عَزْرا 1:3 - الكتاب المقدس بالعربي الدارجي هنا تشاد

³ خَلِّي أَيِّ وَاحِدْ مِنْ شَعَبَهْ يَمْشِي فِي مَدِينَةْ الْقُدُسْ فِي بَلَدْ يَهُوذَا وَ إِلٰـهَهْ يُكُونْ مَعَايَهْ وَ هِنَاكْ يَبْنِي بَيْت اللّٰهْ إِلٰـهْ بَنِي إِسْرَائِيلْ. وَ هُو الْإِلٰـهْ الْيَعَبُدُوهْ فِي مَدِينَةْ الْقُدُسْ.

عَزْرا 1:3 Referenca të Kryqëzuara

دَنْيال 6:26

دَاهُو أَنَا نَامُرْ النَّاسْ فِي كُلَّ مَمْلَكَتِي. خَلِّي يَخَافَوْا مِنْ إِلٰـهْ دَنْيَالْ خَوْف شَدِيدْ. أَشَانْ هُو بَسْ اللّٰهْ الْحَيّ، الدَّايِمْ إِلَى الْأَبَدْ. وَ مَمْلَكَتَهْ أَبَداً مَا تِدَّمَّرْ وَ مُلْكَهْ كُلَ مَا يِكَمِّلْ.

إرْمِيا 10:10

وَ لَاكِنْ اللّٰهْ الرَّبّ، هُو بَسْ الْإِلٰـهْ الصَّحِيحْ. هُو اللّٰهْ الْحَيّ، مَلِكْ إِلَى الْأَبَدْ. كَنْ غِضِبْ، الْأَرْض تَرْجِفْ وَ الْأُمَمْ مَا يَحْمَلَوْا زَعَلَهْ.

أعمال الرُسُل 10:36

وَ أَكِيدْ، اللّٰهْ رَسَّلْ لِبَنِي إِسْرَائِيلْ بِشَارَةْ السَّلَامْ الْيَنْطِيهَا بِعِيسَى الْمَسِيحْ، رَبّ هَنَا كُلَّ النَّاسْ.

مَتَّى 28:20

وَ عَلُّمُوهُمْ أَشَانْ يِسَوُّوا كُلَّ شَيّءْ الْأَنَا وَصَّيْتكُو بَيَّهْ. وَ خَلَاصْ أَنَا قَاعِدْ مَعَاكُو كُلَّ يَوْم لَحَدِّي كُمَالَةْ الدُّنْيَا.»

إشَعْيا 45:5

وَ أَنَا اللّٰهْ. لَا إِلٰـهْ إِلَّا أَنَا وَ مَا فِي إِلٰـهْ بَلَايِ. أَنَا رَبَطْت لَيْك حِزَامْ الْقُدْرَةْ قَبُلْ مَا تَعَرِفْنِي.

يَشُوع 1:9

وَ أَذَّكَّرْ كَدَرْ أَنَا أَمَرْتَكْ أَبْقَى شَدِيدْ وَ فَحَلْ. مَا تَرْجِفْ وَ لَا تَخَافْ أَشَانْ أَنَا اللّٰهْ إِلٰـهَكْ نُكُونْ مَعَاكْ فِي أَيِّ بَكَانْ الْإِنْتَ تَمْشِي فَوْقَهْ.»

تَثْنِية 32:31

أَشَانْ مَلْجَئْهُمْ مَا مِثِلْ مَلْجَئْنَا وَ عُدْوَانَّا يَعَرْفُوهْ.

دَنْيال 2:47

وَ خَلَاصْ، الْمَلِكْ حَجَّى لِدَنْيَالْ وَ قَالْ: «بِصَحِيحْ إِلٰـهْكُو إِنْتُو دَا، هُو بَسْ إِلٰـهْ الْإِلٰـهَاتْ وَ رَبّ الْمُلُوكْ وَ هُو يَكْشِفْ الْأَسْرَارْ أَشَانْ إِنْتَ قِدِرْت كَشَفْت لَيِّ السِّرّ دَا.»

زَبُور 83:18

وَ خَلَاصْ، يَعَرْفُوا كَدَرْ إِنْتَ وِحَيْدَكْ بَسْ أُسْمَكْ اللّٰهْ وَ إِنْتَ بَسْ الْعَالِي فِي كُلَّ الْأَرْض.

1 أخبار 28:20

وَ خَلَاصْ، دَاوُدْ قَالْ لِوِلَيْدَهْ سُلَيْمَانْ: «أَبْقَى شَدِيدْ وَ فَحَلْ وَ أَبْدَا الْخِدْمَةْ. مَا تَخَافْ وَ لَا تِنْبَهِتْ أَشَانْ الرَّبّ اللّٰهْ إِلٰـهِي قَاعِدْ مَعَاكْ. هُو مَا يِخَلِّيكْ وَ مَا يَابَاكْ لَحَدِّي كُمَالَةْ كُلَّ الْخِدْمَةْ هَنَا بَيْت اللّٰهْ.

1 مُلوك 8:23

وَ قَالْ: «يَا اللّٰهْ إِلٰـهْ بَنِي إِسْرَائِيلْ، مَا فِي إِلٰـهْ مِثْلَكْ إِنْتَ وَ لَا فَوْق فِي السَّمَاءْ وَ لَا تِحِتْ فِي الْأَرْض. إِنْتَ تَحْفَضْ مُعَاهَدَتَكْ وَ خَيْرَكْ لِخَدَّامِينَكْ الْيِتَابُعُوكْ بِكُلَّ قُلُوبْهُمْ.

1 مُلوك 18:39

وَ وَكِتْ كُلَّ الشَّعَبْ شَافَوْا الشَّيّءْ دَا، وَقَعَوْا كُلُّهُمْ بِوُجُوهُّمْ فِي الْأَرْض وَ قَالَوْا: «لَا إِلٰـهْ إِلَّا اللّٰهْ! لَا إِلٰـهْ إِلَّا اللّٰهْ!»

عَزْرا 1:4

وَ فِي أَيِّ بَكَانْ السَّاكْنِينْ فَوْقَهْ شَعَبْ بَنِي إِسْرَائِيلْ فِي الْغُرْبَةْ، خَلِّي النَّاسْ يِسَاعُدُوهُمْ وَ يَنْطُوهُمْ فُضَّةْ وَ دَهَبْ وَ مَالْ وَ بَهَايِمْ وَ هَدَايَا وَ دَا يَنْطُوهْ بِنِيِّتْهُمْ لِبَيْت اللّٰهْ فِي مَدِينَةْ الْقُدُسْ.

عَزْرا 5:3

وَ فِي الْوَكِتْ دَا، تَتَّنَايْ الْوَالِي هَنَا الْمَنْطَقَةْ الْغَرِبْ لِبَحَرْ الْفُرَاتْ وَ شَتَرْ بُوزْنَايْ وَ رُفْقَانْهُمْ جَوْا لَيْهُمْ وَ قَالَوْا: «يَاتُو أَنْطَاكُو إِذِنْ تَبْنُوا الْبَيْت دَا وَ تِعَدُّلُوا دَرَادِرَهْ؟»

إشَعْيا 37:16

«يَا اللّٰهْ الْقَادِرْ إِلٰـهْ بَنِي إِسْرَائِيلْ! إِنْتَ الْقَاعِدْ فِي عَرْشَكْ فَوْق الْمَخْلُوقِينْ السَّمَاوِيِّينْ. إِنْتَ وِحَيْدَكْ بَسْ إِلٰـهْ كُلَّ مَمَالِكْ الْأَرْض! وَ إِنْتَ بَسْ الْخَلَقْت السَّمَاوَاتْ وَ الْأَرْض!

عَزْرا 4:3

وَ لَاكِنْ زَرُبَابِلْ وَ يَشُوعْ وَ كُبَارَاتْ آخَرِينْ هَنَا عَايِلَاتْ بَنِي إِسْرَائِيلْ رَدَّوْا لَيْهُمْ وَ قَالَوْا: «أَبَداً مَا تِشَارُكُوا مَعَانَا فِي بُنَى بَيْت إِلٰـهْنَا. أَنِحْنَ وِحَيْدنَا بَسْ نَبْنُوا بَيْت لِلّٰهْ إِلٰـهْ بَنِي إِسْرَائِيلْ مِثِلْ كُورَشْ مَلِكْ بَلَدْ فَارِسْ أَمَرَانَا.»

عَزْرا 5:13

وَ لَاكِنْ فِي أَوَّلْ سَنَةْ هَنَا حُكْمَهْ، كُورَشْ مَلِكْ بَابِلْ أَمَرْ أَشَانْ يَبْنُوا بَيْت اللّٰهْ دَا بَتَّانْ.

عَزْرا 6:7

خَلُّوا خِدْمَةْ بُنَى بَيْت اللّٰهْ تَمْشِي قِدَّامْ. وَ وَالِي الْيَهُودْ بِشُيُوخْهُمْ كُلَ، خَلُّوهُمْ يَبْنُوا بَيْت اللّٰهْ فِي بَكَانَهْ الْأَوَّلْ.

زَبُور 132:13

أَشَانْ اللّٰهْ عَزَلْ جَبَلْ صَهْيُون وَ دَوَّرْ يَسْكُنْ فَوْقَهْ

إشَعْيا 44:28

وَ نُقُولْ لِلْمَلِكْ كُورَشْ: ‹إِنْتَ رَاعِيِّ!› وَ هُو يِحَقِّقْ كُلَّ شَيّءْ الْأَنَا نِدَوْرَهْ. وَ هُو يُقُولْ لِمَدِينَةْ الْقُدُسْ: ‹خَلِّي تِنْبَنِي!› وَ يُقُولْ لِبَيْت اللّٰهْ: ‹أَلأَسَّسْ بَتَّانْ!›»