غَلاطِية 3:5 - الكتاب المقدس بالعربي الدارجي هنا تشاد

⁵ فَكُّرُوا فَوْقَهْ. اللّٰهْ يِنَزِّلْ فَوْقكُو الرُّوحْ الْقُدُّوسْ بِقُدْرَةْ وَ يِسَوِّي عَجَايِبْ فِي أُسُطْكُو مَالَا؟ أَشَانْ تِتَابُعُوا شُرُوطْ التَّوْرَاةْ وَلَّا أَشَانْ سِمِعْتُوا بِشَارَةْ الْمَسِيحْ وَ آمَنْتُوا بَيْهَا؟

غَلاطِية 3:5 Referenca të Kryqëzuara

غَلاطِية 3:2

نِدَوْر نَسْأَلْكُو شَيّءْ وَاحِدْ. الرُّوحْ الْقُدُّوسْ نَزَلْ فَوْقكُو أَشَانْ إِنْتُو تَابَعْتُوا شُرُوطْ التَّوْرَاةْ، وَلَّا أَشَانْ سِمِعْتُوا بِشَارَةْ الْمَسِيحْ وَ آمَنْتُوا بَيْهَا؟

2 كُرُنْتُس 13:3

تِدَوْرُوا الدَّلِيلْ الْيِوَصِّفْ كَدَرْ الْمَسِيحْ يِحَجِّي لَيْكُو بِوَاسِطَتِي أَنَا وَ دَاهُو أَنَا نِوَصِّفَهْ لَيْكُو. الْمَسِيحْ مَا ضَعِيفْ فِي الشَّيّءْ الْيِسَوِّيهْ لَيْكُو وَ أَكِيدْ هُو يِوَصِّفْ قُدُرْتَهْ فِي أُسُطْكُو.

أعمال الرُسُل 14:3

وَ بُولُسْ وَ بَرْنَابَا مَا خَافَوْا مِنْهُمْ وَ طَوَّلَوْا هِنَاكْ وَ كَلَّمَوْا بِالرَّبّ عِيسَى لِنَاسْ الْحِلَّةْ بِكَلَامْ وَاضِحْ. وَ الرَّبّ أَنْطَاهُمْ عَلَامَاتْ وَ عَجَايِبْ أَشَانْ يِثَبِّتْ بِشَارَةْ رَحْمَتَهْ قِدَّامْ النَّاسْ.

2 كُرُنْتُس 12:12

إِنْتُو شِفْتُوا الدَّلِيلْ الْيِثَبِّتْ كَدَرْ أَنَا رَسُولْ وَكِتْ خَدَمْت فِي أُسُطْكُو. شِفْتُوا الصَّبُرْ الْقَوِي وَ الْعَلَامَاتْ وَ الْعَجَايِبْ وَ عَمَلْ اللّٰهْ.

2 كُرُنْتُس 10:4

وَ السِّلَاحْ النِّحَارُبُوا بَيَّهْ مَا سِلَاحْ النَّاسْ. قُدْرَةْ سِلَاحْنَا جَايَةْ مِنْ اللّٰهْ وَ بَيْهَا نِدَمُّرُوا الْخِدْمَةْ الْقَوِيَّةْ هَنَا إِبْلِيسْ. نِدَمُّرُوا الْأَفْكَارْ الْخَاطِيِّينْ هَنَا النَّاسْ

رَوْمَا 15:19

وَ بِقُدْرَةْ الْعَجَايِبْ وَ الْعَلَامَاتْ وَ بِقُدْرَةْ الرُّوحْ الْقُدُّوسْ. وَ مِثِلْ دَا، أَنَا بَلَّغْت بِشَارَةْ الْمَسِيحْ لِلنَّاسْ فِي كُلِّ بَكَانْ مِنْ مَدِينَةْ الْقُدُسْ لَحَدِّي بَلَدْ إِلِّرْكُونْ.

2 كُرُنْتُس 3:8

أَكِيدْ كَلَامْ اللّٰهْ الْيَنْطِي لَيْنَا الرُّوحْ الْقُدُّوسْ يَجِي بِنُورْ مَجِيدْ زِيَادَةْ.

1 كُرُنْتُس 12:10

وَ الرُّوحْ الْقُدُّوسْ يَنْطِي قُدْرَةْ لِنَادُمْ وَاحِدْ أَشَانْ يِسَوِّي عَجَايِبْ وَ لِنَادُمْ آخَرْ كَلَامْ نَازِلْ مِنْ اللّٰهْ. وَ يَنْطِي قُدْرَةْ لِنَادُمْ وَاحِدْ أَشَانْ يِمَيِّزْ قُدْرَةْ إِبْلِيسْ مِنْ قُدْرَةْ الرُّوحْ الْقُدُّوسْ. وَ لِنَادُمْ آخَرْ يَنْطِيهْ لُغَّاتْ شِقْ شِقْ الْيَجُوا مِنْ الرُّوحْ الْقُدُّوسْ وَ لِنَادُمْ آخَرْ قُدْرَةْ أَشَانْ يِفَسِّرْ اللُّغَّاتْ دَوْل.

رَوْمَا 10:17

خَلَاصْ، النَّاسْ مَا يَبْقَوْا مُؤمِنِينْ بِالْمَسِيحْ إِلَّا كَنْ يَسْمَعَوْا الْبِشَارَةْ وَ مَا يَسْمَعَوْا الْبِشَارَةْ إِلَّا كَنْ نَادُمْ يِبَلِّغْهَا لَيْهُمْ.

2 كُرُنْتُس 9:10

وَ اللّٰهْ الْيَنْطِي التَّيْرَابْ لِلْحَرَّاتِي وَ مَعَاشْ لِلنَّاسْ، هُو يِكَتِّرْ لَيْكُو تَيْرَابْكُو أَشَانْ تَلْقَوْا كَتِيرْ وَ تَنْطُوا زِيَادَةْ وَ يِزِيدْكُو بَرَكَةْ.

فِلِبِّي 1:19

أَشَانْ نَعَرِفْ كَدَرْ اللّٰهْ يِنَجِّينِي وَ دَا بِسَبَبْ إِنْتُو قَاعِدِينْ تَسْأَلَوْه لَيِّ وَ رُوحْ عِيسَى الْمَسِيحْ يِعَاوِنِّي.