عِبْرَانِيِّين 1:2 - الكتاب المقدس بالعربي الدارجي هنا تشاد

² وَ هَسَّعْ فِي الزَّمَنْ الْأَخِيرْ، اللّٰهْ كَلَّمْ لَيْنَا بِوَاسِطَةْ إِبْنَهْ الْهُو جَعَلَهْ وَرِيثْ هَنَا كُلَّ شَيّءْ. وَ بَيَّهْ هُو بَسْ، اللّٰهْ خَلَقْ كُلَّ شَيّءْ.

عِبْرَانِيِّين 1:2 Referenca të Kryqëzuara

1 كُرُنْتُس 8:6

وَ لَاكِنْ لَيْنَا أَنِحْنَ الْمُؤمِنِينْ، اللّٰهْ وَاحِدْ بَسْ. وَ هُو أَبُونَا الْخَلَقْ كُلَّ شَيّءْ وَ أَنِحْنَ نَحْيَوْا لَيَّهْ هُو. وَ الرَّبّ وَاحِدْ بَسْ وَ هُو عِيسَى الْمَسِيحْ وَ بَيَّهْ هُو كُلَّ شَيّءْ مَوْجُودْ وَ بَيَّهْ هُو أَنِحْنَ حَيِّينْ.

يُوحَنَّا 1:3

وَ كُلَّ شَيّءْ كَانْ بِالْكَلِمَةْ وَ مِنْ كُلَّ الْأَشْيَاءْ الْكَانَوْا، مَا فِي شَيّءْ الْكَانْ بَلَاهَا.

يُوحَنَّا 1:14

وَ الْكَلِمَةْ بِقَتْ إِنْسَانْ وَ هُو سَكَنْ فِي أُسُطْنَا. وَ شِفْنَا قُدُرْتَهْ الْمَجِيدَةْ. وَ قُدُرْتَهْ هِي مَجِيدَةْ بِلْحَيْن وَ مُوَافْقَةْ لِلْإِبْن الْوَاحِدْ الْجَايِ مِنْ اللّٰهْ أَبُوهْ. وَ هُو مَلَانْ بِالرَّحْمَةْ وَ الْحَقّ.

1 بُطْرُس 1:20

وَ قُبَّالْ بِدَايَةْ الدُّنْيَا، اللّٰهْ قَدَّرْ لِلْمَسِيحْ يَبْقَى ضَحِيَّةْ. وَ خَلَاصْ اللّٰهْ بَيَّنَهْ فِي شَانْكُو إِنْتُو، فِي الْوَكِتْ الْأَخِيرْ.

مَتَّى 28:18

وَ عِيسَى جَاءْ وَ حَجَّى لَيْهُمْ وَ قَالْ: «اللّٰهْ أَنْطَانِي كُلَّ السُّلْطَةْ فِي السَّمَاءْ وَ فِي الْأَرْض.

يُوحَنَّا 13:3

وَ عِيسَى يَعَرِفْ كَدَرْ هُو جَاءْ مِنْ اللّٰهْ وَ يِقَبِّلْ لِلّٰهْ وَ يَعَرِفْ كَدَرْ أَبُوهْ أَنْطَاهْ قُدْرَةْ فِي كُلَّ شَيّءْ.

مَتَّى 17:5

وَ وَكِتْ هُو لِسَّاعْ قَاعِدْ يِحَجِّي، سَحَابَايْ الْعِنْدَهَا نُورْ جَاتْ وَ غَطَّتْهُمْ بِضُلَّهَا وَ حِسّ مِنْ لُبّ السَّحَابَايْ أَنْسَمَعْ وَ قَالْ: «دَا بَسْ إِبْنِي النِّحِبَّهْ وَ أَنَا فَرْحَانْ بَيَّهْ بِلْحَيْن. أَسْمَعَوْا كَلَامَهْ.»

عِبْرَانِيِّين 11:3

بِالْإِيمَانْ، نَعَرْفُوا كَدَرْ اللّٰهْ خَلَقْ الدُّنْيَا بِكِلْمِتَهْ. وَ أَشَانْ دَا، نَعَرْفُوا كُلَّ شَيّءْ الْبِنْشَافْ جَاءْ وَ كَانْ بِطَرِيقَةْ الْمَا تِنْشَافْ.

رَوْمَا 8:17

وَ كَنْ أَنِحْنَ عِيَالَهْ، أَنِحْنَ كُلَ مِثِلْ وُرَّاثَهْ. أَنِحْنَ وُرَّاثْ اللّٰهْ، أَيْوَى، وُرَّاثَهْ مَعَ الْمَسِيحْ. أَشَانْ كَنْ نَتْعَبَوْا مَعَ الْمَسِيحْ، نَدْخُلُوا مَعَ الْمَسِيحْ فِي مَجْدَهْ كُلَ.

يُوحَنَّا 3:16

وَ اللّٰهْ حَبَّ نَاسْ الدُّنْيَا بِلْحَيْن وَ أَشَانْ دَا، هُو أَنْطَاهُمْ إِبْنَهْ الْوَاحِدْ أَشَانْ أَيِّ نَادُمْ الْيِآمِنْ بَيَّهْ مَا يَهْلَكْ لَاكِنْ يَلْقَى الْحَيَاةْ الْأَبَدِيَّةْ.

مَتَّى 26:63

وَ عِيسَى قَاعِدْ سَاكِتْ بَسْ. وَ كَبِيرْ رُجَالْ الدِّينْ سَأَلَهْ بَتَّانْ وَ قَالْ: «نَحَلِّفَكْ بِأُسُمْ اللّٰهْ الْحَيّ. قُولْ لَيْنَا! إِنْتَ الْمَسِيحْ إِبْن اللّٰهْ وَلَّا؟»

مَتَّى 21:38

وَ لَاكِنْ الْحَرَّاتِينْ شَافَوْا وِلَيْد سَيِّدْهُمْ وَ قَالَوْا أَمْبَيْنَاتْهُمْ: ‹دَا بَسْ الْوَرِيثْ. خَلِّي نَكْتُلُوهْ وَ نِشِيلُوا وَرَثَتَهْ.›

عِبْرَانِيِّين 5:8

صَحِيحْ، عِيسَى هُو إِبْن اللّٰهْ لَاكِنْ هُو عَلَّمْ كِكَّيْف يِتَابِعْ كَلَامْ أَبُوهْ بِالتَّعَبْ التِّعِبَهْ.

أفَسُس 1:10

وَ دَاهُو هَدَفْ اللّٰهْ. فِي الْوَكِتْ الْهُو حَدَّدَهْ، هُو يِدَوْر يِلِمّ كُلَّ شَيّءْ الْفِي السَّمَاوَاتْ وَ كُلَّ شَيّءْ الْفِي الْأَرْض وَ يُخُطُّهُمْ تِحِتْ رَئِيسْ وَاحِدْ وَ هُو الْمَسِيحْ.

إشَعْيا 44:24

وَ دَاهُو كَلَامْ اللّٰهْ الْفَدَاكْ وَ كَوَّنَاكْ فِي بَطُنْ أَمَّكْ. هُو قَالْ: «أَنَا بَسْ اللّٰهْ! أَنَا خَلَقْت كُلَّ شَيّءْ. أَنَا وِحَيْدِي فَلَّيْت السَّمَاوَاتْ وَ وَكِتْ فَرَشْت الْأَرْض، يَاتُو مَعَايِ؟

عِبْرَانِيِّين 7:3

وَ فِي الْكِتَابْ، هُو مَا عِنْدَهْ أَبُو وَ لَا أَمّ وَ لَا قُرْمَةْ. وَكْتَهْ مَا عِنْدَهْ بِدَايَةْ وَ حَيَاتَهْ مَا عِنْدَهَا نِهَايَةْ لَاكِنْ هُو قَاعِدْ دَايْماً مِثِلْ إِبْن اللّٰهْ وَ هُو رَاجِلْ دِينْ إِلَى الْأَبَدْ.

عِبْرَانِيِّين 2:3

وَ كِكَّيْف أَنِحْنَ نَنْجَوْا كَنْ مَا نِتَابُعُوا عَدِيلْ كَلَامْ هَنَا النَّجَاةْ الْمُهِمَّةْ دِي؟ الْأَوَّلْ بَلَّغَاهَا، هُو رَبِّنَا. وَ الشُّهُودْ السِّمْعَوْا كَلَامَهْ أَكَّدَوْهَا لَيْنَا.

عِبْرَانِيِّين 1:5

أَبَداً مَا فِي مَلَكْ الْاللّٰهْ قَالْ لَيَّهْ: <إِنْتَ إِبْنِي وَ الْيَوْم، أَنَا بِقِيتْ أَبُوكْ.> وَلَّا بَتَّانْ قَالْ: <أَنَا نَبْقَى لَيَّهْ أَبُوهْ وَ هُو يَبْقَى لَيِّ إِبْنِي.>

أفَسُس 3:9

وَ رَسَّلَانِي أَشَانْ نِفَسِّرْ لِكُلَّ النَّاسْ مَعَنَى سِرّ اللّٰهْ. وَ اللّٰهْ الْخَالِقْ كُلَّ شَيّءْ حَفَضْ السِّرّ دَا لِنَفْسَهْ فِي كُلَّ الزَّمَنْ الْفَاتْ.

إشَعْيا 2:2

فِي آخِرْ الْوَكِتْ، جَبَلْ بَيْت اللّٰهْ يَثْبِتْ فِي رُوسَيْ الْجِبَالْ وَ يَبْقَى عَالِي مِنْ كُلَّ الْحُجَارْ. وَ كُلَّ الْأُمَمْ يَجُوا لَيَّهْ بِكَتَرَةْ مِثِلْ أَلْمِي الْجَارِي.

تَثْنِية 18:15

وَ اللّٰهْ إِلٰـهْكُو يَمْرُقْ لَيْكُو مِنْ أَخْوَانْكُو نَبِي مِثْلِي أَنَا وَ إِنْتُو تَسْمَعَوْا كَلَامَهْ.

تَثْنِية 4:30

وَ كَنْ فِي ضِيقِتْكُو تَوَاجُهُوا كُلَّ الْكَلَامْ دَا، خَلَاصْ فِي الأَخِيرْ، تِقَبُّلُوا لِلّٰهْ إِلٰـهْكُو وَ تَسْمَعَوْا كَلَامَهْ.

غَلاطِية 4:4

لَاكِنْ الْوَكِتْ تَمَّ خَلَاصْ وَ اللّٰهْ رَسَّلْ إِبْنَهْ فِي الدُّنْيَا. هُو مَوْلُودْ مِنْ مَرَةْ وَ رَبَّوْه تِحِتْ شُرُوطْ التَّوْرَاةْ

أعمال الرُسُل 10:36

وَ أَكِيدْ، اللّٰهْ رَسَّلْ لِبَنِي إِسْرَائِيلْ بِشَارَةْ السَّلَامْ الْيَنْطِيهَا بِعِيسَى الْمَسِيحْ، رَبّ هَنَا كُلَّ النَّاسْ.

يُوحَنَّا 15:15

أَنَا مَا نُقُولْ بَتَّانْ إِنْتُو خَدَّامِينِي أَشَانْ الْخَدَّامْ مَا يَعَرِفْ كُلَّ شَيّءْ السَّيِّدَهْ قَاعِدْ يِسَوِّيهْ. نِنَادِيكُو رُفْقَانِي أَشَانْ أَنَا أَوْرَيْتكُو بِكُلَّ شَيّءْ السِّمِعْتَهْ مِنْ أَبُويِ.

مِيخا 4:1

وَ فِي آخِرْ الْوَكِتْ، جَبَلْ بَيْت اللّٰهْ يَثْبِتْ فِي رُوسَيْ الْجِبَالْ وَ يَبْقَى عَالِي مِنْ كُلَّ الْحُجَارْ. وَ الشُّعُوبْ يَجُوا لَيَّهْ بِكَتَرَةْ مِثِلْ أَلْمِي الْجَارِي.

إرْمِيا 30:24

وَ غَضَبْ اللّٰهْ الْمُحْرِقْ مَا يَقِيفْ لَحَدِّي يِحَقِّقْ نِيّتَهْ الْهُو شَالْهَا. وَ فِي الأَخِيرْ، تَفْهَمَوْا الشَّيّءْ دَا عَدِيلْ.

يَهُوذَا 1:18

أَوْرَوْكُو كَدَرْ فِي الزَّمَنْ الْأَخِيرْ، فِيَّهْ شَمَّاتِينْ الْيِتَابُعُوا شَهْوَاتْهُمْ الْفَسْلِينْ.

رَوْمَا 1:4

وَ اللّٰهْ جَعَلَهْ إِبْنَهْ بِقُدْرَةْ الرُّوحْ الْقُدُّوسْ، وَكِتْ هُو بَعَثَهْ مِنْ أُسْط الْمَيْتِينْ. وَ إِبْنَهْ دَا، هُو عِيسَى الْمَسِيحْ رَبِّنَا.

أعمال الرُسُل 2:17

هُو قَالْ: <فِي الزَّمَنْ الْأَخِيرْ، أَنَا نِنَزِّلْ رُوحِي فِي كُلَّ النَّاسْ. وَ دَا بَسْ كَلَامْ اللّٰهْ. أَوْلَادْكُو وَ بَنَاتْكُو يِتْنَبَّأَوْا وَ صُبْيَانْكُو يِشِيفُوا رُؤْيَةْ وَ شِيَّابْكُو يَحْلَمَوْا بِحِلِمْ.

يُوحَنَّا 17:2

مِثِلْ إِنْتَ أَنْطَيْتنِي سُلْطَةْ فِي كُلَّ النَّاسْ، أَنَا نَنْطِي الْحَيَاةْ الْأَبَدِيَّةْ لِكُلَّ النَّاسْ الْإِنْتَ أَنْطَيْتهُمْ لَيِّ.

يُوحَنَّا 16:15

كُلَّ شَيّءْ هَنَا أَبُويِ هَنَايِ. وَ أَشَانْ دَا، قُلْت لَيْكُو هُو يِشِيلْ مِنْ كَلَامِي وَ يِأَوْرِيكُو بَيَّهْ.

مَرْخُوس 12:6

وَ فَضَّلْ لَيَّهْ نَادُمْ وَاحِدْ بَسْ الْهُو يِرَسِّلَهْ وَ دَا وِلَيْدَهْ الْيِحِبَّهْ بِلْحَيْن. وَ فِي الأَخِيرْ، سِيدْ الْجِنَيْنَةْ قَالْ: ‹أَكِيدْ وِلَيْدِي دَا يِكَرُّمُوهْ.› وَ خَلَاصْ رَسَّلْ لَيْهُمْ وِلَيْدَهْ.

مَرْخُوس 1:1

دِي هِي بِشَارَةْ عِيسَى الْمَسِيحْ إِبْن اللّٰهْ. وَ الْبِشَارَةْ بَدَتْ

دَنْيال 10:14

وَ هَسَّعْ، جِيتْ نِفَسِّرْ لَيْك الشَّيّءْ الْيُكُونْ لِشَعَبَكْ بَعَدَيْن أَشَانْ الرُّؤْيَةْ دِي تُخُصّ آخِرْ الْوَكِتْ.»

حِزْقِيال 38:16

وَ تَهْجُمُوا شَعَبِي بَنِي إِسْرَائِيلْ لَحَدِّي تِغَطُّوا الْبَلَدْ مِثِلْ سَحَابَايْ. وَ دَا يَبْقَى فِي آخِرْ الْوَكِتْ. يَا جُوجْ، أَنَا نِجِيبَكْ ضِدّ بَلَدِي وَ بَيْك إِنْتَ، نِوَصِّفْ قَدَاسْتِي قِدَّامْ الْأُمَمْ أَشَانْ يَعَرْفُونِي.“›»

إشَعْيا 45:18

أَشَانْ دَاهُو كَلَامْ اللّٰهْ، خَالِقْ السَّمَاوَاتْ وَ هُو الْإِلٰـهْ السَّوَّى الْأَرْض وَ كَوَّنْهَا وَ ثَبَّتْهَا. هُو مَا خَلَقَاهَا لِتَقْعُدْ فَاضِيَةْ لَاكِنْ كَوَّنْهَا لِيَسْكُنُوهَا. هُو قَالْ: «أَنَا اللّٰهْ وَ مَا فِي إِلٰـهْ إِلَّا أَنَا.

تَثْنِية 31:29

أَشَانْ أَنَا نَعَرِفْ بَعَدْ مَوْتِي هُمَّنْ يِتَلُّفُوا مَرَّةْ وَاحِدْ وَ يِخَلُّوا الدَّرِبْ الْأَمَرْتُهُمْ بَيَّهْ وَ فِي الأَخِيرْ، الشَّرّ يَلْحَقْهُمْ أَشَانْ يِسَوُّوا الْفَسَالَةْ قِدَّامْ اللّٰهْ وَ يِغَضُّبُوهْ بِخِدْمِتْهُمْ.

2 بُطْرُس 3:3

وَ دَاهُو أَوَّلْ شَيّءْ الْوَاجِبْ تَفْهَمَوْه. فِي الزَّمَنْ الْأَخِيرْ شَمَّاتِينْ يُقُمُّوا وَ يِشَّمَّتَوْا. وَ يِتَابُعُوا شَهْوَاتْهُمْ بَسْ.

عِبْرَانِيِّين 1:8

وَ لَاكِنْ فِي إِبْنَهْ بُقُولْ: <يَا اللّٰهْ، عَرْشَكْ قَاعِدْ إِلَى الْأَبَدْ وَ عَصَاةْ مُلْكَكْ، هِي عَصَاةْ عَدَالَةْ.

هُوشَع 3:5

وَ بَعَدْ دَا، بَنِي إِسْرَائِيلْ يِقَبُّلُوا يِتَابُعُوا اللّٰهْ إِلٰـهُّمْ وَ مَلِكْهُمْ الْمِنْ ذُرِّيَّةْ دَاوُدْ. وَ فِي آخِرْ الْوَكِتْ، يَخَافَوْا مِنْ اللّٰهْ وَ يَلْقَوْا خَيْرَهْ.

تكوين 49:1

وَ بَعَدْ دَا، يَعْقُوبْ قَالْ لِعِيَالَهْ: «لِمُّوا تَعَالُوا، أَنَا نِبَارِكُّو وَ نِخَبِّرْكُو بِالشَّيّءْ الْبَعَدَيْن يُكُونْ لَيْكُو.

عِبْرَانِيِّين 9:26

كَنْ يَبْقَى مِثِلْ دَا، وَاجِبْ يَتْعَبْ عِدَّةْ مَرَّاتْ مِنْ بِدَايَةْ الدُّنْيَا. لَاكِنْ هُو جَاءْ مَرَّةْ وَاحِدَةْ بَسْ فِي آخِرْ الزَّمَنْ أَشَانْ يِقَدِّمْ نَفْسَهْ مِثِلْ ضَحِيَّةْ الْبَيْهَا يَمْحَا الذُّنُوبْ.

يُوحَنَّا 3:25

وَ تَلَامِيذ وَاحِدِينْ هَنَا يَحْيَى قَمَّوْا يِغَالُطُوا مَعَ يَهُودِي وَاحِدْ فِي وَضُوءْ الْيَهُودْ.

دَنْيال 2:28

لَاكِنْ أَعَرِفْ كَدَرْ اللّٰهْ رَبّ السَّمَاوَاتْ يَكْشِفْ الْأَسْرَارْ. وَ هَسَّعْ، هُو وَصَّفْ لِلْمَلِكْ نَبُوخَدْنَصَرْ الشَّيّءْ الْيَبْقَى فِي الْأَيَّامْ الْجَايِينْ. وَ دَاهُو الْحِلِمْ وَ الرُّؤْيَةْ الْإِنْتَ شِفْتَهْ وَكِتْ إِنْتَ نَايِمْ فِي فُرَاشَكْ.

إرْمِيا 48:47

وَ لَاكِنْ فِي الأَخِيرْ، نِقَبِّلْ نَاسْ مُوَابْ الْوَدَّوْهُمْ فِي الْغُرْبَةْ.» وَ دَا كَلَامْ اللّٰهْ. وَ خَلَاصْ، هِنِي بَسْ كَمَّلَتْ مُحَاكَمَةْ اللّٰهْ لِمُوَابْ.

إشَعْيا 45:12

أَنَا بَسْ سَوَّيْت الْأَرْض وَ خَلَقْت الْإِنْسَانْ الْيَسْكُنُوا فَوْقهَا. بِإِيدِي أَنَا بَسْ، فَلَّيْت السَّمَاوَاتْ وَ أَنْطَيْت أَمُرْ لِكُلَّ قُوَّاتْهَا.

عَدد 24:14

وَ بَتَّانْ بَلْعَامْ قَالْ: «هَسَّعْ، قُبَّالْ مَا نِقَبِّلْ لِشَعَبِي، تَعَالْ نِأَوْرِيكْ بِالشَّيّءْ الْيِسَوِّيهْ الشَّعَبْ دَا بَعَدَيْن فِي شَعَبَكْ.»

مَتَّى 3:17

وَ حِسّ مِنْ السَّمَاءْ أَنْسَمَعْ وَ قَالْ: «دَا بَسْ إِبْنِي وَ أَنَا نِحِبَّهْ. أَنَا فَرْحَانْ بَيَّهْ بِلْحَيْن.»

مَتَّى 13:39

وَ الْعَدُو التَّيْرَبْ السِّعِدْ يِمَثِّلْ إِبْلِيسْ. وَ وَكْت الْقَطِعْ دَا، يِمَثِّلْ كُمَالَةْ الدُّنْيَا وَ الْخَدَّامِينْ الْيَقْطَعَوْا السِّعِدْ وَ الْقَمَحْ، هُمَّنْ الْمَلَائِكَةْ.

مَرْخُوس 12:7

لَاكِنْ الْحَرَّاتِينْ أَشَّاوَرَوْا أَمْبَيْنَاتْهُمْ وَ قَالَوْا: ‹دَاهُو يَوْرِثْ الْجِنَيْنَةْ. خَلِّي نَكْتُلُوهْ أَشَانْ الْوَرَثَةْ تَبْقَى هِنْتِنَا!›

يُوحَنَّا 1:10

الدُّنْيَا كَوَّنَتْ بَيَّهْ وَ لَاكِنْ وَكِتْ هُو جَاءْ فِي الدُّنْيَا، نَاسْ الدُّنْيَا مَا عِرْفَوْه.

يُوحَنَّا 5:26

وَ مِثِلْ اللّٰهْ هُو ذَاتَهْ بَسْ يَنْطِي الْحَيَاةْ، هُو أَنْطَى إِذِنْ لِإِبْنَهْ كُلَ يَنْطِي الْحَيَاةْ مِثْلَهْ.

يُوحَنَّا 5:27

وَ اللّٰهْ أَنْطَاهْ إِذِنْ لِيِحَاسِبْ النَّاسْ أَشَانْ هُو إِبْن الْإِنْسَانْ.

يُوحَنَّا 9:29

نَعَرْفُوا اللّٰهْ كَلَّمْ لِمُوسَى وَ لَاكِنْ النَّادُمْ دَا، مَا نَعَرْفُوا هُو مِنْ وَيْن.»

1 كُرُنْتُس 2:7

وَ نِعَرُّفُوا النَّاسْ بِحِكْمَةْ اللّٰهْ الْهِي سِرّ مُلَبَّدْ الْمَا عِرْفَوْه. وَ قُبَّالْ بِدَايَةْ الدُّنْيَا، اللّٰهْ قَرَّرْ بِالْحِكْمَةْ دِي يِوَدِّينَا فِي مَجْدَهْ.

عِبْرَانِيِّين 3:6

لَاكِنْ الْمَسِيحْ بِقِي أَمِينْ أَشَانْ هُو إِبْن اللّٰهْ وَ هُو بَسْ الْمَسْؤُولْ فِي بَيْت اللّٰهْ. وَ أَنِحْنَ بِنُفُوسْنَا بَسْ بَيْتَهْ، كَنْ نَقْعُدُوا ثَابْتِينْ بَلَا شَكَكْ وَ نُخُطُّوا عَشَمْنَا دَايْماً فِي الْمَسِيحْ الْأَنِحْنَ نِلْفَشَّرَوْا بَيَّهْ.

عِبْرَانِيِّين 4:14

تَعَرْفُوا كَدَرْ أَنِحْنَ عِنْدِنَا رَاجِلْ دِينْ كَبِيرْ وَ هُو عَظِيمْ وَ طَلَعْ فَوْق فِي السَّمَاوَاتْ وَ هُو عِيسَى إِبْن اللّٰهْ. وَ أَشَانْ دَا، خَلِّي نَكُرْبُوا قَوِي إِيمَانَّا بِعِيسَى النَّشْهَدَوْا لَيَّهْ.

عِبْرَانِيِّين 7:28

أَيْوَى، شُرُوطْ التَّوْرَاةْ خَطَّوْا نَاسْ ضَعِيفِينْ لِيَبْقَوْا كُبَارَاتْ هَنَا رُجَالْ الدِّينْ. لَاكِنْ الْحَلِيفَةْ الْجَاتْ بَعَدْ التَّوْرَاةْ خَطَّتْ إِبْن اللّٰهْ كَبِيرْ رُجَالْ الدِّينْ. وَ اللّٰهْ سَوَّاهْ كَامِلْ إِلَى الْأَبَدْ.

يُوحَنَّا 13:32

وَ كَنْ بَيَّهْ هُو مَجْد اللّٰهْ يِبِينْ، أَكِيدْ اللّٰهْ يِمَجِّدْ إِبْن الْإِنْسَانْ مَعَايَهْ وَ يِمَجِّدَهْ طَوَّالِي.