غَلاطِية 1:15 - الكتاب المقدس بالعربي الدارجي هنا تشاد

¹⁵ لَاكِنْ مِنْ أَنَا فِي بَطُنْ أَمِّي، اللّٰهْ عَزَلَانِي وَ بِنِعْمَتَهْ، نَادَانِي. وَ فِي الْوَكِتْ الْاللّٰهْ قَطَعَهْ لَيِّ،

غَلاطِية 1:15 Referenca të Kryqëzuara

إرْمِيا 1:5

«قَبُلْ مَا نِكَوِّنَكْ فِي بَطُنْ أَمَّكْ، أَنَا نَعَرْفَكْ. وَ قَبُلْ مَا تَمْرُقْ مِنْ رِحِمْ أَمَّكْ، أَنَا خَصَّصْتَكْ أَشَانْ نِرَسِّلَكْ نَبِي لِلْأُمَمْ.»

إشَعْيا 49:5

وَ هَسَّعْ اللّٰهْ كَلَّمْ، هُو الْكَوَّنَانِي فِي بَطُنْ أَمِّي لِنَبْقَى عَبْدَهْ وَ لِنِقَبِّلْ عَلَيَّهْ ذُرِّيَّةْ يَعْقُوبْ، أَيْوَى، نِلِمّ قِدَّامَهْ بَنِي إِسْرَائِيلْ. وَ نَلْقَى شَرَفْ قِدَّامْ اللّٰهْ أَشَانْ إِلٰـهِي هُو قُدُرْتِي.

إشَعْيا 49:1

أَسْمَعَوْنِي، يَا نَاسْ جَزَايِرْ الْبَحَرْ! خُطُّوا بَالْكُو، يَا الْأُمَمْ الْبَعِيدِينْ. اللّٰهْ نَادَانِي مِنْ أَنَا فِي بَطُنْ أَمِّي وَ ذَكَرْ أُسْمِي مِنْ أَنَا فِي رِحِمْهَا.

2 تِمُوتَاوُس 1:9

هُو نَجَّانَا وَ نَادَانَا أَشَانْ نَبْقَوْا نَاسْ خَاصِّينْ لَيَّهْ. وَ دَا مَا بِسَبَبْ أَيِّ عَمَلْ صَالِحْ الْأَنِحْنَ سَوَّيْنَاهْ لَاكِنْ بِسَبَبْ نِيّتَهْ وَ رَحْمَتَهْ. قُبَّالْ الدُّنْيَا مَا بَدَتْ، هُو عِنْدَهْ نِيَّةْ أَشَانْ يَنْطِينَا النِّعْمَةْ دِي فِي الْمَسِيحْ عِيسَى.

أفَسُس 1:5

مِنْ أَوَّلْ، هُو قَدَّرْ لَيْنَا وَ شَالْ نِيَّةْ أَشَانْ نَبْقَوْا عِيَالَهْ بِوَاسِطَةْ عِيسَى الْمَسِيحْ. وَ دِي بَسْ نِيّتَهْ الْهُو رَضْيَانْ بَيْهَا.

1 كُرُنْتُس 1:9

اللّٰهْ هُو صَادِقْ فِي وَعَدَهْ. وَ هُو بَسْ النَّادَاكُو أَشَانْ تَدْخُلُوا فِي الْعَلَاقَةْ الْعِنْدُكُو مَعَ إِبْنَهْ عِيسَى الْمَسِيحْ رَبِّنَا.

رَوْمَا 1:1

جَوَابْ مِنِّي أَنَا بُولُسْ عَبِدْ عِيسَى الْمَسِيحْ. اللّٰهْ نَادَانِي أَشَانْ نَبْقَى رَسُولْ وَ عَزَلَانِي أَشَانْ نِبَلِّغْ بِشَارْتَهْ

أعمال الرُسُل 13:2

وَ يَوْم وَاحِدْ، هُمَّنْ قَاعِدِينْ يَعَبُدُوا الرَّبّ وَ يُصُومُوا، الرُّوحْ الْقُدُّوسْ كَلَّمْ لَيْهُمْ وَ قَالْ: «خَصُّصُوا لَيِّ بَرْنَابَا وَ شَاوُولْ أَشَانْ يِسَوُّوا لَيِّ الْخِدْمَةْ النَّادَيْتهُمْ لَيْهَا.»

أعمال الرُسُل 9:15

وَ الرَّبّ حَجَّى لَيَّهْ وَ قَالْ: «أَمْشِي بَسْ. الرَّاجِلْ دَا، أَنَا عَزَلْتَهْ أَشَانْ يَبْقَى خَدَّامِي وَ يَمْشِي يِبَشِّرْ بِأُسْمِي لِلنَّاسْ الْمَا يَهُودْ وَ لِمُلُوكْهُمْ وَ لِبَنِي إِسْرَائِيلْ.

رَوْمَا 8:30

وَ النَّاسْ الْاللّٰهْ عَزَلَاهُمْ، هُو نَادَاهُمْ. وَ النَّاسْ النَّادَاهُمْ دَوْل، هُو سَوَّاهُمْ صَالِحِينْ. وَ السَّوَّاهُمْ صَالِحِينْ دَوْل، هُو أَنْطَاهُمْ مَجْدَهْ.

رَوْمَا 1:5

وَ بَيَّهْ هُو وَ فِي شَانْ أُسْمَهْ، اللّٰهْ أَنْطَانِي نِعْمَةْ وَ سَوَّانِي رَسُولْ أَشَانْ نِنَادِي كُلَّ الْأُمَمْ لِيِآمُنُوا بَيَّهْ وَ يِتَابُعُوا كَلَامَهْ.

مَتَّى 11:26

أَيْوَى، يَا أَبُويِ، أَشَانْ دَا بَسْ الشَّيّءْ الْإِنْتَ رَاضِي بَيَّهْ».

1 صَمُوِيل 12:22

«وَ فِي شَانْ أُسْمَهْ الْعَظِيمْ، اللّٰهْ مَا يِخَلِّي شَعَبَهْ. أَشَانْ دَوَّرْ يِسَوِّيكُو إِنْتُو شَعَبَهْ حَلَالَهْ.

1 بُطْرُس 5:10

تَعَبْكُو يَقْعُدْ بَتَّانْ وَكِتْ شِيَّةْ. وَ لَاكِنْ اللّٰهْ عِنْدَهْ رَحْمَةْ كَبِيرَةْ وَ هُو نَادَاكُو أَشَانْ تِشَارُكُوا فِي مَجْدَهْ الْأَبَدِي بِعَلَاقِتْكُو مَعَ عِيسَى الْمَسِيحْ. وَ اللّٰهْ هُو ذَاتَهْ يِثَبِّتْكُو وَ يِقَوِّيكُو وَ يَنْطِيكُو قُدْرَةْ وَ مَا تَقَعَوْا بَتَّانْ.

أفَسُس 3:11

وَ دِي بَسْ نِيَّةْ اللّٰهْ مِنْ الْبِدَايَةْ التَّمَّمَاهَا بِالْمَسِيحْ عِيسَى رَبِّنَا.

أفَسُس 1:9

بَيَّنْ لَيْنَا سِرّ هَنَا مُرَادْتَهْ الْهُو رَضْيَانْ بَيْهَا. وَ شَالْ نِيَّةْ لِيِتَمِّمْهَا فِي الْمَسِيحْ.

غَلاطِية 1:6

أَنَا عَجَّبْت لَيْكُو بِلْحَيْن. اللّٰهْ نَادَاكُو أَشَانْ تِعِيشُوا بِنِعْمَةْ الْمَسِيحْ وَ طَوَّالِي إِنْتُو قَمَّيْتُوا خَلَّيْتُوهَا أَشَانْ تِدَوْرُوا تِتَابُعُوا بِشَارَةْ آخَرَةْ.

1 كُرُنْتُس 15:10

لَاكِنْ هَسَّعْ، أَنَا رَسُولْ بِرَحْمَةْ اللّٰهْ وَ رَحْمَتَهْ مَا فَشَلَتْ. بِالْعَكْس، أَنَا خَدَمْت خِدْمَةْ زِيَادَةْ مِنْهُمْ كُلُّهُمْ. وَ بِالصَّحِيحْ، الْخَدَمْ عَدِيلْ مَا أَنَا لَاكِنْ رَحْمَةْ اللّٰهْ الْقَاعِدَةْ فَوْقِي.

1 كُرُنْتُس 1:24

لَاكِنْ لِكُلَّ النَّاسْ الْاللّٰهْ نَادَاهُمْ فِي دَرْبَهْ، كَنْ مِنْ الْيَهُودْ وَلَّا مِنْ الْيُونَانِيِّينْ كُلَ، الْمَسِيحْ هُو قُدْرَةْ اللّٰهْ وَ حِكْمَةْ اللّٰهْ.

1 كُرُنْتُس 1:1

جَوَابْ مِنِّي أَنَا بُولُسْ الْاللّٰهْ نَادَانِي أَشَانْ نَبْقَى بِإِذْنَهْ رَسُولْ هَنَا عِيسَى الْمَسِيحْ. وَ دَاهُو نَكْتِبْ لَيْكُو مَعَ أَخُونَا سُوسْتَانْ.

لُوقا 10:21

وَ فِي الْوَكِتْ دَا، عِيسَى مَلَانْ بِالرُّوحْ الْقُدُّوسْ وَ فَرْحَانْ بِلْحَيْن وَ قَالْ: «شُكْراً، يَا أَبُويِ رَبّ السَّمَاوَاتْ وَ الْأَرْض، أَشَانْ إِنْتَ لَبَّدْت كَلَامَكْ دَا مِنْ الْحَكِيمِينْ وَ مِنْ الْعُلَمَاءْ وَ وَصَّفْتَهْ لِلنَّاسْ الْجُهَّالْ مَرَّةْ وَاحِدْ. أَيْوَى، يَا أَبُويِ، أَشَانْ دَا بَسْ الشَّيّءْ الْإِنْتَ رَاضِي بَيَّهْ.

رَوْمَا 9:24

وَ دَوْل أَنِحْنَ الْاللّٰهْ نَادَانَا، مَا مِنْ أُسْط الْيَهُودْ بَسْ لَاكِنْ مِنْ كُلَّ الْأُمَمْ.

رَوْمَا 8:28

وَ نَعَرْفُوا كَدَرْ فِي كُلَّ شَيّءْ، اللّٰهْ يِسَوِّي الْخَيْر لِلنَّاسْ الْيِحِبُّوهْ وَ هُمَّنْ النَّاسْ الْاللّٰهْ نَادَاهُمْ فِي دَرْبَهْ لِيِطَبُّقُوا خِطِّتَهْ.

1 كُرُنْتُس 1:21

أَشَانْ اللّٰهْ سَوَّى كُلَّ شَيّءْ حَسَبْ حِكْمَتَهْ وَ لَاكِنْ نَاسْ الدُّنْيَا مَا أَعْتَرَفَوْا بَيَّهْ. وَ خَلَاصْ اللّٰهْ شَالْ نِيَّةْ أَشَانْ يِنَجِّي النَّاسْ الْيِآمُنُوا بَيَّهْ بِطَرِيقْ الْبِشَارَةْ، حَتَّى كَانْ نَاسْ الدُّنْيَا يِشِيفُوهْ كَلامْ بَاطِلْ كُلَ.

غَلاطِية 1:1

جَوَابْ مِنِّي أَنَا بُولُسْ الْبِقِيتْ رَسُولْ مَا بِإِذِنْ النَّاسْ وَ لَا بِنِيِّتْهُمْ، لَاكِنْ بِإِذِنْ عِيسَى الْمَسِيحْ وَ اللّٰهْ أَبُوهْ الْبَعَثَهْ مِنْ أُسْط الْمَيْتِينْ.