غَلاطِية 4:7 - الكتاب المقدس بالعربي الدارجي هنا تشاد

⁷ وَ خَلَاصْ، إِنْتَ مَا عَبِدْ مِثِلْ أَوَّلْ. بِقِيتْ وِلَيْد اللّٰهْ وَ كَنْ إِنْتَ وِلَيْدَهْ، اللّٰهْ جَعَلَاكْ وَرِيثَهْ.

غَلاطِية 4:7 Referenca të Kryqëzuara

غَلاطِية 3:29

وَ كَنْ إِنْتُو نَاسْ هَنَا الْمَسِيحْ، خَلَاصْ إِنْتُو كُلَ مِنْ ذُرِّيَّةْ إِبْرَاهِيمْ وَ تَوْرُثُوا الْبَرَكَةْ الْاللّٰهْ وَاعَدَهْ بَيْهَا.

غَلاطِية 3:26

أَشَانْ إِنْتُو كُلُّكُو عِيَالْ اللّٰهْ فِي عِيسَى الْمَسِيحْ بِدَرِبْ الْإِيمَانْ.

غَلاطِية 4:31

وَ بِمِثِلْ دَا، يَا أَخْوَانِي، أَنِحْنَ مَا عِيَالْ الْخَادِمْ. لَاكِنْ أَنِحْنَ عِيَالْ الْحُرَّةْ.

زَبُور 73:26

جِسْمِي أَدَّمَّرْ وَ قَلْبِي كُلَ لَاكِنْ الرَّبّ هُو مَلْجَأْ لِنَفْسِي وَ وَرَثَتِي إِلَى الْأَبَدْ.

مَراثِي إرْمِيا 3:24

وَ مَا فَضَّلْ لَيِّ إِلَّا اللّٰهْ وَ أَنَا نُخُطّ عَشَمِي فَوْقَهْ.

إرْمِيا 10:16

وَ إِلٰـهْ يَعْقُوبْ مَا مِثِلْهُمْ أَشَانْ هُو بَسْ خَلَقْ كُلَّ شَيّءْ. هُو عَزَلْ قَبِيلَةْ بَنِي إِسْرَائِيلْ لِيَبْقَوْا شَعَبَهْ الْمِثِلْ وَرَثَتَهْ وَ أُسْمَهْ اللّٰهْ الْقَادِرْ.

تكوين 15:1

وَ بَعَدْ دَا، اللّٰهْ حَجَّى لِأَبْرَامْ فِي رُؤْيَةْ وَ قَالْ لَيَّهْ: «أَبْرَامْ! مَا تَخَافْ. أَنَا قَاعِدْ مَعَاكْ. أَنَا دَرَقَتَكْ. وَ نَنْطِيكْ أَجُرْ كَبِيرْ بِلْحَيْن.»

رُؤية 21:7

وَ أَيِّ نَادُمْ الْيِنَّصِرْ، يَوْرِثْ كُلَّ الْبَرَكَةْ دِي. وَ أَنَا نَبْقَى رَبَّهْ وَ هُو يَبْقَى وِلَيْدِي.

إرْمِيا 31:33

وَ دِي هِي الْمُعَاهَدَةْ الْجَدِيدَةْ النِّسَوِّيهَا مَعَ بَنِي إِسْرَائِيلْ بَعَدْ الْيَوْم دَا. أَنَا نُخُطّ وَصِيَّاتِي فِي فِكِرْهُمْ وَ نَكْتِبْهُمْ فِي قُلُوبْهُمْ. وَ أَنَا نَبْقَى إِلٰـهُّمْ وَ هُمَّنْ يَبْقَوْا شَعَبِي. وَ دَا كَلَامْ اللّٰهْ.

زَبُور 16:5

يَا اللّٰهْ! إِنْتَ قِسْمِي وَ نَصِيبِي وَ كَاسْ شَرَابِي وَ إِنْتَ بَسْ تِقَرِّرْ كِكَّيْف أَنَا نِعِيشْ فِي دَرْبَكْ.

مَتَّى 6:24

«مَا مُمْكِنْ نَادُمْ يَبْقَى عَبِدْ لِسِيَادْ إِتْنَيْن. أَشَانْ هُو يَكْرَهْ الْأَوَّلْ وَ يِرِيدْ التَّانِي وَلَّا يِحِبَّهْ لِلْأَوَّلْ بِكُلَّ قَلْبَهْ وَ يَحْقِرْ التَّانِي. وَ إِنْتُو كُلَ، مَا تَقْدَرَوْا تَبْقَوْا عَبِيدْ لِلّٰهْ وَ عَبِيدْ لِلْمَالْ.