غَلاطِية 2:4 - الكتاب المقدس بالعربي الدارجي هنا تشاد

⁴ حَتَّى كَانْ أَخْوَانْ وَاحِدِينْ مَا مُؤمِنِينْ بِالصَّحِيحْ، أَنْدَسَّوْا أَمْبَيْنَاتْنَا وَ دَوَّرَوْا يِطَهُّرُوهْ. هُمَّنْ جَوْا بِتَلْبِيدْ يِجَاسُسُوا فِي الْحُرِّيَّةْ الْعِنْدِنَا بِالْمَسِيحْ عِيسَى أَشَانْ دَوَّرَوْا يَرْبُطُوا فَوْقنَا عَادَاتْ الْيَهُودْ لَحَدِّي نَبْقَوْا مِثِلْ عَبِيدْ.

غَلاطِية 2:4 Referenca të Kryqëzuara

يَهُوذَا 1:4

أَشَانْ فِي نَاسْ وَاحِدِينْ فَسْلِينْ أَنْدَسَّوْا أَمْبَيْنَاتْكُو بِعَشِيرْ. وَ هُمَّنْ قَاعِدِينْ يِعَوُّجُوا كَلَامْ رَحْمَةْ اللّٰهْ لِيِحَلُّلُوا بَيَّهْ الْمُحَرَّمَاتْ. وَ بَيْدَا، يَنْكُرُوا عِيسَى الْمَسِيحْ الْهُو بَسْ سَيِّدْنَا وَ رَبِّنَا. وَ مِنْ زَمَانْ، الْكِتَابْ حَجَّى بِالْعَذَابْ الْيَرْجَاهُمْ.

غَلاطِية 5:1

الْمَسِيحْ سَوَّانَا نَاسْ حُرِّينْ أَشَانْ نِعِيشُوا فِي الْحُرِّيَّةْ. أَقْعُدُوا ثَابْتِينْ فِي الْحُرِّيَّةْ وَ آبَوْا مَا تَبْقَوْا بَتَّانْ عَبِيدْ.

غَلاطِية 4:3

وَ أَوَّلْ بِقِي مِثِلْ دَا لَيْنَا أَنِحْنَ الْمُؤمِنِينْ. أَوَّلْ أَنِحْنَ مِثِلْ النَّاسْ الْمَا عَاقْلِينْ وَ عَايْشِينْ مِثِلْ الْعَبِيدْ تِحِتْ شُرُوطْ وَ عَادَاتْ الدُّنْيَا.

2 كُرُنْتُس 11:26

أَنَا سَافَرْت كَتِيرْ بِلْحَيْن وَ وَاجَهْت خُطُورَةْ كَتِيرَةْ. خُطُورَةْ وَكِتْ أَنَا قَاتِعْ الْبُحُورْ وَ خُطُورَةْ مِنْ رَبَّاطِينْ الدُّرُوبْ. وَ خُطُورَةْ فِي أُسُطْ نَاسِي الْيَهُودْ وَ خُطُورَةْ فِي أُسْط النَّاسْ الْمَا يَهُودْ. وَ خُطُورَةْ فِي الْحِلَّالْ وَ خُطُورَةْ فِي الْكَدَادَةْ وَ خُطُورَةْ فِي أُسْط الْبَحَرْ الْمَالِحْ. وَ خُطُورَةْ فِي أُسْط الْمُؤمِنِينْ الْخَايْنِينْ.

1 يُوحَنَّا 4:1

يَا الْمَحْبُوبِينْ، مَا تِصَدُّقُوا بِكُلَّ النَّاسْ الْيُقُولُوا هُمَّنْ يِحَجُّوا بِقُدْرَةْ الرُّوحْ. جَرُّبُوهُمْ أَشَانْ تِأَكُّدُوا كَنْ كَلَامْهُمْ مِنْ اللّٰهْ. نَاسْ كَتِيرِينْ سَوَّوْا نُفُوسْهُمْ أَنْبِيَاء وَ قَمَّوْا يُرُوغُوا فِي الدُّنْيَا.

2 بُطْرُس 2:19

الْمُعَلِّمِينْ دَوْل يِوَاعُدُوهُمْ بِالْحُرِّيَّةْ لَاكِنْ هُمَّنْ ذَاتْهُمْ عَبِيدْ هَنَا الْفَسَادْ. أَشَانْ النَّادُمْ يَبْقَى عَبِدْ هَنَا الشَّيّءْ الْعِنْدَهْ قُدْرَةْ فَوْقَهْ.

2 تِمُوتَاوُس 3:6

وَاحِدِينْ مِنْهُمْ يِنْدَسَّوْا فِي بُيُوتْ النَّاسْ بِنَجَاضَةْ. وَ يَكُرْبُوا بِغَشّ عَوِينْ الْفِكِرْهِنْ مَا ثَابِتْ الْمَلَانَاتْ بِذُنُوبْ وَ قَاعِدَاتْ يِتَابِعَنْ كُلَّ نَفَرْ هَنَا شَهْوَاتْ.

غَلاطِية 5:10

لَاكِنْ الرَّبّ أَنْطَانِي ضَمَانْ لَيْكُو وَ نَعَرِفْ كَدَرْ إِنْتُو مَا تَقْبَلَوْا فِكِرْ شِقْ مِنْ فِكِرْنَا. وَ النَّادُمْ الْقَاعِدْ يِبَرْجِلْكُو دَا، الْحُكُمْ يَجِي فَوْقَهْ كَنْ يَبْقَى يَاتُو كُلَ.

2 كُرُنْتُس 11:20

وَ إِنْتُو تَحْمَلَوْا النَّادُمْ الْيِسَوِّيكُو عَبِيدَهْ وَلَّا يَاكُلْ مَالْكُو وَلَّا يَسْرِقْ مِنْكُو بِغَشّ وَلَّا يِسْتَكْبَرْ قِدَّامْكُو وَلَّا يُدُقُّكُو أَمْ كَفّ.

2 كُرُنْتُس 11:13

الْفَشَّارِينْ دَوْل، هُمَّنْ مَا رُسُلْ بِالصَّحِيحْ. هُمَّنْ خَدَّامِينْ غَشَّاشِينْ وَ يِسَوُّوا نُفُوسْهُمْ يِشَابُهُوا رُسُلْ الْمَسِيحْ.

2 كُرُنْتُس 3:17

وَ فِي الْكَلَامْ دَا، الرَّبّ هُو الرُّوحْ الْقُدُّوسْ. وَ أَيِّ بَكَانْ الرُّوحْ الْقُدُّوسْ هَنَا الرَّبّ قَاعِدْ فَوْقَهْ، الْحُرِّيَّةْ كُلَ قَاعِدَةْ فَوْقَهْ.

أعمال الرُسُل 20:30

وَ نَاسْ وَاحِدِينْ مِنْكُو كُلَ يُقُمُّوا يِعَلُّمُوا كَلَامْ مَا صَحِيحْ أَشَانْ يِدَوْرُوا يَلْقَوْا مِنْكُو تَلَامِيذ يِتَابُعُوهُمْ.

أعمال الرُسُل 15:24

سِمِعْنَا نَاسْ وَاحِدِينْ مَشَوْا لَيْكُو مِنِّنَا بَلَا إِذِنَّا وَ سَوَّوْا مُشْكِلَةْ أَمْبَيْنَاتْكُو وَ بَرْجَلَوْكُو بِكَلَامْهُمْ.

أعمال الرُسُل 15:1

فِيَّهْ نَاسْ وَاحِدِينْ مِنْ دَارْ الْيَهُودِيَّةْ جَوْا فِي حِلَّةْ أَنْطَاكِيَةْ وَ قَمَّوْا يِعَلُّمُوا الْأَخْوَانْ. وَ هُمَّنْ قَالَوْا: «كَنْ مَا طَهَّرَوْكُو حَسَبْ شُرُوطْ تَوْرَاةْ مُوسَى، أَبَداً مَا تَنْجَوْا.»

إشَعْيا 51:23

الْكَاسْ دَا نُخُطَّهْ فِي إِيدْ الْعَذَّبَوْكِ وَ ضَايَقَوْكِ وَ قَالَوْا لَيْكِ: ‹أَنْبَطْحِي أَشَانْ نُرُوغُوا فَوْقكِ!› وَ إِنْتِ فَرَشْتِ ضَهَرْكِ مِثِلْ الْأَرْض وَ مِثِلْ شَارِعْ النَّاسْ يُرُوغُوا فَوْقَهْ.»

1 بُطْرُس 2:16

عِيشُوا بِحُرِّيَّةْ لَاكِنْ مَا تِشِيلُوا الْحُرِّيَّةْ دِي فُرْصَةْ لِتِسَوُّوا بَيْهَا الْفَسَالَةْ وَ مَا تَنْسَوْا كَدَرْ إِنْتُو عَبِيدْ اللّٰهْ.

غَلاطِية 4:25

هَاجَرْ وَ جَبَلْ سِينَاء الْفِي دَارْ الْعَرَبْ يِوَصُّفُونَا مَدِينَةْ الْقُدُسْ، عَاصِمَةْ الْيَهُودْ الْقَاعِدَةْ فِي الدُّنْيَا. أَشَانْ الْمَدِينَةْ وَ نَاسْهَا قَاعِدِينْ فِي الْعُبُودِيَّةْ تِحِتْ شُرُوطْ التَّوْرَاةْ.

2 كُرُنْتُس 11:17

وَ الْكَلَامْ النُّقُولَهْ بِفَشَارْ دَا مَا مِثِلْ رَبِّنَا يِدَوْرَهْ لَاكِنْ مِثِلْ كَلَامْ هَنَا نَادُمْ الْمَا عِنْدَهْ فِكِرْ.

رَوْمَا 8:15

وَ اللّٰهْ نَزَّلْ فَوْقكُو رُوحَهْ مَا أَشَانْ يِسَوِّيكُو عَبِيدْ الْعَايْشِينْ بَتَّانْ بِالْخَوْف. لَا. الرُّوحْ النَّزَّلَهْ فَوْقكُو، هُو الرُّوحْ الْيِسَوِّيكُو عِيَالْ اللّٰهْ. وَ بِسَبَبْ الرُّوحْ دَا، كُلِّنَا نِنَادُوهْ بِحِسّ عَالِي: «أَبَّ، أَبُونَا!»

زَبُور 119:45

وَ أَنَا نُرُوغْ بِحُرِّيَّةْ أَشَانْ فَتَّشْت فَرَايْضَكْ.

زَبُور 51:12

أَنْطِينِي فَرَحْ نَجَاتَكْ وَ قَوِّينِي بِرُوحْ كَرِيمَةْ.

غَلاطِية 1:7

وَ بِالصَّحِيحْ، مَا فِي بِشَارَةْ آخَرَةْ لَاكِنْ نَاسْ وَاحِدِينْ قَمَّوْا يِبَرْجُلُوكُو بِكَلَامْهُمْ وَ يِدَوْرُوا يِتَلُّفُوا بِشَارَةْ الْمَسِيحْ.

يَعْقُوب 1:25

وَ لَاكِنْ كَنْ نَادُمْ يُخُطّ بَالَهْ عَدِيلْ فِي وَصَايَا اللّٰهْ الْكَامِلِينْ الْيَنْطُونَا الْحُرِّيَّةْ وَ يِنْكَرِبْ فَوْقهُمْ وَ مَا يَسْمَعْهُمْ لِيَنْسَاهُمْ وَ يِطَبِّقْهُمْ، خَلَاصْ النَّادُمْ دَا، اللّٰهْ يِبَارِكَهْ فِي كُلِّ شَيّءْ الْيِسَوِّيهْ.

لُوقا 5:38

لَاكِنْ وَاجِبْ يُصُبُّوا خَمَرْ جَدِيدْ فِي قِرْبَةْ جَدِيدَةْ.