غَلاطِية 3:12 - الكتاب المقدس بالعربي الدارجي هنا تشاد

¹² لَاكِنْ شُرُوطْ التَّوْرَاةْ مَا بُخُصُّوا الْإِيمَانْ. بِالْعَكْس، بُخُصُّوا عَمَلْ النَّاسْ. أَشَانْ مَكْتُوبْ: <النَّادُمْ الْيِطَبِّقْ كُلَّ الشُّرُوطْ دَوْل يَحْيَى بَيْهُمْ.>

غَلاطِية 3:12 Referenca të Kryqëzuara

لاوِيِّين 18:5

وَ أَحْفَضَوْا شُرُوطِي وَ قَوَانِينِي. وَ النَّادُمْ الْيِطَبِّقْهُمْ يَحْيَى بِسَبَبْهُمْ. وَ أَنَا بَسْ اللّٰهْ.

نَحَمْيا 9:29

وَ إِنْتَ حَذَّرْتُهُمْ أَشَانْ يِقَبُّلُوا لِشُرُوطْ التَّوْرَاةْ وَ لَاكِنْ هُمَّنْ أَسْتَكْبَرَوْا وَ أَبَوْا وَصِيَّاتَكْ وَ أَذْنَبَوْا مَا طَبَّقَوْا قَوَانِينَكْ. وَ قَوَانِينَكْ دَوْل كَمَانْ، النَّادُمْ كَنْ سِمِعْهُمْ، يَلْقَى فَوْقهُمْ الْحَيَاةْ. لَاكِنْ هُمَّنْ قَمَّوْا قَوَّوْا رُوسَيْهُمْ وَ أَنْطَوْك ضُهُورْهُمْ وَ أَبَوْا مَا يَسْمَعَوْا كَلَامَكْ.

رَوْمَا 4:14

أَشَانْ كَنْ الْوَرَثَةْ هِي هِنْت النَّاسْ الْيِتَابُعُوا شُرُوطْ التَّوْرَاةْ بَسْ، خَلَاصْ الْإِيمَانْ مَا عِنْدَهْ فَايْدَةْ وَ الْوَعَدْ بِقِي بَاطِلْ.

رَوْمَا 4:16

وَ أَشَانْ دَا، اللّٰهْ وَاعَدْ بِالْوَرَثَةْ فِي أَسَاسْ الْإِيمَانْ وَ الْمُؤمِنِينْ يَلْقَوْهَا بِنِعْمَةْ اللّٰهْ. وَ اللّٰهْ دَوَّرْ يِأَكِّدْ كَدَرْ الْوَعَدْ يَبْقَى لِذُرِّيَّةْ إِبْرَاهِيمْ كُلَّهَا. الْوَعَدْ مَا لِأَهَلْ التَّوْرَاةْ بَسْ لَاكِنْ لِكُلَّ النَّاسْ الْإِيمَانْهُمْ مِثِلْ إِيمَانْ إِبْرَاهِيمْ. وَ مِثِلْ دَا، هُو أَبُونَا كُلِّنَا.

حِزْقِيال 20:11

وَ أَنْطَيْتهُمْ شُرُوطِي وَ عَرَّفْتُهُمْ قَوَانِينِي الْبَيْهُمْ يَلْقَوْا الْحَيَاةْ كَنْ يِطَبُّقُوهُمْ.

رَوْمَا 11:6

وَ كَنْ دِي نِعْمَةْ، دَا مَا بِقِي بِسَبَبْ أَيِّ شَيّءْ الْهُمَّنْ سَوَّوْه. أَشَانْ كَنْ اللّٰهْ عَزَلْ النَّاسْ بِسَبَبْ الشَّيّءْ السَّوَّوْه، النِّعْمَةْ مَا تَبْقَى نِعْمَةْ.

مَتَّى 19:17

وَ عِيسَى رَدَّ لَيَّهْ وَ قَالْ: «مَالَا تَسْأَلْنِي بِالْعَمَلْ الْعَدِيلْ؟ وَاحِدْ بَسْ عَدِيلْ وَ هُو اللّٰهْ. وَ لَاكِنْ كَنْ تِدَوْر تَدْخُلْ فِي الْحَيَاةْ الْأَبَدِيَّةْ، طَبِّقْ الْوَصَايَا.»

حِزْقِيال 20:13

وَ لَاكِنْ بَنِي إِسْرَائِيلْ عِصَوْنِي فِي الصَّحَرَاءْ. وَ هُمَّنْ مَا تَابَعَوْا شُرُوطِي وَ أَبَوْا قَوَانِينِي الْبَيْهُمْ يَلْقَوْا الْحَيَاةْ كَنْ يِطَبُّقُوهُمْ. وَ دَايْماً مَا أَحْتَرَمَوْا يَوْمِي هَنَا السَّبْت. وَ بَتَّانْ أَنَا قُلْت: ”نِنَزِّلْ فَوْقهُمْ غَضَبِي فِي الصَّحَرَاءْ وَ نِكَمِّلْهُمْ.“

رَوْمَا 7:10

وَ خَلَاصْ أَنَا مُتّْ. وَ بِمِثِلْ دَا، الْوَصِيَّةْ الدَّوَّرَتْ تِوَدِّينِي لِلْحَيَاةْ، وَدَّتْنِي لِلْمَوْت.