عِبْرَانِيِّين 3:2 - الكتاب المقدس بالعربي الدارجي هنا تشاد

² وَ هُو أَمِينْ لِلّٰهْ الْكَلَّفَهْ بِالْخِدْمَةْ دِي مِثِلْ زَمَانْ مُوسَى كُلَ بِقِي أَمِينْ فِي الْخِدْمَةْ الْاللّٰهْ كَلَّفَهْ بَيْهَا فِي كُلَّ بَيْتَهْ.

عِبْرَانِيِّين 3:2 Referenca të Kryqëzuara

عَدد 12:7

وَ لَاكِنْ دَا مَا مِثِلْ أَنَا قَاعِدْ نِسَوِّيهْ مَعَ مُوسَى عَبْدِي أَشَانْ هُو رَاجِلْ أَمِينْ فِي كُلَّ شَعَبِي.

1 تِمُوتَاوُس 3:15

كَنْ نِأَخِّرْ كُلَ، إِنْتَ تَعَرِفْ الْحَالْ الْوَاجْبَةْ لِأَهَلْ اللّٰهْ. هُمَّنْ نَاسْ اللّٰهْ أُمَّةْ الْمَسِيحْ. وَ أُمَّةْ الْمَسِيحْ، هِي عَمُودْ الْحَقّ وَ أَسَاسَهْ.

أفَسُس 2:22

بِعَلَاقِتْكُو مَعَ الْمَسِيحْ، اللّٰهْ قَاعِدْ يَبْنِي بَيْتَهْ بَيْكُو إِنْتُو كُلَ مَعَ كُلَّ الصَّالِحِينْ أَشَانْ تَبْقَوْا الْبَكَانْ الْاللّٰهْ يَسْكُنْ فَوْقَهْ بِرُوحَهْ.

عِبْرَانِيِّين 2:17

وَ بِسَبَبْ دَا، لَابُدَّ يَبْقَى مِثِلْ أَخْوَانَهْ فِي كُلَّ شَيّءْ وَ يَبْقَى لَيْهُمْ كَبِيرْ رُجَالْ الدِّينْ، الرَّحِيمْ وَ الْأَمِينْ، وَ يَخْدِمْ لِلّٰهْ وَ يِسَوِّي كَفَّارَةْ لِذُنُوبْ الشَّعَبْ.

يُوحَنَّا 17:4

أَنَا كَمَّلْت الْعَمَلْ الْإِنْتَ كَلَّفْتِنِي بَيَّهْ وَ بَيْدَا، أَنَا مَجَّدْتَكْ فِي الْأَرْض.

1 تِمُوتَاوُس 1:12

وَ أَنَا نَشْكُرْ كَتِيرْ رَبِّنَا عِيسَى الْمَسِيحْ الْأَنْطَانِي الْقُدْرَةْ الْبَيْهَا نِسَوِّي الْخِدْمَةْ دِي. نَشْكُرَهْ أَشَانْ هُو جَعَلَانِي نَادُمْ أَمِينْ وَ عَزَلَانِي أَشَانْ نَخْدِمْ لَيَّهْ.

يُوحَنَّا 15:10

كَنْ إِنْتُو تِتَابُعُوا الْوَصَايَا الْأَنْطَيْتهُمْ لَيْكُو، إِنْتُو تَبْقَوْا ثَابْتِينْ فِي مَحَبِّتِي مِثِلْ أَنَا ثَابِتْ فِي مَحَبَّةْ أَبُويِ أَشَانْ أَنَا تَابَعْت وَصِيَّاتَهْ.

يُوحَنَّا 8:29

وَ الرَّسَّلَانِي قَاعِدْ مَعَايِ. هُو مَا خَلَّانِي وِحَيْدِي أَشَانْ نِسَوِّي دَايْماً كُلَّ شَيّءْ الْهُو يَرْضَى بَيَّهْ.»

يُوحَنَّا 7:18

أَيِّ نَادُمْ الْقَاعِدْ يِعَلِّمْ النَّاسْ بِتَعْلِيمْ حَقَّهْ حَلَالَهْ، هُو يِدَوْر شُكُرْ مِنْ النَّاسْ. لَاكِنْ النَّادُمْ الْيِدَوْر النَّاسْ يَشْكُرُوا اللّٰهْ الرَّسَّلَهْ، النَّادُمْ دَا كَلَامَهْ صَحِيحْ وَ هُو مَا يُغُشّ أَيِّ نَادُمْ.

تَثْنِية 4:5

شِيفُوا، أَنَا عَلَّمْتُكُو قَوَانِينْ وَ شُرُوطْ مِثِلْ اللّٰهْ إِلٰـهِي أَمَرَانِي بَيَّهْ أَشَانْ تِطَبُّقُوهُمْ فِي الْبَلَدْ التَّدْخُلُوا فَوْقهَا وَ تِشِيلُوهَا وَرَثَةْ.

1 صَمُوِيل 12:6

وَ خَلَاصْ، صَمُوِيلْ قَالْ لِلشَّعَبْ: «أَيْوَى! اللّٰهْ هُو بَسْ الْعَزَلْ مُوسَى وَ هَارُونْ وَ مَرَقْ جُدُودْكُو مِنْ بَلَدْ مَصِرْ.

خُروج 40:16

وَ مُوسَى سَوَّى كُلَّ شَيّءْ مِثِلْ اللّٰهْ أَمَرَهْ بَيَّهْ. وَ دَا بَسْ الْهُو سَوَّاهْ.