عَزْرا 1:2 - الكتاب المقدس بالعربي الدارجي هنا تشاد

² دَاهُو كَلَامِي أَنَا كُورَشْ مَلِكْ بَلَدْ فَارِسْ. اللّٰهْ رَبّ السَّمَاوَاتْ أَنْطَانِي كُلَّ مَمَالِكْ الْأَرْض وَ كَلَّفَانِي أَشَانْ نَبْنِي لَيَّهْ بَيْت فِي مَدِينَةْ الْقُدُسْ فِي بَلَدْ يَهُوذَا.

عَزْرا 1:2 Referenca të Kryqëzuara

إشَعْيا 44:26

أَنَا نِحَقِّقْ كَلَامْ عَبْدِي وَ نِتِمّ خِطَّةْ رُسُلِي. نُقُولْ لِمَدِينَةْ الْقُدُسْ: ‹خَلِّي يَسْكُنُوهَا!› وَ لِحِلَّالْ بَلَدْ يَهُوذَا: ‹خَلِّي يَبْنُوهُمْ مِنْ جَدِيدْ!› وَ نِقَوِّمْ دَرَادِرْهُمْ الدَّفَّقَوْا.

دَنْيال 5:23

إِنْتَ قَمَّيْت ضِدّ اللّٰهْ رَبّ السَّمَاوَاتْ وَ جَابَوْا لَيْك مَوَاعِينْ بَيْتَهْ وَ شِرِبْتُوا بَيْهُمْ الْخَمَرْ، إِنْتَ وَ مُوَظَّفِينَكْ وَ عَوِينَكْ وَ سِرِّيَّاتَكْ. وَ غَنَّيْت لِإِلٰـهَاتَكْ الْمِنْ دَهَبْ وَ فُضَّةْ وَ نَحَاسْ وَ حَدِيدْ وَ خَشَبْ وَ حُجَارْ. وَ هُمَّنْ إِلٰـهَاتْ الْمَا يِشِيفُوا وَ لَا يَسْمَعَوْا وَ لَا يَعَرْفُوا شَيّءْ. وَ بَيْدَا كُلَ، إِنْتَ أَبَيْت مَا تِمَجِّدْ اللّٰهْ الْأَنْطَاكْ الْحَيَاةْ وَ قَاعِدْ يِرَاقِبْ دَرْبَكْ.

دَنْيال 4:32

وَ يَطُرْدُوكْ مِنْ أُسْط النَّاسْ وَ تِعِيشْ مَعَ حَيْوَانَاتْ الْكَدَادَةْ وَ تَاكُلْ قَشّ مِثِلْ تَوْر. وَ مِثِلْ دَا، تَقْعُدْ سَبْعَةْ سَنَةْ لَحَدِّي إِنْتَ عَلَّمْت كَدَرْ اللّٰهْ الْعَالِي، هُو بَسْ سِيدْ الْمُلُكْ وَ يَنْطِي مُلْكَهْ لِلنَّادُمْ الْهُو يِدَوْرَهْ.»

دَنْيال 4:25

يَطُرْدُوكْ مِنْ أُسْط النَّاسْ وَ تِعِيشْ مَعَ حَيْوَانَاتْ الْكَدَادَةْ وَ تَاكُلْ قَشّ مِثِلْ تَوْر وَ تِنْبَلَّ بِكَرَنْج الْيَنْزِلْ فَوْقَكْ مِنْ السَّمَاءْ. وَ مِثِلْ دَا، تَقْعُدْ سَبْعَةْ سَنَةْ لَحَدِّي تَعَرِفْ كَدَرْ اللّٰهْ الْعَالِي، هُو بَسْ سِيدْ الْمُلُكْ وَ يَنْطِي مُلْكَهْ لِلنَّادُمْ الْهُو يِدَوْرَهْ.

دَنْيال 2:28

لَاكِنْ أَعَرِفْ كَدَرْ اللّٰهْ رَبّ السَّمَاوَاتْ يَكْشِفْ الْأَسْرَارْ. وَ هَسَّعْ، هُو وَصَّفْ لِلْمَلِكْ نَبُوخَدْنَصَرْ الشَّيّءْ الْيَبْقَى فِي الْأَيَّامْ الْجَايِينْ. وَ دَاهُو الْحِلِمْ وَ الرُّؤْيَةْ الْإِنْتَ شِفْتَهْ وَكِتْ إِنْتَ نَايِمْ فِي فُرَاشَكْ.

دَنْيال 2:21

هُو يِغَيِّرْ الْوَكِتْ وَ الزَّمَنْ وَ يِدَلِّي مُلُوكْ وَ يِرَكِّبْ مُلُوكْ. وَ هُو يِزِيدْ حِكْمَةْ لِلْحَكِيمِينْ وَ مَعْرَفَةْ لِلْعَارِفِينْ.

إرْمِيا 10:11

يَا بَنِي إِسْرَائِيلْ، قُولُوا لَيْهُمْ: «الْإِلٰـهَاتْ الْمَا خَلَقَوْا السَّمَاوَاتْ وَ الْأَرْض يَبْقَوْا مَا فِيهُمْ مِنْ تِحِتْ السَّمَاوَاتْ وَ يِنْقَشَّوْا مِنْ الْأَرْض.»

إشَعْيا 66:1

دَاهُو اللّٰهْ قَالْ: «السَّمَاءْ عَرْشِي وَ الْأَرْض بَكَانْ نُخُطّ رِجِلَيْنِي. هَلْ تَقْدَرَوْا تَبْنُوا بَيْت الْيِشِيلْنِي وَلَّا؟ وَلَّا تَقْدَرَوْا تَبْنُوا لَيِّ بَكَانْ لِلرَّاحَةْ؟

2 أخبار 2:12

وَ بَتَّانْ حِيرَامْ قَالْ: «بَارَكْ اللّٰهْ إِلٰـهْ بَنِي إِسْرَائِيلْ الْخَلَقْ السَّمَاوَاتْ وَ الْأَرْض وَ أَنْطَى لِلْمَلِكْ دَاوُدْ وِلَيْد حَكِيمْ عِنْدَهْ عَقُلْ وَ فِهِمْ. وَ يَبْنِي بَيْت لِلّٰهْ وَ قَصِرْ لَيَّهْ هُو كُلَ.

1 مُلوك 8:27

«وَ هَلْ صَحِيحْ كَيْ الرَّبّ يَسْكُنْ فِي الْأَرْض وَلَّا؟ السَّمَاءْ وَ كُلَّ السَّمَاوَاتْ الْوَسِيعِينْ دَوْل مَا يَقْدَرَوْا يِشِيلُوكْ، يَا اللّٰهْ. وَ كِكَّيْف الْبَيْت الصَّغَيَّرْ الْأَنَا بَنَيْتَهْ يِشِيلَكْ؟

عَزْرا 1:5

وَ خَلَاصْ، كُبَارَاتْ قَبَايِلْ يَهُوذَا وَ قَبَايِلْ بَنْيَامِينْ وَ رُجَالْ الدِّينْ وَ اللَّاوِيِّينْ وَ أَيِّ نَادُمْ الْأَنْطَاهْ الرَّبّ فِكِرْ لِيِقَبِّلْ لِمَدِينَةْ الْقُدُسْ وَ يَبْنِي بَيْت اللّٰهْ، دَوْل كُلُّهُمْ قَاعِدِينْ يِجَهُّزُوا أَشَانْ يَمْشُوا.

عَزْرا 3:7

وَ أَنْطَوْا فُضَّةْ لِلنَّاسْ الْقَطَعَوْا حُجَارْ الْبُنَى وَ لِلْخَشَّابِينْ. وَ رَسَّلَوْا مَعَاشْ وَ شَرَابْ وَ دِهِنْ لِنَاسْ مُدُنْ صَيْدَا وَ صُورْ أَشَانْ يِجِيبُوا لَيْهُمْ خَشَبْ هَنَا شَدَرْ الْأَرْز مِنْ بَلَدْ لُبْنَانْ وَ يِوَدُّوهْ بِالْبَحَرْ لَحَدِّي حِلَّةْ يَافَا. وَ دَا كُلَّ سَوَّوْه بِإِذِنْ كُورَشْ مَلِكْ بَلَدْ فَارِسْ.

عَزْرا 4:3

وَ لَاكِنْ زَرُبَابِلْ وَ يَشُوعْ وَ كُبَارَاتْ آخَرِينْ هَنَا عَايِلَاتْ بَنِي إِسْرَائِيلْ رَدَّوْا لَيْهُمْ وَ قَالَوْا: «أَبَداً مَا تِشَارُكُوا مَعَانَا فِي بُنَى بَيْت إِلٰـهْنَا. أَنِحْنَ وِحَيْدنَا بَسْ نَبْنُوا بَيْت لِلّٰهْ إِلٰـهْ بَنِي إِسْرَائِيلْ مِثِلْ كُورَشْ مَلِكْ بَلَدْ فَارِسْ أَمَرَانَا.»

زَبُور 136:26

أَشْكُرُوا إِلٰـهْ السَّمَاوَاتْ، أَشَانْ رَحْمَتَهْ دَايْمَةْ إِلَى الْأَبَدْ!

إشَعْيا 41:2

يَاتُو الْقَوَّمْ نَادُمْ عَادِلْ مِنْ الصَّبَاحْ الْيِنَّصِرْ فِي أَيِّ بَكَانْ الْيَمْشِي فَوْقَهْ؟ يَاتُو السَّلَّمْ لَيَّهْ الْأُمَمْ وَ هَزَمْ الْمُلُوكْ قِدَّامَهْ؟ وَ سَيْفَهْ يَرْحَكْهُمْ عَجَاجْ وَ نُشَّابَهْ يِشَتِّتْهُمْ مِثِلْ قَشّ فِي الرِّيحْ.

إشَعْيا 44:28

وَ نُقُولْ لِلْمَلِكْ كُورَشْ: ‹إِنْتَ رَاعِيِّ!› وَ هُو يِحَقِّقْ كُلَّ شَيّءْ الْأَنَا نِدَوْرَهْ. وَ هُو يُقُولْ لِمَدِينَةْ الْقُدُسْ: ‹خَلِّي تِنْبَنِي!› وَ يُقُولْ لِبَيْت اللّٰهْ: ‹أَلأَسَّسْ بَتَّانْ!›»

إشَعْيا 45:1

وَ دَاهُو اللّٰهْ قَالْ لِلنَّادُمْ الْهُو مَسَحَهْ وَ دَرَّجَهْ مَلِكْ: «لَيْك إِنْتَ، يَا كُورَشْ، أَنَا كَرَبْتَكْ مِنْ إِيدَكْ الزَّيْنَةْ لِنَرْمِي الْأُمَمْ قِدَّامَكْ. أَنَا نِحِلّ حِزَامْ الْمُلُوكْ وَ نُفُكّ قِدَّامَكْ بِيبَانْ الْمُدُنْ وَ بَتَّانْ مَا يُكُونُوا مَقْفُولِينْ.

دَنْيال 6:25

وَ بَعَدْ دَا، الْمَلِكْ دَارِيُوسْ كَتَبْ لِكُلَّ النَّاسْ مِنْ الشُّعُوبْ وَ الْأُمَمْ وَ اللُّغَّاتْ السَّاكْنِينْ فِي كُلَّ الْأَرْض وَ قَالْ: السَّلَامْ عَلَيْكُمْ.

يُونُس 1:9

وَ يُونُسْ رَدَّ لَيْهُمْ وَ قَالْ: «أَنَا عِبْرَانِي وَ نَعَبُدْ اللّٰهْ رَبّ السَّمَاوَاتْ، الْخَلَقْ الْأَرْض وَ الْبَحَرْ.

عَزْرا 5:15

وَ قَالْ لَيَّهْ: ‹شِيلْ الْمُعِدَّاتْ دَوْل وَ أَمْشِي قَبِّلْهُمْ فِي بَيْت اللّٰهْ الْفِي مَدِينَةْ الْقُدُسْ وَ خَلِّي يَبْنُوا الْبَيْت دَا فِي بَكَانَهْ.›

عَزْرا 6:3

فِي السَّنَةْ الْأَوَّلْ هَنَا مُلْكَهْ، الْمَلِكْ كُورَشْ مَرَقْ قَرَارْ وَ قَالْ: بَيْت اللّٰهْ الْفِي مَدِينَةْ الْقُدُسْ وَاجِبْ يِنْبَنِي فِي أَسَاسَهْ الْأَوَّلْ أَشَانْ يِقَدُّمُوا فَوْقَهْ ضَحَايَا. وَ طُولَهْ الْفَوْق يَبْقَى 60 دُرَاعْ وَ عُرْضَهْ كُلَ 60 دُرَاعْ.

عَزْرا 6:10

وَ رُجَالْ الدِّينْ يِقَدُّمُوا الضَّحَايَا دَوْل لِرَبّ السَّمَاوَاتْ أَشَانْ هُو يَرْضَى بِرِيحَةْ الضَّحَايَا. وَ مِثِلْ دَا، هُمَّنْ يَسْأَلَوْا اللّٰهْ لِلْمَلِكْ وَ لِأَوْلَادَهْ أَشَانْ اللّٰهْ يِبَارِكْهُمْ.

عَزْرا 7:12

دَاهُو أَمُرْ مِنِّي أَنَا أَرْتَحَشْتَا مَلِكْ الْمُلُوكْ لِعَزْرَا رَاجِلْ الدِّينْ وَ كَاتِبْ هَنَا تَوْرَاةْ رَبّ السَّمَاوَاتْ.

نَحَمْيا 1:4

وَكِتْ أَنَا سِمِعْت الْكَلَامْ دَا، بِقِيتْ حَزْنَانْ وَ قَعَدْت تِحِتْ وَ بَكَيْت. وَ قَاعِدْ نُصُومْ وَ نِصَلِّي مُدَّةْ أَيَّامْ لِلّٰهْ رَبّ السَّمَاوَاتْ

نَحَمْيا 1:5

وَ قُلْت: «يَا اللّٰهْ رَبّ السَّمَاوَاتْ! يَا رَبّ، إِنْتَ عَظِيمْ وَ مُخِيفْ وَ إِنْتَ تَحْفَضْ الْمُعَاهَدَةْ وَ تِوَصِّفْ رَحْمَتَكْ لِلنَّاسْ الْبِرِيدُوكْ وَ الْبَحْفَضَوْا وَصِيَّاتَكْ.

زَبُور 85:2

وَ إِنْتَ مَحَيْت ذُنُوبْ شَعَبَكْ وَ غَفَرْت كُلَّ خَطَايَاهُمْ. وَقْفَةْ.

أمْثال 21:1

قَلِبْ الْمَلِكْ مِثِلْ أَلْمِي الْجَارِي، هُو تِحِتْ مُرَاقَبَةْ اللّٰهْ وَ اللّٰهْ يِوَدِّيهْ فِي أَيِّ بَكَانْ الْيِدَوْرَهْ.

إرْمِيا 27:5

”أَنَا اللّٰهْ بَسْ خَلَقْت الْأَرْض وَ النَّاسْ وَ الْبَهَايِمْ الْقَاعِدِينْ فَوْقهَا وَ دَا بِقُدُرْتِي الْكَبِيرَةْ وَ دُرَاعِي الْقَوِي. وَ أَنَا نَنْطِيهُمْ لِلنَّادُمْ النِّدَوْرَهْ.

إرْمِيا 29:10

دَاهُو اللّٰهْ قَالْ بَتَّانْ: «مَمْلَكَةْ بَابِلْ تَقْعُدْ 70 سَنَةْ. وَ بَعَدْ دَا، أَنَا نُقُمّ وَ نِفَكِّرْ فَوْقكُو وَ نِحَقِّقْ كَلَامِي الْعَدِيلْ وَ نِقَبِّلْكُو هِنِي فِي مَدِينَةْ الْقُدُسْ.

دَنْيال 1:21

وَ دَنْيَالْ قَعَدْ لَحَدِّي السَّنَةْ الْجَاءْ فَوْقهَا الْمَلِكْ كُورَشْ وَ شَالْ الْمُلُكْ.