غَلاطِية 3:1 - الكتاب المقدس بالعربي الدارجي هنا تشاد

¹ يَا نَاسْ غَلَاطِيَةْ الْمَطَامِيسْ! بِكَلَامْ وَاضِحْ بِلْحَيْن فَسَّرْنَا لَيْكُو مَوْت عِيسَى الْمَسِيحْ فِي الصَّلِيبْ. وَ هَسَّعْ نَادُمْ سَوَّى لَيْكُو سِحِرْ وَلَّا؟

غَلاطِية 3:1 Referenca të Kryqëzuara

2 كُرُنْتُس 11:3

لَاكِنْ نَعَرْفُوا كَدَرْ الدَّابِي غَشَّ حَوَّاء بِنَجَاضْتَهْ وَ هَسَّعْ أَنَا خَايِفْ لَيْكُو. أَكُونْ نَادُمْ يِتَلِّفْ فِكِرْكُو أَشَانْ مَا تِتَابُعُوا الْمَسِيحْ بِمَحَبَّةْ صَادْقَةْ وَ مُخْلِصَةْ.

رُؤية 2:20

لَاكِنْ أَنَا لِقِيتْ فَوْقَكْ شَيّءْ وَاحِدْ مَا عَدِيلْ. إِنْتَ خَلَّيْت مَرَةْ مِثِلْ إِزَبِيلْ تِسَوِّي نَفِسْهَا نَبِيَّةْ وَ تِعَلِّمْ عَبِيدِي وَ تُغُشُّهُمْ لَحَدِّي يَزْنَوْا وَ يَاكُلُوا لَحَمْ الْقَدَّمَوْه ضَحِيَّةْ لِلْأَصْنَامْ.

غَلاطِية 1:6

أَنَا عَجَّبْت لَيْكُو بِلْحَيْن. اللّٰهْ نَادَاكُو أَشَانْ تِعِيشُوا بِنِعْمَةْ الْمَسِيحْ وَ طَوَّالِي إِنْتُو قَمَّيْتُوا خَلَّيْتُوهَا أَشَانْ تِدَوْرُوا تِتَابُعُوا بِشَارَةْ آخَرَةْ.

1 بُطْرُس 4:17

أَشَانْ الْوَكِتْ تَمَّ وَ الْحِسَابْ يَبْدَا. وَ أَكِيدْ يَبْدَا بِنَاسْ بَيْت اللّٰهْ. وَ كَنْ الْحِسَابْ يَبْدَا بَيْنَا أَنِحْنَ الْمُؤمِنِينْ، يَبْقَى كِكَّيْف لِلنَّاسْ الْأَبَوْا مَا تَابَعَوْا بِشَارَةْ اللّٰهْ؟

2 بُطْرُس 2:18

يِكَلُّمُوا بِكِبْرِيَاءْ الْمَا عِنْدَهْ فَايْدَةْ. يِسْتَعْمَلَوْا الشَّهْوَاتْ أَشَانْ يِجِيبُوا بَيْهَا النَّاسْ الدَّهَابْهُمْ مَرَقَوْا مِنْ دَرِبْ الْوَدَارْ.

عِبْرَانِيِّين 11:8

وَ بِالْإِيمَانْ، إِبْرَاهِيمْ سِمِعْ كَلَامْ اللّٰهْ وَ قَمَّ مَشَى فِي الْبَكَانْ الْبَعَدَيْن يَبْقَى وَرَثَتَهْ. وَ هُو مَشَى قُبَّالْ مَا يَعَرِفْ الْبَكَانْ الْوَاجِبْ يَمْشِي لَيَّهْ.

أفَسُس 4:14

وَ مِثِلْ دَا، مَا نَبْقَوْا بَتَّانْ مِثِلْ عِيَالْ مَا عِنْدُهُمْ ثَبَاتْ. أَنِحْنَ مَا مِثِلْ مَرَاكِبْ دُقَاقْ فِي الْبَحَرْ الْيِشِيلْهُمْ الشَّلَّالْ وَ التُّسُوقْهُمْ الرِّيحْ. وَ دَا مِثِلْ تَعْلِيمْ الْمَا صَحِيحْ وَ النَّجَاضَةْ الْيُغُشُّوا بَيْهَا النَّاسْ وَ يِوَدُّرُوهُمْ.

غَلاطِية 4:9

لَاكِنْ هَسَّعْ دَخَلْتُوا فِي عَلَاقَةْ مَعَ اللّٰهْ، وَلَّا أَخَيْر نُقُولْ اللّٰهْ دَخَّلَاكُو فِي عَلَاقَةْ مَعَايَهْ. وَ كَنْ كَيْ دَا، مَالَا تِدَوْرُوا تِقَبُّلُوا تِتَابُعُوا بَتَّانْ شُرُوطْ وَ عَادَاتْ الدُّنْيَا الْمَا عِنْدُهُمْ قُدْرَةْ وَ لَا فَايْدَةْ؟ مَالَا تِدَوْرُوا تَبْقَوْا بَتَّانْ عَبِيدْ؟

غَلاطِية 3:3

بِقِيتُوا مَطَامِيسْ مَرَّةْ وَاحِدْ وَلَّا؟ وَكِتْ بَدَيْتُوا فِي دَرِبْ اللّٰهْ، خَطَّيْتُوا بَالْكُو فِي قُدْرَةْ الرُّوحْ الْقُدُّوسْ. لَاكِنْ هَسَّعْ تِدَوْرُوا تِكَمُّلُوهْ بِقُدْرَةْ إِنْسَانِيَّةْ وَلَّا؟

1 بُطْرُس 1:22

وَ إِنْتُو طَهَّرْتُوا نُفُوسْكُو وَكِتْ تَابَعْتُوا كَلَامْ الْحَقّ وَ لِقِيتُوا مَحَبَّةْ أَخَوِيَّةْ بَلَا نِفَاقْ. وَ خَلَاصْ، أَرَّايَدَوْا أَمْبَيْنَاتْكُو بِشِدَّةْ وَ بِقَلِبْ وَاحِدْ.

عِبْرَانِيِّين 5:9

وَ خَلَاصْ، هُو بِقِي الْمُنَجِّي الْكَامِلْ وَ بِقِي دَرِبْ النَّجَاةْ الْأَبَدِيَّةْ لِكُلَّ النَّاسْ الْيِتَابُعُوا كَلَامَهْ.

أفَسُس 5:15

فَكُّرُوا تَمَامْ فِي حَالْكُو. مَا تِعِيشُوا بِحَالْ الْمُغَفَّلِينْ لَاكِنْ بِحَالْ الْفَاهِمِينْ.

1 تِمُوتَاوُس 6:4

هُو مُسْتَكْبِرْ مَرَّةْ وَاحِدْ. مَا يَعَرِفْ شَيّءْ. عِنْدَهْ مَرَضْ هَنَا الْمُنَاقَشَاتْ وَ الْمُغَالَطَاتْ فِي مَعَنَى الْكَلِمَاتْ. كَلَامَهْ يِسَبِّبْ الْحُسُدْ وَ الْمُخَاصَمَةْ وَ الْقَطِيعَةْ وَ التُّهَمْ الْبَاطْلِينْ.

غَلاطِية 2:14

لَاكِنْ وَكِتْ أَنَا شِفْت كَدَرْ هُمَّنْ مَا مَاشِينْ عَدِيلْ وَ مَا يِتَابُعُوا الْكَلَامْ الصَّحِيحْ الْاللّٰهْ أَنْطَانَا فِي بِشَارَةْ الْمَسِيحْ، قَمَّيْت حَجَّيْت لِبُطْرُسْ قِدَّامْهُمْ كُلُّهُمْ. وَ قُلْت: «إِنْتَ يَهُودِي وَ بِقِيتْ مِثِلْ نَادُمْ مَا يَهُودِي وَ خَلَّيْت مِنَّكْ عَادَاتْ الْيَهُودْ. وَ مِثِلْ دَا، مَالَا تِدَوْر تَجْبُرْ النَّاسْ الْمَا يَهُودْ لِيَبْقَوْا مِثِلْ الْيَهُودْ؟»

1 كُرُنْتُس 11:26

وَ بَيْدَا، فِي أَيِّ وَكِتْ كَنْ تَاكُلُوا الْخُبْزَةْ دِي وَ تَشَرْبَوْا مِنْ الْكَاسْ دَا، تِبَلُّغُوا مَوْت رَبِّنَا عِيسَى لَحَدِّي هُو يَجِي بَتَّانْ.

1 كُرُنْتُس 2:2

وَ شِلْت نِيَّةْ أَشَانْ نِكَلِّمْ لَيْكُو مِثِلْ مَا نَعَرِفْ شَيّءْ إِلَّا عِيسَى الْمَسِيحْ وَ مَوْتَهْ فِي الصَّلِيبْ.

رَوْمَا 6:17

وَ الْحَمْدُ للّٰهْ، أَوَّلْ إِنْتُو بِقِيتُوا عَبِيدْ لِلذَّنِبْ لَاكِنْ هَسَّعْ تِتَابُعُوا بِكُلَّ قُلُوبْكُو التَّعْلِيمْ الْاللّٰهْ نَزَّلَهْ لَيْكُو.

رَوْمَا 2:8

لَاكِنْ النَّاسْ الْعَاصِيِينْ الْيَابَوْا الْحَقّ وَ يِتَابُعُوا الْفَسَالَةْ، زَعَلْ اللّٰهْ وَ غَضَبَهْ يَنْزُلُوا فَوْقهُمْ.

أعمال الرُسُل 6:7

وَ نَاسْ زِيَادَةْ سِمْعَوْا كَلَامْ اللّٰهْ وَ عَدَدْ التَّلَامِيذ زَادْ فِي مَدِينَةْ الْقُدُسْ. وَ كَتِيرِينْ مِنْ رُجَالْ الدِّينْ آمَنَوْا بِعِيسَى الْمَسِيحْ.

رُؤية 18:3

وَ دَا بِقِي أَشَانْ كُلَّ الْأُمَمْ شِرْبَوْا الْخَمَرْ الْهِي أَنْطَتْهُمْ وَ الْخَمَرْ دَا يِمَثِّلْ شَهْوِتْهَا الْفَاسْدَةْ. وَ مُلُوكْ الْأَرْض زَنَوْا مَعَاهَا وَ تُجَّارْ الدُّنْيَا لِقَوْا مَالْ كَتِيرْ بِلْحَيْن مِنْ شَهْوِتْهَا الْكَتِيرَةْ الْمَا عِنْدَهَا حَدّ.»

2 تَسَلونِيكِي 1:8

هُو يَجِي بِنَارْ أَمّ لَهِيبْ حَامِيَةْ. وَ هُو يِعَاقِبْ النَّاسْ الْمَا يِدَوْرُوا يَعَرْفُوا اللّٰهْ وَ مَا يِتَابُعُوا بِشَارَةْ رَبِّنَا عِيسَى.

أفَسُس 3:8

وَ مِنْ كُلَّ الصَّالِحِينْ، أَنَا بَسْ الصَّغَيَّرْ وَ لَاكِنْ اللّٰهْ أَنْطَانِي رَحْمَةْ وَ كَلَّفَانِي أَنَا بِبَلِّغِينْ الْبِشَارَةْ لِلْأُمَمْ وَ نِبَشِّرْهُمْ بِبَرَكَةْ الْمَسِيحْ الْمَا عِنْدَهَا حَدّ.

2 كُرُنْتُس 10:5

وَ أَيِّ كَلَامْ هَنَا إِسْتِكْبَارْ الْيِسِدّ الدَّرِبْ الْبَيَّهْ النَّاسْ يَعَرْفُوا اللّٰهْ. وَ نَكُرْبُوا أَيِّ فِكِرْ وَ نِسَوُّوهْ يِتَابِعْ كَلَامْ الْمَسِيحْ.

1 صَمُوِيل 13:13

وَ صَمُوِيلْ قَالْ لِشَاوُولْ: «إِنْتَ سَوَّيْت شَيّءْ بَلَا فِكِرْ وَ مَا تَابَعْت وَصِيَّةْ اللّٰهْ إِلٰـهَكْ الْهُو أَمَرَكْ بَيْهَا. وَ كَنْ أَوَّلْ إِنْتَ تَابَعْت وَصِيَّةْ اللّٰهْ، هُو يِثَبِّتْ مُلْكَكْ دَايْماً فِي بَنِي إِسْرَائِيلْ.

رَوْمَا 10:16

وَ لَاكِنْ مَا كُلَّ النَّاسْ قِبْلَوْا الْبِشَارَةْ. أَشَانْ دَا، النَّبِي إِشَعْيَا قَالْ: <يَا اللّٰهْ، يَاتُو الْآمَنْ بِخَبَرْنَا؟>

تَثْنِية 32:6

وَ مِثِلْ دَا بَسْ، تِسَوُّوا مَعَ اللّٰهْ وَلَّا؟ يَا الْمَطْمُوسِينْ! إِنْتُو مَا عِنْدُكُو حِكْمَةْ. مَا هُو بَسْ أَبُوكُو الْأَنْطَاكُو الْحَيَاةْ وَلَّا؟ وَ هُو بَسْ الْخَلَقَاكُو وَ ثَبَّتَاكُو.

لُوقا 24:25

وَ عِيسَى قَالْ لَيْهُمْ: «يَا مَطَامِيسْ، فِكِرْكُو تَقِيلْ بِلْحَيْن. لِسَّاعْ مَا آمَنْتُوا بِكُلَّ الْكَلَامْ الْقَالَوْه الْأَنْبِيَاء.

مَتَّى 24:24

أَشَانْ نَاسْ كَتِيرِينْ يَجُوا وَ يُقُولُوا هُمَّنْ الْمَسِيحْ وَلَّا يُقُولُوا بِكِدِبْ هُمَّنْ أَنْبِيَاء. وَ يِسَوُّوا عَلَامَاتْ كُبَارْ وَ عَجَايِبْ لَحَدِّي يُغُشُّوا النَّاسْ الْاللّٰهْ عَزَلَاهُمْ، كَنْ دَا مُمْكِنْ.

مَتَّى 7:26

وَ لَاكِنْ أَيِّ نَادُمْ الْيَسْمَعْ كَلَامِي دَا وَ مَا يِتَابِعَهْ، هُو مِثِلْ رَاجِلْ مَطْمُوسْ الْبَنَى بَيْتَهْ فِي الرَّمْلَةْ.

أعمال الرُسُل 16:6

وَ الرُّوحْ الْقُدُّوسْ مَا أَنْطَاهُمْ إِذِنْ يِبَلُّغُوا الْبِشَارَةْ فِي بَلَدْ آسِيَا. وَ خَطَرَوْا فِي فِرِقِيَّةْ وَ غَلَاطِيَةْ.

غَلاطِية 1:2

الْجَوَابْ دَا جَايِ مِنِّي وَ مِنْ كُلَّ الْأَخْوَانْ الْمَعَايِ وَ هُو لِجَمَاعَاتْ الْمُؤمِنِينْ الْفِي بَلَدْ غَلَاطِيَةْ.

غَلاطِية 5:11

يَا أَخْوَانِي، كَنْ أَنَا ذَاتِي قَاعِدْ نِعَلِّمْ النَّاسْ كَدَرْ الطَّهُورَةْ وَاجْبَةْ، مَالَا الْيَهُودْ قَاعِدِينْ يِتَعُّبُونِي؟ كَنْ أَوَّلْ أَنَا نِعَلِّمْ بِالطَّهُورَةْ وَ مَا نِبَشِّرْ بِالصَّلِيبْ، نَادُمْ مَا يَلْقَى مُشْكِلَةْ.