غَلاطِية 3:11 - الكتاب المقدس بالعربي الدارجي هنا تشاد

¹¹ أَكِيدْ كَدَرْ مَا فِي نَادُمْ يَبْقَى صَالِحْ قِدَّامْ اللّٰهْ بِطَبِّقِينْ شُرُوطْ التَّوْرَاةْ. وَ أَشَانْ دَا، مَكْتُوبْ: <بِإِيمَانَهْ، الصَّالِحْ يَحْيَى.>

غَلاطِية 3:11 Referenca të Kryqëzuara

حَبَقُوق 2:4

الْفَشَّارْ مَا يُقُودْ نَفْسَهْ عَدِيلْ وَ لَاكِنْ بِإِيمَانَهْ، الصَّالِحْ يَحْيَى.

رَوْمَا 1:17

أَشَانْ بِبِشَارَةْ الْمَسِيحْ، اللّٰهْ وَصَّفْ كِكَّيْف هُو يِسَوِّي النَّاسْ صَالِحِينْ وَ الدَّرِبْ دَا بِالْإِيمَانْ مِنْ الْبِدَايَةْ لَحَدِّي النِّهَايَةْ. أَشَانْ دَا، الْكِتَابْ بُقُولْ: <بِإِيمَانَهْ، الصَّالِحْ يَحْيَى.>

عِبْرَانِيِّين 10:38

وَ بِإِيمَانَهْ، الصَّالِحْ يَحْيَى وَ كَنْ يِكَسْكِسْ مِنَّهْ، أَنَا مَا نَرْضَى بَيَّهْ.>

غَلاطِية 2:16

وَ بَيْدَا كُلَ، نَعَرْفُوا كَدَرْ اللّٰهْ مَا يَجْعَلْ أَيِّ نَادُمْ صَالِحْ أَشَانْ هُو يِتَابِعْ شُرُوطْ التَّوْرَاةْ. لَاكِنْ هُو يَجْعَلْ النَّادُمْ صَالِحْ كَنْ هُو مُؤمِنْ بِالْمَسِيحْ. وَ بِمِثِلْ دَا، أَنِحْنَ آمَنَّا بِعِيسَى الْمَسِيحْ أَشَانْ اللّٰهْ يَجْعَلْنَا صَالِحِينْ بِسَبَبْ إِيمَانَّا بِالْمَسِيحْ وَ مَا أَشَانْ نِتَابُعُوا شُرُوطْ التَّوْرَاةْ. أَشَانْ مَا فِي إِنْسَانْ وَاحِدْ يَبْقَى صَالِحْ قِدَّامْ اللّٰهْ بِطَبِّقِينْ شُرُوطْ التَّوْرَاةْ.

جامِعة 7:20

أَكِيدْ، مَا فِي نَادُمْ صَالِحْ فِي الْأَرْض الْيِسَوِّي الْعَدِيلْ وَ مَا يَذْنِبْ.

رُؤية 5:9

وَ غَنَّوْا غِنَيْ جَدِيدْ وَ دَاهُو غِنَيْهُمْ. «إِنْتَ بَسْ الْوَاجِبْ تِشِيلْ الْمَكْتُوبْ وَ تُفُكّ خِتْمَهْ أَشَانْ إِنْتَ دَبَحَوْك وَ بِدَمَّكْ، فَدَيْت النَّاسْ وَ قَدَّمْتُهُمْ لِلّٰهْ مِنْ أَيِّ قَبِيلَةْ وَ أَيِّ لُغَّةْ وَ مِنْ أَيِّ شَعَبْ وَ أَيِّ أُمَّةْ.

إشَعْيا 53:6

أَنِحْنَ كُلِّنَا مِثِلْ غَنَمْ الْمُوَدِّرِينْ، أَيِّ وَاحِدْ شَايِلْ لَيَّهْ دَرِبْ. وَ اللّٰهْ خَطَّ فَوْقَهْ هُو خَطَانَا أَنِحْنَ كُلِّنَا.

أيُّوب 42:6

فِي شَانْ دَا، أَنَا نِدِمْت لِكَلَامِي وَ تُبْت وَ صَبَّيْت فِي رَاسِي تُرَابْ وَ رُمَادْ.

يَعْقُوب 3:2

أَيِّ وَاحِدْ مِنِّنَا يَخْطَا كَتِيرْ. كَنْ نَادُمْ أَبَداً مَا يَخْطَا فِي كَلَامَهْ، هُو دَا نَادُمْ كَامِلْ وَ يَقْدَرْ فِي نَفْسَهْ.

إشَعْيا 64:6

وَ كُلِّنَا بِقِينَا مَا طَاهِرِينْ وَ كُلَّ شَيّءْ النِّسَوُّوهْ عَدِيلْ بِقِي مِثِلْ خَلَقْ مُنَجَّسْ بِدَمّ الْحَيْض. وَ أَنِحْنَ كُلِّنَا يِبِسْنَا مِثِلْ وَرَقْ الشَّدَرْ الدَّفَّقْ وَ خَطَايَانَا شَالَوْنَا مِثِلْ الرِّيحْ.

إشَعْيا 6:5

وَ خَلَاصْ، أَنَا قُلْت: «الْعَذَابْ لَيِّ! أَنَا وَدَّرْت! أَشَانْ أَنَا نَادُمْ خَشْمِي مَا طَاهِرْ وَ سَاكِنْ فِي أُسُطْ شَعَبْ خُشُومْهُمْ مَا طَاهِرِينْ. وَ عُيُونِي شَافَوْا الْمَلِكْ وَ هُو اللّٰهْ الْقَادِرْ!»

زَبُور 19:12

يَاتُو يَقْدَرْ يَعَرِفْ خَطَايَهْ السَّوَّاهْ بَلَا رَايْه؟ بَرِّينِي مِنْ الذَّنِبْ الْمُلَبَّدْ لَيِّ.

أيُّوب 40:4

أَنَا الْمَا نِسَاوِي شَيّءْ، نَقْدَرْ نُرُدّ لَيْك وَلَّا؟ لَا! نِسِدّ خَشْمِي.

أيُّوب 9:3

وَ كَنْ إِنْسَانْ يِدَوْر يِدَافِعْ لِنَفْسَهْ قِدَّامْ الرَّبّ كُلَ، مَا يَقْدَرْ يُرُدّ فِي وَاحِدْ مِنْ الْأَلِفْ سُؤَالْ.

1 مُلوك 8:46

«وَ أَكُونْ بَنِي إِسْرَائِيلْ يَذْنُبُوا ضِدَّكْ، أَشَانْ مَا فِي نَادُمْ الْمَا يِسَوِّي ذَنِبْ، وَ إِنْتَ تَغْضَبْ لَيْهُمْ وَ تِسَلِّمْهُمْ لِعُدْوَانْهُمْ وَ هُمَّنْ يَكُرْبُوهُمْ مَسَاجِينْ حَرِبْ وَ يِوَدُّوهُمْ فِي بَلَدْ بَعِيدَةْ أَوْ قَرِيبَةْ.

زَبُور 143:2

مَا تِوَدِّينِي أَنَا عَبْدَكْ فِي الشَّرِيعَةْ أَشَانْ مَا فِي مَخْلُوقْ حَيّ صَالِحْ قِدَّامَكْ.

يَعْقُوب 1:27

دَاهُو الدِّينْ الصَّافِي الْمَا عِنْدَهْ عَيْب قِدَّامْ أَبُونَا اللّٰهْ. عَاوُنُوا الْأَتَامَا وَ الْعَوِينْ الْأَرَامِلْ الْقَاعِدِينْ فِي التَّعَبْ. وَ أَقِيفُوا بَعِيدْ مِنْ الْأَشْيَاءْ الْيِنَجُّسُوا نَاسْ الدُّنْيَا.