غَلاطِية 1:13 - الكتاب المقدس بالعربي الدارجي هنا تشاد

¹³ أَكِيدْ تَعَرْفُوا حَالِي وَكِتْ أَنَا لِسَّاعْ نِتَابِعْ دِينْ الْيَهُودْ. سِمِعْتُوا أَنَا تَعَّبْت بِشِدَّةْ نَاسْ اللّٰهْ أُمَّةْ الْمَسِيحْ وَ دَوَّرْت نِدَمِّرْهُمْ مَرَّةْ وَاحِدْ.

غَلاطِية 1:13 Referenca të Kryqëzuara

أعمال الرُسُل 8:3

وَ لَاكِنْ شَاوُولْ دَوَّرْ يِدَمِّرْ أُمَّةْ الْمَسِيحْ مَرَّةْ وَاحِدْ وَ قَمَّ أَنْدَسَّ بَيْت لِبَيْت أَشَانْ يَكْرُبْ رُجَالْ وَ عَوِينْ وَ يِدِسُّهُمْ فِي السِّجِنْ.

1 كُرُنْتُس 15:9

وَ مِنْ كُلَّ الرُّسُلْ، أَنَا بَسْ صَغَيَّرْ مَرَّةْ وَاحِدْ لَحَدِّي مَا وَاجِبْ يِنَادُونِي رَسُولْ كُلَ أَشَانْ أَوَّلْ أَنَا تَعَّبْت نَاسْ اللّٰهْ أُمَّةْ الْمَسِيحْ.

أعمال الرُسُل 9:26

وَ شَاوُولْ مَشَى فِي مَدِينَةْ الْقُدُسْ وَ دَوَّرْ يِلِمّ مَعَ تَلَامِيذ الْمَسِيحْ وَ لَاكِنْ هُمَّنْ مَا صَدَّقَوْا كَدَرْ هُو كُلَ تِلْمِيذْ وَ هُمَّنْ خَايْفِينْ مِنَّهْ.

أعمال الرُسُل 9:21

وَ كُلَّ النَّاسْ السِّمْعَوْا كَلَامَهْ أَلْعَجَّبَوْا مَرَّةْ وَاحِدْ وَ قَالَوْا: «دَا بَسْ النَّادُمْ الْقَمَّ فِي مَدِينَةْ الْقُدُسْ وَ تَعَّبْ النَّاسْ الْيَدْعُوا بِأُسُمْ عِيسَى. وَ دَاهُو جَاءْ هِنِي أَشَانْ يَكْرُبْهُمْ وَ يِوَدِّيهُمْ فِي بَكَانْ كُبَارَاتْ رُجَالْ الدِّينْ.»

1 تِمُوتَاوُس 1:13

وَ دَا عَجِيبْ، أَشَانْ أَوَّلْ أَنَا كَافِرْ بَيَّهْ وَ قَاعِدْ نِتَعِّبْ نَاسَهْ وَ أَنَا قَدُّومِي مُرّ مَرَّةْ وَاحِدْ. لَاكِنْ الرَّبّ رَحَمَانِي أَشَانْ سَوَّيْت الذُّنُوبْ دَوْل وَكِتْ لِسَّاعْنِي مَا عِرِفْت الْحَقّ وَ مَا عِنْدِي إِيمَانْ.

فِلِبِّي 3:6

وَ أَنَا بِقِيتْ مُنْكَرِبْ بِلْحَيْن فِي دِينِي الْيَهُودِي لَحَدِّي حَاوَلْت نِدَمِّرْ أُمَّةْ الْمَسِيحْ. وَ حَسَبْ كَلَامْهُمْ فِي شُرُوطْ التَّوْرَاةْ، أَنَا بِقِيتْ نَادُمْ صَالِحْ وَ مَا عِنْدِي عَيْب.

أعمال الرُسُل 8:1

وَ شَاوُولْ مُوَافِقْ بِكَتِلْ إِسْتِفَانْ. وَ فِي نَفْس الْيَوْم بَسْ، النَّاسْ قَمَّوْا يِتَعُّبُوا أُمَّةْ الْمَسِيحْ فِي مَدِينَةْ الْقُدُسْ تَعَبْ شَدِيدْ. وَ كُلَّ الْأَخْوَانْ جَرَوْا مِنْ الْمَدِينَةْ وَ شَتَّوْا فِي الْكَدَادَةْ هَنَا دَارْ الْيَهُودِيَّةْ وَ دَارْ السَّامِرَةْ. وَ إِلَّا الرُّسُلْ فَضَّلَوْا فِي الْمَدِينَةْ.

1 كُرُنْتُس 10:32

مَا تَبْقَوْا سَبَبْ لِأَيِّ نَادُمْ لِتَمُرْقُوهْ مِنْ الدَّرِبْ، وَ لَا لِلْيَهُودْ وَ لَا لِلْيُونَانِيِّينْ وَ لَا لِنَاسْ اللّٰهْ أُمَّةْ الْمَسِيحْ.

1 تِمُوتَاوُس 1:14

وَ رَبِّنَا أَنْطَانِي نِعْمَةْ كَبِيرَةْ بِلْحَيْن وَ أَنْطَانِي الْإِيمَانْ وَ الْمَحَبَّةْ الْقَاعِدِينْ فِي الْمَسِيحْ عِيسَى.