عِبْرَانِيِّين 13:3 - الكتاب المقدس بالعربي الدارجي هنا تشاد

³ فَكُّرُوا فِي أَخْوَانْكُو الْقَاعِدِينْ فِي السِّجِنْ وَ أَجْعَلَوْا نُفُوسْكُو مِثِلْ قَاعِدِينْ مَعَاهُمْ. وَ أَخْوَانْكُو الْقَاعِدِينْ يَحْمَلَوْا التَّعَبْ، فَكُّرُوا فَوْقهُمْ أَشَانْ جِسِمْهُمْ مِثِلْ جِسِمْكُو.

عِبْرَانِيِّين 13:3 Referenca të Kryqëzuara

مَتَّى 25:36

وَ أَنَا عَرْيَانْ وَ إِنْتُو كَسَّيْتُونِي. وَ وَكِتْ أَنَا مَرْضَانْ، إِنْتُو جِيتُوا لَيِّ زِيَارَةْ وَ وَكِتْ أَنَا فِي السِّجِنْ، إِنْتُو جِيتُوا شِفْتُونِي.›

عِبْرَانِيِّين 10:34

وَ إِنْتُو حَنَّيْتُوا لِلْمَسَاجِينْ. وَ وَكِتْ النَّاسْ نَهَبَوْا مَالْكُو، إِنْتُو فَرْحَانِينْ أَشَانْ عِرِفْتُوا كَدَرْ عِنْدُكُو مَالْ أَخَيْر مِنَّهْ قَاعِدْ قِدَّامْكُو وَ الْمَالْ دَا يَقْعُدْ دَايْماً.

رَوْمَا 12:15

أَفْرَحَوْا مَعَ الْفَرْحَانِينْ وَ أَحْزَنَوْا مَعَ الْحَزْنَانِينْ.

1 كُرُنْتُس 12:26

وَ كَنْ وَاحِدْ مِنْهُمْ تَعْبَانْ، كُلُّهُمْ تَعْبَانِينْ سَوَا. وَ كَنْ وَاحِدْ يَلْقَى شَرَفْ، كُلُّهُمْ فَرْحَانِينْ سَوَا.

كُلُوسِي 4:18

وَ خَلَاصْ، أَنَا ذَاتِي شِلْت الْقَلَمْ وَ نَكْتِبْ: «أَنَا بُولُسْ نِسَلِّمْكُو.» مَا تَنْسَوْا كَدَرْ أَنَا قَاعِدْ فِي السِّجِنْ وَ مُجَنْزَرْ. وَ عَلَيْكُمْ رَحْمَةْ الرَّبّ.

1 بُطْرُس 3:8

وَ آخِرْ شَيّءْ نُقُولَهْ لَيْكُو كُلُّكُو، خَلِّي قَلِبْكُو يَبْقَى وَاحِدْ وَ خَلِّي رُوحْكُو تَبْقَى طَوِيلَةْ. أَرَّايَدَوْا أَمْبَيْنَاتْكُو بِمَحَبَّةْ أَخَوِيَّةْ وَ بِقَلِبْ حَنُونْ وَ مَسْكُنُوا نُفُوسْكُو.

مَتَّى 25:43

وَ أَنَا ضَيْف فِي بَلَدْكُو وَ إِنْتُو مَا ضَيَّفْتُونِي. وَ أَنَا عَرْيَانْ وَ إِنْتُو مَا كَسَّيْتُونِي. وَ وَكِتْ أَنَا مَرْضَانْ وَ فِي السِّجِنْ إِنْتُو مَا جِيتُوا لَيِّ زِيَارَةْ.›

أعمال الرُسُل 24:23

وَ أَمَرْ مَسْؤُولْ الْعَسْكَرْ أَشَانْ يَحَرْسُوا بُولُسْ وَ أَنْطَى إِذِنْ لِرُفْقَانَهْ أَشَانْ يِسَلُّمُوهْ وَ يِسَاعُدُوهْ.

أفَسُس 4:1

أَشَانْ كُلَّ الْكَلَامْ دَا، أَنَا الْمَسْجُونْ هِنِي فِي شَانْ رَبِّنَا، نِوَصِّيكُو. عِيشُوا بِالْحَالْ الْمُوَافْقَةْ لِلنَّاسْ الْاللّٰهْ نَادَاهُمْ.

أعمال الرُسُل 27:3

وَ أَمْبَاكِرْ، لِحِقْنَا حِلَّةْ صَيْدَا وَ قَعَدْنَا شِيَّةْ. وَ يُولِيُسْ سَوَّى زَيْن لِبُولُسْ وَ أَنْطَاهْ إِذِنْ أَشَانْ يَمْشِي فِي الْحِلَّةْ وَ يِسَلِّمْ رُفْقَانَهْ وَ يَلْقَى مِنْهُمْ الشَّيّءْ الْبِدَوْرَهْ.

تكوين 40:23

وَ لَاكِنْ مَسْؤُولْ النَّاسْ الْيَنْطُوا شَرَابْ لِلْمَلِكْ مَا فَكَّرَهْ لِيُوسُفْ، هُو نِسِيهْ.

عِبْرَانِيِّين 11:37

وَ مُؤمِنِينْ وَاحِدِينْ رَجَمَوْهُمْ وَ وَاحِدِينْ شَقَّوْهُمْ مِنْ أُسُطْ بِمُنْشَارْ وَ وَاحِدِينْ كَتَلَوْهُمْ بِالْسَّيْف. وَ وَاحِدِينْ دَايْماً رَايْغِينْ لَابْسِينْ فِرَاوْ الْغَنَمْ وَ حِمْلَوْا فَقُرْ شَدِيدْ وَ ضِيقَةْ وَ ظُلُمْ.