تكوين 26:4 - الكتاب المقدس بالعربي الدارجي هنا تشاد

⁴ وَ أَنَا نِسَوِّي ذُرِّيّتَكْ كَتِيرَةْ مِثِلْ نُجُومْ السَّمَاءْ. وَ نَنْطِي الْبُلْدَانْ دَوْل لِذُرِّيّتَكْ. وَ بِذُرِّيّتَكْ إِنْتَ، كُلَّ أُمَمْ الْأَرْض يَلْقَوْا بَرَكَةْ.

تكوين 26:4 Referenca të Kryqëzuara

أعمال الرُسُل 3:25

وَ إِنْتُو عِيَالْ الْأَنْبِيَاء دَوْل وَ أَهَلْ الْمُعَاهَدَةْ الرَّبُّكُو اللّٰهْ سَوَّاهَا مَعَ جُدُودْكُو وَكِتْ هُو قَالْ لِإِبْرَاهِيمْ: <بِذُرِّيّتَكْ بَسْ نِبَارِكْ كُلَّ الْأُمَمْ فِي كُلَّ الْأَرْض.>

غَلاطِية 3:8

وَ مِنْ أَوَّلْ الْكِتَابْ بُقُولْ كَدَرْ اللّٰهْ يَجْعَلْ النَّاسْ الْمَا يَهُودْ صَالِحِينْ بِسَبَبْ إِيمَانْهُمْ. وَ بَلَّغْ الْبِشَارَةْ دِي لِإِبْرَاهِيمْ وَ قَالْ: <بِسَبَبَكْ إِنْتَ، كُلَّ الْقَبَايِلْ يَلْقَوْا بَرَكَةْ.>

تكوين 15:5

وَ اللّٰهْ مَرَقَهْ بَرَّا مِنْ خَيْمِتَهْ وَ قَالْ لَيَّهْ: «صَنْقِعْ وَ شِيفْ السَّمَاءْ وَ أَحْسِبْ النُّجُومْ كَنْ تَقْدَرْ.» وَ قَالْ لَيَّهْ بَتَّانْ: «ذُرِّيّتَكْ كُلَ تَبْقَى كَتِيرَةْ مِثِلْ النُّجُومْ دَوْل.»

خُروج 32:13

وَ فَكِّرْ فِي عَبِيدَكْ إِبْرَاهِيمْ وَ إِسْحَاقْ وَ يَعْقُوبْ الْإِنْتَ ذَاتَكْ حَلَفْت لَيْهُمْ وَ قُلْت: ‹نِسَوِّي ذُرِّيِّتْكُو كَتِيرَةْ مِثِلْ نُجُومْ السَّمَاءْ. وَ نَنْطِيهُمْ كُلَّ الْبَلَدْ الْأَنَا وَاعَدْتُهُمْ بَيْهَا. وَ هِي تَبْقَى وَرَثَتْهُمْ لِلْأَبَدْ.›»

تكوين 13:16

وَ نِسَوِّي ذُرِّيّتَكْ كَتِيرَةْ مِثِلْ تُرَابْ الْأَرْض، مَا يَقْدَرَوْا يَحْسُبُوهُمْ.

غَلاطِية 3:16

زَيْن. اللّٰهْ وَاعَدْ إِبْرَاهِيمْ وَ الْيَجِي مِنْ ذُرِّيّتَهْ. وَ الْكِتَابْ مَا بُقُولْ: «الْيَجُوا مِنْ ذُرِّيّتَكْ» يَعْنِي نَاسْ كَتِيرِينْ، لَاكِنْ بُقُولْ: «الْيَجِي مِنْ ذُرِّيّتَكْ» يَعْنِي نَادُمْ وَاحِدْ. وَ هُو الْمَسِيحْ.

زَبُور 72:17

خَلِّي أُسْمَهْ يَقْعُدْ إِلَى الْأَبَدْ وَ يُدُومْ مِثِلْ الْحَرَّايْ. وَ بَيَّهْ هُو، خَلِّي النَّاسْ يِلْبَارَكَوْا وَ كُلَّ الْأُمَمْ يِنَادُوهْ مُبَارَكْ.

عِبْرَانِيِّين 11:2

فِي شَانْ إِيمَانْهُمْ، نَاسْ الزَّمَانْ لِقَوْا رِضَى اللّٰهْ.

تكوين 18:18

أَكِيدْ، إِبْرَاهِيمْ يَبْقَى جِدّ هَنَا أُمَّةْ كَبِيرَةْ وَ شَدِيدَةْ وَ نِبَارِكْ كُلَّ أُمَمْ الْأَرْض بِسَبَبْ إِبْرَاهِيمْ.

تكوين 15:18

وَ بِمِثِلْ دَا، اللّٰهْ سَوَّى مُعَاهَدَةْ مَعَ أَبْرَامْ فِي الْيَوْم دَا وَ قَالْ: «أَنَا نَنْطِي الْبَلَدْ دِي لِذُرِّيّتَكْ مِنْ بَحَرْ مَصِرْ لَحَدِّي الْفُرَاتْ الْبَحَرْ الْكَبِيرْ.

تكوين 26:24

وَ بِاللَّيْل، اللّٰهْ بَانْ لَيَّهْ وَ قَالْ: «أَنَا رَبّ أَبُوكْ إِبْرَاهِيمْ. مَا تَخَافْ، أَنَا مَعَاكْ! وَ نِبَارِكَكْ وَ نِسَوِّي ذُرِّيّتَكْ تَبْقَى كَتِيرَةْ فِي شَانْ عَبْدِي إِبْرَاهِيمْ.»

تكوين 28:3

وَ خَلِّي اللّٰهْ الْقَادِرْ يِبَارِكَكْ وَ تَلْدَ عِيَالْ وَ يَبْقَوْا كَتِيرِينْ أَشَانْ إِنْتَ تَبْقَى جِدّ هَنَا أُمَمْ كَتِيرِينْ.

تكوين 28:14

وَ ذُرِّيّتَكْ تَبْقَى كَتِيرَةْ مِثِلْ تُرَابْ الْأَرْض وَ تِزِيدْ مِنْ الصَّبَاحْ لِلْغَرِبْ وَ مِنْ الْمُنْشَاقْ لِلْوَطِي. وَ كُلَّ قَبَايِلْ الْأَرْض يَلْقَوْا بَرَكَةْ بَيْك إِنْتَ وَ بِذُرِّيّتَكْ.

تكوين 35:12

وَ الْبَلَدْ الْأَنَا أَنْطَيْتهَا لِإِبْرَاهِيمْ وَ إِسْحَاقْ، نَنْطِيهَا لَيْك إِنْتَ وَ لِذُرِّيّتَكْ التَّجِي مِنْ بَعَدَكْ.»

تكوين 47:27

وَ بَنِي إِسْرَائِيلْ سَكَنَوْا فِي مَصِرْ فِي تُرَابْ قَوْشَنْ. وَ شَرَوْا بَكَانْ وَ وِلْدَوْا وَ بِقَوْا كَتِيرِينْ.

خُروج 6:4

وَ أَنَا سَوَّيْت مَعَاهُمْ مُعَاهَدَتِي وَ قُلْت نَنْطِيهُمْ بَلَدْ كَنْعَانْ الْهُمَّنْ قَاعِدِينْ فَوْقهَا أَجَانِبْ.

تَثْنِية 9:5

وَ مَا بِسَبَبْ عَدَالِتْكُو وَ لَا بِسَبَبْ تَقْوَى قُلُوبْكُو، إِنْتُو تِشِيلُوا الْبَلَدْ دِي. وَ لَاكِنْ بِسَبَبْ فَسَالَةْ الْأُمَمْ دَوْل، اللّٰهْ إِلٰـهَكْ يَقْلَعْ مِنْهُمْ الْبَلَدْ وَ يَنْطِيهَا لَيْكُو. وَ دَا، لِيِأَكِّدْ الْكَلَامْ الْهُو وَاعَدْ بَيَّهْ جُدُودْكُو إِبْرَاهِيمْ وَ إِسْحَاقْ وَ يَعْقُوبْ.

تَثْنِية 13:17

وَ مَا تِشِيلُوا لِنُفُوسْكُو أَيِّ شَيّءْ حَرَامْ الْخَصَّصَوْه لِلدَّمَارْ. وَ كَنْ مَا شِلْتُوهْ، اللّٰهْ يِخَلِّي غَضَبَهْ الشَّدِيدْ وَ يَرْحَمْكُو وَ يِسَوِّيكُو كَتِيرِينْ مِثِلْ هُو حَلَفْ لِجُدُودْكُو.

1 أخبار 27:23

وَ دَاوُدْ مَا حَسَبْ الصُّبْيَانْ الْعُمُرْهُمْ أنْقَصْ مِنْ 20 سَنَةْ أَشَانْ اللّٰهْ قَالْ يِسَوِّي بَنِي إِسْرَائِيلْ يَبْقَوْا كَتِيرِينْ مِثِلْ نُجُومْ السَّمَاءْ.