غَلاطِية 5:1 - الكتاب المقدس بالعربي الدارجي هنا تشاد

¹ الْمَسِيحْ سَوَّانَا نَاسْ حُرِّينْ أَشَانْ نِعِيشُوا فِي الْحُرِّيَّةْ. أَقْعُدُوا ثَابْتِينْ فِي الْحُرِّيَّةْ وَ آبَوْا مَا تَبْقَوْا بَتَّانْ عَبِيدْ.

غَلاطِية 5:1 Referenca të Kryqëzuara

2 كُرُنْتُس 3:17

وَ فِي الْكَلَامْ دَا، الرَّبّ هُو الرُّوحْ الْقُدُّوسْ. وَ أَيِّ بَكَانْ الرُّوحْ الْقُدُّوسْ هَنَا الرَّبّ قَاعِدْ فَوْقَهْ، الْحُرِّيَّةْ كُلَ قَاعِدَةْ فَوْقَهْ.

غَلاطِية 5:13

يَا أَخْوَانِي، اللّٰهْ نَادَاكُو أَشَانْ يِدَوْر إِنْتُو تِعِيشُوا فِي الْحُرِّيَّةْ. لَاكِنْ مَا تِسَوُّوا الْحُرِّيَّةْ دِي فُرْصَةْ لِتِتَابُعُوا شَهْوَاتْكُو الْفَسْلِينْ. أَخَيْر تَخْدُمُوا لِأَخْوَانْكُو بِمَحَبَّةْ.

1 بُطْرُس 2:16

عِيشُوا بِحُرِّيَّةْ لَاكِنْ مَا تِشِيلُوا الْحُرِّيَّةْ دِي فُرْصَةْ لِتِسَوُّوا بَيْهَا الْفَسَالَةْ وَ مَا تَنْسَوْا كَدَرْ إِنْتُو عَبِيدْ اللّٰهْ.

رَوْمَا 6:14

خَلَاصْ، الذَّنِبْ مَا عِنْدَهْ قُدْرَةْ فَوْقكُو بَتَّانْ أَشَانْ هَسَّعْ إِنْتُو مَا تِحِتْ شُرُوطْ التَّوْرَاةْ لَاكِنْ إِنْتُو تِحِتْ رَحْمَةْ اللّٰهْ.

رَوْمَا 8:2

وَ قُدْرَةْ الرُّوحْ الْقُدُّوسْ التَّنْطِي الْحَيَاةْ فِي عِيسَى الْمَسِيحْ حَرَّرَتْنِي مِنْ قُدْرَةْ الشُّرُوطْ الْقَدِيمِينْ الْوَدَّوْنِي لِلذَّنِبْ وَ الْمَوْت.

غَلاطِية 4:9

لَاكِنْ هَسَّعْ دَخَلْتُوا فِي عَلَاقَةْ مَعَ اللّٰهْ، وَلَّا أَخَيْر نُقُولْ اللّٰهْ دَخَّلَاكُو فِي عَلَاقَةْ مَعَايَهْ. وَ كَنْ كَيْ دَا، مَالَا تِدَوْرُوا تِقَبُّلُوا تِتَابُعُوا بَتَّانْ شُرُوطْ وَ عَادَاتْ الدُّنْيَا الْمَا عِنْدُهُمْ قُدْرَةْ وَ لَا فَايْدَةْ؟ مَالَا تِدَوْرُوا تَبْقَوْا بَتَّانْ عَبِيدْ؟

عِبْرَانِيِّين 10:23

خَلِّي نَشْهَدَوْا دَايْماً لِرَبِّنَا الْعَشَمْنَا قَاعِدْ فَوْقَهْ وَ مَا نِشَكُّكُوا أَشَانْ الْأَنْطَانَا الْوَعَدْ، هُو دَايْماً صَادِقْ.

غَلاطِية 2:4

حَتَّى كَانْ أَخْوَانْ وَاحِدِينْ مَا مُؤمِنِينْ بِالصَّحِيحْ، أَنْدَسَّوْا أَمْبَيْنَاتْنَا وَ دَوَّرَوْا يِطَهُّرُوهْ. هُمَّنْ جَوْا بِتَلْبِيدْ يِجَاسُسُوا فِي الْحُرِّيَّةْ الْعِنْدِنَا بِالْمَسِيحْ عِيسَى أَشَانْ دَوَّرَوْا يَرْبُطُوا فَوْقنَا عَادَاتْ الْيَهُودْ لَحَدِّي نَبْقَوْا مِثِلْ عَبِيدْ.

غَلاطِية 4:31

وَ بِمِثِلْ دَا، يَا أَخْوَانِي، أَنِحْنَ مَا عِيَالْ الْخَادِمْ. لَاكِنْ أَنِحْنَ عِيَالْ الْحُرَّةْ.

رُؤية 3:3

وَ أَشَانْ دَا، فَكِّرْ فِي الْكَلَامْ الْأَوَّلْ سِمِعْتَهْ وَ عَلَّمَوْك لَيَّهْ. وَ تَابِعْ الْكَلَامْ دَا وَ تُوبْ مِنْ ذُنُوبَكْ. وَ كَنْ إِنْتَ أَبَيْت مَا قَمَّيْت فَوْق، أَنَا نَجِيكْ بِغَفْلَةْ مِثِلْ جَيَّةْ السَّرَّاقْ وَ نَضُرْبَكْ فِي السَّاعَةْ الْإِنْتَ مَا تَعَرِفْهَا.

2 بُطْرُس 2:19

الْمُعَلِّمِينْ دَوْل يِوَاعُدُوهُمْ بِالْحُرِّيَّةْ لَاكِنْ هُمَّنْ ذَاتْهُمْ عَبِيدْ هَنَا الْفَسَادْ. أَشَانْ النَّادُمْ يَبْقَى عَبِدْ هَنَا الشَّيّءْ الْعِنْدَهْ قُدْرَةْ فَوْقَهْ.

1 كُرُنْتُس 16:13

أَقْعُدُوا وَاعِيِّينْ وَ ثَابْتِينْ فِي الْإِيمَانْ. أَبْقَوْا شَجِيعِينْ وَ قَوِيِّينْ.

رَوْمَا 7:6

لَاكِنْ هَسَّعْ أَنِحْنَ حُرِّينْ مِنْ شُرُوطْ التَّوْرَاةْ أَشَانْ مُتْنَا مَعَ الْمَسِيحْ وَ مُتْنَا لِلْكَرَبَانَا مَسَاجِينْ. وَ بِمِثِلْ دَا، نَعَبُدُوا اللّٰهْ مَا بِالْعِبَادَةْ الْقَدِيمَةْ حَسَبْ الْكَلَامْ الْمَكْتُوبْ، لَاكِنْ بِقُدْرَةْ الرُّوحْ الْقُدُّوسْ فِي الْحَيَاةْ الْجَدِيدَةْ.

رَوْمَا 6:18

إِنْتُو حُرِّينْ مِنْ الذَّنِبْ وَ بِقِيتُوا عَبِيدْ اللّٰهْ الصَّالِحِينْ.

إشَعْيا 61:1

رُوحْ اللّٰهْ الرَّبّ قَاعِدْ فَوْقِي أَشَانْ اللّٰهْ مَسَحَانِي وَ خَصَّصَانِي لِنِبَشِّرْ الْمَسَاكِينْ. هُو رَسَّلَانِي لِنِدَاوِي النَّاسْ الْقَلِبْهُمْ مُنْكَسِرْ وَ نَعْلِنْ بِالْحُرِّيَّةْ لِلْمَكْرُوبِينْ وَ بِالطَّلَقَانْ لِلْمَسَاجِينْ.

أعمال الرُسُل 15:10

وَ بَيْدَا، مَالَا هَسَّعْ تِخَالُفُوا اللّٰهْ؟ مَالْكُو تِدَوْرُوا تُخُطُّوا فِي التَّلَامِيذ دَوْل تَقَلَةْ مِثِلْ دَامِي فَايِتْ قُدْرَةْ جُدُودْنَا وَ قُدْرِتْنَا أَنِحْنَ كُلَ؟

1 كُرُنْتُس 7:22

وَ أَنَا قُلْت لَيْك مَا تَزْعَلْ أَشَانْ الْعَبِدْ الْاللّٰهْ نَادَاهْ فِي دَرِبْ رَبِّنَا بِقِي خَدَّامْ حُرّ هَنَا رَبِّنَا. وَ نَفْس الشَّيّءْ لِلنَّادُمْ الْأَوَّلْ حُرّ قُبَّالْ اللّٰهْ مَا نَادَاهْ، هُو بِقِي عَبْد الْمَسِيحْ.

زَبُور 51:12

أَنْطِينِي فَرَحْ نَجَاتَكْ وَ قَوِّينِي بِرُوحْ كَرِيمَةْ.

أمْثال 23:23

فَتِّشْ الصَّحِيحْ وَ الْحِكْمَةْ وَ الْأَدَبْ وَ الْفِهِمْ. وَكِتْ تَلْقَاهُمْ، أَكْرُبْهُمْ قَوِي.

يَهُوذَا 1:3

يَا أَخْوَانِي النِّحِبُّكُو، مِنْ أَوَّلْ أَتْمَنَّيْت نَكْتِبْ لَيْكُو فِي النَّجَاةْ الْكُلِّنَا نِشَارُكُوا فَوْقهَا. وَ هَسَّعْ أَنْجَبَرْت نَكْتِبْ لَيْكُو بِسُرْعَةْ وَ نِشَجِّعْكُو أَشَانْ تِجَاهُدُوا لِتَحْفَضَوْا الْإِيمَانْ الْاللّٰهْ كَلَّفْ بَيَّهْ الصَّالِحِينْ مَرَّةْ وَاحِدَةْ وَ نِهَائِيَّةْ.

فِلِبِّي 1:27

لَاكِنْ خَلِّي تِعِيشُوا بِالْحَالْ الْمُوَافْقَةْ لِبِشَارَةْ الْمَسِيحْ. وَ مِثِلْ دَا، كَنْ نَجِي نِشِيفْكُو وَلَّا كَنْ أَنَا بَعِيدْ مِنْكُو كُلَ، خَلَاصْ نَسْمَعْ كَلَامْ فِيكُو الْيُقُولْ إِنْتُو ثَابْتِينْ بِفِكِرْ وَاحِدْ وَ هَدَفْ وَاحِدْ وَ إِنْتُو قَاعِدِينْ تِحَارُبُوا سَوَا فِي شَانْ الْإِيمَانْ اللِّقِيتُوهْ مِنْ بِشَارَةْ الْمَسِيحْ.

أفَسُس 6:14

أَشَانْ دَا، أَقْعُدُوا ثَابْتِينْ، صُلُبْكُو مَرْبُوطْ بِالْحَقّ. خَلِّي الْحَالْ الصَّالْحَةْ تَبْقَى لَيْكُو دِرِعْ قَوِي فِي صَدُرْكُو.

رُؤية 2:25

إِلَّا نُقُولْ أَقْعُدُوا ثَابْتِينْ فِي الْكَلَامْ الْعِنْدُكُو لَحَدِّي نَجِي.

عِبْرَانِيِّين 4:14

تَعَرْفُوا كَدَرْ أَنِحْنَ عِنْدِنَا رَاجِلْ دِينْ كَبِيرْ وَ هُو عَظِيمْ وَ طَلَعْ فَوْق فِي السَّمَاوَاتْ وَ هُو عِيسَى إِبْن اللّٰهْ. وَ أَشَانْ دَا، خَلِّي نَكُرْبُوا قَوِي إِيمَانَّا بِعِيسَى النَّشْهَدَوْا لَيَّهْ.

عِبْرَانِيِّين 3:14

أَشَانْ كُلِّنَا بِقِينَا مُشَارِكِينْ فِي الْمَسِيحْ كَنْ صَحِيحْ نِتَابُعُوا الْإِيمَانْ الْعِنْدِنَا مِنْ الْبِدَايَةْ وَ نَقْعُدُوا ثَابْتِينْ فَوْقَهْ لَحَدِّي النِّهَايَةْ.

عِبْرَانِيِّين 3:6

لَاكِنْ الْمَسِيحْ بِقِي أَمِينْ أَشَانْ هُو إِبْن اللّٰهْ وَ هُو بَسْ الْمَسْؤُولْ فِي بَيْت اللّٰهْ. وَ أَنِحْنَ بِنُفُوسْنَا بَسْ بَيْتَهْ، كَنْ نَقْعُدُوا ثَابْتِينْ بَلَا شَكَكْ وَ نُخُطُّوا عَشَمْنَا دَايْماً فِي الْمَسِيحْ الْأَنِحْنَ نِلْفَشَّرَوْا بَيَّهْ.

2 تَسَلونِيكِي 2:15

وَ بِمِثِلْ دَا، يَا أَخْوَانِي، أَقْعُدُوا ثَابْتِينْ وَ أَكُرْبُوا قَوِي التَّعْلِيمْ الْعَلَّمْنَاهْ لَيْكُو، كَنْ مِنْ الْكَلَامْ الْقُلْنَاهْ لَيْكُو بِخُشُومْنَا وَلَّا مِنْ الْكَلَامْ الْكَتَبْنَاهْ لَيْكُو فِي جَوَابَاتْنَا.

1 تَسَلونِيكِي 3:8

أَوَّلْ الْهَمّ كَتَلَانَا لَاكِنْ مِنْ سِمِعْنَا إِنْتُو ثَابْتِينْ فِي رَبِّنَا، خَلَاصْ الْحَيَاةْ بِقَتْ لَيْنَا حَلُوَّةْ بَتَّانْ.

غَلاطِية 4:26

لَاكِنْ مَدِينَةْ الْقُدُسْ الْقَاعِدَةْ فَوْق مَعَ اللّٰهْ، هِي حُرَّةْ وَ هِي بَسْ أَمِّنَا.

غَلاطِية 3:25

وَ هَسَّعْ زَمَنْ الْإِيمَانْ جَاءْ خَلَاصْ وَ شُرُوطْ التَّوْرَاةْ مَا يِرَاقُبُوا فَوْقنَا بَتَّانْ.

1 كُرُنْتُس 15:58

يَا أَخْوَانِي النِّحِبُّكُو، فَكُّرُوا فِي كُلَّ الْكَلَامْ دَا وَ أَقْعُدُوا ثَابْتِينْ وَ قَوِيِّينْ. أَنْكَرْبُوا دَايْماً فِي خِدْمَةْ رَبِّنَا أَشَانْ تَعَرْفُوا كَدَرْ الْخِدْمَةْ التَّخْدُمُوهَا لِرَبِّنَا أَبَداً مَا بَاطْلَةْ.

مَتَّى 23:4

وَ يِعَلُّمُوا الدِّينْ لِلنَّاسْ وَ يِسَوُّوا لَيْهُمْ الدِّينْ تَقِيلْ يُفُوتْ رَاسْهُمْ وَ مَا عِنْدُهُمْ نِيَّةْ يِعَاوُنُوهُمْ، حَتَّى بِشَيّءْ صَغَيَّرْ كُلَ.

رَوْمَا 7:3

وَ بِمِثِلْ دَا، كَنْ مَشَتْ أَخَدَتْ رَاجِلْ آخَرْ وَكِتْ رَاجِلْهَا لِسَّاعْ قَاعِدْ حَيّ، شُرُوطْ التَّوْرَاةْ تُقُولْ هِي زَانِيَةْ. لَاكِنْ كَنْ رَاجِلْهَا مَاتْ، هِي تَبْقَى حُرَّةْ مِنْ الشُّرُوطْ دَوْل. وَ كَنْ تَمْشِي تَاخُدْ رَاجِلْ آخَرْ كُلَ، الشَّرِيعَةْ مَا تُقُولْ هِي زَانِيَةْ.

رَوْمَا 8:15

وَ اللّٰهْ نَزَّلْ فَوْقكُو رُوحَهْ مَا أَشَانْ يِسَوِّيكُو عَبِيدْ الْعَايْشِينْ بَتَّانْ بِالْخَوْف. لَا. الرُّوحْ النَّزَّلَهْ فَوْقكُو، هُو الرُّوحْ الْيِسَوِّيكُو عِيَالْ اللّٰهْ. وَ بِسَبَبْ الرُّوحْ دَا، كُلِّنَا نِنَادُوهْ بِحِسّ عَالِي: «أَبَّ، أَبُونَا!»

2 كُرُنْتُس 11:20

وَ إِنْتُو تَحْمَلَوْا النَّادُمْ الْيِسَوِّيكُو عَبِيدَهْ وَلَّا يَاكُلْ مَالْكُو وَلَّا يَسْرِقْ مِنْكُو بِغَشّ وَلَّا يِسْتَكْبَرْ قِدَّامْكُو وَلَّا يُدُقُّكُو أَمْ كَفّ.

لُوقا 5:38

لَاكِنْ وَاجِبْ يُصُبُّوا خَمَرْ جَدِيدْ فِي قِرْبَةْ جَدِيدَةْ.