غَلاطِية 1:8 - الكتاب المقدس بالعربي الدارجي هنا تشاد

⁸ وَ لَاكِنْ كَنْ أَيِّ نَادُمْ مِنِّنَا وَلَّا مَلَكْ مِنْ مَلَائِكَةْ اللّٰهْ يَجِي يِبَلِّغْ لَيْكُو بِشَارَةْ بِالْمَسِيحْ شِقْ مِنْ الْبِشَارَةْ الْبَلَّغْنَاهَا لَيْكُو دِي، خَلِّي اللّٰهْ يَلْعَنَهْ.

غَلاطِية 1:8 Referenca të Kryqëzuara

غَلاطِية 1:9

أَوَّلْ قُلْنَاهْ وَ هَسَّعْ أَنَا نُقُولَهْ بَتَّانْ، كَنْ نَادُمْ يِبَلِّغْ لَيْكُو بِالْمَسِيحْ بِشَارَةْ شِقْ مِنْ الْبِشَارَةْ الْأَوَّلْ سِمِعْتُوهَا دِي، خَلِّي اللّٰهْ يَلْعَنْ النَّادُمْ دَا.

1 كُرُنْتُس 16:22

كَنْ أَيِّ نَادُمْ مَا يِحِبّ رَبِّنَا عِيسَى، خَلِّي اللّٰهْ يَلْعَنَهْ. يَا رَبِّنَا، تَعَالْ!

رَوْمَا 9:3

أَنَا نِتْمَنَّى اللّٰهْ يَلْعَنِّي وَ يَفْرُقْنِي أَنَا ذَاتِي مِنْ الْمَسِيحْ، كَنْ بَيْدَا نَاسْ قَبِيلْتِي يَنْجَوْا أَشَانْ هُمَّنْ أَخْوَانِي.

مَتَّى 25:41

«وَ بَتَّانْ، يِحَجِّي لِلنَّاسْ الْقَاعِدِينْ فِي نُصَّهْ الْإِسْرَايْ وَ يُقُولْ: ‹كِسُّوا بَعِيدْ مِنِّي، إِنْتُو الْمَلْعُونِينْ! أَمْشُوا فِي النَّارْ الْأَبَدِيَّةْ الْاللّٰهْ جَهَّزَاهَا لِإِبْلِيسْ وَ خَدَّامِينَهْ.

2 بُطْرُس 2:14

أَيِّ مَرَةْ الْيِشِيفُوهَا، فِي فِكِرْهُمْ يَزْنَوْا بَيْهَا. يِرِيدُوا الذُّنُوبْ وَ شَهْوِتْهُمْ أَبَداً مَا تَشْبَعْ. وَ يِدِسُّوا مَعَاهُمْ فِي الذُّنُوبْ النَّاسْ الْمَا قَوِيِّينْ فِي الْإِيمَانْ. هُمَّنْ مُدَرَّبِينْ فِي الطَّمَعْ وَ مَلْعُونِينْ.

أعمال الرُسُل 23:14

وَ مَشَوْا حَجَّوْا لِكُبَارَاتْ رُجَالْ الدِّينْ وَ لِلشُّيُوخْ وَ قَالَوْا: «حَلَفْنَا مَا نَاكُلُوا وَ لَا نَشَرْبَوْا إِلَّا كَنْ كَتَلْنَا بُولُسْ.

تِيطُس 3:10

وَ أَيِّ نَادُمْ الْيِحَجِّي كَلَامْ شِقْ وَ يِفَرِّقْ بَيَّهْ الْأَخْوَانْ، حَذِّرَهْ مَرَّةْ وَاحِدَةْ وَ حَذِّرَهْ مَرَّةْ تَانِيَةْ وَ بَعَدْ دَا، أَقْطَعْ مَعَايَهْ الْعَلَاقَةْ.

غَلاطِية 3:13

لَاكِنْ الْمَسِيحْ فَدَانَا مِنْ اللَّعَنَةْ الْجَايَةْ مِنْ التَّوْرَاةْ. هُو ذَاتَهْ بِقِي مَلْعُونْ فِي شَانَّا. أَشَانْ الْكِتَابْ بُقُولْ: <أَيِّ نَادُمْ الْمُعَلَّقْ فَوْق فِي الْحَطَبْ، هُو مَلْعُونْ.>

1 كُرُنْتُس 12:3

أَشَانْ دَا، نِدَوْر إِنْتُو تَفْهَمَوْا عَدِيلْ كَدَرْ النَّادُمْ الْيِحَجِّي بِقُدْرَةْ رُوحْ اللّٰهْ أَبَداً مَا يُقُولْ: «عِيسَى مَلْعُونْ.» وَ لَاكِنْ إِلَّا بِقُدْرَةْ الرُّوحْ الْقُدُّوسْ بَسْ، نَادُمْ يَقْدَرْ يُقُولْ: «عِيسَى هُو الرَّبّ».

مَرْخُوس 14:71

وَ بُطْرُسْ قَمَّ حَلَفْ وَ قَالْ: «خَلِّي اللّٰهْ يَلْعَنِّي كَنْ كَلَامِي مَا صَحِيحْ! أَبَداً أَنَا مَا نَعَرِفْ الرَّاجِلْ التِّحَجُّوا بَيَّهْ دَا.»

غَلاطِية 3:10

وَ كُلَّ النَّاسْ الْأَنْكَرَبَوْا فِي طَبِّقِينْ شُرُوطْ التَّوْرَاةْ، اللَّعَنَةْ قَاعِدَةْ فَوْقهُمْ. أَشَانْ مَكْتُوبْ فِي الْكِتَابْ كَدَرْ أَيِّ نَادُمْ الْمَا يِتَابِعْ الْكَلَامْ الْمَكْتُوبْ فِي التَّوْرَاةْ كُلَّ كَيْ وَ مَا يِطَبِّقَهْ تَمَامْ، هُو مَلْعُونْ.

نَحَمْيا 13:25

وَ مِثِلْ دَا، أَنَا هَرَجْت أَبَّهَاتْهُمْ وَ لَعَنْتُهُمْ وَ دَقَّيْت وَاحِدِينْ مِنْهُمْ وَ مَلَّطْت صُوفْهُمْ. وَ حَلَّفْتُهُمْ بِأُسُمْ الرَّبّ وَ قُلْت لَيْهُمْ: «مَا تَنْطُوا بَنَاتْكُو لِأَوْلَادْهُمْ وَ مَا تِشِيلُوا بَنَاتْهُمْ لِأَوْلَادْكُو وَ لَا لِنُفُوسْكُو إِنْتُو كُلَ.

1 صَمُوِيل 26:19

وَ هَسَّعْ دَا، مِنْ فَضْلَكْ يَا سِيدِي، أَسْمَعْ كَلَامِي أَنَا عَبْدَكْ. كَنْ اللّٰهْ بَسْ لَزَّاكْ أَشَانْ تِطَارِدْنِي، وَاجِبْ أَنَا نِقَدِّمْ لَيَّهْ ضَحِيَّةْ. لَاكِنْ كَنْ مِنْ نَاسْ بَسْ، خَلِّي اللّٰهْ يَلْعَنْهُمْ! أَشَانْ الْيَوْم هُمَّنْ طَرَدَوْنِي مِنْ الْبَلَدْ الْأَنْطَاهَا اللّٰهْ وَرَثَةْ لِشَعَبَهْ وَ دَا مِثِلْ هُمَّنْ قَالَوْا لَيِّ: ‹أَمْشِي وَ أَعَبُدْ إِلٰـهَاتْ آخَرِينْ.›

يَشُوع 9:23

وَ بَيْدَا، إِنْتُو خَلَاصْ مَلْعُونِينْ وَ تَبْقَوْا دَايْماً عَبِيدْ. وَ تِشَقُّقُوا الْحَطَبْ وَ تَوْرُدُوا أَلْمِي لِبَيْت اللّٰهْ.»

تكوين 9:25

وَ قَالْ: «اللّٰهْ يَلْعَنْ كَنْعَانْ وَ يَبْقَى عَبْد الْعَبِيدْ هَنَا أَخْوَانَهْ.»

1 مُلوك 13:18

وَ الشَّايِبْ قَالْ لَيَّهْ: «أَنَا كُلَ نَبِي مِثْلَكْ. وَ مَلَكْ وَاحِدْ كَلَّمْ لَيِّ بِكَلَامْ مِنْ اللّٰهْ وَ قَالْ: ‹أَمْشِي قَبِّلْ النَّبِي دَا فِي بَيْتَكْ وَ خَلِّي يَاكُلْ أَكِلْ وَ يَشْرَبْ أَلْمِي.›» وَ لَاكِنْ الشَّايِبْ قَاعِدْ يَكْدِبْ لَيَّهْ.

إرْمِيا 23:16

وَ دَاهُو اللّٰهْ الْقَادِرْ قَالْ: «مَا تَسْمَعَوْا كَلَامْ الْأَنْبِيَاء الْيِتْنَبَّأَوْا لَيْكُو. هُمَّنْ يُغُشُّوكُو وَ يِبَلُّغُوا لَيْكُو رُؤْيَةْ الْجَايَةْ مِنْ نُفُوسْهُمْ وَ لَاكِنْ مَا جَايَةْ مِنِّي أَنَا اللّٰهْ.

إرْمِيا 23:36

وَ لَاكِنْ أَبَداً مَا تَشْكُوا وَ تُقُولُوا: ‹تَقَلَةْ اللّٰهْ فَوْقنَا.› وَ هَلْ كَلَامْ اللّٰهْ تَقِيلْ لِلنَّاسْ وَلَّا؟ لَا! إِنْتُو بَسْ قَاعِدِينْ تِغَيُّرُوا كَلَامْ الْإِلٰـهْ الْحَيّ، اللّٰهْ الْقَادِرْ، إِلٰـهْنَا.

رَوْمَا 16:17

يَا أَخْوَانِي، نِوَصِّيكُو بِشَيّءْ وَاحِدْ. أَنْقَرْعُوا مِنْ النَّاسْ الْيِعَلُّمُوكُو بِتَعْلِيمْ شِقْ مِنْ التَّعْلِيمْ السِّمِعْتُوهْ أَوَّلْ. النَّاسْ دَوْل يِفَرُّقُوا الْمُؤمِنِينْ بِكَلَامْهُمْ وَ يِتَلُّفُوا إِيمَانْهُمْ. كِسُّوا مِنْهُمْ بَعِيدْ.