غَلاطِية 4:8 - الكتاب المقدس بالعربي الدارجي هنا تشاد

⁸ فِي الْوَكِتْ الْفَاتْ، مَا عِرِفْتُوا اللّٰهْ وَ إِنْتُو عَبِيدْ لِلْإِلٰـهَاتْ الْمَا إِلٰـهَاتْ بِالصَّحِيحْ.

غَلاطِية 4:8 Referenca të Kryqëzuara

1 كُرُنْتُس 8:4

وَ فِي الشَّيّءْ الْبُخُصّ أَكِلْ اللَّحَمْ الْقَدَّمَوْه ضَحِيَّةْ لِلْأَصْنَامْ، أَكِيدْ أَنِحْنَ نَعَرْفُوا كَدَرْ الصَّنَمْ، هُو يِمَثِّلْ إِلٰـهْ الْمَا مَوْجُودْ فِي الدُّنْيَا. وَ نَعَرْفُوا كَدَرْ مَا فِي إِلٰـهْ إِلَّا اللّٰهْ الْوَاحِدْ.

2 تَسَلونِيكِي 1:8

هُو يَجِي بِنَارْ أَمّ لَهِيبْ حَامِيَةْ. وَ هُو يِعَاقِبْ النَّاسْ الْمَا يِدَوْرُوا يَعَرْفُوا اللّٰهْ وَ مَا يِتَابُعُوا بِشَارَةْ رَبِّنَا عِيسَى.

1 تَسَلونِيكِي 4:5

مَا تِخَلُّوا شَهْوَاتْكُو يَمُلْكُوا فَوْقكُو. مَا تَبْقَوْا مِثِلْ النَّاسْ الْمَا مُؤمِنِينْ الْمَا يَعَرْفُوا اللّٰهْ.

1 تَسَلونِيكِي 1:9

فِي أَيِّ بَكَانْ النَّاسْ قَاعِدِينْ يِحَجُّوا بَيْكُو وَ يُقُولُوا كَدَرْ إِنْتُو كَرَبْتُونَا عَدِيلْ وَ تُبْتُوا لِلّٰهْ. وَ يُقُولُوا إِنْتُو خَلَّيْتُوا مِنْكُو الْأَصْنَامْ أَشَانْ تَعَبُدُوا اللّٰهْ الْوَاحِدْ الْحَيّ

1 بُطْرُس 4:3

كَفَاكُو! أَشَانْ مِنْ زَمَانْ، إِنْتُو قَعَدْتُوا وَكِتْ طَوِيلْ فِي عَمَلْ الْقَاعِدِينْ يِسَوُّوا النَّاسْ الْمَا مُؤمِنِينْ. هُمَّنْ قَاعِدِينْ يِسَوُّوا الْفَسَادْ وَ شَهْوَاتْهُمْ الشَّيْنِينْ وَ السَّكَرْ وَ حَفْلَاتْ الزِّنَى وَ السَّفَاهَةْ. وَ يَعَبُدُوا الْأَصْنَامْ الْاللّٰهْ حَرَّمَاهُمْ.

1 كُرُنْتُس 1:21

أَشَانْ اللّٰهْ سَوَّى كُلَّ شَيّءْ حَسَبْ حِكْمَتَهْ وَ لَاكِنْ نَاسْ الدُّنْيَا مَا أَعْتَرَفَوْا بَيَّهْ. وَ خَلَاصْ اللّٰهْ شَالْ نِيَّةْ أَشَانْ يِنَجِّي النَّاسْ الْيِآمُنُوا بَيَّهْ بِطَرِيقْ الْبِشَارَةْ، حَتَّى كَانْ نَاسْ الدُّنْيَا يِشِيفُوهْ كَلامْ بَاطِلْ كُلَ.

إشَعْيا 37:19

وَ زَقَلَوْا إِلٰـهَاتْهُمْ فِي النَّارْ أَشَانْ هُمَّنْ أَصْنَامْ بَسْ السَّوَّوْهُمْ النَّاسْ بِإِيدَيْهُمْ مِنْ حَطَبْ وَ حَجَرْ. وَ مُلُوكْ أَشُورْ دَمَّرَوْهُمْ.

2 أخبار 13:9

وَ مَا إِنْتُو بَسْ الطَّرَدْتُوا رُجَالْ الدِّينْ هَنَا اللّٰهْ وَ دَوْل مِنْ ذُرِّيَّةْ هَارُونْ وَ اللَّاوِيِّينْ؟ وَ دَرَّجْتُوا لَيْكُو رُجَالْ دِينْ آخَرِينْ مِثِلْ نَاسْ قَاعِدِينْ يِسَوُّوا فِي بُلْدَانْ آخَرِينْ؟ وَ أَيِّ نَادُمْ الْيَجِي بِتَوْر وَ سَبْعَةْ كُبْشَانْ، خَلَاصْ هُو يَبْقَى رَاجِلْ دِينْ هَنَا أَصْنَامْ دَوْل وَ هُمَّنْ مَا إِلٰـهَاتْ.

أفَسُس 4:18

وَ قَاعِدِينْ فِي الضَّلَامْ وَ مَا فَاهِمِينْ الْحَقّ. وَ مَا يَعَرْفُوا الْحَيَاةْ الْاللّٰهْ يِدَوْر يَنْطِيهَا لَيْهُمْ أَشَانْ الْجَهَلْ قَاعِدْ فَوْقهُمْ وَ رَاسْهُمْ بِقِي قَوِي.

1 كُرُنْتُس 12:2

تَعَرْفُوا كَدَرْ أَوَّلْ إِنْتُو مَا مُؤمِنِينْ، غَشَّوْكُو وَ وَدَّوْكُو لَحَدِّي عَبَدْتُوا الْأَصْنَامْ الْمَا يُقُولُوا شَيّءْ.

إرْمِيا 10:25

وَ خَلِّي غَضَبَكْ يَنْزِلْ فِي الْأُمَمْ الْمَا يَعَرْفُوكْ وَ فِي الْقَبَايِلْ الْمَا يِنَادُوا أُسْمَكْ. أَشَانْ هُمَّنْ دَمَّرَوْا ذُرِّيَّةْ يَعْقُوبْ وَ سَوَّوْهُمْ مَا فِيهُمْ وَ خَرَبَوْا مَسَاكِنْهُمْ.

يَشُوع 24:15

وَ لَاكِنْ كَنْ مَا تِدَوْرُوا تَعَبُدُوا اللّٰهْ، أَعَزُلُوا الْيَوْم الْإِلٰـهْ التِّدَوْرُوا تَعَبُدُوهْ. مُمْكِنْ تِشِيلُوا إِلٰـهَاتْ الْعَبَدَوْهُمْ جُدُودْكُو غَادِي لِبَحَرْ الْفُرَاتْ، وَلَّا تِشِيلُوا إِلٰـهَاتْ الْأَمُورِيِّينْ مِنْ الْبَلَدْ الْإِنْتُو سَاكْنِينْ فَوْقهَا. وَ لَاكِنْ أَنَا وَ عَايِلْتِي كَمَانْ، أَنِحْنَ نَعَبُدُوا اللّٰهْ!»

يَشُوع 24:2

وَ يَشُوعْ قَالْ لِكُلَّ الشَّعَبْ: «دَاهُو اللّٰهْ إِلٰـهْ بَنِي إِسْرَائِيلْ قَالْ: ‹زَمَانْ، جُدُودْكُو سَكَنَوْا غَادِي لِبَحَرْ الْفُرَاتْ وَ عَبَدَوْا إِلٰـهَاتْ آخَرِينْ. وَ تَارَحْ أَبُو إِبْرَاهِيمْ وَ نَاحُورْ كُلَ أَمْبَيْنَاتْهُمْ.

خُروج 5:2

وَ الْمَلِكْ قَالْ: «اللّٰهْ هُو يَاتُو الْأَنَا نَسْمَعْ كَلَامَهْ وَ نِخَلِّي بَنِي إِسْرَائِيلْ يَمُرْقُوا؟ أَنَا مَا نَعَرِفْ اللّٰهْ. وَ مَا نِخَلِّيهُمْ يَمُرْقُوا.»

1 يُوحَنَّا 3:1

شِفْتُوا كِكَّيْف أَبُونَا يِحِبِّنَا؟ مَحَبَّةْ اللّٰهْ لَيْنَا كَبِيرَةْ بِلْحَيْن وَ بِسَبَبْهَا هُو يِنَادِينَا عِيَالَهْ. وَ صَحِيحْ بِقِينَا عِيَالْ اللّٰهْ. نَاسْ الدُّنْيَا مَا عِرْفَوْنَا أَشَانْ مَا عِرْفَوْا اللّٰهْ.

رَوْمَا 1:28

النَّاسْ أَبَوْا مَا يَعَرْفُوا اللّٰهْ وَ أَشَانْ دَا، اللّٰهْ سَلَّمَاهُمْ لِعُقُولْهُمْ الْفَاسْدِينْ وَ قَمَّوْا يِسَوُّوا الشَّيّءْ الْمَا وَاجِبْ يِسَوُّوهْ.

أعمال الرُسُل 17:23

وَ وَكِتْ أَنَا قَاعِدْ نُرُوغْ فِي حِلِّتْكُو، شِفْت مَدَابِحْكُو. وَ لِقِيتْ مَدْبَحْ وَاحِدْ وَ قَرَيْت الْكَلَامْ الْمَكْتُوبْ فَوْقَهْ بُقُولْ: ‹لِلْإِلٰـهْ الْمَا مَعْرُوفْ.› وَ خَلَاصْ، أَنَا نِأَوْرِيكُو بِاللّٰهْ، الْإِلٰـهْ التَّعَبُدُوهْ وَ مَا تَعَرْفُوهْ.

أعمال الرُسُل 14:12

وَ قَالَوْا بَرْنَابَا هُو زِيُوسْ مَلِكْ الْإِلٰـهَاتْ وَ بُولُسْ هُو هَرْمِيسْ خَشُمْ الْكَلَامْ هَنَا الْإِلٰـهَاتْ أَشَانْ هُو بَسْ الْقَاعِدْ يِكَلِّمْ.

يُوحَنَّا 1:10

الدُّنْيَا كَوَّنَتْ بَيَّهْ وَ لَاكِنْ وَكِتْ هُو جَاءْ فِي الدُّنْيَا، نَاسْ الدُّنْيَا مَا عِرْفَوْه.

إرْمِيا 2:11

هَلْ فِي أُمَّةْ بَدَّلَتْ إِلٰـهَّا بِإِلٰـهْ آخَرْ؟ وَ دَوْل مَا إِلٰـهَاتْ صَحِيحْ كُلَ. وَ لَاكِنْ شَعَبِي بَدَّلَوْنِي أَنَا مَجْدُهُمْ بِشَيّءْ مَا يَنْفَعْ.

رَوْمَا 1:23

أَبَوْا مَا يَعَبُدُوا اللّٰهْ الْمَجِيدْ الْمَا يُمُوتْ أَبَداً. وَ قَمَّوْا يَعَبُدُوا فِي بَدَلَهْ، أَصْنَامْ فِي صُورَةْ الْإِنْسَانْ الْأَكِيدْ يُمُوتْ وَلَّا صُورَةْ طَيْر وَلَّا صُورَةْ حَيْوَانَاتْ وَلَّا صُورَةْ زَوَاحِفْ.

إرْمِيا 5:7

وَ اللّٰهْ قَالْ: «بِالْحَالَةْ دِي، كِكَّيْف نَغْفِرْ لَيْكُو؟ عِيَالْكُو أَبَوْنِي وَ يَحَلْفُوا بِالْأَصْنَامْ الْمَا إِلٰـهْ. النَّاسْ الْأَنَا شَبَّعْتُهُمْ يِسَوُّوا زِنَى وَ يِزَّاحَمَوْا فِي بَيْت الشَّرْمُوطَةْ.

إرْمِيا 16:20

هَلْ الْإِنْسَانْ يَقْدَرْ يِسَوِّي لِنَفْسَهْ إِلٰـهَاتْ وَلَّا؟ لَا! هُمَّنْ بِصَحِيحْ مَا يَبْقَوْا إِلٰـهْ.»

غَلاطِية 4:3

وَ أَوَّلْ بِقِي مِثِلْ دَا لَيْنَا أَنِحْنَ الْمُؤمِنِينْ. أَوَّلْ أَنِحْنَ مِثِلْ النَّاسْ الْمَا عَاقْلِينْ وَ عَايْشِينْ مِثِلْ الْعَبِيدْ تِحِتْ شُرُوطْ وَ عَادَاتْ الدُّنْيَا.