تكوين 26:3 - الكتاب المقدس بالعربي الدارجي هنا تشاد

³ وَ لَاكِنْ هَسَّعْ أَسْكُنْ فِي الْبَلَدْ دِي وَ أَنَا نُكُونْ مَعَاكْ وَ نِبَارِكَكْ. وَ نَنْطِي الْبُلْدَانْ دَوْل لَيْك إِنْتَ وَ لِذُرِّيّتَكْ وَ نِتِمّ الْكَلَامْ الْأَنَا حَلَفْت بَيَّهْ لِأَبُوكْ إِبْرَاهِيمْ.

تكوين 26:3 Referenca të Kryqëzuara

تكوين 28:15

شِيفْ! نِأَكِّدْ لَيْك! أَنَا ذَاتِي قَاعِدْ مَعَاكْ. نَحْفَضَكْ فِي أَيِّ بَكَانْ التَّمْشِي فَوْقَهْ وَ نِقَبِّلَكْ فِي الْبَلَدْ دِي. أَنَا مَا نِخَلِّيكْ وَ لَحَدِّي نِتِمّ كُلَّ الشَّيّءْ الْقُلْتَهْ لَيْك.»

زَبُور 105:9

وَ دِي مُعَاهَدَتَهْ السَّوَّاهَا مَعَ إِبْرَاهِيمْ وَ أَكَّدْهَا بِحَلِيفَةْ لِإِسْحَاقْ.

تكوين 20:1

وَ بَعَدْ دَا، إِبْرَاهِيمْ مَشَى فِي صَحَرَاءْ نَقَبْ وَ سَكَنْ أَمْبَيْن قَادِشْ وَ شُورْ. وَ مَشَى قَعَدْ فِي حِلَّةْ وَاحِدَةْ أُسُمْهَا قَرَارْ.

تكوين 17:8

وَ نَنْطِيكْ إِنْتَ وَ ذُرِّيّتَكْ كُلَّ التُّرَابْ هَنَا بَلَدْ كَنْعَانْ الْإِنْتَ سَاكِنْ فَوْقهَا أَجْنَبِي. وَ الْبَلَدْ دِي تَبْقَى وَرَثَتْهُمْ إِلَى الْأَبَدْ وَ أَنَا نَبْقَى إِلٰـهُّمْ.»

تكوين 15:18

وَ بِمِثِلْ دَا، اللّٰهْ سَوَّى مُعَاهَدَةْ مَعَ أَبْرَامْ فِي الْيَوْم دَا وَ قَالْ: «أَنَا نَنْطِي الْبَلَدْ دِي لِذُرِّيّتَكْ مِنْ بَحَرْ مَصِرْ لَحَدِّي الْفُرَاتْ الْبَحَرْ الْكَبِيرْ.

تكوين 13:17

قُمّ أَمْشِي! وَ رُوغْ الْأَرْض دِي مِنْ طُولْهَا لِعُرْضَهَا أَشَانْ أَنَا نَنْطِيهَا لَيْك.»

تكوين 13:15

كُلَّ الْأَرْض التِّشِيفْهَا دِي، أَنَا نَنْطِيهَا لَيْك وَ لِذُرِّيّتَكْ إِلَى الْأَبَدْ.

تكوين 12:7

وَ اللّٰهْ بَانْ لِأَبْرَامْ وَ قَالْ: «الْبَلَدْ دِي نَنْطِيهَا لِذُرِّيّتَكْ.» وَ فِي الْبَكَانْ دَا، أَبْرَامْ بَنَى مَدْبَحْ لِيِقَدِّمْ فَوْقَهْ ضَحَايَا لِلّٰهْ الْبَانْ لَيَّهْ.

عِبْرَانِيِّين 11:9

وَ بِالْإِيمَانْ، هُو بِقِي أَجْنَبِي فِي الْبَلَدْ الْاللّٰهْ وَاعَدَهْ بَيْهَا وَ سَكَنْ فَوْقهَا فِي خَيْمَةْ. وَ إِسْحَاقْ وَ يَعْقُوبْ كُلَ وُرَّاثْ مِثْلَهْ فِي نَفْس الْوَعَدْ.

فِلِبِّي 4:9

وَ طَبُّقُوا دَايْماً كُلَّ شَيّءْ الْعَلَّمْتُوهْ مِنِّي وَ لِقِيتُوهْ مِنِّي، كَنْ مِنْ كَلَامِي السِّمِعْتُوهْ وَلَّا مِنْ حَالِي الشِّفْتُوهَا. وَ اللّٰهْ رَبّ السَّلَامْ يُكُونْ مَعَاكُو.

إشَعْيا 43:5

«مَا تَخَافْ أَشَانْ أَنَا قَاعِدْ مَعَاكْ. مِنْ الصَّبَاحْ، نِجِيبْ ذُرِّيّتَكْ وَ مِنْ الْغَرِبْ، نِلِمُّهُمْ.

إشَعْيا 43:2

وَكِتْ تَقْطَعْ الْأَلْمِي، أَنَا نُكُونْ مَعَاكْ وَ وَكِتْ تُشُقّ الْبُحُورْ، مَا تَغْرَقْ. وَكِتْ تُرُوغْ فِي أُسْط النَّارْ، مَا تَاكُلَكْ وَ أَمْ بَلْبَالَةْ مَا تَحْرِقَكْ.

زَبُور 32:8

وَ اللّٰهْ قَالْ: «نَعَمْ. أَنَا نِعَلِّمَكْ وَ نِوَصِّفَكْ الطَّرِيقْ التِّشِيلَهْ وَ نِوَصِّيكْ وَ نِفَكِّرْ فِيكْ.

تكوين 39:21

وَ فِي السِّجِنْ كُلَ، اللّٰهْ قَاعِدْ مَعَ يُوسُفْ وَ أَنْطَاهْ رَحْمَةْ. وَ لِقِي رِضَى مِنْ مَسْؤُولْ السِّجِنْ.

تكوين 39:2

وَ اللّٰهْ قَاعِدْ مَعَ يُوسُفْ وَ أَشَانْ دَا بَسْ، كُلَّ شَيّءْ الْيِسَوِّيهْ دَا، يَنْجَحْ. وَ سَكَنْ فِي بَيْت سِيدَهْ الْمَصْرِي.

تكوين 26:14

وَ عِنْدَهْ غَنَمْ وَ بَقَرْ وَ خَدَّامِينْ كَتِيرِينْ. وَ أَشَانْ دَا بَسْ، الْفِلِسْطِيِّينْ حَسَدَوْه لِإِسْحَاقْ.

تكوين 26:12

وَ إِسْحَاقْ حَرَتْ فِي الْبَلَدْ دِي وَ فِي السَّنَةْ دِي، لِقِي مِيَةْ مَرَّةْ زِيَادَةْ أَشَانْ اللّٰهْ بَارَكَهْ.

عِبْرَانِيِّين 6:17

وَ اللّٰهْ كُلَ، وَكِتْ هُو يِكَلِّمْ لِلنَّاسْ الْيَوْرُثُوا وَعَدَهْ وَ يِدَوْر يِأَكِّدْ لَيْهُمْ قَرَارَهْ أَبَداً مَا يِغَيِّرْ، هُو ثَبَّتَهْ لَيْهُمْ بِحَلِيفَةْ.

مِيخا 7:20

وَ تِوَصِّفْ أَمَانَكْ لِذُرِّيَّةْ يَعْقُوبْ وَ خَيْرَكْ لِعِيَالْ إِبْرَاهِيمْ مِثِلْ إِنْتَ زَمَانْ حَلَفْت بَيَّهْ لِأَبَّهَاتْنَا.

زَبُور 39:12

أَسْمَعْ صَلَاتِي وَ صِرَاخِي، يَا اللّٰهْ! أَسْمَعْ بَكِيِّ وَ مَا تَابَى! أَشَانْ أَنَا مِثِلْ أَجْنَبِي فِي بَكَانَكْ وَ ضَيْف مِثِلْ كُلَّ جُدُودِي.

تكوين 25:11

وَ بَعَدْ مَوْت إِبْرَاهِيمْ، الرَّبّ بَارَكْ وِلَيْدَهْ إِسْحَاقْ. وَ إِسْحَاقْ سَكَنْ جَنْب الْبِيرْ الْأُسُمْهَا بِيرْ اللّٰهْ الْحَيّ الْقَاعِدْ يِشِيفْنِي.

تكوين 26:24

وَ بِاللَّيْل، اللّٰهْ بَانْ لَيَّهْ وَ قَالْ: «أَنَا رَبّ أَبُوكْ إِبْرَاهِيمْ. مَا تَخَافْ، أَنَا مَعَاكْ! وَ نِبَارِكَكْ وَ نِسَوِّي ذُرِّيّتَكْ تَبْقَى كَتِيرَةْ فِي شَانْ عَبْدِي إِبْرَاهِيمْ.»

تكوين 28:13

وَ اللّٰهْ وَاقِفْ جَنْبَهْ وَ قَالْ لَيَّهْ: «أَنَا اللّٰهْ إِلٰـهْ أَبُوكْ إِبْرَاهِيمْ وَ إِلٰـهْ إِسْحَاقْ. الْأَرْض الْإِنْتَ رَاقِدْ فَوْقهَا دِي، نَنْطِيهَا لَيْك وَ لِذُرِّيّتَكْ.

تكوين 31:3

وَ خَلَاصْ، اللّٰهْ قَالْ لِيَعْقُوبْ: «قَبِّلْ بَلَدْ أَبَّهَاتَكْ، بَكَانْ أَهَلَكْ. وَ أَنَا نُكُونْ دَايْماً مَعَاكْ.»

تكوين 35:12

وَ الْبَلَدْ الْأَنَا أَنْطَيْتهَا لِإِبْرَاهِيمْ وَ إِسْحَاقْ، نَنْطِيهَا لَيْك إِنْتَ وَ لِذُرِّيّتَكْ التَّجِي مِنْ بَعَدَكْ.»

تكوين 48:21

وَ قَالْ لِيُوسُفْ: «قَرِيبْ أَنَا نُمُوتْ لَاكِنْ الرَّبّ يُكُونْ مَعَاكُو وَ يِقَبِّلْكُو فِي بَلَدْ أَبَّهَاتْكُو.

تكوين 50:24

وَ يَوْم وَاحِدْ، يُوسُفْ قَالْ لِأَخْوَانَهْ: «أَنَا قَرِيبْ نُمُوتْ لَاكِنْ أَكِيدْ الرَّبّ يِفَكِّرْ فَوْقكُو وَ يَمْرُقْكُو مِنْ مَصِرْ وَ يِوَدِّيكُو فِي الْبَلَدْ الْهُو حَلَفْ وَ قَالْ يَنْطِيهَا لِإِبْرَاهِيمْ وَ إِسْحَاقْ وَ يَعْقُوبْ.»

خُروج 6:4

وَ أَنَا سَوَّيْت مَعَاهُمْ مُعَاهَدَتِي وَ قُلْت نَنْطِيهُمْ بَلَدْ كَنْعَانْ الْهُمَّنْ قَاعِدِينْ فَوْقهَا أَجَانِبْ.

خُروج 6:8

وَ وَدَّيْتكُو فِي الْبَلَدْ الْحَلَفْت نَنْطِيهَا لِإِبْرَاهِيمْ وَ إِسْحَاقْ وَ يَعْقُوبْ وَ نَنْطِيهَا لَيْكُو إِنْتُو وَرَثَةْ. أَنَا بَسْ اللّٰهْ.›»

تَثْنِية 1:8

دَاهُو أَنَا أَنْطَيْتكُو كُلَّ الْبَلَدْ دِي. أَمْشُوا وَ شِيلُوهَا! دِي الْبَلَدْ الْأَنَا اللّٰهْ حَلَفْت نَنْطِيهَا لِجُدُودْكُو إِبْرَاهِيمْ وَ إِسْحَاقْ وَ يَعْقُوبْ وَ لِذُرِّيِّتْهُمْ الْبَعَدْهُمْ.»

تَثْنِية 34:4

وَ اللّٰهْ قَالْ لَيَّهْ: «دِي الْبَلَدْ الْأَنَا حَلَفْت لِإِبْرَاهِيمْ وَ إِسْحَاقْ وَ يَعْقُوبْ وَ قُلْت: ‹نَنْطِيهَا لِذُرِّيّتَكْ.› وَ أَنَا شَوَّفْتَكْ الْأَرْض دِي وَ لَاكِنْ إِنْتَ مَا تَدْخُلْ فَوْقهَا.»

1 أخبار 16:16

وَ دِي مُعَاهَدَتَهْ السَّوَّاهَا مَعَ إِبْرَاهِيمْ وَ أَكَّدْهَا بِحَلِيفَةْ لِإِسْحَاقْ.

تكوين 17:19

لَاكِنْ الرَّبّ قَالْ لَيَّهْ: «لَا، مَا مِثِلْ كَيْ! مَرْتَكْ سَارَةْ تَلْدَ لَيْك وِلَيْد وَ تِسَمِّيهْ إِسْحَاقْ. وَ أَنَا نِثَبِّتْ مُعَاهَدَتِي الدَّايْمَةْ مَعَايَهْ وَ مَعَ ذُرِّيّتَهْ.

خُروج 2:24

وَ الرَّبّ ذَاتَهْ سِمِعْ قَنِيتْهُمْ وَ فَكَّرْ لِلْمُعَاهَدَةْ السَّوَّاهَا مَعَ جُدُودْهُمْ إِبْرَاهِيمْ وَ إِسْحَاقْ وَ يَعْقُوبْ.

خُروج 3:12

وَ الرَّبّ قَالْ: «أَنَا نُكُونْ مَعَاكْ وَ دِي هِي الْعَلَامَةْ التِّوَصِّفْ لَيْك كَدَرْ أَنَا بَسْ رَسَّلْتَكْ. وَ وَكِتْ إِنْتَ تَمْرُقْ بَنِي إِسْرَائِيلْ مِنْ مَصِرْ، إِنْتُو كُلُّكُو تَجُوا تَعَبُدُونِي فِي الْجَبَلْ دَا.»

خُروج 6:7

وَ تَبْقَوْا شَعَبِي وَ أَنَا نَبْقَى إِلٰـهْكُو. وَ فِي الْوَكِتْ دَا، تَعَرْفُوا كَدَرْ أَنَا بَسْ اللّٰهْ إِلٰـهْكُو الْمَرَقْتُكُو مِنْ الْعُبُودِيَّةْ هَنَا الْمَصْرِيِّينْ

عَدد 23:19

الْإِلٰـهْ مَا مِثِلْ الْإِنْسَانْ يَكْدِبْ وَ لَا مِثِلْ بَنِي آدَم يَنْدَمْ. كُلَّ شَيّءْ الْيُقُولَهْ، هُو يِسَوِّيهْ وَ يِحَقِّقْ كَلَامَهْ الْيِحَجِّيهْ.

زَبُور 105:8

هُو يِذَّكَّرْ دَايْماً فِي مُعَاهَدَتَهْ وَ فِي كَلَامَهْ الْأَمَرْ بَيَّهْ لِأَلِفْ ذُرِّيَّةْ.