غَلاطِية 5:3 - الكتاب المقدس بالعربي الدارجي هنا تشاد

³ نَشْهَدْ لَيْكُو بَتَّانْ كَدَرْ أَيِّ نَادُمْ الْيِخَلِّي نَفْسَهْ يِطَهُّرُوهْ بِطَهُورَةْ التَّوْرَاةْ، وَاجِبْ لَيَّهْ يِطَبِّقْ شُرُوطْ التَّوْرَاةْ كُلُّهُمْ كَيْ.

غَلاطِية 5:3 Referenca të Kryqëzuara

غَلاطِية 3:10

وَ كُلَّ النَّاسْ الْأَنْكَرَبَوْا فِي طَبِّقِينْ شُرُوطْ التَّوْرَاةْ، اللَّعَنَةْ قَاعِدَةْ فَوْقهُمْ. أَشَانْ مَكْتُوبْ فِي الْكِتَابْ كَدَرْ أَيِّ نَادُمْ الْمَا يِتَابِعْ الْكَلَامْ الْمَكْتُوبْ فِي التَّوْرَاةْ كُلَّ كَيْ وَ مَا يِطَبِّقَهْ تَمَامْ، هُو مَلْعُونْ.

رَوْمَا 2:25

الطَّهُورَةْ عِنْدَهَا لَيْك فَايْدَةْ كَنْ تِتَابِعْ شُرُوطْ التَّوْرَاةْ. لَاكِنْ كَنْ تِخَالِفْ شُرُوطْ التَّوْرَاةْ، خَلَاصْ إِنْتَ الْمُطَهَّرْ بِقِيتْ مِثِلْ النَّادُمْ الْمَا مُطَهَّرْ.

تَثْنِية 27:26

«وَ مَلْعُونْ الْمَا يِشِيلْ كَلَامْ الْوَصَايَا دَوْل وَ يِطَبِّقْهُمْ.» وَ كُلَّ الشَّعَبْ يُقُولُوا: «آمِينْ!»

أفَسُس 4:17

وَ دَاهُو نِوَصِّيكُو بِأُسُمْ الرَّبّ، أَسْمَعَوْا كَلَامِي عَدِيلْ. مَا تِعِيشُوا بَتَّانْ مِثِلْ النَّاسْ الْمَا مُؤمِنِينْ. هُمَّنْ يِتَابُعُوا الْفِكِرْ الْبَاطِلْ.

تَثْنِية 31:21

وَ وَكِتْ يَقَعْ فَوْقهُمْ الْبَلَاءْ الْكَتِيرْ وَ التَّعَبْ، الْغِنَيْ دَا ذُرِّيِّتْهُمْ مَا يَنْسَوْه وَ هُو يَبْقَى لَيِّ شَهَادَةْ فَوْقهُمْ. وَ الْيَوْم، أَنَا نَعَرِفْ تَمَامْ الشَّيّءْ الْهُمَّنْ يِدَوْرُوا يِسَوُّوهْ قَبُلْ أَنَا مَا نِدَخِّلْهُمْ فِي الْبَلَدْ الْأَنَا حَلَفْت لِجُدُودْهُمْ وَ قُلْت نَنْطِيهَا لَيْهُمْ.»

تَثْنِية 8:19

وَ كَنْ نِسِيتُوا اللّٰهْ إِلٰـهْكُو وَ تَابَعْتُوا إِلٰـهَاتْ آخَرِينْ وَ عَبَدْتُوهُمْ وَ سَجَدْتُوا قِدَّامْهُمْ، خَلَاصْ أَنَا نِأَكِّدْ لَيْكُو الْيَوْم كَدَرْ تِدَّمَّرَوْا كُلُّكُو.

مَتَّى 23:18

وَ تُقُولُوا كَنْ نَادُمْ حَلَفْ بِمَدْبَحْ هَنَا بَيْت اللّٰهْ، حَلِيفْتَهْ بَاطْلَةْ وَ لَاكِنْ كَنْ نَادُمْ حَلَفْ بِالضَّحِيَّةْ الْقَاعِدَةْ فَوْق الْمَدْبَحْ، حَلِيفْتَهْ صَحِيحَةْ.

1 يُوحَنَّا 4:14

وَ أَنِحْنَ شِفْنَا عَدِيلْ كَدَرْ اللّٰهْ رَسَّلْ إِبْنَهْ فِي الدُّنْيَا أَشَانْ يِنَجِّي نَاسْ الدُّنْيَا وَ أَنِحْنَ قَاعِدِينْ نَشْهَدَوْا لَيَّهْ.

1 تَسَلونِيكِي 4:6

فِي الْكَلَامْ دَا، خَلِّي نَادُمْ مَا يَخْطَا فِي أَخُوهْ وَ لَا يُغُشَّهْ أَشَانْ حَذَّرْنَاكُو مِنْ أَوَّلْ بِكَلَامْ وَاضِحْ، اللّٰهْ يِعَاقِبْ النَّاسْ الْيِسَوُّوا كُلَّ الذُّنُوبْ الْمِثِلْ دَوْل.

أعمال الرُسُل 20:21

وَ نِحَذِّرْ الْيَهُودْ وَ الْيُونَانِيِّينْ بِنَفْس الْكَلَامْ وَ نُقُولْ كَدَرْ وَاجِبْ كُلُّهُمْ يُتُوبُوا لِلّٰهْ وَ يِآمُنُوا بِرَبِّنَا عِيسَى.

أعمال الرُسُل 2:40

وَ بُطْرُسْ قَاعِدْ يَشْهَدْ لِعِيسَى قِدَّامْ النَّاسْ وَ حَجَّى لَيْهُمْ كَلَامْ كَتِيرْ أَشَانْ يِجِيبْهُمْ فِي الدَّرِبْ. هُو قَالْ: «تُوبُوا وَ تَنْجَوْا. مَا تِتَابُعُوا نَاسْ وَكِتْنَا الْمُوَدِّرِينْ دَوْل.»

لُوقا 16:28

هِنَاكْ عِنْدِي خَمْسَةْ أَخْوَانْ. خَلِّي يِحَذِّرْهُمْ أَشَانْ مَا يَجُوا فِي بَكَانْ الْعَذَابْ دَا، مِثْلِي أَنَا.›

مَتَّى 23:16

«يَا الْعُلَمَاءْ وَ الْفَرِيزِيِّينْ، إِنْتُو مُنَافِقِينْ! الْعَذَابْ يَرْجَاكُو أَشَانْ تُقُودُوا النَّاسْ فِي الدَّرِبْ وَ إِنْتُو ذَاتْكُو عَمْيَانِينْ. تُقُولُوا كَنْ نَادُمْ حَلَفْ بِبَيْت اللّٰهْ، حَلِيفْتَهْ بَاطْلَةْ وَ لَاكِنْ كَنْ نَادُمْ حَلَفْ بِدَهَبْ هَنَا بَيْت اللّٰهْ، حَلِيفْتَهْ صَحِيحَةْ.

نَحَمْيا 9:34

وَ مُلُوكْنَا وَ كُبَارَاتْنَا وَ رُجَالْ الدِّينْ هَنَانَا وَ أَبَّهَاتْنَا كُلُّهُمْ مَا طَبَّقَوْا شُرُوطْ التَّوْرَاةْ وَ مَا خَطَّوْا بَالْهُمْ فِي وَصِيَّاتَكْ وَ لَا فِي التَّحْذِيرْ الْإِنْتَ حَذَّرْتُهُمْ.

أعمال الرُسُل 15:1

فِيَّهْ نَاسْ وَاحِدِينْ مِنْ دَارْ الْيَهُودِيَّةْ جَوْا فِي حِلَّةْ أَنْطَاكِيَةْ وَ قَمَّوْا يِعَلُّمُوا الْأَخْوَانْ. وَ هُمَّنْ قَالَوْا: «كَنْ مَا طَهَّرَوْكُو حَسَبْ شُرُوطْ تَوْرَاةْ مُوسَى، أَبَداً مَا تَنْجَوْا.»

غَلاطِية 5:2

فُكُّوا أَدَانْكُو. أَنَا بُولُسْ نُقُولْ لَيْكُو كَنْ تِخَلُّوهُمْ يِطَهُّرُوكُو، بَرَكَةْ الْمَسِيحْ مَا تَنْفَعْ لَيْكُو أَبَداً.

غَلاطِية 5:6

أَشَانْ فِي دَرِبْ الْمَسِيحْ عِيسَى، كَنْ نَادُمْ مُطَهَّرْ وَلَّا مَا مُطَهَّرْ كُلَ، دَا مَا مُهِمّ. الشَّيّءْ الْمُهِمّ دَا، هُو الْإِيمَانْ بِالْمَسِيحْ وَ الْمَحَبَّةْ الْجَايَةْ مِنْ الْإِيمَانْ دَا.