هُوشَع 1:4 - الكتاب المقدس بالعربي الدارجي هنا تشاد

⁴ وَ اللّٰهْ قَالْ لِهُوشَعْ: «سَمِّي وِلَيْدَكْ يَزْرَعِيلْ أَشَانْ بَعَدْ وَكِتْ شِيَّةْ، أَنَا نَطْلُبْ مِنْ ذُرِّيَّةْ يَاهُو الدَّمّ الْجِدُّهُمْ يَاهُو دَفَّقَهْ فِي وَادِي يَزْرَعِيلْ. وَ نُقُشّ مَمْلَكَةْ إِسْرَائِيلْ.

هُوشَع 1:4 Referenca të Kryqëzuara

هُوشَع 1:9

وَ اللّٰهْ قَالْ: «سَمِّي وِلَيْدَكْ مَا شَعَبِي أَشَانْ إِنْتُو مَا شَعَبِي وَ أَنَا كُلَ مَا إِلٰـهْكُو.»

هُوشَع 1:6

وَ مَرِةْ هُوشَعْ بَتَّانْ بِقَتْ غَلْبَانَةْ وَ وِلْدَتْ بِنَيَّةْ. وَ اللّٰهْ قَالْ لِهُوشَعْ: «سَمِّي بِنَيِّتَكْ مَا نَرْحَمْهَا أَشَانْ بَتَّانْ أَنَا مَا نَرْحَمْ بَنِي إِسْرَائِيلْ وَ مَا نَغْفِرْ لَيْهُمْ أَبَداً.

حِزْقِيال 23:31

وَ إِنْتِ تَابَعْتِ دَرِبْ أَخُتْكِ وَ بَيْدَا، إِنْتِ كُلَ تَشَرْبَيْ مِنْ كَاسْ عِقَابِي مِثِلْهَا.»

حِزْقِيال 23:10

هُمَّنْ سَلَّبَوْهَا وَ خَلَّوْهَا عَرْيَانَةْ. وَ شَالَوْا أَوْلَادْهَا وَ بَنَاتْهَا. وَ هِي كَمَانْ، كَتَلَوْهَا بِالْسَّيْف وَ عِقَابْ شَدِيدْ بِقِي فَوْقهَا. وَ هِي بِقَتْ مَثَلْ لِلْعَوِينْ.

إرْمِيا 23:2

وَ فِي شَانْ دَا، دَاهُو اللّٰهْ إِلٰـهْ بَنِي إِسْرَائِيلْ حَجَّى كَلَامْ بُخُصّ كُبَارَاتْ شَعَبَهْ الْيَسْرَحَوْا بَيْهُمْ. هُو قَالْ: «يَا الْكُبَارَاتْ! إِنْتُو بَسْ طَرَدْتُوا شَعَبِي وَ شَتَّتُّوهُمْ وَ مَا خَطَّيْتُوا بَالْكُو فَوْقهُمْ. وَ فِي شَانْ دَا، أَنَا نُخُطّ بَالِي فَوْقكُو وَ نِعَاقِبْكُو بِعَمَلْكُو الْفَسِلْ. وَ دَا كَلَامْ اللّٰهْ.

إرْمِيا 3:8

وَ أَنَا كُلَ شِفْتَهَا. أَيْوَى، بِسَبَبْ زِنَاهَا طَلَقْتَهَا لِإِسْرَائِيلْ الْكَافْرَةْ وَ أَنْطَيْتهَا مَكْتُوبْ الطَّلَاقْ. وَ لَاكِنْ بَيْدَا كُلَ، أَخُتْهَا يَهُوذَا الْخَايْنَةْ مَا حَسَّتْ بِأَيِّ خَوْف وَ هِي كُلَ قَمَّتْ أَشَّرْمَطَتْ.

إشَعْيا 9:6

أَشَانْ وِلْدَوْا لَيْنَا صَغِيرْ وَ الْوِلَيْد دَا، أَنْطَوْه لَيْنَا. وَ السُّلْطَةْ تَبْقَى فِي إِيدَيْنَهْ وَ يِنَادُوهْ بِالْأَسَامَيْ دَوْل، الْمُسْتَشَارْ الْعَجِيبْ وَ الْإِلٰـهْ الْقَادِرْ وَ الْأَبُو الدَّايِمْ وَ مَلِكْ السَّلَامْ.

إشَعْيا 7:14

وَ فِي شَانْ دَا، الرَّبّ هُو ذَاتَهْ يَنْطِيكُو عَلَامَةْ. دَاهُو الْبِنَيَّةْ غَلْبَانَةْ وَ تَلْدَ وِلَيْد وَ تِسَمِّيهْ عِمَّانُوِيل (مَعَنَاتَهْ اللّٰهْ مَعَانَا).

2 مُلوك 15:29

وَ وَكِتْ الْفَقَحْ قَاعِدْ يَمْلُكْ فِي مَمْلَكَةْ إِسْرَائِيلْ، تَغْلَتْ فَلَاسَرْ مَلِكْ بَلَدْ أَشُورْ جَاءْ وَ شَالْ حِلَّالْ عِيُونْ وَ آبِلْ بَيْت مَعَاكَةْ وَ يَنُوحْ وَ قَدَشْ وَ حَاصُورْ وَ تُرَابْ قِلْعَادْ وَ بَلَدْ الْجَلِيلْ وَ كُلَّ أَرْض نَفْتَالِي. وَ وَدَّى سُكَّانْهُمْ فِي الْغُرْبَةْ فِي بَلَدْ أَشُورْ.

2 مُلوك 10:17

وَ وَكِتْ وَصَّلْ فِي السَّامِرَةْ، يَاهُو كَتَلْ كُلَّ النَّاسْ الْفَضَّلَوْا مِنْ عَايِلَةْ أَخَابْ السَّاكْنِينْ فِي الْحِلَّةْ. هُو دَمَّرَاهُمْ كُلُّهُمْ حَسَبْ كَلَامْ اللّٰهْ الْقَالَهْ لِلنَّبِي إِلِيَاسْ.

يُوحَنَّا 1:42

وَ أَنْدَرَيَّسْ وَدَّى سِمْعَانْ لِعِيسَى. وَ عِيسَى شَافْ سِمْعَانْ فِي عُيُونَهْ وَ قَالْ: «إِنْتَ سِمْعَانْ وِلَيْد يُوحَنَّا. يِسَمُّوكْ صَفَا.» وَ صَفَا مَعَنَاتَهْ حَجَرْ وَ بِاللُّغَّةْ الْيُونَانِيَّةْ دَا بُطْرُسْ.

لُوقا 1:63

وَ هُو طَلَبْ مِنْهُمْ لَوْح وَ كَتَبْ فَوْقَهْ: «أُسْمَهْ يَحْيَى.» وَ كُلُّهُمْ أَلْعَجَّبَوْا.

لُوقا 1:31

دَاهُو إِنْتِ تَبْقَيْ غَلْبَانَةْ وَ تَلْدَيْ وِلَيْد وَ تِسَمِّيهْ عِيسَى.

لُوقا 1:13

وَ الْمَلَكْ قَالْ لَيَّهْ: «يَا زَكَرِيَّا، مَا تَخَافْ. اللّٰهْ سِمِعْ دُعَاكْ. مَرْتَكْ أَلِصَابَاتْ تَلْدَ لَيْك وِلَيْد وَ سَمِّيهْ يَحْيَى.

مَتَّى 1:21

وَ هِي تَلْدَ وِلَيْد وَ إِنْتَ تِسَمِّيهْ عِيسَى أَشَانْ هُو بَسْ النَّادُمْ الْيِنَجِّي شَعَبَهْ مِنْ ذُنُوبْهُمْ.»

هُوشَع 9:17

إِلٰـهِي يَرْفُضْهُمْ أَشَانْ هُمَّنْ مَا سِمْعَوْه وَ يِعِيرُوا فِي أُسْط الْأُمَمْ.

هُوشَع 2:22

وَ الْأَرْض تَقْبَلْ طَلَبْ الْقَمَحْ وَ شَدَرْ الْعِنَبْ وَ الزَّيْتُونْ. وَ هُمَّنْ يَقْبَلَوْا طَلَبْ وَادِي يَزْرَعِيلْ الْبَكَانْ الْأَنَا اللّٰهْ نَزْرَعْ فَوْقَهْ.

هُوشَع 2:13

أَنَا نِعَاقِبْهَا بِسَبَبْ الْأَيَّامْ الْهِي حَرَّقَتْ فَوْقهُمْ بَخُورْ لِأَصْنَامْ بَعَلْ. هِي أَلْجَمَّلَتْ بِشِنِفْهَا وَ زِينِتْهَا وَ جَرَتْ وَرَاءْ صُدْقَانْهَا وَ خَلَاصْ، نِسَتْنِي.» وَ دَا كَلَامْ اللّٰهْ.

2 مُلوك 15:8

وَ فِي سَنِةْ 38 هَنَا حُكُمْ عُزِّيَّا مَلِكْ مَمْلَكَةْ يَهُوذَا، زَكَرِيَّا وِلَيْد يَرُبَعَامْ بِقِي مَلِكْ فِي مَمْلَكَةْ إِسْرَائِيلْ فِي مَدِينَةْ السَّامِرَةْ. وَ هُو حَكَمْ سِتَّةْ شَهَرْ.

إرْمِيا 20:3

وَ أَمْبَاكِرْ فَجُرْ وَكِتْ فَشْحُورْ جَاءْ حَلَّ الْقَيْد مِنْ إِرْمِيَا، إِرْمِيَا قَالْ: «اللّٰهْ قَالْ بَتَّانْ مَا يِنَادُوكْ فَشْحُورْ لَاكِنْ يِنَادُوكْ الْمُخِيفْ فِي كُلَّ بَكَانْ.

يَشُوع 19:18

وَ حُدُودْهُمْ يَمْشُوا عَلَيْ يَزْرَعِيلْ وَ كَسُلُوتْ وَ شُونَمْ

2 مُلوك 10:1

وَ الْمَلِكْ أَخَابْ عِنْدَهْ 70 نَاسْ مِنْ عَايِلْتَهْ السَّاكْنِينْ فِي مَدِينَةْ السَّامِرَةْ. وَ يَاهُو رَسَّلْ جَوَابَاتْ فِي السَّامِرَةْ لِشُيُوخْ حِلَّةْ يَزْرَعِيلْ وَ لِكُبَارَاتْ الشَّعَبْ وَ لِلنَّاسْ الْمُكَلَّفِينْ بِتَرْبِيَةْ عِيَالْ أَخَابْ. وَ قَالْ لَيْهُمْ:

إشَعْيا 8:3

وَ أَنَا قَرَّبْت لِمَرْتِي النَّبِيَّةْ وَ هِي بِقَتْ غَلْبَانَةْ وَ وِلْدَتْ وِلَيْد. وَ اللّٰهْ قَالْ لَيِّ: «سَمِّي وِلَيْدَكْ مَهِيرْ شَلَالْ حَاشْ بَزْ (مَعَنَاتَهْ أَجْرِي لِلْغَنِيمَةْ وَ أَمْشِي عَجَلَةْ لِلنَّهِبْ).

عَمُوس 9:8

أَسْمَعَوْا! أَنَا اللّٰهْ الرَّبّ نِرَاقِبْ فَوْقكُو، إِنْتُو مَمْلَكَةْ الْمُذْنِبِينْ، وَ نُقُشُّكُو مِنْ وِجْه الْأَرْض. وَ لَاكِنْ بَيْدَا كُلَ، مَا نُقُشّ ذُرِّيَّةْ يَعْقُوبْ مَرَّةْ وَاحِدْ. وَ دَا كَلَامْ اللّٰهْ.