خُروج 9:12 - الكتاب المقدس بالعربي الدارجي هنا تشاد

¹² وَ اللّٰهْ قَوَّى رَاسْ الْمَلِكْ وَ الْمَلِكْ أَبَى مَا سِمِعْ كَلَامْ مُوسَى وَ هَارُونْ مِثِلْ اللّٰهْ قَالَهْ لِمُوسَى.

خُروج 9:12 Referenca të Kryqëzuara

خُروج 4:21

وَ بَتَّانْ اللّٰهْ قَالْ لِمُوسَى: «دَاهُو إِنْتَ مَاشِي لِمَصِرْ. وَ كَنْ وَصَّلْت، وَصِّفْ لِفِرْعَوْن مَلِكْ مَصِرْ كُلَّ الْعَجَايِبْ الْأَنَا أَنْطَيْتَكْ قُدْرَةْ لِتِسَوِّيهُمْ. وَ أَنَا نِقَوِّي رَاسَهْ وَ هُو مَا يِخَلِّي بَنِي إِسْرَائِيلْ يَمُرْقُوا.

يُوحَنَّا 12:40

<اللّٰهْ عَمَى عُيُونْهُمْ وَ قَوَّى قُلُوبْهُمْ أَشَانْ مَا يِشِيفُوا بِعُيُونْهُمْ وَ مَا يَفْهَمَوْا بِقُلُوبْهُمْ. وَ بَيْدَا، مَا يُتُوبُوا أَشَانْ نَشْفِيهُمْ.>

رَوْمَا 9:18

وَ مِنْ الْكَلَامْ دَا، نَعَرْفُوا كَدَرْ اللّٰهْ يَرْحَمْ النَّادُمْ الْيِدَوْر يَرْحَمَهْ وَ يِقَوِّي رَاسْ النَّادُمْ الْيِدَوْر يِقَوِّي رَاسَهْ.

خُروج 7:4

وَ لَاكِنْ الْمَلِكْ يَابَى مَا يَسْمَعْكُو. وَ بِإِيدِي أَنَا، نِنَزِّلْ غَضَبِي فِي مَصِرْ. وَ بِعِقَابِي الْعَجِيبْ، نَمْرُقْ شَعَبِي بَنِي إِسْرَائِيلْ مِنْ مَصِرْ حَسَبْ مَجْمُوعَاتْهُمْ.

خُروج 10:1

وَ بَعَدْ دَا، اللّٰهْ قَالْ لِمُوسَى: «أَمْشِي لِلْمَلِكْ أَشَانْ أَنَا بَسْ قَوَّيْت رُوسَيْهُمْ هُو وَ خَدَّامِينَهْ لِنِسَوِّي عَجَايْبِي فِي أُسُطْهُمْ.

خُروج 10:20

وَ لَاكِنْ اللّٰهْ قَوَّى رَاسْ الْمَلِكْ وَ الْمَلِكْ مَا خَلَّى بَنِي إِسْرَائِيلْ يَمُرْقُوا مِنْ بَلَدَهْ.

خُروج 11:10

خَلَاصْ، مُوسَى وَ هَارُونْ سَوَّوْا الْعَجَايِبْ الْكَتِيرِينْ دَوْل قِدَّامْ الْمَلِكْ لَاكِنْ اللّٰهْ قَوَّى رَاسَهْ وَ الْمَلِكْ أَبَى مَا خَلَّى بَنِي إِسْرَائِيلْ يَمُرْقُوا مِنْ مَصِرْ.

خُروج 14:8

وَ اللّٰهْ قَوَّى رَاسْ مَلِكْ مَصِرْ أَشَانْ يَمْشِي وَرَاءْ بَنِي إِسْرَائِيلْ الْمَرَقَوْا وَ مَاشِينْ فَرْحَانِينْ بِحُرِّيِّتْهُمْ.

يَشُوع 11:20

وَ اللّٰهْ بَسْ قَوَّى قُلُوبْهُمْ لِيِحَارُبُوا بَنِي إِسْرَائِيلْ. وَ بَيْدَا، وَاجِبْ بَنِي إِسْرَائِيلْ يِدَمُّرُوهُمْ وَ مَا يِحِنُّوا مِنْهُمْ نَادُمْ. وَ يِكَمُّلُوهُمْ كُلُّهُمْ مِثِلْ اللّٰهْ أَمَرْ بَيَّهْ مُوسَى.

خُروج 9:7

وَ الْمَلِكْ رَسَّلْ نَاسْ أَشَانْ يِأَكُّدُوا مِنْ الشَّيّءْ الْبِقِي دَا. وَ بِمِثِلْ دَا، هُو عِرِفْ كَدَرْ مِنْ بَهَايِمْ بَنِي إِسْرَائِيلْ، بَهِيمَةْ وَاحِدَةْ كُلَ مَا مَاتَتْ. لَاكِنْ الْمَلِكْ سَوَّى رَاسْ قَوِي وَ أَبَى مَا خَلَّى بَنِي إِسْرَائِيلْ يَمُرْقُوا مِنْ بَلَدَهْ.