عِبْرَانِيِّين 1:3 - الكتاب المقدس بالعربي الدارجي هنا تشاد

³ وَ إِبْن اللّٰهْ هُو نُورْ اللّٰهْ الْمَجِيدْ وَ صُورَةْ طَبِيعْتَهْ وَ هُو يَحْفَضْ كُلَّ شَيّءْ بِقُدْرَةْ كَلَامَهْ. وَ وَكِتْ هُو طَهَّرْ النَّاسْ مِنْ ذُنُوبْهُمْ خَلَاصْ، هُو طَلَعْ فِي الْبَكَانْ الْعَالِي وَ قَاعِدْ جَنْب اللّٰهْ الْعَظِيمْ فِي نُصَّهْ الزَّيْنَايْ.

عِبْرَانِيِّين 1:3 Referenca të Kryqëzuara

رُؤية 4:11

«يَا رَبِّنَا اللّٰهْ، كُلَّ شَيّءْ هَنَا الْمَجْد وَ الْإِكْرَامْ وَ الْقُدْرَةْ وَاجِبْ لَيْك إِنْتَ أَشَانْ إِنْتَ بَسْ خَلَقْت كُلَّ شَيّءْ وَ بِنِيّتَكْ إِنْتَ بَسْ، كُلَّ شَيّءْ بِقِي وَ قَاعِدْ.»

يُوحَنَّا 1:14

وَ الْكَلِمَةْ بِقَتْ إِنْسَانْ وَ هُو سَكَنْ فِي أُسُطْنَا. وَ شِفْنَا قُدُرْتَهْ الْمَجِيدَةْ. وَ قُدُرْتَهْ هِي مَجِيدَةْ بِلْحَيْن وَ مُوَافْقَةْ لِلْإِبْن الْوَاحِدْ الْجَايِ مِنْ اللّٰهْ أَبُوهْ. وَ هُو مَلَانْ بِالرَّحْمَةْ وَ الْحَقّ.

2 كُرُنْتُس 4:4

النَّاسْ الْمَا مُؤمِنِينْ دَوْل قُلُوبْهُمْ عَمْيَانِينْ أَشَانْ إِبْلِيسْ عِنْدَهْ سُلْطَةْ فِي الدُّنْيَا دِي وَ هُو عَمَاهُمْ. هُو يِدَوْر يَدْحَرْهُمْ مَا يِشِيفُوا النُّورْ الْمَجِيدْ هَنَا الْمَسِيحْ النِّبَلُّغُوا بَيَّهْ الْبِشَارَةْ. الْمَسِيحْ هُو صُورَةْ اللّٰهْ.

عِبْرَانِيِّين 12:2

خَلِّي نُخُطُّوا عُيُونَّا فِي عِيسَى الْفَتَحْ لَيْنَا دَرِبْ الْإِيمَانْ وَ كَمَّلَهْ. مِنْ بَعِيدْ، هُو شَافْ الْفَرَحْ الْقَاعِدْ قِدَّامَهْ وَ حِمِلْ تَعَبْ الصَّلِيبْ وَ مَا فَكَّرْ فِي الْعَيْب الْخَطَّوْه فَوْقَهْ. وَ هَسَّعْ، هُو قَاعِدْ جَنْب عَرْش اللّٰهْ فِي نُصَّهْ الزَّيْنَايْ.

يُوحَنَّا 1:4

هِي عِنْدَهَا الْحَيَاةْ وَ الْحَيَاةْ هِي نُورْ لِلنَّاسْ.

عِبْرَانِيِّين 10:12

لَاكِنْ عِيسَى الْمَسِيحْ قَدَّمْ ضَحِيَّةْ وَاحِدَةْ بَسْ لِكُلَّ الذُّنُوبْ وَ بَعَدْ دَا، هُو قَعَدْ جَنْب اللّٰهْ إِلَى الْأَبَدْ فِي نُصَّهْ الزَّيْنَايْ.

يَهُوذَا 1:25

وَ الْحَمْد لِلّٰهْ الْوَاحِدْ الْيِنَجِّينَا بِعِيسَى الْمَسِيحْ رَبِّنَا. كُلَّ الْمَجْد وَ الْجَلَالْ وَ الْمُلُكْ وَ السُّلْطَةْ وَاجِبْ لَيَّهْ هُو بَسْ، مِنْ قَبُلْ كُلَّ الْوَكِتْ وَ فِي الْوَكِتْ الْحَاضِرْ وَ إِلَى الْأَبَدْ! آمِينْ.

عِبْرَانِيِّين 9:26

كَنْ يَبْقَى مِثِلْ دَا، وَاجِبْ يَتْعَبْ عِدَّةْ مَرَّاتْ مِنْ بِدَايَةْ الدُّنْيَا. لَاكِنْ هُو جَاءْ مَرَّةْ وَاحِدَةْ بَسْ فِي آخِرْ الزَّمَنْ أَشَانْ يِقَدِّمْ نَفْسَهْ مِثِلْ ضَحِيَّةْ الْبَيْهَا يَمْحَا الذُّنُوبْ.

1 يُوحَنَّا 1:7

وَ لَاكِنْ كَنْ أَنِحْنَ مَاشِينْ فِي النُّورْ مِثِلْ هُو ذَاتَهْ فِي النُّورْ، نِأَكُّدُوا الْعَلَاقَةْ الْعِنْدِنَا أَمْبَيْنَاتْنَا وَ دَمّ عِيسَى إِبْنَهْ يِطَهِّرْنَا مِنْ كُلَّ الذُّنُوبْ.

عِبْرَانِيِّين 4:14

تَعَرْفُوا كَدَرْ أَنِحْنَ عِنْدِنَا رَاجِلْ دِينْ كَبِيرْ وَ هُو عَظِيمْ وَ طَلَعْ فَوْق فِي السَّمَاوَاتْ وَ هُو عِيسَى إِبْن اللّٰهْ. وَ أَشَانْ دَا، خَلِّي نَكُرْبُوا قَوِي إِيمَانَّا بِعِيسَى النَّشْهَدَوْا لَيَّهْ.

1 يُوحَنَّا 3:5

عِرِفْتُوا كَدَرْ إِبْن اللّٰهْ بَانْ أَشَانْ يَمْحَا ذُنُوبْنَا. وَ فَوْقَهْ هُو، ذَنِبْ مَا فِيهْ أَبَداً.

2 بُطْرُس 1:16

وَ الْكَلَامْ الْبَلَّغْنَاهْ لَيْكُو الْبُخُصّ قُدْرَةْ رَبِّنَا عِيسَى الْمَسِيحْ وَ جَيْتَهْ، دَا مَا حِجَيْ سَاكِتْ مِثِلْ الْحِجَيْ الطُّوَالْ الْيِحَجُّوهْ النَّاسْ. بِالْعَكْس، أَنِحْنَ شِفْنَا عَظَمَتَهْ بِعُيُونَّا وَ شَهَدْنَا لَيَّهْ.

1 بُطْرُس 3:22

وَ الْمَسِيحْ هُو الْمَشَى فَوْق فِي السَّمَاوَاتْ وَ هَسَّعْ قَاعِدْ جَنْب اللّٰهْ فِي نُصَّهْ الزَّيْنَايْ. وَ تِحْتَهْ الْمَلَائِكَةْ وَ حُكَّامْ وَ كُبَارَاتْ الْأَرْوَاحْ.

1 بُطْرُس 1:21

وَ بِسَبَبْ الْمَسِيحْ، إِنْتُو آمَنْتُوا بِاللّٰهْ الْبَعَثَهْ مِنْ أُسْط الْمَيْتِينْ وَ أَنْطَاهْ الْمَجْد. وَ خَلَاصْ إِيمَانْكُو وَ عَشَمْكُو ثَابْتِينْ فِي اللّٰهْ.

عِبْرَانِيِّين 8:1

وَ دِي هِي زِبْدَةْ الْكَلَامْ. أَنِحْنَ عِنْدِنَا رَاجِلْ دِينْ كَبِيرْ مِثِلْ الْفَسَّرْنَا بَيَّهْ لَيْكُو. هُو قَعَدْ جَنْب عَرْش اللّٰهْ الْعَظِيمْ فِي نُصَّهْ الزَّيْنَايْ فَوْق فِي السَّمَاوَاتْ.

مَرْخُوس 16:19

وَ بَعَدْ الرَّبّ عِيسَى كَلَّمْ لَيْهُمْ، هُو أَنْرَفَعْ فِي السَّمَاءْ وَ قَعَدْ فِي كُرْسِي جَنْب اللّٰهْ فِي نُصَّهْ الزَّيْنَايْ.

زَبُور 75:3

وَكِتْ الْأَرْض تَرْجِفْ بِكُلَّ سُكَّانْهَا، مَا أَنَا بَسْ نِثَبِّتْ أَسَاسْهَا وَلَّا؟ وَقْفَةْ.

رُؤية 3:21

وَ أَيِّ نَادُمْ الْيِنَّصِرْ، أَنَا نَنْطِيهْ إِذِنْ أَشَانْ يَقْعُدْ مَعَايِ فِي عَرْشِي. أَيْوَى، هُو يِسَوِّي مِثِلْ أَنَا ذَاتِي أَنَّصَرْت وَ قَعَدْت مَعَ أَبُويِ اللّٰهْ فِي عَرْشَهْ.

عِبْرَانِيِّين 7:27

عِيسَى هُو مَا مِثِلْ كُبَارَاتْ رُجَالْ الدِّينْ الْآخَرِينْ دَوْل. مَا وَاجِبْ لَيَّهْ كُلَّ يَوْم يِقَدِّمْ ضَحِيَّةْ أَوَّلْ فِي شَانْ ذُنُوبَهْ هُو وَ بَعَدْ دَا، يِقَدِّمْ ضَحِيَّةْ فِي شَانْ ذُنُوبْ الشَّعَبْ. لَا. هُو قَدَّمْ ضَحِيَّةْ وَاحِدَةْ بَسْ وَ نِهَائِيَّةْ وَ دَا وَكِتْ قَدَّمْ نَفْسَهْ فِي الصَّلِيبْ.

أعمال الرُسُل 2:33

وَ اللّٰهْ رَفَعْ عِيسَى وَ قَعَّدَهْ فِي جَنْبَهْ فِي نُصَّهْ الزَّيْنَايْ. هَسَّعْ اللّٰهْ أَبُوهْ أَنْطَاهْ الرُّوحْ الْقُدُّوسْ الْوَاعَدَانَا بَيَّهْ مِنْ زَمَانْ وَ عِيسَى نَزَّلَهْ فَوْقنَا. وَ بِمِثِلْ دَا بَسْ، الشَّيّءْ الْإِنْتُو قَاعِدِينْ تِشِيفُوهْ وَ تَسْمَعَوْه بِقِي.

يُوحَنَّا 1:29

وَ أَمْبَاكِرْ، يَحْيَى شَافْ عِيسَى جَايِ لَيَّهْ وَ قَالْ: «دَا بَسْ الْحَمَلْ الْاللّٰهْ رَسَّلَهْ أَشَانْ يُقُشّ ذَنِبْ نَاسْ الدُّنْيَا.

كُلُوسِي 3:1

أَكِيدْ لِقِيتُوا حَيَاةْ جَدِيدَةْ فِي بُعَاثْ الْمَسِيحْ وَ أَشَانْ دَا، خُطُّوا بَالْكُو فِي الْأَشْيَاءْ الْقَاعِدِينْ فِي السَّمَاءْ مَعَ الْمَسِيحْ الْقَاعِدْ جَنْب اللّٰهْ فِي نُصَّهْ الزَّيْنَايْ.

رَوْمَا 8:34

يَاتُو الْيِعَاقِبْهُمْ؟ مَا فِي! الْمَسِيحْ عِيسَى مَا يِعَاقِبْهُمْ. بِالْعَكْس، هُو بَسْ الْمَاتْ فِي شَانَّا. وَ زِيَادَةْ مِنْ دَا، هُو بَعَثْ وَ قَاعِدْ جَنْب اللّٰهْ فِي نُصَّهْ الزَّيْنَايْ وَ بِقِي لَيْنَا وَسِيطْ.

أعمال الرُسُل 7:56

وَ إِسْتِفَانْ قَالْ: «أَنَا شَايِفْ السَّمَاءْ فَاتِحْ وَ شَايِفْ إِبْن الْإِنْسَانْ وَاقِفْ جَنْب اللّٰهْ فِي نُصَّهْ الزَّيْنَايْ!»

زَبُور 110:1

اللّٰهْ حَجَّى لِسِيدِي الْمَلِكْ وَ قَالْ: «أَقْعُدْ بِنُصِّي الزَّيْنَايْ لَحَدِّي نُخُطّ عُدْوَانَكْ تِحِتْ رِجِلَيْنَكْ.»

1 أخبار 29:11

وَ لَيْك إِنْتَ، يَا اللّٰهْ، الْعَظَمَةْ وَ الْقُدْرَةْ وَ الْجَلَالْ وَ الْمَجْد وَ النُّورْ أَشَانْ كُلَّ شَيّءْ الْفِي السَّمَاءْ وَ فِي الْأَرْض، هَنَاكْ إِنْتَ. وَ يَا اللّٰهْ، إِنْتَ بَسْ مَالِكْ فِي كُلَّ الْمَخْلُوقِينْ.

رَوْمَا 1:16

أَشَانْ وَكِتْ أَنَا نِبَشِّرْ بِشَارَةْ الْمَسِيحْ، دَا مَا عِنْدَهْ لَيِّ عَيْب. وَ بِشَارَةْ الْمَسِيحْ، هِي قُدْرَةْ اللّٰهْ الْبَيْهَا يِنَجِّي كُلَّ النَّاسْ الْيِآمُنُوا بَيَّهْ، أَوَّلْ كَيْ الْيَهُودْ وَ بَتَّانْ الْمَا يَهُودْ.

مِيخا 5:4

وَ هُو يُقُمّ وَ يُقُودْهُمْ مِثِلْ رَاعِي بِقُدْرَةْ اللّٰهْ وَ بِعَظَمَةْ أُسُمْ اللّٰهْ إِلٰـهَهْ. وَ شَعَبَهْ يَسْكُنُوا بِأَمَانْ أَشَانْ قُدُرْتَهْ تِلْوَسَّعْ لَحَدِّي آخِرْ الْأَرْض.

جامِعة 8:4

كَنْ هُو يُقُولْ شُنُو كُلَ، هُو بَسْ الْمَلِكْ! وَ كَنْ مِثِلْ دَا، يَاتُو يَقْدَرْ يُقُولْ لَيَّهْ: «إِنْتَ تِسَوِّي شُنُو؟»

أيُّوب 37:22

مِنْ الْمُنْشَاقْ يَجِي ضَيّ مِثِلْ الدَّهَبْ وَ نُورْ جَلَالْ الرَّبّ يَبْهَتْنَا.

عِبْرَانِيِّين 9:16

وَ الْمُعَاهَدَةْ دِي مُهِمَّةْ مِثِلْ وَصِيَّةْ مَكْتُوبَةْ هَنَا وَرَثَةْ وَ وَاجِبْ يِأَكُّدُوا مِنْ مَوْت هَنَا النَّادُمْ الْخَطَّ الْوَصِيَّةْ دِي.

مَتَّى 22:24

وَ قَالَوْا: «يَا السَّيِّدْ، فِي التَّوْرَاةْ، مُوسَى قَالْ كَنْ رَاجِلْ مَاتْ وَ مَا عِنْدَهْ عِيَالْ، أَخُو الرَّاجِلْ دَا وَاجِبْ يَاخُدْ الْمَرَةْ وَ يَلْدَ مِنْهَا ذُرِّيَّةْ لِأَخُوهْ الْمَرْحُومْ.

تِيطُس 2:14

هُو أَنْطَى نَفْسَهْ ضَحِيَّةْ لِيَفْدَانَا مِنْ كُلَّ الْفَسَالَةْ وَ يِطَهِّرْ قُلُوبْنَا أَشَانْ نَبْقَوْا لَيَّهْ شَعَبَهْ حَلَالَهْ مُنْكَرِبِينْ فِي عَمَلْ الْخَيْر.

عِبْرَانِيِّين 1:13

وَ أَبَداً مَا فِي مَلَكْ الْاللّٰهْ قَالْ لَيَّهْ: <أَقْعُدْ بِنُصِّي الزَّيْنَايْ لَحَدِّي نُخُطّ عُدْوَانَكْ تِحِتْ رِجِلَيْنَكْ.>

2 بُطْرُس 1:17

أَنِحْنَ مَوْجُودِينْ وَكِتْ اللّٰهْ أَبُوهْ أَنْطَاهْ شَرَفْ وَ مَجْد، وَكِتْ الْحِسّ جَاءْ لَيَّهْ مِنْ الْمَجِيدْ وَ الْعَظِيمْ وَ قَالْ: «دَا بَسْ إِبْنِي النِّحِبَّهْ. وَ أَنَا فَرْحَانْ بَيَّهْ بِلْحَيْن.»

لاوِيِّين 15:15

وَ رَاجِلْ الدِّينْ يِقَدِّمْ الْوَاحِدَةْ ضَحِيَّةْ لِكَفَّارَةْ الذَّنِبْ وَ الْآخَرَةْ ضَحِيَّةْ مُحَرَّقَةْ. وَ هُو يِسَوِّي لَيَّهْ كَفَّارَةْ قِدَّامْ اللّٰهْ فِي شَانْ بَجَلَهْ.