عَزْرا 4:3 - الكتاب المقدس بالعربي الدارجي هنا تشاد

³ وَ لَاكِنْ زَرُبَابِلْ وَ يَشُوعْ وَ كُبَارَاتْ آخَرِينْ هَنَا عَايِلَاتْ بَنِي إِسْرَائِيلْ رَدَّوْا لَيْهُمْ وَ قَالَوْا: «أَبَداً مَا تِشَارُكُوا مَعَانَا فِي بُنَى بَيْت إِلٰـهْنَا. أَنِحْنَ وِحَيْدنَا بَسْ نَبْنُوا بَيْت لِلّٰهْ إِلٰـهْ بَنِي إِسْرَائِيلْ مِثِلْ كُورَشْ مَلِكْ بَلَدْ فَارِسْ أَمَرَانَا.»

عَزْرا 4:3 Referenca të Kryqëzuara

نَحَمْيا 2:20

وَ أَنَا رَدَّيْت وَ قُلْت لَيْهُمْ: «اللّٰهْ رَبّ السَّمَاوَاتْ، هُو بَسْ يَنْطِينَا النَّجَاحْ وَ أَنِحْنَ عَبِيدَهْ نُقُمُّوا نَبْنُوا بَسْ. وَ إِنْتُو كَمَانْ مَا عِنْدُكُو قِسِمْ فِي مَدِينَةْ الْقُدُسْ وَ لَا عِنْدُكُو حَقّ فَوْقهَا وَ لَا نَعَرْفُوا لَيْكُو شَيّءْ هِنِي!»

أعمال الرُسُل 8:21

إِنْتَ مَا تَقْدَرْ تِشَارِكْ فِي الْخِدْمَةْ دِي وَ لَا عِنْدَكْ حَقّ أَشَانْ قَلْبَكْ مَا مُخْلِصْ قِدَّامْ اللّٰهْ.

مَتَّى 10:16

«أَسْمَعَوْا! نِرَسِّلْكُو فِي أُسْط النَّاسْ وَ تَبْقَوْا مِثِلْ غَنَمْ فِي أُسْط الْمَرَافْعِينْ. أَشَانْ دَا، وَاجِبْ تَبْقَوْا حَضِيرِينْ مِثِلْ الدَّابِي وَ بَرِيِّينْ مِثِلْ الْحَمَامَةْ.

إشَعْيا 45:4

فِي شَانْ يَعْقُوبْ عَبْدِي وَ فِي شَانْ إِسْرَائِيلْ الْأَنَا عَزَلْتَهْ، أَنَا نَادَيْتَكْ بِأُسْمَكْ وَ دَرَّجْتَكْ قَبُلْ مَا تَعَرِفْنِي.

إشَعْيا 44:28

وَ نُقُولْ لِلْمَلِكْ كُورَشْ: ‹إِنْتَ رَاعِيِّ!› وَ هُو يِحَقِّقْ كُلَّ شَيّءْ الْأَنَا نِدَوْرَهْ. وَ هُو يُقُولْ لِمَدِينَةْ الْقُدُسْ: ‹خَلِّي تِنْبَنِي!› وَ يُقُولْ لِبَيْت اللّٰهْ: ‹أَلأَسَّسْ بَتَّانْ!›»

2 أخبار 36:22

وَ فِي السَّنَةْ الْأَوَّلْ هَنَا حُكُمْ كُورَشْ مَلِكْ بَلَدْ فَارِسْ، اللّٰهْ قَمَّ لِيِحَقِّقْ كَلَامَهْ الْأَوَّلْ قَالَهْ بِخَشُمْ النَّبِي إِرْمِيَا. وَ اللّٰهْ أَنْطَى فِكِرْ لِكُورَشْ مَلِكْ بَلَدْ فَارِسْ. وَ بَيْدَا، كُورَشْ قَرَّرْ فِي كُلَّ مَمْلَكَتَهْ وَ كَتَبْ مَكْتُوبْ وَ قَالْ:

يُوحَنَّا 4:9

وَ السَّامِرِيَّةْ رَدَّتْ لَيَّهْ وَ قَالَتْ: «هَايْ؟ إِنْتَ يَهُودِي وَ أَنَا سَامِرِيَّةْ. كِكَّيْف تَسْأَلْ مِنِّي أَلْمِي تَشْرَبْ؟» وَ قَالَتْ الْكَلَامْ دَا أَشَانْ الْيَهُودْ أَبَداً مَا يِسَلُّمُوا السَّامِرِيِّينْ وَ لَا يَاكُلُوا مَعَاهُمْ.

عَزْرا 1:1

فِي السَّنَةْ الْأَوَّلْ هَنَا حُكُمْ كُورَشْ مَلِكْ بَلَدْ فَارِسْ، اللّٰهْ قَمَّ يِحَقِّقْ كَلَامَهْ الْأَوَّلْ قَالَهْ بِخَشُمْ النَّبِي إِرْمِيَا. وَ اللّٰهْ أَنْطَى فِكِرْ لِكُورَشْ مَلِكْ بَلَدْ فَارِسْ وَ بَيْدَا، كُورَشْ قَرَّرْ فِي كُلَّ مَمْلَكَتَهْ وَ كَتَبْ مَكْتُوبْ وَ قَالْ:

عَزْرا 1:2

دَاهُو كَلَامِي أَنَا كُورَشْ مَلِكْ بَلَدْ فَارِسْ. اللّٰهْ رَبّ السَّمَاوَاتْ أَنْطَانِي كُلَّ مَمَالِكْ الْأَرْض وَ كَلَّفَانِي أَشَانْ نَبْنِي لَيَّهْ بَيْت فِي مَدِينَةْ الْقُدُسْ فِي بَلَدْ يَهُوذَا.

عَزْرا 3:8

وَ فِي الشَّهَرْ التَّانِي هَنَا السَّنَةْ التَّانِيَةْ بَعَدْ قَبَّلَوْا مِنْ الْغُرْبَةْ، زَرُبَابِلْ وِلَيْد شَلْتِيِيلْ وَ يَشُوعْ وِلَيْد يُوصَادِقْ وَ أَخْوَانْهُمْ رُجَالْ الدِّينْ الْآخَرِينْ وَ اللَّاوِيِّينْ وَ كُلَّ النَّاسْ الْقَبَّلَوْا مِنْ الْغُرْبَةْ، كُلُّهُمْ جَوْا فِي مَدِينَةْ الْقُدُسْ وَ بَدَوْا الْخِدْمَةْ. وَ وَكَّلَوْا اللَّاوِيِّينْ الْعُمُرْهُمْ مِنْ 20 سَنَةْ وَ فَوْق أَشَانْ يِرَاقُبُوا بُنَى بَيْت اللّٰهْ.

عَزْرا 1:3

خَلِّي أَيِّ وَاحِدْ مِنْ شَعَبَهْ يَمْشِي فِي مَدِينَةْ الْقُدُسْ فِي بَلَدْ يَهُوذَا وَ إِلٰـهَهْ يُكُونْ مَعَايَهْ وَ هِنَاكْ يَبْنِي بَيْت اللّٰهْ إِلٰـهْ بَنِي إِسْرَائِيلْ. وَ هُو الْإِلٰـهْ الْيَعَبُدُوهْ فِي مَدِينَةْ الْقُدُسْ.