غَلاطِية 6:1 - الكتاب المقدس بالعربي الدارجي هنا تشاد

¹ يَا أَخْوَانِي، كَنْ وَاحِدْ مِنْكُو وَقَعْ فِي خَطَا، وَاجِبْ إِنْتُو الْقَوِيِّينْ بِقُدْرَةْ الرُّوحْ الْقُدُّوسْ تِخَتُّمُوا لَيَّهْ بِنَفَسْ بَارِدْ وَ تِقَبُّلُوهْ فِي الدَّرِبْ الْعَدِيلْ. وَ فَكُّرُوا لِنُفُوسْكُو أَشَانْ الذَّنِبْ الْيَجِي بِالتَّجْرِبَةْ مَا يِنَّصِرْ فَوْقكُو إِنْتُو كُلَ.

غَلاطِية 6:1 Referenca të Kryqëzuara

رَوْمَا 15:1

لَاكِنْ أَنِحْنَ الْقَوِيِّينْ فِي الْإِيمَانْ، وَاجِبْ نَحْمَلَوْا أَخْوَانَّا الْمَا قَوِيِّينْ فِي الْإِيمَانْ. وَ مَا وَاجِبْ نِسَوُّوا الشَّيّءْ الْيَعَجِبْنَا أَنِحْنَ بَسْ.

2 تَسَلونِيكِي 3:15

مَا تَحْسُبُوهْ عَدُوكُو لَاكِنْ حَذُّرُوهْ أَشَانْ هُو أَخُوكُو.

2 تِمُوتَاوُس 2:25

بِنَفَسْ بَارِدْ، هُو يِوَصِّفْ الْحَقّ لِلنَّاسْ الْيِخَالُفُوهْ وَ هُو يِدَوْر كَدَرْ اللّٰهْ يَهْدِيهُمْ لِلتَّوْبَةْ وَ يَعَرْفُوا الْحَقّ.

1 يُوحَنَّا 5:16

كَنْ نَادُمْ مِنْكُو يِشِيفْ أَخُو وَاحِدْ يَذْنِبْ وَ الذَّنِبْ دَا مَا الذَّنِبْ الْيِوَدِّي النَّاسْ لِلْمَوْت، خَلِّي يَسْأَلْ اللّٰهْ وَ هُو يَنْطِي الْحَيَاةْ لِلنَّادُمْ دَا. هُو يَنْطِي الْحَيَاةْ لِلنَّاسْ الذُّنُوبْهُمْ مَا يِوَدُّوهُمْ لِلْمَوْت. ذَنِبْ آخَرْ قَاعِدْ الْيِوَدِّي النَّاسْ لِلْمَوْت وَ مَا قُلْت لَيْكُو تَسْأَلَوْا اللّٰهْ لِلنَّاسْ الْقَاعِدِينْ يِسَوُّوهْ.

2 كُرُنْتُس 2:7

وَ هَسَّعْ دَا، وَاجِبْ تِسَامُحُوهْ وَ تِشَجُّعُوهْ أَشَانْ الْحِزِنْ مَا يِفَشِّلَهْ مَرَّةْ وَاحِدْ.

عِبْرَانِيِّين 12:13

عَدُّلُوا الدَّرِبْ التُّرُوغُوا فَوْقَهْ أَشَانْ الرِّجِلْ الْعَرْجَةْ مَا تَمْرُقْ لَاكِنْ تَبْرَى.

1 بُطْرُس 3:15

لَاكِنْ خُطُّوا فِي قُلُوبْكُو كَدَرْ الْمَسِيحْ، هُو قُدُّوسْ وَ هُو رَبُّكُو. أَقْعُدُوا دَايْماً جَاهِزِينْ أَشَانْ تُرُدُّوا لِأَيِّ نَادُمْ الْيَطْلُبْ مِنْكُو دَلِيلْ هَنَا الْعَشَمْ الْعِنْدُكُو.

رَوْمَا 14:1

أَقْبَلَوْا الْمُؤمِنْ الضَّعِيفْ فِي إِيمَانَهْ وَ مَا تِغَالُطُوهْ فِي فِكْرَهْ.

حِزْقِيال 34:16

الْغَنَمَايْ الرَّايْحَةْ، نِفَتِّشْهَا وَ الْمُوَدِّرَةْ، نِجِيبْهَا وَ الرِّجِلْهَا مَكْسُورَةْ، نَرْبُطْهَا وَ الضَّعِيفَةْ، نِقَوِّيهَا. وَ لَاكِنْ التِّسَمِّنْ نَفِسْهَا أَوْ التِّوَصِّفْ قُدْرِتْهَا، نِدَمِّرْهَا. وَ نَسْرَحْ بِغَنَمِي بِعَدَالَةْ.»

1 كُرُنْتُس 10:12

وَ فِي شَانْ دَا، خَلِّي كُلِّ نَادُمْ الْيُقُولْ هُو ثَابِتْ فِي الْإِيمَانْ يِنْقَرِعْ أَشَانْ مَا يَمْرُقْ مِنْ الدَّرِبْ.

1 كُرُنْتُس 4:21

وَ تِدَوْرُوا شُنُو؟ تِدَوْرُوا نَجِيكُو بِعَصَاةْ وَلَّا نَجِيكُو بِمَحَبَّةْ وَ نَفَسْ بَارِدْ؟

يَعْقُوب 3:2

أَيِّ وَاحِدْ مِنِّنَا يَخْطَا كَتِيرْ. كَنْ نَادُمْ أَبَداً مَا يَخْطَا فِي كَلَامَهْ، هُو دَا نَادُمْ كَامِلْ وَ يَقْدَرْ فِي نَفْسَهْ.

2 كُرُنْتُس 10:1

أَنَا بَسْ بُولُسْ الْيُقُولُوا فَوْقِي أَنَا نِمَسْكِنْ نَفْسِي وَكِتْ أَنَا قَاعِدْ مَعَاكُو وَ لَاكِنْ كَلَامِي حَارّ وَكِتْ أَنَا غَايِبْ مِنْكُو. وَ أَنَا نِحَنِّسْكُو بِخَيْر الْمَسِيحْ وَ مَحَنِّتَهْ.

مَتَّى 9:13

أَمْشُوا أَقْرُوا وَ أَفْهَمَوْا كَلَامْ اللّٰهْ الْبُقُولْ: <نِدَوْر الرَّحْمَةْ زِيَادَةْ مِنْ الضَّحَايَا.> أَنَا مَا جِيتْ أَشَانْ نِنَادِي الصَّالِحِينْ لَاكِنْ جِيتْ لِنِنَادِي الْمُذْنِبِينْ لِلتَّوْبَةْ.»

1 كُرُنْتُس 14:37

كَنْ نَادُمْ يُقُولْ هُو نَبِي وَلَّا نَادُمْ هَنَا الرُّوحْ الْقُدُّوسْ، خَلِّي يَعَرِفْ كَدَرْ الْكَلَامْ الْقَاعِدْ نَكْتِبَهْ لَيْكُو دَا أَمُرْ مِنْ رَبِّنَا.

1 كُرُنْتُس 7:5

خَلِّي الرَّاجِلْ مَا يَابَى مَرْتَهْ وَ الْمَرَةْ مَا تَابَى رَاجِلْهَا. لَاكِنْ كَنْ تِدَوْرُوا تِوَقُّفُوا الْعَلَاقَةْ الْجِنْسِيَّةْ أَمْبَيْنَاتْكُو لِمُدَّةْ مُحَدَّدَةْ، مَثَلاً وَكِتْ تِنْكَرْبُوا فِي الصَّلَاةْ، أَوَّلاً كَيْ أَسْتَفُقُوا فَوْقَهْ سَوَا. وَ وَكِتْ الْمُدَّةْ دِي كَمَّلَتْ، لِمُّوا بَتَّانْ. وَ قُلْت الْكَلَامْ دَا أَشَانْ كَنْ مَا تَقْدَرَوْا تَلْزَمَوْا شَهْوَاتْكُو، أَكُونْ إِبْلِيسْ يِلِزُّكُو فِي الذَّنِبْ.

1 كُرُنْتُس 2:15

وَ النَّادُمْ الْعِنْدَهْ الرُّوحْ الْقُدُّوسْ، هُو يِحَاسِبْ كُلَّ شَيّءْ لَاكِنْ مَا فِي نَادُمْ الْعِنْدَهْ حَقّ يِحَاسِبَهْ.

رَوْمَا 8:6

النَّادُمْ الْعَقْلَهْ ثَابِتْ فِي فِكِرْ الْإِنْسَانْ، هُو يَلْقَى الْمَوْت. وَ لَاكِنْ النَّادُمْ الْعَقْلَهْ ثَابِتْ فِي فِكِرْ الرُّوحْ الْقُدُّوسْ، هُو يَلْقَى الْحَيَاةْ وَ السَّلَامْ.

مَتَّى 11:29

شِيلُوا التَّقَلَةْ النَّنْطِيهَا لَيْكُو وَ أَبْقَوْا تَلَامِيذِي أَشَانْ أَنَا ضَلُولْ وَ حَنُونْ وَ تَلْقَوْا جُمَّةْ لِنُفُوسْكُو.

يَعْقُوب 3:13

يَاتُو مِنْكُو حَكِيمْ وَ فَاهِمْ؟ خَلِّي يِوَصِّفْ عَمَلَهْ بِحَالَهْ السَّمْحَةْ بِنَفَسْ بَارِدْ وَ حِكْمَةْ.

عِبْرَانِيِّين 13:3

فَكُّرُوا فِي أَخْوَانْكُو الْقَاعِدِينْ فِي السِّجِنْ وَ أَجْعَلَوْا نُفُوسْكُو مِثِلْ قَاعِدِينْ مَعَاهُمْ. وَ أَخْوَانْكُو الْقَاعِدِينْ يَحْمَلَوْا التَّعَبْ، فَكُّرُوا فَوْقهُمْ أَشَانْ جِسِمْهُمْ مِثِلْ جِسِمْكُو.

غَلاطِية 5:23

وَ النَّفَسْ الْبَارِدْ وَ ثَبِّتِينْ النَّفْس. الْأَشْيَاءْ دَوْل، مَا فِي شَرْط وَاحِدْ ضِدُّهُمْ.

2 صَمُوِيل 11:2

وَ يَوْم وَاحِدْ بِعَشِيَّةْ، دَاوُدْ قَمَّ مِنْ فُرَاشَهْ وَ قَاعِدْ يِحَوِّقْ فِي رَاسْ قَصْرَهْ وَ مِنْ فَوْق، شَافْ مَرَةْ قَاعِدَةْ تِلْبَرَّدْ. وَ هِي جَمِيلَةْ مَرَّةْ وَاحِدْ.

1 كُرُنْتُس 3:1

يَا أَخْوَانِي، وَكِتْ أَنَا مَعَاكُو مَا قِدِرْت نِحَجِّي لَيْكُو مِثِلْ إِنْتُو نَاسْ الْعِنْدُهُمْ الرُّوحْ الْقُدُّوسْ. لَاكِنْ إِنْتُو عِنْدُكُو فِكِرْ هَنَا نَاسْ الدُّنْيَا. وَ فِي دَرِبْ الْمَسِيحْ إِنْتُو مِثِلْ أَطْفَالْ.

مَتَّى 26:75

وَ بُطْرُسْ فَكَّرْ فِي الْكَلَامْ الْعِيسَى قَالَهْ: «قُبَّالْ الدِّيكْ مَا يِعَوْعِي، تَنْكُرْنِي تَلَاتَةْ مَرَّاتْ.» وَ خَلَاصْ، بُطْرُسْ مَرَقْ مِنْ الْبَيْت وَ بَكَى بَكِي شَدِيدْ.

مَتَّى 26:69

وَ فِي الْوَكِتْ دَاكْ، بُطْرُسْ قَاعِدْ بَرَّا فِي الْحَوْش. وَ خَدَّامَةْ وَاحِدَةْ جَاتْ لَيَّهْ وَ قَالَتْ: «إِنْتَ كُلَ مَعَ عِيسَى الْمِنْ دَارْ الْجَلِيلْ!»

زَبُور 141:5

خَلِّي الصَّالِحْ يَضْرُبْنِي وَ يُلُومْنِي! دَا خَيْر لَيِّ مِثِلْ دِهِنْ مُعَطَّرْ فِي رَاسِي وَ رَاسِي أَبَداً مَا يَابَاهْ. وَ دَايْماً نِصَلِّي ضِدّ ظَالِمِينْ.

غَلاطِية 6:18

يَا أَخْوَانِي، عَلَيْكُمْ رَحْمَةْ رَبِّنَا عِيسَى الْمَسِيحْ. آمِينْ.

1 تَسَلونِيكِي 4:1

يَا أَخْوَانِي، أَسْمَعَوْا كَلَامِي بَتَّانْ. أَوَّلْ عَلَّمْتُوا مِنِّنَا الْحَالْ الْوَاجْبَةْ أَشَانْ اللّٰهْ يَرْضَى بَيْكُو. وَ خَلَاصْ إِنْتُو مَاشِينْ عَدِيلْ. وَ أَشَانْ دَا، نَشْحَدَوْكُو وَ نِوَصُّوكُو بِأُسُمْ الرَّبّ عِيسَى أَشَانْ تَمْشُوا عَدِيلْ بِزِيَادَةْ.

2 كُرُنْتُس 2:8

أَشَانْ دَا، نِوَصِّيكُو بَتَّانْ وَصُّفُوا لَيَّهْ مَحَبِّتْكُو.