غَلاطِية 1:16 - الكتاب المقدس بالعربي الدارجي هنا تشاد

¹⁶ هُو بَيَّنْ إِبْنَهْ فِي قَلْبِي أَشَانْ نِبَشِّرْ بَيَّهْ فِي بُلْدَانْ هَنَا نَاسْ الْمَا يَهُودْ. وَ أَنَا مَا شَاوَرْت أَيِّ إِنْسَانْ.

غَلاطِية 1:16 Referenca të Kryqëzuara

مَتَّى 16:17

وَ عِيسَى قَالْ لَيَّهْ: «مَبْرُوكْ لَيْك سِمْعَانْ وِلَيْد يُوحَنَّا! الْفِكِرْ دَا مَا جَايْ مِنْ إِنْسَانْ! لَاكِنْ أَبُويِ اللّٰهْ بَسْ أَنْطَاكْ.

أفَسُس 6:12

أَنِحْنَ مَا نِحَارُبُوا عَدُو مِنْ النَّاسْ. لَاكِنْ فِي الزَّمَنْ الْحَاضِرْ دَا، الدُّنْيَا قَاعِدَةْ فِي الضَّلَامْ وَ فِيَّهْ شَوَاطِينْ الْقَاعِدِينْ يَمُلْكُوهَا. وَ أَنِحْنَ قَاعِدِينْ نِحَارُبُوا حُكَّامْ وَ كُبَارَاتْ الشَّوَاطِينْ دَوْل، الْهُمَّنْ عَسْكَرْ إِبْلِيسْ الْقَاعِدِينْ فِي السَّمَاوَاتْ.

أفَسُس 3:1

أَنَا بُولُسْ قَاعِدْ فِي السِّجِنْ أَشَانْ نِتَابِعْ الْمَسِيحْ عِيسَى وَ نِبَلِّغْ بِشَارْتَهْ لَيْكُو إِنْتُو الْمَا يَهُودْ. وَ أَشَانْ دَا، أَنَا نَسْأَلْ لَيْكُو اللّٰهْ.

2 كُرُنْتُس 4:6

وَ زَمَانْ اللّٰهْ قَالْ: «خَلِّي النُّورْ يِضَوِّي فِي أُسْط الضَّلَامْ.» وَ هُو بَسْ النَّوَّرْ قُلُوبْنَا أَشَانْ نَعَرْفُوا نُورْ اللّٰهْ الْمَجِيدْ الْقَاعِدْ فِي وِجِهْ عِيسَى الْمَسِيحْ.

رَوْمَا 11:13

يَا النَّاسْ الْمَا يَهُودْ، أَنَا قَاعِدْ نِحَجِّي لَيْكُو. أَنَا الرَّسُولْ الْمُرَسَّلْ لِلنَّاسْ الْمَا يَهُودْ وَ أَنَا فَرْحَانْ بِلْحَيْن بِخِدِمْتِي

أعمال الرُسُل 22:21

وَ لَاكِنْ هُو قَالْ لَيِّ: ‹أَمْشِي. أَنَا نِرَسِّلَكْ بَعِيدْ مِنْ هِنِي. نِرَسِّلَكْ لِلنَّاسْ الْمَا يَهُودْ.›»

أعمال الرُسُل 9:15

وَ الرَّبّ حَجَّى لَيَّهْ وَ قَالْ: «أَمْشِي بَسْ. الرَّاجِلْ دَا، أَنَا عَزَلْتَهْ أَشَانْ يَبْقَى خَدَّامِي وَ يَمْشِي يِبَشِّرْ بِأُسْمِي لِلنَّاسْ الْمَا يَهُودْ وَ لِمُلُوكْهُمْ وَ لِبَنِي إِسْرَائِيلْ.

مَتَّى 26:41

أَقْعُدُوا وَاعِيِّينْ وَ أَسْأَلَوْا اللّٰهْ أَشَانْ التَّعَبْ مَا يِجَرِّبْ إِيمَانْكُو وَ يِتَلِّفَهْ. أَشَانْ الْإِنْسَانْ عِنْدَهْ نِيَّةْ لَاكِنْ مَا عِنْدَهْ قُدْرَةْ.»

تَثْنِية 33:9

وَ هُمَّنْ قَالَوْا لِوَالْدَيْنهُمْ: «أَنِحْنَ مَا شِفْنَاكُو.» وَ قَالَوْا لِأَخْوَانْهُمْ: «أَنِحْنَ مَا نَعَرْفُوكُو.» وَ قَالَوْا لِعِيَالْهُمْ: «أَنِحْنَ مَا نَعَرْفُوا إِنْتُو يَاتُمَّنْ.» وَ هُمَّنْ حَفَضَوْا كَلَامَكْ، يَا اللّٰهْ، وَ أَحْتَرَمَوْا مُعَاهَدَتَكْ.

عِبْرَانِيِّين 2:14

الْعِيَالْ دَوْل كُلُّهُمْ إِنْسَانْ وَ أَشَانْ دَا، عِيسَى كُلَ بِقِي إِنْسَانْ مِثِلْهُمْ. وَ بِقِي مِثِلْهُمْ أَشَانْ بِمَوْتَهْ، هُو دَمَّرْ قُدْرَةْ إِبْلِيسْ الْعِنْدَهْ قُدْرَةْ فِي الْمَوْت.

2 تِمُوتَاوُس 1:11

وَ اللّٰهْ عَزَلَانِي وَ سَوَّانِي مُبَشِّرْ وَ رَسُولْ وَ مُعَلِّمْ.

1 تِمُوتَاوُس 2:7

وَ اللّٰهْ عَزَلَانِي وَ سَوَّانِي مُبَشِّرْ وَ رَسُولْ أَشَانْ نِبَلِّغْ الشَّهَادَةْ دِي. كَلَامِي صَحِيحْ وَ مَا كِدِبْ. هُو سَوَّانِي مُعَلِّمْ الْأُمَمْ لِنِعَلِّمْهُمْ الْإِيمَانْ وَ الْحَقّ.

1 تَسَلونِيكِي 2:16

هُمَّنْ يَدْحَرَوْنَا مَا نِبَلُّغُوا الْبِشَارَةْ التِّنَجِّي النَّاسْ، لِلنَّاسْ الْمَا يَهُودْ. وَ مِثِلْ دَا، يِتَمُّمُوا عَدَدْ ذُنُوبْهُمْ مَرَّةْ وَاحِدْ وَ غَضَبْ اللّٰهْ نَزَلْ فَوْقهُمْ خَلَاصْ.

غَلاطِية 2:1

وَ بَتَّانْ بَعَدْ 14 سَنَةْ، أَنَا مَشَيْت مَدِينَةْ الْقُدُسْ مَرَّةْ تَانِيَةْ. وَ بَرْنَابَا كُلَ مَشَى مَعَايِ وَ شِلْنَا مَعَانَا أَخُونَا تِيطُسْ.

2 كُرُنْتُس 5:16

أَشَانْ دَا، مِنْ الْيَوْم لِقِدَّامْ مَا نِفَكُّرُوا فِي أَيِّ نَادُمْ مِثِلْ النَّاسْ يِفَكُّرُوا فَوْقَهْ. أَوَّلْ أَنِحْنَ فَكَّرْنَا فِي الْمَسِيحْ مِثِلْ النَّاسْ. لَاكِنْ أَبَداً مَا نِفَكُّرُوا فَوْقَهْ بَتَّانْ مِثِلْ دَا.

1 كُرُنْتُس 15:50

يَا أَخْوَانِي، أَسْمَعَوْا كَلَامِي. أَيِّ جِسِمْ الْعِنْدَهْ دَمّ وَ لَحَمْ مَا يَوْرِثْ مَمْلَكَةْ اللّٰهْ. وَ الْيَتْلَفْ أَبَداً مَا يَوْرِثْ الْمَا يَتْلَفْ.

أعمال الرُسُل 5:42

وَ كُلَّ يَوْم، هُمَّنْ قَاعِدِينْ يِعَلُّمُوا النَّاسْ فِي بَيْت اللّٰهْ وَ فِي بُيُوتْهُمْ وَ قَاعِدِينْ يِبَلُّغُوا كَدَرْ عِيسَى بَسْ الْمَسِيحْ. وَ أَبَداً مَا وَقَفَوْا مِنَّهْ.

أعمال الرُسُل 9:20

وَ طَوَّالِي كَيْ، شَاوُولْ مَشَى فِي بُيُوتْ الصَّلَاةْ وَ بَلَّغْ النَّاسْ بِعِيسَى وَ قَالْ كَدَرْ عِيسَى هُو إِبْن اللّٰهْ.

رَوْمَا 1:5

وَ بَيَّهْ هُو وَ فِي شَانْ أُسْمَهْ، اللّٰهْ أَنْطَانِي نِعْمَةْ وَ سَوَّانِي رَسُولْ أَشَانْ نِنَادِي كُلَّ الْأُمَمْ لِيِآمُنُوا بَيَّهْ وَ يِتَابُعُوا كَلَامَهْ.