غَلاطِية 1:21 - الكتاب المقدس بالعربي الدارجي هنا تشاد

²¹ وَ بَعَدْ دَا، قَمَّيْت نُرُوغْ فِي سُورِيَا وَ كِلِكِيَّةْ.

غَلاطِية 1:21 Referenca të Kryqëzuara

أعمال الرُسُل 15:41

وَ بُولُسْ رَاغْ فِي بُلْدَانْ سُورِيَا وَ كِلِكِيَّةْ وَ قَوَّى إِيمَانْ هَنَا جَمَاعَاتْ الْمُؤمِنِينْ.

أعمال الرُسُل 9:30

وَ الْأَخْوَانْ سِمْعَوْا بِالْكَلَامْ دَا وَ وَدَّوْا شَاوُولْ فِي خَشُمْ الْبَحَرْ فِي حِلَّةْ قَيْصَرِيَّةْ. وَ مِنْ هِنَاكْ، رَسَّلَوْه فِي طَرْسُوسْ.

أعمال الرُسُل 6:9

وَ نَاسْ وَاحِدِينْ مِنْ بَيْت الصَّلَاةْ الْأُسْمَهْ بَيْت الْمَعْتُوقِينْ قَمَّوْا ضِدَّهْ. وَ يَهُودْ وَاحِدِينْ مِنْ الْقَيْرَوَانْ وَ مِنْ الْإِسْكَنْدَرِيَّةْ كُلَ لَمَّوْا مَعَاهُمْ وَ آخَرِينْ مِنْ بَلَدْ كِلِكِيَّةْ وَ بَلَدْ آسِيَا. وَ قَمَّوْا يِغَالُطُوا إِسْتِفَانْ.

أعمال الرُسُل 15:23

وَ أَمَّنَوْهُمْ الْجَوَابْ. وَ الْجَوَابْ بُقُولْ: مَكْتُوبْ مِنْ أَخْوَانْكُو الرُّسُلْ وَ الْكُبَارَاتْ لَيْكُو إِنْتُو الْأَخْوَانْ الْمَا يَهُودْ الْقَاعِدِينْ فِي حِلَّةْ أَنْطَاكِيَةْ وَ فِي سُورِيَا وَ كِلِكِيَّةْ. السَّلَامْ عَلَيْكُمْ.

أعمال الرُسُل 13:1

وَ فِي جَمَاعَةْ الْمُؤمِنِينْ الْقَاعِدِينْ فِي حِلَّةْ أَنْطَاكِيَةْ، فِي أَنْبِيَاء وَ مُعَلِّمِينْ. وَ هُمَّنْ بَرْنَابَا وَ سِمْعَانْ الْبِنَادُوهْ أَزْرَقْ وَ لُوكِيُسْ الْمِنْ حِلَّةْ الْقَيْرَوَانْ وَ مَنَايِنْ الرَّبَّوْه مَعَ هِرُودُسْ مُحَافِظْ دَارْ الْجَلِيلْ وَ شَاوُولْ.

أعمال الرُسُل 23:34

وَ الْوَالِي قَرَى الْجَوَابْ وَ سَأَلْ بُولُسْ وَ قَالْ: «بَلَدَكْ وَيْن؟» وَ وَكِتْ سِمِعْ كَدَرْ بُولُسْ مِنْ كِلِكِيَّةْ،

أعمال الرُسُل 22:3

«أَنَا يَهُودِي وِلْدَوْنِي فِي حِلَّةْ طَرْسُوسْ فِي بَلَدْ كِلِكِيَّةْ وَ لَاكِنْ رَبَّوْنِي هِنِي فِي مَدِينَةْ الْقُدُسْ. وَ بِقِيتْ تِلْمِيذْ هَنَا سَيِّدْنَا قَمَلِيِيلْ وَ هُو عَلَّمَانِي كِكَّيْف نِتَابِعْ شُرُوطْ التَّوْرَاةْ هَنَا جُدُودْنَا عَدِيلْ وَ نِتَابِعْ كَلَامْ اللّٰهْ بِشِدَّةْ مِثِلْكُو إِنْتُو كُلُّكُو الْقَاعِدِينْ هِنِي الْيَوْم.

أعمال الرُسُل 21:39

وَ بُولُسْ قَالْ لَيَّهْ: «أَنَا يَهُودِي مِنْ طَرْسُوسْ فِي بَلَدْ كِلِكِيَّةْ. أَنَا مُوَاطِنْ هَنَا حِلَّةْ مَعْرُوفَةْ وَ نَطْلُبْ مِنَّكْ إِذِنْ أَشَانْ نِحَجِّي لِلنَّاسْ.»

أعمال الرُسُل 21:3

وَ وَكِتْ مَاشِينْ، شِفْنَا جَزِيرَةْ قُبْرُصْ بِالْإِسْرَةْ وَ مَشَيْنَا قِدَّامْ. وَ وَجَّهْنَا عَلَيْ بَلَدْ سُورِيَا وَ وِصِلْنَا فِي مَدِينَةْ صُورْ. وَ وَقَفْنَا هِنَاكْ أَشَانْ دَا بَسْ الْبَكَانْ الْوَاجِبْ يِدَلُّوا فَوْقَهْ شُحْنَةْ السَّفِينَةْ.

أعمال الرُسُل 18:18

وَ بُولُسْ قَعَدْ فِي كُرُنْتُسْ مُدَّةْ طَوِيلَةْ. وَ بَعَدْ دَا، هُو سَلَّمْ الْأَخْوَانْ أَشَانْ يِدَوْر يِسَافِرْ. دَوَّرْ يَمْشِي فِي سُورِيَا بِسَفِينَةْ. وَ بِرِسْكِيلَةْ وَ أَكِيلَا كُلَ مَشَوْا مَعَايَهْ. وَ فِي حِلَّةْ كَنْخِرِيَّةْ قُبَّالْ مَا يَرْكَبْ فِي السَّفِينَةْ، بُولُسْ زَيَّنْ رَاسَهْ أَشَانْ سَوَّى نَذِرْ قِدَّامْ اللّٰهْ.

مَتَّى 4:24

وَ أُسْمَهْ طَلَعْ فِي كُلَّ بَلَدْ سُورِيَا وَ نَاسْ جَابَوْا لَيَّهْ أَخْوَانْهُمْ الْمَعْضُورِينْ وَ التَّعْبَانِينْ مِنْ أَيِّ مَرَضْ. جَابَوْا الْمُشَوْطِنِينْ وَ النَّاسْ الْعِنْدُهُمْ أَمْ فِتْفِتْ وَ النَّاسْ الْجِلِدْهُمْ مَيِّتْ وَ دَاوَاهُمْ كُلُّهُمْ.