غَلاطِية 4:16 - الكتاب المقدس بالعربي الدارجي هنا تشاد

¹⁶ وَ هَسَّعْ دَا، أَنَا بِقِيتْ عَدُوكُو أَشَانْ أَوْرَيْتكُو الْحَقّ وَلَّا؟

غَلاطِية 4:16 Referenca të Kryqëzuara

عَمُوس 5:10

إِنْتُو تَبْغُضُوا الشَّاهِدْ الْيُقُولْ الصَّحِيحْ فِي الشَّرِيعَةْ وَ تَجْعَلْ النَّادُمْ الْيُقُولْ الصَّحِيحْ مِثِلْ مُحَرَّمْ.

أمْثال 9:8

مَا تُلُومْ الشَّمَّاتِي أَشَانْ هُو يَبْغُضَكْ لَاكِنْ كَنْ تُلُومْ الْحَكِيمْ، هُو يِرِيدَكْ.

غَلاطِية 5:7

بَدَيْتُوا عَدِيلْ فِي دَرِبْ الْمَسِيحْ. كِكَّيْف خَلَّيْتُوا نَادُمْ يَمْرُقْكُو مِنْ الدَّرِبْ الصَّحِيحْ دَا؟

يُوحَنَّا 8:45

وَ أَنَا قَاعِدْ نِأَوْرِيكُو الْحَقّ وَ أَشَانْ دَا بَسْ إِنْتُو مَا تِآمُنُوا بَيِّ.

زَبُور 141:5

خَلِّي الصَّالِحْ يَضْرُبْنِي وَ يُلُومْنِي! دَا خَيْر لَيِّ مِثِلْ دِهِنْ مُعَطَّرْ فِي رَاسِي وَ رَاسِي أَبَداً مَا يَابَاهْ. وَ دَايْماً نِصَلِّي ضِدّ ظَالِمِينْ.

1 مُلوك 22:8

وَ مَلِكْ مَمْلَكَةْ إِسْرَائِيلْ قَالْ لِيَهُوشَفَطْ: «فِيَّهْ نَادُمْ وَاحِدْ الْيَقْدَرْ يَسْأَلْ لَيْنَا اللّٰهْ. وَ لَاكِنْ أَنَا نَكْرَهَهْ أَشَانْ هُو مَا يِتْنَبَّأْ بَيِّ بِالْخَيْر لَاكِنْ دَايْماً يِتْنَبَّأْ بَيِّ بِالْفَسَالَةْ. وَ النَّادُمْ دَا، هُو مِيكَا وِلَيْد يِمْلَا.» وَ يَهُوشَفَطْ قَالْ: «خَلِّي الْمَلِكْ مَا يِحَجِّي كَلَامْ مِثِلْ دَا!»

غَلاطِية 2:5

لَاكِنْ أَنِحْنَ مَا قَصَّدْنَا وَ مَا سِمِعْنَا كَلَامْهُمْ أَشَانْ دَوَّرْنَا نَحْفَضَوْا لَيْكُو الْكَلَامْ الصَّحِيحْ الْاللّٰهْ أَنْطَانَا فِي بِشَارَةْ الْمَسِيحْ.

يُوحَنَّا 7:7

نَاسْ الدُّنْيَا مَا يَكْرَهَوْكُو وَ لَاكِنْ يَكْرَهَوْنِي أَنَا أَشَانْ أَنَا شَاهِدْ فَوْقهُمْ وَ نُقُولْ عَمَلْهُمْ فَسِلْ.

1 مُلوك 21:20

وَ أَخَابْ قَالْ لِإِلِيَاسْ: «إِنْتَ جِيتْ لِقِيتْنِي وَلَّا، يَا عَدُويِ؟» وَ إِلِيَاسْ قَالْ لَيَّهْ: «أَيْوَى! أَنَا جِيتْ لِقِيتَكْ أَشَانْ إِنْتَ شِلْت نِيَّةْ تِسَوِّي الْفَسَالَةْ قِدَّامْ اللّٰهْ.

غَلاطِية 2:14

لَاكِنْ وَكِتْ أَنَا شِفْت كَدَرْ هُمَّنْ مَا مَاشِينْ عَدِيلْ وَ مَا يِتَابُعُوا الْكَلَامْ الصَّحِيحْ الْاللّٰهْ أَنْطَانَا فِي بِشَارَةْ الْمَسِيحْ، قَمَّيْت حَجَّيْت لِبُطْرُسْ قِدَّامْهُمْ كُلُّهُمْ. وَ قُلْت: «إِنْتَ يَهُودِي وَ بِقِيتْ مِثِلْ نَادُمْ مَا يَهُودِي وَ خَلَّيْت مِنَّكْ عَادَاتْ الْيَهُودْ. وَ مِثِلْ دَا، مَالَا تِدَوْر تَجْبُرْ النَّاسْ الْمَا يَهُودْ لِيَبْقَوْا مِثِلْ الْيَهُودْ؟»

2 أخبار 25:16

وَ لَاكِنْ وَكِتْ النَّبِي قَاعِدْ يِحَجِّي لَيَّهْ، أَمَصْيَا قَطَعْ كَلَامَهْ وَ قَالْ: «يَاتُو خَطَّاكْ مُسْتَشَارْ هَنَايِ أَنَا الْمَلِكْ؟ أَسْكُتْ كَنْ مَا تِدَوْر يُدُقَّكْ!» وَ النَّبِي قَالْ: «أَنَا نَعَرِفْ كَدَرْ الرَّبّ قَرَّرْ لِيِدَمِّرَكْ أَشَانْ إِنْتَ سَوَّيْت الشَّيّءْ دَا وَ أَبَيْت مَا تَسْمَعْ وَصِيّتِي.» وَ بَعَدْ دَا، سَكَتْ.

1 مُلوك 22:27

وَ قُولُوا لَيْهُمْ: ‹دَاهُو كَلَامْ الْمَلِكْ هُو قَالْ: ”دِسُّوا النَّادُمْ دَا فِي السِّجِنْ وَ أَنْطُوهْ خُبْزَةْ وَ أَلْمِي شِيَّةْ شِيَّةْ بَسْ لَحَدِّي أَنَا نِقَبِّلْ بِالصِّحَّةْ وَ السَّلَامَةْ.“›»

غَلاطِية 4:15

وَيْن الْفَرْحَةْ الْأَوَّلْ عِنْدُكُو؟ نَشْهَدْ لَيْكُو كَدَرْ فِي الْوَكِتْ دَاكْ، كَنْ عِنْدُكُو قُدْرَةْ أَشَانْ تَمُرْقُوا عُيُونْكُو، طَوَّالِي تَمُرْقُوهُمْ تَنْطُوهُمْ لَيِّ.

غَلاطِية 4:17

النَّاسْ الْيِدَوْرُوا يِجِيبُوكُو فِي دَرِبْهُمْ دَوْل يَخْدُمُوا أَمْبَيْنَاتْكُو بِنِيَّةْ وَاحِدَةْ لَاكِنْ نِيِّتْهُمْ مَا عَدِيلَةْ. يِدَوْرُوا يِفَارُقُوكُو مِنِّي. وَ يِدَوْرُوا إِنْتُو تِتَابُعُوهُمْ هُمَّنْ بَسْ بِنِيَّةْ وَاحِدَةْ.