عَزْرا 1:1 - الكتاب المقدس بالعربي الدارجي هنا تشاد

¹ فِي السَّنَةْ الْأَوَّلْ هَنَا حُكُمْ كُورَشْ مَلِكْ بَلَدْ فَارِسْ، اللّٰهْ قَمَّ يِحَقِّقْ كَلَامَهْ الْأَوَّلْ قَالَهْ بِخَشُمْ النَّبِي إِرْمِيَا. وَ اللّٰهْ أَنْطَى فِكِرْ لِكُورَشْ مَلِكْ بَلَدْ فَارِسْ وَ بَيْدَا، كُورَشْ قَرَّرْ فِي كُلَّ مَمْلَكَتَهْ وَ كَتَبْ مَكْتُوبْ وَ قَالْ:

عَزْرا 1:1 Referenca të Kryqëzuara

إرْمِيا 29:10

دَاهُو اللّٰهْ قَالْ بَتَّانْ: «مَمْلَكَةْ بَابِلْ تَقْعُدْ 70 سَنَةْ. وَ بَعَدْ دَا، أَنَا نُقُمّ وَ نِفَكِّرْ فَوْقكُو وَ نِحَقِّقْ كَلَامِي الْعَدِيلْ وَ نِقَبِّلْكُو هِنِي فِي مَدِينَةْ الْقُدُسْ.

أمْثال 21:1

قَلِبْ الْمَلِكْ مِثِلْ أَلْمِي الْجَارِي، هُو تِحِتْ مُرَاقَبَةْ اللّٰهْ وَ اللّٰهْ يِوَدِّيهْ فِي أَيِّ بَكَانْ الْيِدَوْرَهْ.

عَزْرا 7:27

وَ أَنَا عَزْرَا قُلْت: بَارَكْ اللّٰهْ رَبّ جُدُودْنَا الدَّسَّ نِيَّةْ فِي قَلِبْ الْمَلِكْ أَشَانْ يِعَظِّمْ بَيْت اللّٰهْ الْفِي مَدِينَةْ الْقُدُسْ!

زَبُور 106:46

هُو سَوَّى كُلَّ النَّاسْ الْكَرَبَوْهُمْ يِحِنُّوا فَوْقهُمْ.

عَزْرا 6:22

وَ بَعَدْ دَا، عَيَّدَوْا عِيدْ الْخُبْزَةْ بَلَا تَوَّارَةْ بِفَرْحَةْ لِمُدَّةْ سَبْعَةْ يَوْم. وَ فِرْحَوْا أَشَانْ اللّٰهْ غَيَّرْ قَلِبْ مَلِكْ بَلَدْ أَشُورْ لِيِوَجِّهْ عَلَيْهُمْ وَ يِسَاعِدْهُمْ فِي بُنَى بَيْت اللّٰهْ إِلٰـهْ بَنِي إِسْرَائِيلْ.

دَنْيال 2:1

وَ فِي السَّنَةْ التَّانِيَةْ هَنَا حُكْمَهْ، الْمَلِكْ نَبُوخَدْنَصَرْ رِئِي وَ الرُّؤْيَةْ دِي بَرْجَلَتَهْ مَرَّةْ وَاحِدْ وَ النَّوْم أَبَى عَيْنَهْ.

يُوحَنَّا 1:23

وَ هُو رَدَّ لَيْهُمْ بِكَلَامْ النَّبِي إِشَعْيَا وَ قَالْ: <أَنَا حِسّ الْقَاعِدْ يِعِيطْ فِي الْخَلَاءْ وَ يُقُولْ: «عَدُّلُوا دَرِبْ الرَّبّ!»>

عَزْرا 1:5

وَ خَلَاصْ، كُبَارَاتْ قَبَايِلْ يَهُوذَا وَ قَبَايِلْ بَنْيَامِينْ وَ رُجَالْ الدِّينْ وَ اللَّاوِيِّينْ وَ أَيِّ نَادُمْ الْأَنْطَاهْ الرَّبّ فِكِرْ لِيِقَبِّلْ لِمَدِينَةْ الْقُدُسْ وَ يَبْنِي بَيْت اللّٰهْ، دَوْل كُلُّهُمْ قَاعِدِينْ يِجَهُّزُوا أَشَانْ يَمْشُوا.

عَزْرا 4:3

وَ لَاكِنْ زَرُبَابِلْ وَ يَشُوعْ وَ كُبَارَاتْ آخَرِينْ هَنَا عَايِلَاتْ بَنِي إِسْرَائِيلْ رَدَّوْا لَيْهُمْ وَ قَالَوْا: «أَبَداً مَا تِشَارُكُوا مَعَانَا فِي بُنَى بَيْت إِلٰـهْنَا. أَنِحْنَ وِحَيْدنَا بَسْ نَبْنُوا بَيْت لِلّٰهْ إِلٰـهْ بَنِي إِسْرَائِيلْ مِثِلْ كُورَشْ مَلِكْ بَلَدْ فَارِسْ أَمَرَانَا.»

عَزْرا 6:3

فِي السَّنَةْ الْأَوَّلْ هَنَا مُلْكَهْ، الْمَلِكْ كُورَشْ مَرَقْ قَرَارْ وَ قَالْ: بَيْت اللّٰهْ الْفِي مَدِينَةْ الْقُدُسْ وَاجِبْ يِنْبَنِي فِي أَسَاسَهْ الْأَوَّلْ أَشَانْ يِقَدُّمُوا فَوْقَهْ ضَحَايَا. وَ طُولَهْ الْفَوْق يَبْقَى 60 دُرَاعْ وَ عُرْضَهْ كُلَ 60 دُرَاعْ.

عَزْرا 6:14

وَ الْأَنْبِيَاء زَكَرِيَّا الْمِنْ ذُرِّيَّةْ عِدُّو وَ حَقَّاي قَاعِدِينْ يِشَجُّعُوا شُيُوخْ الْيَهُودْ الْقَاعِدِينْ يَبْنُوا بَيْت اللّٰهْ. وَ خِدْمِتْهُمْ مَاشَةْ عَدِيلْ. وَ كَمَّلَوْا بُنَى الْبَيْت حَسَبْ قَرَارْ اللّٰهْ إِلٰـهْ بَنِي إِسْرَائِيلْ وَ حَسَبْ قَرَارْ مُلُوكْ بَلَدْ فَارِسْ الْهُمَّنْ كُورَشْ وَ دَارِيُوسْ وَ أَرْتَحَشْتَا.

إشَعْيا 44:28

وَ نُقُولْ لِلْمَلِكْ كُورَشْ: ‹إِنْتَ رَاعِيِّ!› وَ هُو يِحَقِّقْ كُلَّ شَيّءْ الْأَنَا نِدَوْرَهْ. وَ هُو يُقُولْ لِمَدِينَةْ الْقُدُسْ: ‹خَلِّي تِنْبَنِي!› وَ يُقُولْ لِبَيْت اللّٰهْ: ‹أَلأَسَّسْ بَتَّانْ!›»

إرْمِيا 1:1

دَاهُو كَلَامْ إِرْمِيَا وِلَيْد حِلْقِيَّا وَاحِدْ مِنْ رُجَالْ الدِّينْ السَّاكْنِينْ فِي حِلَّةْ عَنَتُوتْ، فِي أَرْض قَبِيلَةْ بَنْيَامِينْ.

حِزْقِيال 38:5

وَ مَعَاهُمْ عَسْكَرْ فَارِسْ وَ الْحَبَشَةْ وَ لِيبِيَا وَ كُلُّهُمْ عِنْدُهُمْ دَرَقْ وَ طَوَاقِي هَنَا حَرِبْ.

دَنْيال 6:25

وَ بَعَدْ دَا، الْمَلِكْ دَارِيُوسْ كَتَبْ لِكُلَّ النَّاسْ مِنْ الشُّعُوبْ وَ الْأُمَمْ وَ اللُّغَّاتْ السَّاكْنِينْ فِي كُلَّ الْأَرْض وَ قَالْ: السَّلَامْ عَلَيْكُمْ.

دَنْيال 9:2

وَ فِي أَوَّلْ سَنَةْ هَنَا حُكْمَهْ، أَنَا دَنْيَالْ فِهِمْت مِنْ كُتُبْ الْأَنْبِيَاء كَدَرْ اللّٰهْ حَجَّى لِلنَّبِي إِرْمِيَا وَ قَالْ خَرَابْ مَدِينَةْ الْقُدُسْ يَقْعُدْ 70 سَنَةْ لَحَدِّي الْوَكِتْ دَا يِتِمّ.

إشَعْيا 45:1

وَ دَاهُو اللّٰهْ قَالْ لِلنَّادُمْ الْهُو مَسَحَهْ وَ دَرَّجَهْ مَلِكْ: «لَيْك إِنْتَ، يَا كُورَشْ، أَنَا كَرَبْتَكْ مِنْ إِيدَكْ الزَّيْنَةْ لِنَرْمِي الْأُمَمْ قِدَّامَكْ. أَنَا نِحِلّ حِزَامْ الْمُلُوكْ وَ نُفُكّ قِدَّامَكْ بِيبَانْ الْمُدُنْ وَ بَتَّانْ مَا يُكُونُوا مَقْفُولِينْ.

دَنْيال 1:21

وَ دَنْيَالْ قَعَدْ لَحَدِّي السَّنَةْ الْجَاءْ فَوْقهَا الْمَلِكْ كُورَشْ وَ شَالْ الْمُلُكْ.