عِبْرَانِيِّين 2:2 - الكتاب المقدس بالعربي الدارجي هنا تشاد

² نَعَرْفُوا كَدَرْ الْكَلَامْ الْمَلَائِكَةْ اللّٰهْ بَلَّغَوْه حَقّ وَ أَيِّ نَادُمْ الْخَالَفَهْ أَوْ أَبَاهْ يِجِيبْ فِي نَفْسَهْ الْعِقَابْ الْوَاجِبْ لَيَّهْ.

عِبْرَانِيِّين 2:2 Referenca të Kryqëzuara

أعمال الرُسُل 7:53

إِنْتُو بَسْ النَّاسْ الْاللّٰهْ نَزَّلْ لَيْكُو التَّوْرَاةْ بِوَاسِطَةْ الْمَلَائِكَةْ وَ لَاكِنْ مَا تَابَعْتُوا كَلَامَهْ!»

غَلاطِية 3:19

وَ كَنْ كَيْ دَا، مَالَا اللّٰهْ نَزَّلْ التَّوْرَاةْ لِمُوسَى؟ اللّٰهْ زَادْ لِجُدُودْنَا التَّوْرَاةْ بِكُلَّ شُرُوطَهْ بِسَبَبْ ذُنُوبْ النَّاسْ. وَ دَوَّرْ النَّاسْ يِتَابُعُوا شُرُوطْ التَّوْرَاةْ لَحَدِّي النَّادُمْ الْمِنْ ذُرِّيَّةْ إِبْرَاهِيمْ الْاللّٰهْ وَاعَدَهْ بِالْبَرَكَةْ يَجِي. وَ التَّوْرَاةْ دَا، الْمَلَائِكَةْ نَزَّلَوْه فِي إِيدْ وَسِيطْ وَ هُو مُوسَى.

عِبْرَانِيِّين 10:28

نَعَرْفُوا كَدَرْ أَيِّ نَادُمْ الْأَبَى مَا تَابَعْ شُرُوطْ تَوْرَاةْ مُوسَى وَ شُهُودْ إِتْنَيْن أَوْ تَلَاتَةْ شَهَدَوْا فَوْقَهْ، النَّادُمْ دَا يَكْتُلُوهْ بَلَا مَحَنَّةْ.

يَهُوذَا 1:5

وَ نِدَوْر نِذَكِّرْكُو بِالْكَلَامْ الْإِنْتُو ذَاتْكُو تَعَرْفُوهْ تَمَامْ. اللّٰهْ نَجَّى شَعَبَهْ وَ مَرَقَاهُمْ مِنْ بَلَدْ مَصِرْ وَ بَعَدَيْن هُو دَمَّرْ مِنْهُمْ النَّاسْ الْمَا آمَنَوْا بَيَّهْ.

تَثْنِية 27:26

«وَ مَلْعُونْ الْمَا يِشِيلْ كَلَامْ الْوَصَايَا دَوْل وَ يِطَبِّقْهُمْ.» وَ كُلَّ الشَّعَبْ يُقُولُوا: «آمِينْ!»

عِبْرَانِيِّين 11:26

هُو جَعَلْ كَدَرْ الْمُعْيَارْ الْيَجِي فَوْقَهْ فِي شَانْ الْمَسِيحْ عِنْدَهْ فَايْدَةْ كَتِيرَةْ مِنْ كُلَّ دَهَبْ مَصِرْ. وَ هُو خَطَّ فِكْرَهْ فِي الْأَجُرْ الْقِدَّامَهْ.

عِبْرَانِيِّين 10:35

وَ فِي كُلَّ الْكَلَامْ دَا، نُقُولْ لَيْكُو مَا تِخَلُّوا إِيمَانْكُو الْقَوِي الْيِجِيبْ لَيْكُو أَجُرْ كَبِيرْ بِلْحَيْن.

تَثْنِية 17:12

وَ لَاكِنْ النَّادُمْ الْيِسَوِّي أَيِّ شَيّءْ بِإِسْتِكْبَارْ وَ مَا يَسْمَعْ كَلَامْ رُجَالْ الدِّينْ الْقَاعِدِينْ يَخْدُمُوا لِلّٰهْ إِلٰـهْكُو وَ لَا يَسْمَعْ كَلَامْ الْقُضْيَاءْ، النَّادُمْ دَا وَاجِبْ يُمُوتْ. وَ بَيْدَا، تَمُرْقُوا الشَّرّ مِنْ أُسُطْ بَنِي إِسْرَائِيلْ.

تَثْنِية 17:5

خَلَاصْ فِي الْبَكَانْ دَا، جِيبُوا الرَّاجِلْ أَوْ الْمَرَةْ السَّوَّى الْفَسَالَةْ دِي فِي خَشُمْ بَابْ الْمَدِينَةْ وَ أَرْجُمُوهْ لَحَدِّي يُمُوتْ.

عِبْرَانِيِّين 11:6

وَ بَلَا إِيمَانْ، نَادُمْ مَا يَلْقَى رِضَى اللّٰهْ. أَشَانْ أَيِّ نَادُمْ الْيِدَوْر يِقَرِّبْ لِلّٰهْ، وَاجِبْ يِآمِنْ كَدَرْ اللّٰهْ مَوْجُودْ وَ يَنْطِي أَجُرْ لِلنَّاسْ الْيِفَتُّشُوهْ.

عِبْرَانِيِّين 1:1

فِي الزَّمَنْ الْفَاتْ، اللّٰهْ كَلَّمْ لِجُدُودْنَا بِوَاسِطَةْ الْأَنْبِيَاء عِدَّةْ مَرَّاتْ وَ بِطُرُقْ شِقْ شِقْ.

زَبُور 68:17

عَرَبَاتْ الْحَرِبْ هَنَا الرَّبّ يِنْحَسْبُوا مِنْ عِشْرِينْ أَلِفْ لَحَدِّي آلَافْ الْآلَافْ وَ هُو جَاءْ مَعَاهُمْ مِنْ سِينَاء لِبَكَانَهْ الْمُقَدَّسْ.

تَثْنِية 17:2

أَكُونْ فِي مَرَةْ أَوْ رَاجِلْ قَاعِدْ مَعَاكُو فِي وَاحِدَةْ مِنْ مُدُنْكُو الْأَنْطَاهُمْ لَيْكُو اللّٰهْ إِلٰـهْكُو وَ النَّادُمْ دَا يِسَوِّي الْفَسَالَةْ قِدَّامْ اللّٰهْ وَ مَا يِكَرِّمْ مُعَاهَدَتَهْ.

عَدد 25:9

وَ الْمَاتَوْا مِنْ الْوَبَاءْ دَا، عَدَدْهُمْ 24 000 نَاسْ.

عَدد 21:6

وَ خَلَاصْ اللّٰهْ رَسَّلْ لَيْهُمْ دَبِيبْ أَمْ شِدَيْقَاتْ وَ عَضَّوْا كَتِيرْ مِنْ بَنِي إِسْرَائِيلْ وَ كَتَلَاهُمْ.

عَدد 16:49

وَ النَّاسْ الْكَتَلْهُمْ الْوَبَاءْ عَدَدْهُمْ 14 700. وَ دَا بَلَا النَّاسْ الْمَاتَوْا فِي مُشْكِلَةْ قُورَحْ.

عَدد 11:33

وَ وَكِتْ قَاعِدِينْ يَاكُلُوا اللَّحَمْ وَ لِسَّاعْ مَا كَمَّلَوْا مِنْ أَكْلَهْ كَيْ بَسْ، اللّٰهْ غِضِبْ غَضَبْ شَدِيدْ وَ ضَرَبَاهُمْ بِوَبَاءْ شَدِيدْ.

تَثْنِية 32:2

وَ خَلِّي تَعْلِيمِي يِسِيلْ مِثِلْ أَلْمِي الْمَطَرْ وَ كَلَامِي يَنْزِلْ مِثِلْ كَرَنْج وَ مِثِلْ هَدَبْ أَلْمِي فِي الْخَضَارْ وَ مِثِلْ مَطَرْ فِي الْقَشّ.

عِبْرَانِيِّين 12:25

أَنْقَرْعُوا! مَا تَابَوْا الْيِكَلِّمْ لَيْكُو. أَشَانْ كَنْ نَاسْ الزَّمَانْ مَا نِجَوْا وَكِتْ أَبَوْا مَا تَابَعَوْا كَلَامْ مُوسَى الْحَذَّرْهُمْ فِي الْأَرْض، كِكَّيْف أَنِحْنَ نَنْجَوْا كَنْ نَابَوْا كَلَامْ الْيِحَذِّرْنَا مِنْ السَّمَاءْ؟

2 بُطْرُس 1:19

وَ بَيْدَا، أَنِحْنَ مُؤَكِّدِينْ زِيَادَةْ كَدَرْ كَلَامْ الْأَنْبِيَاء صَحِيحْ. وَ خَلَاصْ، وَاجِبْ تُخُطُّوا بَالْكُو لِكَلَامْهُمْ الْمِثِلْ ضَيّ الْيِضَوِّي فِي بَكَانْ أَضْلَمْ لَحَدِّي الْوَطَاةْ تَبْقَى مِثِلْ نَهَارْ وَ نَجْمَةْ الْفَجُرْ تَطْلَعْ فِي قُلُوبْكُو.