غَلاطِية 4:11 - الكتاب المقدس بالعربي الدارجي هنا تشاد

¹¹ حَالِتْكُو دِي خَوَّفَتْنِي بِلْحَيْن أَشَانْ أَكُونْ التَّعَبْ الْأَنَا تِعِبْتَهْ فَوْقكُو مَشَى فِي رِيحْ سَاكِتْ.

غَلاطِية 4:11 Referenca të Kryqëzuara

1 تَسَلونِيكِي 3:5

أَشَانْ دَا، وَكِتْ فَقَدْت الصَّبُرْ مَرَّةْ وَاحِدْ، رَسَّلْت لَيْكُو تِمُوتَاوُسْ أَشَانْ نِدَوْر نَعَرِفْ كَنْ إِنْتُو ثَابْتِينْ فِي إِيمَانْكُو وَلَّا لَا. وَ فِي الْوَكِتْ دَاكْ، أَنَا قَاعِدْ نِهِمّ لَيْكُو. فِي فِكْرِي، أَكُونْ إِبْلِيسْ الْيِجَرِّبْ النَّاسْ أَنَّصَرْ فَوْقكُو وَ التَّعَبْ الْأَنَا تِعِبْتَهْ فَوْقكُو مَشَى فِي الرِّيحْ سَاكِتْ.

غَلاطِية 2:2

مَشَيْت بِسَبَبْ رُؤْيَةْ مِنْ اللّٰهْ. وَ مَشَيْت لِكُبَارَاتْ الْمُؤمِنِينْ الْمَعْرُوفِينْ وَ لَمَّيْت مَعَاهُمْ فِي مَلَمَّةْ وِحَيْدنَا. وَ قَدَّمْت لَيْهُمْ الْبِشَارَةْ الْبَلَّغْتَهَا فِي أُسْط النَّاسْ الْمَا يَهُودْ. دَوَّرْت نِأَكِّدْ كَدَرْ الْخِدْمَةْ الْأَوَّلْ سَوَّيْتهَا وَ الْهَسَّعْ قَاعِدْ نِسَوِّيهَا مَا تَبْقَى بَاطْلَةْ.

2 يُوحَنَّا 1:8

أَنْقَرْعُوا أَشَانْ الْأَجُرْ الْيَجِي بِسَبَبْ عَمَلْكُو مَا يِوَدِّرْ. شِدُّوا حَيْلكُو أَشَانْ تَلْقَوْا أَجُرْكُو كَامِلْ.

فِلِبِّي 2:16

أَشَانْ إِنْتُو مُنْكَرِبِينْ فِي كَلَامْ الْحَيَاةْ. وَ كَنْ تَبْقَوْا مِثِلْ دَا، نَقْدَرْ نَرْفَعْ رَاسِي فَوْق فِي يَوْم جَيَّةْ الْمَسِيحْ. وَ نَعَرِفْ تَعَبِي وَ خِدِمْتِي الْخَدَمْتَهَا لَيَّهْ مَا فَشَلَتْ.

غَلاطِية 4:20

نِتْمَنَّى كَدَرْ نَقْدَرْ نُكُونْ مَعَاكُو وَ نِحَجِّي لَيْكُو بِكَلَامْ بَارِدْ. لَاكِنْ أَنَا بَعِيدْ مِنْكُو وَ مَا نَعَرِفْ الشَّيّءْ النِّسَوِّي لَيْكُو.

1 كُرُنْتُس 15:58

يَا أَخْوَانِي النِّحِبُّكُو، فَكُّرُوا فِي كُلَّ الْكَلَامْ دَا وَ أَقْعُدُوا ثَابْتِينْ وَ قَوِيِّينْ. أَنْكَرْبُوا دَايْماً فِي خِدْمَةْ رَبِّنَا أَشَانْ تَعَرْفُوا كَدَرْ الْخِدْمَةْ التَّخْدُمُوهَا لِرَبِّنَا أَبَداً مَا بَاطْلَةْ.

أعمال الرُسُل 16:6

وَ الرُّوحْ الْقُدُّوسْ مَا أَنْطَاهُمْ إِذِنْ يِبَلُّغُوا الْبِشَارَةْ فِي بَلَدْ آسِيَا. وَ خَطَرَوْا فِي فِرِقِيَّةْ وَ غَلَاطِيَةْ.

إشَعْيا 49:4

وَ لَاكِنْ أَنَا قُلْت: «أَنَا عِيِيتْ بَلَا فَايْدَةْ! وَ وَدَّرْت قُدُرْتِي فِي الْفَاضِي وَ فِي الرِّيحْ سَاكِتْ. لَاكِنْ أَكِيدْ اللّٰهْ يَنْطِينِي حَقِّي وَ مُكَافَاتِي قَاعِدَةْ فِي إِيدْ إِلٰـهِي.»

غَلاطِية 4:10

هَايْ! إِنْتُو قَاعِدِينْ تُخُطُّوا فِكِرْكُو فِي أَيَّامْ الْأَعْيَادْ وَ الشُّهُورْ وَ الْأَوْكَاتْ وَ السِّنِينْ!

غَلاطِية 4:12

يَا أَخْوَانِي، أَوَّلْ أَنَا بِقِيتْ مِثِلْكُو إِنْتُو الْمَا يَهُودْ. هَسَّعْ نَشْحَدْكُو، أَبْقَوْا مِثْلِي أَنَا. أَوَّلْ مَا سَوَّيْتُوا لَيِّ شَيّءْ فَسِلْ.