غَلاطِية 3:2 - الكتاب المقدس بالعربي الدارجي هنا تشاد

² نِدَوْر نَسْأَلْكُو شَيّءْ وَاحِدْ. الرُّوحْ الْقُدُّوسْ نَزَلْ فَوْقكُو أَشَانْ إِنْتُو تَابَعْتُوا شُرُوطْ التَّوْرَاةْ، وَلَّا أَشَانْ سِمِعْتُوا بِشَارَةْ الْمَسِيحْ وَ آمَنْتُوا بَيْهَا؟

غَلاطِية 3:2 Referenca të Kryqëzuara

غَلاطِية 3:14

وَ بِقِي مِثِلْ دَا، أَشَانْ بِالْمَسِيحْ عِيسَى الْبَرَكَةْ الْاللّٰهْ وَاعَدْ بَيْهَا إِبْرَاهِيمْ تَجِي فِي النَّاسْ الْمَا يَهُودْ كُلَ. وَ خَلَاصْ بِسَبَبْ الْإِيمَانْ، اللّٰهْ يِنَزِّلْ فَوْقنَا كُلِّنَا الرُّوحْ الْقُدُّوسْ الْهُو وَاعَدْ بَيَّهْ النَّاسْ.

أعمال الرُسُل 15:8

وَ اللّٰهْ الْيَعَرِفْ قَلِبْ أَيِّ نَادُمْ، نَزَّلْ فَوْقهُمْ الرُّوحْ الْقُدُّوسْ مِثِلْ أَوَّلْ نَزَّلَهْ فَوْقنَا. وَ بَيْدَا، هُو وَصَّفْ هُو قِبِلَاهُمْ.

غَلاطِية 3:5

فَكُّرُوا فَوْقَهْ. اللّٰهْ يِنَزِّلْ فَوْقكُو الرُّوحْ الْقُدُّوسْ بِقُدْرَةْ وَ يِسَوِّي عَجَايِبْ فِي أُسُطْكُو مَالَا؟ أَشَانْ تِتَابُعُوا شُرُوطْ التَّوْرَاةْ وَلَّا أَشَانْ سِمِعْتُوا بِشَارَةْ الْمَسِيحْ وَ آمَنْتُوا بَيْهَا؟

عِبْرَانِيِّين 2:4

وَ اللّٰهْ كُلَ شَهَدْ لَيْهَا بِعَلَامَاتْ وَ عَجَايِبْ وَ مُعْجِزَاتْ شِقْ شِقْ وَ بِالْقُدْرَةْ الْهُو أَنْطَاهَا لِلنَّاسْ بِالرُّوحْ الْقُدُّوسْ حَسَبْ الْهُو يِدَوْرَهْ.

أعمال الرُسُل 8:15

وَ وَكِتْ وِصْلَوْا فِي السَّامِرَةْ، سَأَلَوْا اللّٰهْ أَشَانْ الرُّوحْ الْقُدُّوسْ يَنْزِلْ فِي الْمُؤمِنِينْ.

أعمال الرُسُل 2:38

وَ بُطْرُسْ رَدَّ لَيْهُمْ وَ قَالْ: «تُوبُوا مِنْ ذُنُوبْكُو وَ أَيِّ وَاحِدْ مِنْكُو يِغَطُّسُوهْ بِأُسُمْ عِيسَى الْمَسِيحْ. وَ اللّٰهْ يَغْفِرْ لَيْكُو ذُنُوبْكُو وَ يَنْطِيكُو الرُّوحْ الْقُدُّوسْ.

عِبْرَانِيِّين 6:4

شُنُو يُكُونْ لِلنَّاسْ الْيِقَبُّلُوا فِي حَالْهُمْ الْقَدِيمَةْ؟ النَّاسْ دَوْل قِبْلَوْا نُورْ اللّٰهْ فِي قُلُوبْهُمْ وَ عِرْفَوْا الْبَرَكَةْ الْاللّٰهْ أَنْطَاهَا وَ شَارَكَوْا فِي الرُّوحْ الْقُدُّوسْ

رَوْمَا 1:17

أَشَانْ بِبِشَارَةْ الْمَسِيحْ، اللّٰهْ وَصَّفْ كِكَّيْف هُو يِسَوِّي النَّاسْ صَالِحِينْ وَ الدَّرِبْ دَا بِالْإِيمَانْ مِنْ الْبِدَايَةْ لَحَدِّي النِّهَايَةْ. أَشَانْ دَا، الْكِتَابْ بُقُولْ: <بِإِيمَانَهْ، الصَّالِحْ يَحْيَى.>

1 بُطْرُس 1:12

وَ اللّٰهْ وَصَّفْ لِلْأَنْبِيَاء كَدَرْ هُمَّنْ يَخْدُمُوا لَيْكُو إِنْتُو وَ مَا لِنُفُوسْهُمْ. هُمَّنْ كَلَّمَوْا بِالْأَشْيَاءْ الْيَبْقَوْا فِي وَكِتْنَا. وَ إِنْتُو سِمِعْتُوا بِخَبَرْهُمْ مِنْ النَّاسْ الْبَلَّغَوْا لَيْكُو الْبِشَارَةْ. وَ دَا، بِقُدْرَةْ الرُّوحْ الْقُدُّوسْ الْاللّٰهْ نَزَّلَهْ مِنْ السَّمَاءْ. وَ الْكَلَامْ دَا، الْمَلَائِكَةْ ذَاتْهُمْ دَوَّرَوْا يَفْهَمَوْه.

2 كُرُنْتُس 11:4

أَنَا خَايِفْ أَشَانْ كَنْ نَادُمْ يَمْشِي لَيْكُو وَ يِبَلِّغْ لَيْكُو بِعِيسَى آخَرْ شِقْ مِنْ عِيسَى الْأَنِحْنَ بَلَّغْنَاكُو بَيَّهْ، إِنْتُو تَقْبَلَوْه. أَشَانْ إِنْتُو جَاهِزِينْ لِتَقْبَلَوْا رُوحْ شِقْ مِنْ الرُّوحْ الْقُدُّوسْ الْأَوَّلْ قِبِلْتُوهْ. وَ كَنْ نَادُمْ يِبَلِّغْ لَيْكُو بِشَارَةْ شِقْ مِنْ الْبِشَارَةْ الْأَوَّلْ قِبِلْتُوهَا، أَنَا خَايِفْ إِنْتُو تِتَابُعُوهْ عَجَلَةْ. وَ تَصْبُرُوا لِلنَّادُمْ الْمِثِلْ دَا.

1 كُرُنْتُس 9:21

وَ كَنْ أَنَا قَاعِدْ مَعَ النَّاسْ الْمَا يَهُودْ، مَعَنَاتَهْ الْمَا تِحِتْ شُرُوطْ التَّوْرَاةْ، أَنَا نِسَوِّي نَفْسِي مِثِلْهُمْ هُمَّنْ الْمَا قَاعِدِينْ تِحِتْ شُرُوطْ التَّوْرَاةْ لِنِجِيبْهُمْ فِي دَرِبْ النَّجَاةْ لِلنَّاسْ الْمَا تِحِتْ شُرُوطْ التَّوْرَاةْ. وَ بِالصَّحِيحْ، أَنَا مَا أَبَيْت شُرُوطْ اللّٰهْ أَشَانْ أَنَا قَاعِدْ نِتَابِعْ شُرُوطْ الْمَسِيحْ.

غَلاطِية 3:3

بِقِيتُوا مَطَامِيسْ مَرَّةْ وَاحِدْ وَلَّا؟ وَكِتْ بَدَيْتُوا فِي دَرِبْ اللّٰهْ، خَطَّيْتُوا بَالْكُو فِي قُدْرَةْ الرُّوحْ الْقُدُّوسْ. لَاكِنْ هَسَّعْ تِدَوْرُوا تِكَمُّلُوهْ بِقُدْرَةْ إِنْسَانِيَّةْ وَلَّا؟

عِبْرَانِيِّين 4:2

أَنِحْنَ سِمِعْنَا الْبِشَارَةْ مِثِلْ أَوَّلْ هُمَّنْ كُلَ سِمْعَوْهَا. لَاكِنْ الْكَلَامْ الْهُمَّنْ سِمْعَوْه مَا جَابْ لَيْهُمْ فَايْدَةْ أَشَانْ النَّاسْ السِّمْعَوْه مَا قِبْلَوْه بِإِيمَانْ.