طَوَّالِي، اللّٰهْ ضَرَبَاهُمْ وَ بِقَوْا عَمْيَانِينْ حَسَبْ كَلَامْ أَلْيَسَعْ.

2 مُلوك 19:34

أَنَا نَحْمِي الْمَدِينَةْ دِي وَ نِنَجِّيهَا. وَ دَا فِي شَانِي أَنَا اللّٰهْ وَ فِي شَانْ عَبْدِي دَاوُدْ.»

زَبُور 44:7

أَشَانْ إِنْتَ بَسْ التِّنَجِّينَا مِنْ عُدْوَانَّا وَ إِنْتَ بَسْ التِّعَيِّبْ الْيَكْرَهَوْنَا.