هُوشَع 1:1 - الكتاب المقدس بالعربي الدارجي هنا تشاد

¹ دَاهُو كَلَامْ اللّٰهْ الْقَالَهْ لِهُوشَعْ وِلَيْد بِيرِي. وَ دَا فِي أَيَّامْ حُكُمْ عُزِّيَّا وَ يُوتَامْ وَ أَحَازْ وَ حِزْقِيَّا مُلُوكْ مَمْلَكَةْ يَهُوذَا وَ فِي أَيَّامْ حُكُمْ يَرُبَعَامْ وِلَيْد يَهُآشْ مَلِكْ مَمْلَكَةْ إِسْرَائِيلْ.

هُوشَع 1:1 Referenca të Kryqëzuara

رَوْمَا 9:25

وَ دَا يِوَافِقْ مَعَ الْكَلَامْ الْقَالَهْ فِي كِتَابْ النَّبِي هُوشَعْ. قَالْ: <النَّاسْ الْأَوَّلْ مَا شَعَبِي، نِنَادِيهُمْ شَعَبِي وَ الشَّعَبْ الْأَوَّلْ مَا حَبَّيْتهُمْ، نُقُولْ لَيْهُمْ: «يَا الْمَحْبُوبِينْ.»>

مِيخا 1:1

وَ دَاهُو كَلَامْ اللّٰهْ الْقَالَهْ فِي رُؤْيَةْ لِمِيخَا الْمِنْ حِلَّةْ مُورَشَتْ الْبُخُصّ مُدُنْ السَّامِرَةْ وَ مَدِينَةْ الْقُدُسْ. وَ دَا فِي أَيَّامْ حُكُمْ يُوتَامْ وَ أَحَازْ وَ حِزْقِيَّا مُلُوكْ مَمْلَكَةْ يَهُوذَا.

إشَعْيا 1:1

دَاهُو رُؤْيَةْ إِشَعْيَا وِلَيْد أَمُّوصْ التُّخُصّ بَلَدْ يَهُوذَا وَ مَدِينَةْ الْقُدُسْ. وَ الرُّؤْيَةْ دِي كَانَتْ فِي أَيَّامْ حُكُمْ عُزِّيَّا وَ يُوتَامْ وَ أَحَازْ وَ حِزْقِيَّا مُلُوكْ مَمْلَكَةْ يَهُوذَا.

عَمُوس 1:1

دَاهُو الْكَلَامْ الْبُخُصّ بَنِي إِسْرَائِيلْ الْجَاءْ لِعَمُوسْ فِي رُؤْيَةْ. وَ عَمُوسْ دَا وَاحِدْ مِنْ رُعْيَانْ الْغَنَمْ هَنَا حِلَّةْ تَقُوعَةْ. وَ الرُّؤْيَةْ دِي بِقَتْ فِي أَيَّامْ حُكُمْ عُزِّيَّا مَلِكْ مَمْلَكَةْ يَهُوذَا وَ فِي أَيَّامْ حُكُمْ يَرُبَعَامْ وِلَيْد يَهُآشْ مَلِكْ مَمْلَكَةْ إِسْرَائِيلْ. وَ دَا بِسَنْتَيْن قَبُلْ الزِّلْزَالْ.

2 مُلوك 15:32

وَ فِي السَّنَةْ التَّانِيَةْ هَنَا حُكُمْ فَقَحْ وِلَيْد رَمَلْيَا مَلِكْ مَمْلَكَةْ إِسْرَائِيلْ، يُوتَامْ وِلَيْد عُزِّيَّا بِقِي مَلِكْ فِي مَمْلَكَةْ يَهُوذَا.

2 مُلوك 14:16

وَ يَهُآشْ مَاتْ وَ لِحِقْ أَبَّهَاتَهْ وَ دَفَنَوْه فِي مَدِينَةْ السَّامِرَةْ مَعَ مُلُوكْ مَمْلَكَةْ إِسْرَائِيلْ. وَ بَعَدْ دَا، وِلَيْدَهْ يَرُبَعَامْ حَكَمْ فِي بَدَلَهْ.

2 بُطْرُس 1:21

أَشَانْ كَلَامْ الْأَنْبِيَاء أَبَداً مَا جَاءْ مِنْ نِيَّةْ إِنْسَانْ لَاكِنْ الرُّوحْ الْقُدُّوسْ بَسْ لَزَّ الرُّجَالْ دَوْل وَ هُمَّنْ حَجَّوْا كَلَامْ نَازِلْ مِنْ اللّٰهْ.

يُوحَنَّا 10:35

وَ كِتَابْ اللّٰهْ دَايْماً صَحِيحْ. اللّٰهْ قَالْ: ‹إِنْتُو إِلٰـهَاتْ› لِلنَّاسْ الْكَلَامْ اللّٰهْ جَاءْ لَيْهُمْ.

زَكَرِيَّا 1:1

فِي الشَّهَرْ التَّامِنْ فِي السَّنَةْ التَّانِيَةْ هَنَا حُكُمْ دَارِيُوسْ مَلِكْ بَلَدْ فَارِسْ، اللّٰهْ حَجَّى لِلنَّبِي زَكَرِيَّا وِلَيْد بَرَكْيَا وِلَيْد عِدُّو وَ قَالْ لَيَّهْ:

يُونُس 1:1

يَوْم وَاحِدْ، اللّٰهْ حَجَّى لِيُونُسْ وِلَيْد أَمِتَّايْ وَ قَالْ:

يُوِيل 1:1

دَاهُو كَلَامْ اللّٰهْ الْقَالَهْ لِيُوِيلْ وِلَيْد فَتُوِيلْ.

حِزْقِيال 1:3

وَ هِنَاكْ فِي بَلَدْ بَابِلْ قَرِيبْ لِبَحَرْ خَابُورْ، اللّٰهْ حَجَّى لَيِّ أَنَا حِزْقِيَالْ وِلَيْد بُوزِي رَاجِلْ الدِّينْ. وَ هِنَاكْ قُدْرَةْ اللّٰهْ قَاعِدَةْ فَوْقِي.

إرْمِيا 1:4

وَ اللّٰهْ حَجَّى لَيِّ أَنَا إِرْمِيَا وَ قَالْ:

إرْمِيا 1:2

وَ اللّٰهْ بَدَا يِحَجِّي لِإِرْمِيَا فِي سَنِةْ 13 هَنَا حُكُمْ يُوشِيَّا وِلَيْد آمُونْ مَلِكْ مَمْلَكَةْ يَهُوذَا.

2 مُلوك 13:13

وَ يَهُآشْ مَاتْ وَ لِحِقْ أَبَّهَاتَهْ وَ دَفَنَوْه فِي مَدِينَةْ السَّامِرَةْ مَعَ مُلُوكْ مَمْلَكَةْ إِسْرَائِيلْ. وَ وِلَيْدَهْ يَرُبَعَامْ حَكَمْ فِي بَدَلَهْ.

2 مُلوك 14:23

وَ فِي سَنِةْ 15 هَنَا حُكُمْ أَمَصْيَا وِلَيْد يُوَاشْ مَلِكْ مَمْلَكَةْ يَهُوذَا، يَرُبَعَامْ وِلَيْد يَهُآشْ بِقِي مَلِكْ فِي مَمْلَكَةْ إِسْرَائِيلْ فِي مَدِينَةْ السَّامِرَةْ. وَ هُو حَكَمْ 41 سَنَةْ.

2 مُلوك 15:5

وَ اللّٰهْ نَزَّلْ مَرَضْ الْجِدَامْ فِي الْمَلِكْ وَ هُو قَعَدْ مُجَدِّمْ لَحَدِّي مَوْتَهْ. وَ هُو سَكَنْ فِي بَيْت وِحَيْدَهْ طَرَفْ. وَ يُوتَامْ وِلَيْد الْمَلِكْ بِقِي مَسْؤُولْ فِي الْقَصِرْ وَ حَكَمْ فِي شَعَبْ الْبَلَدْ.

2 مُلوك 15:7

وَ عُزِّيَّا مَاتْ وَ لِحِقْ أَبَّهَاتَهْ وَ دَفَنَوْه فِي قَبُرْ جُدُودَهْ فِي مَدِينَةْ دَاوُدْ. وَ وِلَيْدَهْ يُوتَامْ حَكَمْ فِي بَدَلَهْ.

2 أخبار 27:1

وَ يُوتَامْ عِنْدَهْ 25 سَنَةْ وَكِتْ بِقِي مَلِكْ وَ حَكَمْ 16 سَنَةْ فِي مَدِينَةْ الْقُدُسْ. وَ أَمَّهْ أُسُمْهَا يَرُوشَةْ بِنَيَّةْ صَدُوقْ.

2 أخبار 28:1

وَ أَحَازْ عِنْدَهْ 20 سَنَةْ وَكِتْ بِقِي مَلِكْ وَ حَكَمْ 16 سَنَةْ فِي مَدِينَةْ الْقُدُسْ. وَ هُو مَا سَوَّى الْعَدِيلْ قِدَّامْ اللّٰهْ مِثِلْ جِدَّهْ دَاوُدْ.

2 أخبار 29:33

وَ كَنْ لِلضَّحَايَا الْآخَرِينْ، جَابَوْا 600 بَقَرْ وَ 3 000 غَنَمْ.

إشَعْيا 7:1

وَ رَصِينْ مَلِكْ بَلَدْ أَرَامْ وَ فَقَحْ وِلَيْد رَمَلْيَا مَلِكْ مَمْلَكَةْ إِسْرَائِيلْ قَمَّوْا ضِدّ مَدِينَةْ الْقُدُسْ لِيِحَارُبُوهَا وَ لَاكِنْ مَا قِدْرَوْا يَهْجُمُوهَا. وَ دَا فِي أَيَّامْ حُكُمْ أَحَازْ وِلَيْد يُوتَامْ وِلَيْد عُزِّيَّا مَلِكْ مَمْلَكَةْ يَهُوذَا.