غَلاطِية 1:6 - الكتاب المقدس بالعربي الدارجي هنا تشاد

⁶ أَنَا عَجَّبْت لَيْكُو بِلْحَيْن. اللّٰهْ نَادَاكُو أَشَانْ تِعِيشُوا بِنِعْمَةْ الْمَسِيحْ وَ طَوَّالِي إِنْتُو قَمَّيْتُوا خَلَّيْتُوهَا أَشَانْ تِدَوْرُوا تِتَابُعُوا بِشَارَةْ آخَرَةْ.

غَلاطِية 1:6 Referenca të Kryqëzuara

2 كُرُنْتُس 11:4

أَنَا خَايِفْ أَشَانْ كَنْ نَادُمْ يَمْشِي لَيْكُو وَ يِبَلِّغْ لَيْكُو بِعِيسَى آخَرْ شِقْ مِنْ عِيسَى الْأَنِحْنَ بَلَّغْنَاكُو بَيَّهْ، إِنْتُو تَقْبَلَوْه. أَشَانْ إِنْتُو جَاهِزِينْ لِتَقْبَلَوْا رُوحْ شِقْ مِنْ الرُّوحْ الْقُدُّوسْ الْأَوَّلْ قِبِلْتُوهْ. وَ كَنْ نَادُمْ يِبَلِّغْ لَيْكُو بِشَارَةْ شِقْ مِنْ الْبِشَارَةْ الْأَوَّلْ قِبِلْتُوهَا، أَنَا خَايِفْ إِنْتُو تِتَابُعُوهْ عَجَلَةْ. وَ تَصْبُرُوا لِلنَّادُمْ الْمِثِلْ دَا.

إشَعْيا 29:13

وَ رَبِّي قَالْ: «الشَّعَبْ دَوْل يِقَرُّبُوا لَيِّ بِكَلَامْ خُشُومْهُمْ. يِمَجُّدُونِي بِلِسْنَيْهُمْ بَسْ وَ لَاكِنْ قُلُوبْهُمْ بَعِيدْ مِنِّي. وَ خَوْفهُمْ مِنِّي، دَا مِنْ وَصِيَّةْ الْهُمَّنْ عَلَّمَوْهَا مِنْ النَّاسْ بَسْ.

زَبُور 106:13

لَاكِنْ عَجَلَةْ كَيْ، هُمَّنْ نِسَوْا أَعْمَالَهْ وَ مَا رِجَوْا وَصِيّتَهْ.

1 تِمُوتَاوُس 1:3

نُقُولْ لَيْك نَفْس الْكَلَامْ الْقُلْتَهْ لَيْك وَكِتْ خَلَّيْتَكْ وَ سَافَرْت لِبَلَدْ مَقِدُونِيَةْ. وَاجِبْ تَقْعُدْ فِي حِلَّةْ أَفَسُسْ أَشَانْ تِوَصِّيهُمْ لِلنَّاسْ الْقَاعِدِينْ يِشَتُّتُوا التَّعْلِيمْ الْمَا صَحِيحْ. آمُرْهُمْ أَشَانْ يِخَلُّوا مِنْهُمْ الْكَلَامْ دَا.

1 كُرُنْتُس 4:15

أَكُونْ عِنْدُكُو نَاسْ كَتِيرِينْ الْيِدَوْرُوا يِرَبُّوكُو فِي دَرِبْ الْمَسِيحْ لَاكِنْ مَا عِنْدُكُو أَبَّهَاتْ كَتِيرِينْ. أَيْوَى، أَنَا وِحَيْدِي بِقِيتْ أَبُوكُو أَشَانْ أَنَا بَلَّغْت لَيْكُو بِشَارَةْ الْمَسِيحْ وَ بَيِّ أَنَا بَسْ، إِنْتُو دَخَلْتُوا فِي عَلَاقِتْكُو مَعَ الْمَسِيحْ عِيسَى.

أعمال الرُسُل 15:11

لَا، دَا مَا يَنْفَعْ! أَنِحْنَ نِآمُنُوا كَدَرْ نَنْجَوْا بِنِعْمَةْ رَبِّنَا عِيسَى مِثِلْهُمْ هُمَّنْ.»

غَلاطِية 5:4

إِنْتُو التِّدَوْرُوا تَبْقَوْا صَالِحِينْ بِطَبِّقِينْ شُرُوطْ التَّوْرَاةْ دَوْل، أَنْفَرَقْتُوا مَرَّةْ وَاحِدْ مِنْ الْمَسِيحْ وَ خَلَّيْتُوا مِنْكُو نِعْمَةْ اللّٰهْ.

رَوْمَا 10:3

هُمَّنْ مَا يَعَرْفُوا كِكَّيْف اللّٰهْ يِسَوِّي النَّاسْ صَالِحِينْ وَ خَلَاصْ يِدَوْرُوا يَبْقَوْا صَالِحِينْ بِجُهُدْهُمْ. وَ أَبَوْا مَا يَقْبَلَوْا الدَّرِبْ الْاللّٰهْ فَتَحَهْ لِلنَّاسْ الْبَيَّهْ يَبْقَوْا صَالِحِينْ.

1 تِمُوتَاوُس 1:14

وَ رَبِّنَا أَنْطَانِي نِعْمَةْ كَبِيرَةْ بِلْحَيْن وَ أَنْطَانِي الْإِيمَانْ وَ الْمَحَبَّةْ الْقَاعِدِينْ فِي الْمَسِيحْ عِيسَى.

رُؤية 22:21

وَ عَلَيْكُو كُلُّكُو رَحْمَةْ الرَّبّ عِيسَى.

2 تِمُوتَاوُس 2:1

وَ إِنْتَ، يَا وِلَيْدِي، أَبْقَى ثَابِتْ فِي النِّعْمَةْ الْعِنْدِنَا فِي الْمَسِيحْ عِيسَى.

2 تِمُوتَاوُس 1:9

هُو نَجَّانَا وَ نَادَانَا أَشَانْ نَبْقَوْا نَاسْ خَاصِّينْ لَيَّهْ. وَ دَا مَا بِسَبَبْ أَيِّ عَمَلْ صَالِحْ الْأَنِحْنَ سَوَّيْنَاهْ لَاكِنْ بِسَبَبْ نِيّتَهْ وَ رَحْمَتَهْ. قُبَّالْ الدُّنْيَا مَا بَدَتْ، هُو عِنْدَهْ نِيَّةْ أَشَانْ يَنْطِينَا النِّعْمَةْ دِي فِي الْمَسِيحْ عِيسَى.

2 تَسَلونِيكِي 2:14

وَ فِي شَانْ دَا، اللّٰهْ نَادَاكُو بِالْبِشَارَةْ الْبَلَّغْنَاهَا لَيْكُو لِتَدْخُلُوا فِي مَجْد رَبِّنَا عِيسَى الْمَسِيحْ.

رَوْمَا 5:2

وَ بِالْمَسِيحْ بَسْ، قِدِرْنَا دَخَلْنَا فِي النِّعْمَةْ دِي بِالْإِيمَانْ الْأَنِحْنَ ثَابْتِينْ فَوْقهَا. وَ نَفْرَحَوْا بِالْعَشَمْ الْعِنْدِنَا أَشَانْ نَلْقَوْا مَجْد اللّٰهْ.

يُوحَنَّا 9:30

وَ الرَّاجِلْ رَدَّ لَيْهُمْ وَ قَالْ: «كَلَامْكُو عَجِيبْ! هُو فَتَحْ لَيِّ عُيُونِي وَ لَاكِنْ إِنْتُو مَا تَعَرْفُوا مِنْ وَيْن هُو جَايِ.

2 بُطْرُس 1:3

وَ أَكِيدْ رَبِّنَا أَنْطَانَا بِقُدُرْتَهْ الْإِلٰـهِيَّةْ كُلَّ شَيّءْ الْأَنِحْنَ حَوْجَانِينْ لَيَّهْ لِنِعِيشُوا بِالتَّقْوَى. وَ دَا يَبْقَى بِعِرْفِتْنَا لَيَّهْ هُو النَّادَانَا فِي دَرْبَهْ بِخَيْرَهْ الْمَجِيدْ.

1 بُطْرُس 1:15

لَاكِنْ، مِثِلْ اللّٰهْ النَّادَاكُو هُو قُدُّوسْ، إِنْتُو كُلَ أَبْقَوْا خَاصِّيْن فِي كُلَّ شَيّءْ التِّسَوُّوهْ.

مَرْخُوس 6:6

وَ هُو أَلْعَجَّبْ مِنْهُمْ أَشَانْ مَا عِنْدُهُمْ إِيمَانْ. وَ قَمَّ يُرُوغْ فِي الْحِلَّالْ وَ يِعَلِّمْ النَّاسْ.

رَوْمَا 8:28

وَ نَعَرْفُوا كَدَرْ فِي كُلَّ شَيّءْ، اللّٰهْ يِسَوِّي الْخَيْر لِلنَّاسْ الْيِحِبُّوهْ وَ هُمَّنْ النَّاسْ الْاللّٰهْ نَادَاهُمْ فِي دَرْبَهْ لِيِطَبُّقُوا خِطِّتَهْ.

رَوْمَا 8:30

وَ النَّاسْ الْاللّٰهْ عَزَلَاهُمْ، هُو نَادَاهُمْ. وَ النَّاسْ النَّادَاهُمْ دَوْل، هُو سَوَّاهُمْ صَالِحِينْ. وَ السَّوَّاهُمْ صَالِحِينْ دَوْل، هُو أَنْطَاهُمْ مَجْدَهْ.

2 كُرُنْتُس 2:17

نَاسْ كَتِيرِينْ قَاعِدِينْ يِخَلْبُطُوا كَلَامْ اللّٰهْ وَ يِتَاجُرُوا بَيَّهْ وَ أَنِحْنَ مَا مِثِلْهُمْ. أَنِحْنَ نِكَلُّمُوا بِنِيَّةْ مُخْلِصَةْ. أَنِحْنَ نَاسْ الْمَسِيحْ وَ اللّٰهْ رَسَّلَانَا وَ قِدَّامْ اللّٰهْ نِكَلُّمُوا لِلنَّاسْ.

غَلاطِية 1:7

وَ بِالصَّحِيحْ، مَا فِي بِشَارَةْ آخَرَةْ لَاكِنْ نَاسْ وَاحِدِينْ قَمَّوْا يِبَرْجُلُوكُو بِكَلَامْهُمْ وَ يِدَوْرُوا يِتَلُّفُوا بِشَارَةْ الْمَسِيحْ.

غَلاطِية 1:11

يَا أَخْوَانِي، نِدَوْر كَدَرْ إِنْتُو تَعَرْفُوا الْبِشَارَةْ الْبَلَّغْتَهَا لَيْكُو مَا جَاتْ مِنْ النَّاسْ.

غَلاطِية 1:15

لَاكِنْ مِنْ أَنَا فِي بَطُنْ أَمِّي، اللّٰهْ عَزَلَانِي وَ بِنِعْمَتَهْ، نَادَانِي. وَ فِي الْوَكِتْ الْاللّٰهْ قَطَعَهْ لَيِّ،

غَلاطِية 2:2

مَشَيْت بِسَبَبْ رُؤْيَةْ مِنْ اللّٰهْ. وَ مَشَيْت لِكُبَارَاتْ الْمُؤمِنِينْ الْمَعْرُوفِينْ وَ لَمَّيْت مَعَاهُمْ فِي مَلَمَّةْ وِحَيْدنَا. وَ قَدَّمْت لَيْهُمْ الْبِشَارَةْ الْبَلَّغْتَهَا فِي أُسْط النَّاسْ الْمَا يَهُودْ. دَوَّرْت نِأَكِّدْ كَدَرْ الْخِدْمَةْ الْأَوَّلْ سَوَّيْتهَا وَ الْهَسَّعْ قَاعِدْ نِسَوِّيهَا مَا تَبْقَى بَاطْلَةْ.

غَلاطِية 2:5

لَاكِنْ أَنِحْنَ مَا قَصَّدْنَا وَ مَا سِمِعْنَا كَلَامْهُمْ أَشَانْ دَوَّرْنَا نَحْفَضَوْا لَيْكُو الْكَلَامْ الصَّحِيحْ الْاللّٰهْ أَنْطَانَا فِي بِشَارَةْ الْمَسِيحْ.

غَلاطِية 2:7

بِالْعَكْس، بِقِي لَيْهُمْ وَاضِحْ كَدَرْ اللّٰهْ كَلَّفَانِي بِبَلِّغِينْ بِشَارَةْ الْمَسِيحْ لِلنَّاسْ الْمَا يَهُودْ مِثِلْ هُو كَلَّفْ بُطْرُسْ بِبَلِّغِينْ بِشَارَةْ الْمَسِيحْ لِلْيَهُودْ.

غَلاطِية 2:14

لَاكِنْ وَكِتْ أَنَا شِفْت كَدَرْ هُمَّنْ مَا مَاشِينْ عَدِيلْ وَ مَا يِتَابُعُوا الْكَلَامْ الصَّحِيحْ الْاللّٰهْ أَنْطَانَا فِي بِشَارَةْ الْمَسِيحْ، قَمَّيْت حَجَّيْت لِبُطْرُسْ قِدَّامْهُمْ كُلُّهُمْ. وَ قُلْت: «إِنْتَ يَهُودِي وَ بِقِيتْ مِثِلْ نَادُمْ مَا يَهُودِي وَ خَلَّيْت مِنَّكْ عَادَاتْ الْيَهُودْ. وَ مِثِلْ دَا، مَالَا تِدَوْر تَجْبُرْ النَّاسْ الْمَا يَهُودْ لِيَبْقَوْا مِثِلْ الْيَهُودْ؟»

غَلاطِية 5:14

أَشَانْ كُلَّ شُرُوطْ التَّوْرَاةْ، زِبْدِتْهُمْ تِنْلَقِي فِي وَصِيَّةْ وَاحِدَةْ وَ هِي: <حِبّ أَخُوكْ مِثِلْ تِحِبّ نَفْسَكْ.>