غَلاطِية 3:10 - الكتاب المقدس بالعربي الدارجي هنا تشاد

¹⁰ وَ كُلَّ النَّاسْ الْأَنْكَرَبَوْا فِي طَبِّقِينْ شُرُوطْ التَّوْرَاةْ، اللَّعَنَةْ قَاعِدَةْ فَوْقهُمْ. أَشَانْ مَكْتُوبْ فِي الْكِتَابْ كَدَرْ أَيِّ نَادُمْ الْمَا يِتَابِعْ الْكَلَامْ الْمَكْتُوبْ فِي التَّوْرَاةْ كُلَّ كَيْ وَ مَا يِطَبِّقَهْ تَمَامْ، هُو مَلْعُونْ.

غَلاطِية 3:10 Referenca të Kryqëzuara

تَثْنِية 27:26

«وَ مَلْعُونْ الْمَا يِشِيلْ كَلَامْ الْوَصَايَا دَوْل وَ يِطَبِّقْهُمْ.» وَ كُلَّ الشَّعَبْ يُقُولُوا: «آمِينْ!»

رَوْمَا 8:7

أَشَانْ النَّادُمْ الْعَقْلَهْ ثَابِتْ فِي الْفِكِرْ الْإِنْسَانْ، هُو دَا عَدُو اللّٰهْ وَ مَا يِطَبِّقْ وَصَايَا اللّٰهْ. أَيْوَى، هُو مَا يَقْدَرْ يِطَبِّقْهُمْ.

إرْمِيا 11:3

وَ قُولْ لَيْهُمْ: «دَاهُو اللّٰهْ إِلٰـهْ بَنِي إِسْرَائِيلْ قَالْ: ‹مَلْعُونْ النَّادُمْ الْمَا يَسْمَعْ كَلَامْ الْمُعَاهَدَةْ دِي.

رَوْمَا 6:23

أَشَانْ أُجْرَةْ الذَّنِبْ، هِي الْمَوْت وَ الْعَطِيَّةْ الْاللّٰهْ يَنْطِيهَا بَلَا تَمَنْ، هِي الْحَيَاةْ الْأَبَدِيَّةْ بِرَبِّنَا عِيسَى الْمَسِيحْ.

رَوْمَا 4:15

أَشَانْ شُرُوطْ التَّوْرَاةْ يِجِيبُوا غَضَبْ اللّٰهْ فَوْق النَّاسْ. وَ لَاكِنْ كَنْ شُرُوطْ مَا فِي، مُخَالَفَةْ الشُّرُوطْ كُلَ مَا فِي.

غَلاطِية 2:16

وَ بَيْدَا كُلَ، نَعَرْفُوا كَدَرْ اللّٰهْ مَا يَجْعَلْ أَيِّ نَادُمْ صَالِحْ أَشَانْ هُو يِتَابِعْ شُرُوطْ التَّوْرَاةْ. لَاكِنْ هُو يَجْعَلْ النَّادُمْ صَالِحْ كَنْ هُو مُؤمِنْ بِالْمَسِيحْ. وَ بِمِثِلْ دَا، أَنِحْنَ آمَنَّا بِعِيسَى الْمَسِيحْ أَشَانْ اللّٰهْ يَجْعَلْنَا صَالِحِينْ بِسَبَبْ إِيمَانَّا بِالْمَسِيحْ وَ مَا أَشَانْ نِتَابُعُوا شُرُوطْ التَّوْرَاةْ. أَشَانْ مَا فِي إِنْسَانْ وَاحِدْ يَبْقَى صَالِحْ قِدَّامْ اللّٰهْ بِطَبِّقِينْ شُرُوطْ التَّوْرَاةْ.

حِزْقِيال 18:4

أَيْوَى، حَيَاةْ الْإِنْسَانْ هِنْتِي أَنَا. وَ مِثِلْ دَا، حَيَاةْ الْأَبُو وَ حَيَاةْ الْوِلَيْد، هُمَّنْ الْإِتْنَيْن كُلَ هِنَيّ أَنَا. وَ الْيِسَوِّي ذَنِبْ، هُو بَسْ الْيُمُوتْ.

تَثْنِية 29:20

اللّٰهْ مَا يَغْفِرْ لَيَّهْ. وَ لَاكِنْ يَوْم زَعَلْ اللّٰهْ وَ غِيرْتَهْ يُقُمُّوا ضِدّ النَّادُمْ دَا، خَلَاصْ كُلَّ اللَّعَنَةْ الْمَكْتُوبَةْ فِي الْكِتَابْ دَا تَقَعْ فَوْقَهْ. وَ اللّٰهْ يُقُشّ أُسْمَهْ مِنْ تِحِتْ السَّمَاءْ.

مَتَّى 25:41

«وَ بَتَّانْ، يِحَجِّي لِلنَّاسْ الْقَاعِدِينْ فِي نُصَّهْ الْإِسْرَايْ وَ يُقُولْ: ‹كِسُّوا بَعِيدْ مِنِّي، إِنْتُو الْمَلْعُونِينْ! أَمْشُوا فِي النَّارْ الْأَبَدِيَّةْ الْاللّٰهْ جَهَّزَاهَا لِإِبْلِيسْ وَ خَدَّامِينَهْ.

إشَعْيا 43:28

وَ أَنَا مَا شَرَّفْت كُبَارَاتَكْ هَنَا الْبَكَانْ الْمُقَدَّسْ وَ يَعْقُوبْ، خَصَّصْتَكْ لِلدَّمَارْ وَ إِسْرَائِيلْ، عَاقَبْتَكْ بِالْمُعْيَارْ.»

تكوين 4:11

مِنْ هَسَّعْ دَا، إِنْتَ تَبْقَى مَلْعُونْ وَ مَطْرُودْ فِي التُّرَابْ الشِّرِبْ دَمّ أَخُوكْ، الْإِنْتَ دَفَّقْتَهْ.

2 كُرُنْتُس 3:7

شُرُوطْ التَّوْرَاةْ كَتَبَوْهُمْ فِي لِيحَانْ هَنَا حَجَرْ وَ نُورْ اللّٰهْ الْمَجِيدْ بَانْ وَكِتْ هُو نَزَّلَاهُمْ. وَ النُّورْ الْمَجِيدْ دَا شَدِيدْ لَحَدِّي بَنِي إِسْرَائِيلْ مَا قِدْرَوْا يِشِيفُوا النُّورْ الْقَاعِدْ فِي وِجِهْ مُوسَى. وَ النُّورْ دَا مَا طَوَّلْ. وَ كَنْ كَلَامْ اللّٰهْ الْحَكَمْ النَّاسْ بِالْمَوْت دَا نَزَلْ بِنُورْ مَجِيدْ،

إرْمِيا 32:23

وَ هُمَّنْ دَخَلَوْا فَوْقهَا وَ شَالَوْهَا وَ لَاكِنْ مَا سِمْعَوْا كَلَامَكْ وَ لَا تَابَعَوْا شُرُوطَكْ الْفِي التَّوْرَاةْ. وَ هُمَّنْ أَبَوْا كُلَّ الْوَصَايَا الْإِنْتَ أَمَرْت بَيْهُمْ. وَ فِي شَانْ دَا، إِنْتَ جِبْت لَيْهُمْ الْفَسَالَةْ دِي.