غَلاطِية 3:16 - الكتاب المقدس بالعربي الدارجي هنا تشاد

¹⁶ زَيْن. اللّٰهْ وَاعَدْ إِبْرَاهِيمْ وَ الْيَجِي مِنْ ذُرِّيّتَهْ. وَ الْكِتَابْ مَا بُقُولْ: «الْيَجُوا مِنْ ذُرِّيّتَكْ» يَعْنِي نَاسْ كَتِيرِينْ، لَاكِنْ بُقُولْ: «الْيَجِي مِنْ ذُرِّيّتَكْ» يَعْنِي نَادُمْ وَاحِدْ. وَ هُو الْمَسِيحْ.

غَلاطِية 3:16 Referenca të Kryqëzuara

رَوْمَا 4:13

وَ اللّٰهْ وَاعَدْ إِبْرَاهِيمْ وَ ذُرِّيّتَهْ هُمَّنْ يَوْرُثُوا الدُّنْيَا. وَ اللّٰهْ وَاعَدْ إِبْرَاهِيمْ مَا أَشَانْ هُو تَابَعْ شُرُوطْ التَّوْرَاةْ، لَاكِنْ بِسَبَبْ إِيمَانَهْ الْبِقِي بَيَّهْ صَالِحْ.

لُوقا 1:55

وَ دِي الرَّحْمَةْ الْحَجَّى بَيْهَا لِجُدُودْنَا التَّبْقَى لِإِبْرَاهِيمْ وَ عِيَالَهْ إِلَى الْأَبَدْ.»

رَوْمَا 4:16

وَ أَشَانْ دَا، اللّٰهْ وَاعَدْ بِالْوَرَثَةْ فِي أَسَاسْ الْإِيمَانْ وَ الْمُؤمِنِينْ يَلْقَوْهَا بِنِعْمَةْ اللّٰهْ. وَ اللّٰهْ دَوَّرْ يِأَكِّدْ كَدَرْ الْوَعَدْ يَبْقَى لِذُرِّيَّةْ إِبْرَاهِيمْ كُلَّهَا. الْوَعَدْ مَا لِأَهَلْ التَّوْرَاةْ بَسْ لَاكِنْ لِكُلَّ النَّاسْ الْإِيمَانْهُمْ مِثِلْ إِيمَانْ إِبْرَاهِيمْ. وَ مِثِلْ دَا، هُو أَبُونَا كُلِّنَا.

تكوين 12:7

وَ اللّٰهْ بَانْ لِأَبْرَامْ وَ قَالْ: «الْبَلَدْ دِي نَنْطِيهَا لِذُرِّيّتَكْ.» وَ فِي الْبَكَانْ دَا، أَبْرَامْ بَنَى مَدْبَحْ لِيِقَدِّمْ فَوْقَهْ ضَحَايَا لِلّٰهْ الْبَانْ لَيَّهْ.

غَلاطِية 3:8

وَ مِنْ أَوَّلْ الْكِتَابْ بُقُولْ كَدَرْ اللّٰهْ يَجْعَلْ النَّاسْ الْمَا يَهُودْ صَالِحِينْ بِسَبَبْ إِيمَانْهُمْ. وَ بَلَّغْ الْبِشَارَةْ دِي لِإِبْرَاهِيمْ وَ قَالْ: <بِسَبَبَكْ إِنْتَ، كُلَّ الْقَبَايِلْ يَلْقَوْا بَرَكَةْ.>

تكوين 12:3

وَ نِبَارِكْ النَّاسْ الْيِبَارُكُوكْ وَ نَلْعَنْ النَّاسْ الْيَلْعَنَوْك. وَ بِسَبَبَكْ إِنْتَ، كُلَّ قَبَايِلْ الْأَرْض يَلْقَوْا بَرَكَةْ.»

أعمال الرُسُل 3:25

وَ إِنْتُو عِيَالْ الْأَنْبِيَاء دَوْل وَ أَهَلْ الْمُعَاهَدَةْ الرَّبُّكُو اللّٰهْ سَوَّاهَا مَعَ جُدُودْكُو وَكِتْ هُو قَالْ لِإِبْرَاهِيمْ: <بِذُرِّيّتَكْ بَسْ نِبَارِكْ كُلَّ الْأُمَمْ فِي كُلَّ الْأَرْض.>

تكوين 21:12

وَ لَاكِنْ الرَّبّ قَالْ لِإِبْرَاهِيمْ: «خَلِّي الْكَلَامْ دَا مَا يَبْقَى لَيْك قَاسِي فِي شَانْ الْوِلَيْد وَ خَادْمَكْ. قَصِّدْ بِكُلَّ الْكَلَامْ السَّارَةْ تُقُولَهْ لَيْك أَشَانْ مِنْ إِسْحَاقْ بَسْ تَلْقَى ذُرِّيَّةْ الْبِنَادُوهَا بِأُسْمَكْ.

كُلُوسِي 3:11

وَ فِي الْحَيَاةْ الْجَدِيدَةْ دِي، مَا مُهِمّ بَتَّانْ كَنْ نَادُمْ يَهُودِي وَلَّا مَا يَهُودِي، وَ كَنْ مُطَهَّرْ وَلَّا مَا مُطَهَّرْ، وَ كَنْ أَجْنَبِي وَلَّا مِنْ الْكَدَادَةْ، وَ كَنْ عَبِدْ وَلَّا حُرّ. لَاكِنْ الْمَسِيحْ هُو قَاعِدْ فِينَا كُلِّنَا وَ هُو بَسْ الْمُهِمّ.

تكوين 15:5

وَ اللّٰهْ مَرَقَهْ بَرَّا مِنْ خَيْمِتَهْ وَ قَالْ لَيَّهْ: «صَنْقِعْ وَ شِيفْ السَّمَاءْ وَ أَحْسِبْ النُّجُومْ كَنْ تَقْدَرْ.» وَ قَالْ لَيَّهْ بَتَّانْ: «ذُرِّيّتَكْ كُلَ تَبْقَى كَتِيرَةْ مِثِلْ النُّجُومْ دَوْل.»

1 كُرُنْتُس 12:27

وَ خَلَاصْ، إِنْتُو كُلُّكُو جِسِمْ الْمَسِيحْ وَ أَيِّ نَادُمْ عُضُو مِنَّهْ.

1 كُرُنْتُس 12:12

وَ تَعَرْفُوا كَدَرْ جِسِمْ الْإِنْسَانْ هُو وَاحِدْ وَ بَتَّانْ الْجِسِمْ دَا عِنْدَهْ أَعْضَاءْ كَتِيرِينْ. وَ أَعْضَاءْ الْجِسِمْ كَتِيرِينْ لَاكِنْ هُمَّنْ جِسِمْ وَاحِدْ بَسْ. وَ أُمَّةْ الْمَسِيحْ كُلَ مِثِلْ الْجِسِمْ دَا.

رَوْمَا 12:5

بِمِثِلْ دَا، أَنِحْنَ نَاسْ كَتِيرِينْ لَاكِنْ بِقِينَا مِثِلْ جِسِمْ وَاحِدْ فِي الْمَسِيحْ. وَ أَيِّ وَاحِدْ مِنِّنَا، هُو عُضُو فِي الْجِسِمْ دَا وَ بِقِي أَخُو لِلْآخَرِينْ كُلُّهُمْ.

تكوين 49:10

عَصَاةْ الْمُلُكْ تَقْعُدْ فِي عَايِلَةْ يَهُوذَا وَ عَصَاةْ الْحُكُمْ كُلَ مَا تَمْرُقْ مِنْ إِيدَيْهُمْ لَحَدِّي يَجِي النَّادُمْ الْوَاجِبْ لَيَّهْ الْمُلُكْ. وَ كُلَّ الشُّعُوبْ يِكَرُّمُوهْ.

كُلُوسِي 2:19

وَ النَّادُمْ دَا مَا مَرْبُوطْ مَعَ الْمَسِيحْ الْهُو رَاسْ الْأُمَّةْ. وَ الْمَسِيحْ بَسْ يِعَيِّشْ كُلَّ أُمَّتَه وَ يِسَوِّيهَا مِثِلْ جِسِمْ وَاحِدْ. وَ هُو بَسْ الْيِسَوِّي مَفَاصِلْ الْجِسِمْ يِنْرَبْطُوا أَمْبَيْنَاتْهُمْ. وَ جِسْمَهْ يَبْقَى كَبِيرْ بِقُدْرَةْ اللّٰهْ.

أفَسُس 5:32

الْكَلَامْ دَا سِرّ عَظِيمْ. أَنَا نُقُولْ لَيْكُو الْكَلَامْ دَا بُخُصّ الْمَسِيحْ وَ أُمَّتَه.

مَتَّى 1:1

دَاهُو قُرْمَةْ هَنَا جُدُودْ عِيسَى الْمَسِيحْ إِبْن دَاوُدْ إِبْن إِبْرَاهِيمْ.

رَوْمَا 9:4

هُمَّنْ بَنِي إِسْرَائِيلْ، الشَّعَبْ الْاللّٰهْ عَزَلَاهُمْ لِيَبْقَوْا عِيَالَهْ وَ جَهَّزْ لَيْهُمْ الْمَجْد. وَ سَوَّى مَعَاهُمْ مُعَاهَدَاتْ وَ نَزَّلْ لَيْهُمْ التَّوْرَاةْ وَ أَنْطَاهُمْ الْعِبَادَةْ. وَ لَيْهُمْ هُمَّنْ، أَنْطَاهُمْ الْوُعُودْ

2 كُرُنْتُس 11:22

يُقُولُوا هُمَّنْ يَهُودْ وَلَّا؟ أَنَا كُلَ يَهُودِي. هُمَّنْ مِنْ بَنِي إِسْرَائِيلْ وَلَّا؟ أَنَا كُلَ مِنْ بَنِي إِسْرَائِيلْ. هُمَّنْ مِنْ ذُرِّيَّةْ إِبْرَاهِيمْ وَلَّا؟ أَنَا كُلَ مِنْ ذُرِّيَّةْ إِبْرَاهِيمْ.

غَلاطِية 3:19

وَ كَنْ كَيْ دَا، مَالَا اللّٰهْ نَزَّلْ التَّوْرَاةْ لِمُوسَى؟ اللّٰهْ زَادْ لِجُدُودْنَا التَّوْرَاةْ بِكُلَّ شُرُوطَهْ بِسَبَبْ ذُنُوبْ النَّاسْ. وَ دَوَّرْ النَّاسْ يِتَابُعُوا شُرُوطْ التَّوْرَاةْ لَحَدِّي النَّادُمْ الْمِنْ ذُرِّيَّةْ إِبْرَاهِيمْ الْاللّٰهْ وَاعَدَهْ بِالْبَرَكَةْ يَجِي. وَ التَّوْرَاةْ دَا، الْمَلَائِكَةْ نَزَّلَوْه فِي إِيدْ وَسِيطْ وَ هُو مُوسَى.