عِبْرَانِيِّين 3:3 - الكتاب المقدس بالعربي الدارجي هنا تشاد

³ لَاكِنْ الشَّرَفْ الْوَاجِبْ لِعِيسَى زِيَادَةْ مِنْ الشَّرَفْ الْوَاجِبْ لِمُوسَى مِثِلْ النَّادُمْ الْبَنَى الْبَيْت مُكَرَّمْ زِيَادَةْ مِنْ الْبَيْت الْهُو بَنَاهْ.

عِبْرَانِيِّين 3:3 Referenca të Kryqëzuara

1 كُرُنْتُس 3:9

وَ خَلَاصْ، أَنِحْنَ أَخْوَانْ فِي خِدْمَةْ اللّٰهْ وَ إِنْتُو بِقِيتُوا جِنَيْنَةْ هَنَا اللّٰهْ. أَوْ بِمَثَلْ آخَرْ، إِنْتُو بِقِيتُوا الْبَيْت الْاللّٰهْ قَاعِدْ يَبْنِيهْ.

عِبْرَانِيِّين 2:9

لَاكِنْ النِّشِيفُوهْ، هُو عِيسَى. وَ عِيسَى دَا، اللّٰهْ نَزَّلَهْ تِحِتْ مِنْ الْمَلَائِكَةْ لِمُدَّةْ قِصَيْرَةْ وَ بَعَدْ دَا، اللّٰهْ أَنْطَاهْ عَظَمَةْ وَ شَرَفْ بِسَبَبْ تَعَبَهْ وَ مَوْتَهْ. أَشَانْ بِرَحْمَةْ اللّٰهْ، عِيسَى دَاقْ الْمَوْت فِي شَانْ كُلَّ النَّاسْ.

عِبْرَانِيِّين 3:6

لَاكِنْ الْمَسِيحْ بِقِي أَمِينْ أَشَانْ هُو إِبْن اللّٰهْ وَ هُو بَسْ الْمَسْؤُولْ فِي بَيْت اللّٰهْ. وَ أَنِحْنَ بِنُفُوسْنَا بَسْ بَيْتَهْ، كَنْ نَقْعُدُوا ثَابْتِينْ بَلَا شَكَكْ وَ نُخُطُّوا عَشَمْنَا دَايْماً فِي الْمَسِيحْ الْأَنِحْنَ نِلْفَشَّرَوْا بَيَّهْ.

كُلُوسِي 1:18

هُو بَسْ رَاسْ الْجِسِمْ وَ الْجِسِمْ هُو أُمَّةْ الْمَسِيحْ. وَ هُو الْبِدَايَةْ وَ أَوَّلْ نَادُمْ الْبَعَثْ مِنْ أُسْط الْمَيْتِينْ. وَ اللّٰهْ سَوَّى مِثِلْ دَا أَشَانْ إِبْنَهْ يَبْقَى الْأَوَّلْ فِي كُلِّ شَيّءْ.

مَتَّى 16:18

وَ نُقُولْ لَيْك أُسْمَكْ بُطْرُسْ (مَعَنَاتَهْ حَجَرْ). وَ نِأَسِّسْ أُمَّتِي فِي الْحَجَرْ دَا وَ الْمَوْت مَا يِنَّصِرْ فَوْقَهَا.

زَكَرِيَّا 4:9

«إِيدَيْن زَرُبَابِلْ خَطَّوْا أَسَاسْ الْبَيْت دَا وَ إِيدَيْنَهْ بَسْ يِكَمُّلُوهْ.» وَ بَيْدَا، تَعَرْفُوا كَدَرْ اللّٰهْ الْقَادِرْ بَسْ رَسَّلَانِي لَيْكُو.

2 كُرُنْتُس 3:7

شُرُوطْ التَّوْرَاةْ كَتَبَوْهُمْ فِي لِيحَانْ هَنَا حَجَرْ وَ نُورْ اللّٰهْ الْمَجِيدْ بَانْ وَكِتْ هُو نَزَّلَاهُمْ. وَ النُّورْ الْمَجِيدْ دَا شَدِيدْ لَحَدِّي بَنِي إِسْرَائِيلْ مَا قِدْرَوْا يِشِيفُوا النُّورْ الْقَاعِدْ فِي وِجِهْ مُوسَى. وَ النُّورْ دَا مَا طَوَّلْ. وَ كَنْ كَلَامْ اللّٰهْ الْحَكَمْ النَّاسْ بِالْمَوْت دَا نَزَلْ بِنُورْ مَجِيدْ،

عِبْرَانِيِّين 3:4

وَ كُلِّ بَيْت عِنْدَهْ نَادُمْ الْبَنَاهْ وَ لَاكِنْ اللّٰهْ بَسْ الْبَنَى كُلَّ شَيّءْ.