عِبْرَانِيِّين 2:3 - الكتاب المقدس بالعربي الدارجي هنا تشاد

³ وَ كِكَّيْف أَنِحْنَ نَنْجَوْا كَنْ مَا نِتَابُعُوا عَدِيلْ كَلَامْ هَنَا النَّجَاةْ الْمُهِمَّةْ دِي؟ الْأَوَّلْ بَلَّغَاهَا، هُو رَبِّنَا. وَ الشُّهُودْ السِّمْعَوْا كَلَامَهْ أَكَّدَوْهَا لَيْنَا.

عِبْرَانِيِّين 2:3 Referenca të Kryqëzuara

عِبْرَانِيِّين 12:25

أَنْقَرْعُوا! مَا تَابَوْا الْيِكَلِّمْ لَيْكُو. أَشَانْ كَنْ نَاسْ الزَّمَانْ مَا نِجَوْا وَكِتْ أَبَوْا مَا تَابَعَوْا كَلَامْ مُوسَى الْحَذَّرْهُمْ فِي الْأَرْض، كِكَّيْف أَنِحْنَ نَنْجَوْا كَنْ نَابَوْا كَلَامْ الْيِحَذِّرْنَا مِنْ السَّمَاءْ؟

رَوْمَا 2:3

أَسْمَعْ، يَا نَادُمْ التُّلُومْ النَّاسْ وَ تِسَوِّي نَفْس الشَّيّءْ مِثِلْهُمْ، فِي فِكْرَكْ إِنْتَ تَنْجَى مِنْ حِسَابْ اللّٰهْ وَلَّا؟

عِبْرَانِيِّين 5:9

وَ خَلَاصْ، هُو بِقِي الْمُنَجِّي الْكَامِلْ وَ بِقِي دَرِبْ النَّجَاةْ الْأَبَدِيَّةْ لِكُلَّ النَّاسْ الْيِتَابُعُوا كَلَامَهْ.

أعمال الرُسُل 4:12

مَا فِي نَجَاةْ إِلَّا بِعِيسَى وِحَيْدَهْ. وَ فِي كُلَّ الْأَرْض، مَا فِي أُسُمْ آخَرْ الْاللّٰهْ نَزَّلَهْ لِلنَّاسْ الْوَاجِبْ أَنِحْنَ نِآمُنُوا بَيَّهْ وَ نَنْجَوْا، إِلَّا بِأُسُمْ عِيسَى!»

حِزْقِيال 17:15

«‹وَ لَاكِنْ الْمَلِكْ دَا أَتْمَرَّدْ ضِدّ مَلِكْ بَابِلْ. هُو رَسَّلْ نَاسَهْ لِمَصِرْ أَشَانْ يَنْطُوهْ خَيْل وَ عَسْكَرْ كَتِيرِينْ. هَلْ مَلِكْ مِثِلْ دَا يَنْجَحْ وَلَّا؟ هَلْ نَادُمْ السَّوَّى مُؤآمَرَةْ مِثِلْ دِي يَنْجَى وَلَّا؟ هَلْ هُو النَّقَضْ الْعَلَاقَةْ دِي يَنْجَى وَلَّا؟

عِبْرَانِيِّين 4:11

وَ خَلَاصْ، خَلِّي نِجَاهُدُوا لِنَدْخُلُوا فِي الرَّاحَةْ دِي، أَشَانْ نَادُمْ مِنِّنَا مَا يِوَدِّرْ بِسَبَبْ الْعِصْيَانْ مِثِلْ جُدُودْنَا.

عِبْرَانِيِّين 1:2

وَ هَسَّعْ فِي الزَّمَنْ الْأَخِيرْ، اللّٰهْ كَلَّمْ لَيْنَا بِوَاسِطَةْ إِبْنَهْ الْهُو جَعَلَهْ وَرِيثْ هَنَا كُلَّ شَيّءْ. وَ بَيَّهْ هُو بَسْ، اللّٰهْ خَلَقْ كُلَّ شَيّءْ.

لُوقا 1:2

وَ قَمَّوْا يَكْتُبُوا الْكَلَامْ الْأَنِحْنَ لِقِينَاهْ مِنْ النَّاسْ الْهُمَّنْ شُهُودْ مِنْ الْبِدَايَةْ لِكَلَامْ اللّٰهْ وَ بِقَوْا خَدَّامِينَهْ.

رُؤية 7:10

وَ كُلُّهُمْ صَرَخَوْا بِحِسّ شَدِيدْ وَ قَالَوْا: «النَّجَاةْ جَايَةْ مِنْ رَبِّنَا الْقَاعِدْ فِي الْعَرْش وَ الْحَمَلْ!»

تِيطُس 2:11

أَكِيدْ، نِعْمَةْ اللّٰهْ بَانَتْ فِي الْمَسِيحْ أَشَانْ تِنَجِّي كُلَّ النَّاسْ.

1 تِمُوتَاوُس 1:15

نُقُولُوا الْمَسِيحْ عِيسَى جَاءْ فِي الدُّنْيَا أَشَانْ يِنَجِّي الْمُذْنِبِينْ وَ الْكَلَامْ دَا حَقّ وَ وَاجِبْ لِكُلَّ النَّاسْ يِصَدُّقُوا بَيَّهْ. وَ أَنَا أَذْنَبْت فَوْقَهْ زِيَادَةْ مِنْ كُلَّ النَّاسْ.

مَتَّى 23:33

يَا الدَّبِيبْ! يَا عِيَالْ أَمْ شِدَيْقَاتْ! كِكَّيْف تَنْجَوْا مِنْ عَذَابْ جَهَنَّمْ؟

إشَعْيا 62:11

وَ دَاهُو اللّٰهْ خَبَّرْ لَحَدِّي آخِرْ الْأَرْض وَ قَالْ: «قُولُوا لِسُكَّانْ صَهْيُون الْمِثِلْ بِنَيَّةْ: ‹دَاهُو مُنَجِّيكُو جَايِ وَ مَاحِيّتَهْ مَعَايَهْ وَ قِدَّامَهْ مُكَافَاتَهْ.›»

إشَعْيا 51:5

عَدَالْتِي قَرِيبَةْ وَ نَجَاتِي تَجِي وَ بِدُرَاعِي، نِحَاكِمْ الشُّعُوبْ. وَ فَوْقِي أَنَا، سُكَّانْ الْجَزَايِرْ يُخُطُّوا عَشَمْهُمْ وَ هُمَّنْ يَرْجَوْا دُرَاعِي.

إشَعْيا 12:2

دَاهُو الْإِلٰـهْ الْمُنَجِّي! أَنَا أَتْوَكَّلْت عَلَيَّهْ وَ بَتَّانْ مَا نَخَافْ. أَشَانْ قُدُرْتِي وَ قُوِّتِي، هُو اللّٰهْ وَ هُو بَسْ النَّجَّانِي.»

عِبْرَانِيِّين 4:1

وَعَدْ اللّٰهْ الْبُخُصّ الدَّخُولْ فِي رَاحْتَهْ لِسَّاعْ قَاعِدْ. أَنْقَرْعُوا! خَلِّي أَيِّ نَادُمْ مِنْكُو يَدْخُلْ فِي الرَّاحَةْ دِي بَلَا فَشَلْ.

أعمال الرُسُل 2:22

«يَا بَنِي إِسْرَائِيلْ، أَسْمَعَوْا كَلَامِي! اللّٰهْ وَصَّفْ لَيْكُو سُلْطَةْ عِيسَى الْمِنْ النَّاصِرَةْ. أَشَانْ بَيَّهْ هُو اللّٰهْ سَوَّى أَعْمَالْ كُبَارْ وَ عَجَايِبْ وَ عَلَامَاتْ فِي أُسُطْكُو. وَ إِنْتُو ذَاتْكُو تَعَرْفُوهْ عَدِيلْ.

أعمال الرُسُل 1:22

مِنْ يَحْيَى غَطَّسَهْ فِي أَلْمِي لَحَدِّي الْيَوْم الْاللّٰهْ رَفَعَهْ مِنِّنَا وَ شَالَهْ فِي السَّمَاءْ. وَ النَّادُمْ النَّعَزُلُوهْ يَبْقَى شَاهِدْ مَعَانَا فِي بُعَاثْ عِيسَى.»

يُوحَنَّا 15:27

وَ إِنْتُو كُلَ تَشْهَدَوْا لَيِّ أَشَانْ إِنْتُو قَاعِدِينْ مَعَايِ مِنْ الْبِدَايَةْ.»

لُوقا 24:19

وَ عِيسَى قَالْ لَيْهُمْ: «شُنُو الشَّيّءْ الْبِقِي؟» وَ قَالَوْا لَيَّهْ: «الشَّيّءْ الْبُخُصّ عِيسَى الْمِنْ النَّاصِرَةْ. هُو كَانْ نَبِي وَ عِنْدَهْ قُدْرَةْ فِي الْكَلَامْ وَ الْخِدْمَةْ، قِدَّامْ اللّٰهْ وَ قِدَّامْ كُلَّ النَّاسْ.

مَرْخُوس 1:14

وَ يَحْيَى كَرَبَوْه فِي السِّجِنْ. وَ بَعَدْ دَا، عِيسَى مَشَى فِي دَارْ الْجَلِيلْ وَ بَلَّغْ لِلنَّاسْ بِشَارَةْ اللّٰهْ.

حِزْقِيال 17:18

الْمَلِكْ دَا قَطَعْ حَلِيفْتَهْ وَ نَقَضْ مُعَاهَدَتَهْ الْهُو مَضَى فَوْقهَا وَ سَوَّى كُلَّ الشَّيّءْ دَا. وَ بَيْدَا، هُو مَا يَنْجَى.›»

إشَعْيا 51:8

أَشَانْ الْعِتَّةْ تَاكُلْهُمْ مِثِلْ خَلَقْ وَ السُّوسَةْ تَاكُلْهُمْ مِثِلْ صُوفْ الْغَنَمْ. وَ لَاكِنْ عَدَالْتِي تَقْعُدْ دَايْماً وَ نَجَاتِي تَقْعُدْ مِنْ ذُرِّيَّةْ لِذُرِّيَّةْ.»

إشَعْيا 20:6

وَ فِي الْيَوْم دَا، سُكَّانْ خَشُمْ الْبَحَرْ يُقُولُوا: ‹شِيفُوا! خَطَّيْنَا عَشَمْنَا فَوْقهُمْ لِيَفْزَعَوْنَا وَ يِنَجُّونَا مِنْ مَلِكْ أَشُورْ. وَ هَسَّعْ دَا، كِكَّيْف أَنِحْنَ نِنَجُّوا نُفُوسْنَا؟›»

1 تَسَلونِيكِي 5:3

وَكِتْ النَّاسْ قَاعِدِينْ يُقُولُوا: «عِنْدِنَا الصِّحَّةْ وَ السَّلَامْ»، فِي الْوَكِتْ الْمِثِلْ دَا بَسْ، الْهَلَاكْ يَضْرُبْهُمْ عَجَلَةْ مِثِلْ الطَّلَقَةْ تَجِي عَجَلَةْ لِلْمَرَةْ الْغَلْبَانَةْ. مَا مُمْكِنْ يِنْبَلْصُوا.

لُوقا 1:69

هُو رَسَّلْ لَيْنَا نَادُمْ قَادِرْ مِنْ ذُرِّيَّةْ عَبْدَهْ دَاوُدْ أَشَانْ يِنَجِّينَا.

مَتَّى 4:17

وَ مِنْ الْوَكِتْ دَاكْ، عِيسَى بَدَا يِبَلِّغْ كَلَامْ اللّٰهْ وَ قَالْ: «تُوبُوا مِنْ ذُنُوبْكُو! أَشَانْ مَمْلَكَةْ اللّٰهْ قَرَّبَتْ.»

رَوْمَا 11:14

أَشَانْ أَكُونْ نِسَوِّي أَخْوَانِي الْيَهُودْ يَحْسُدُوكُو وَ أَكُونْ بِمِثِلْ دَا، نِنَجِّي وَاحِدِينْ مِنْهُمْ.

1 كُرُنْتُس 1:21

أَشَانْ اللّٰهْ سَوَّى كُلَّ شَيّءْ حَسَبْ حِكْمَتَهْ وَ لَاكِنْ نَاسْ الدُّنْيَا مَا أَعْتَرَفَوْا بَيَّهْ. وَ خَلَاصْ اللّٰهْ شَالْ نِيَّةْ أَشَانْ يِنَجِّي النَّاسْ الْيِآمُنُوا بَيَّهْ بِطَرِيقْ الْبِشَارَةْ، حَتَّى كَانْ نَاسْ الدُّنْيَا يِشِيفُوهْ كَلامْ بَاطِلْ كُلَ.

عِبْرَانِيِّين 1:1

فِي الزَّمَنْ الْفَاتْ، اللّٰهْ كَلَّمْ لِجُدُودْنَا بِوَاسِطَةْ الْأَنْبِيَاء عِدَّةْ مَرَّاتْ وَ بِطُرُقْ شِقْ شِقْ.

عِبْرَانِيِّين 1:14

وَ الْمَلَائِكَةْ هُمَّنْ كُلُّهُمْ أَرْوَاحْ خَدَّامِينْ بَسْ وَ اللّٰهْ يِرَسِّلْهُمْ أَشَانْ يَخْدُمُوا فِي شَانْ النَّاسْ الْيَلْقَوْا النَّجَاةْ.

عِبْرَانِيِّين 9:28

وَ الْمَسِيحْ كُلَ قَدَّمْ نَفْسَهْ مَرَّةْ وَاحِدَةْ أَشَانْ يَمْحَا ذُنُوبْ هَنَا نَاسْ كَتِيرِينْ. وَ هُو يَجِي بَتَّانْ مَرَّةْ تَانِيَةْ مَا أَشَانْ يَمْحَا الذُّنُوبْ وَ لَاكِنْ أَشَانْ يِنَجِّي النَّاسْ الْقَاعِدِينْ يَرْجَوْه.

1 يُوحَنَّا 1:1

الْكَلَامْ النِّبَلُّغُوهْ لَيْكُو قَاعِدْ مِنْ الْبِدَايَةْ وَ أَنِحْنَ سِمِعْنَاهْ وَ شِفْنَاهْ بِعُيُونَّا لَحَدِّي عِرِفْنَاهْ عَدِيلْ كَيْ وَ لَمَّسْنَاهْ بِإِيدَيْنَّا وَ هُو كَلَامْ الْحَيَاةْ.

يَهُوذَا 1:17

يَا أَخْوَانِي النِّحِبُّكُو، فَكُّرُوا فِي كَلَامْ الرُّسُلْ هَنَا رَبِّنَا عِيسَى الْمَسِيحْ الْقَالَوْه مِنْ أَوَّلْ.