خُروج 8:15 - الكتاب المقدس بالعربي الدارجي هنا تشاد

¹⁵ وَ لَاكِنْ وَكِتْ الْمَلِكْ شَافْ كَدَرْ هُو أَنْحَلَّ خَلَاصْ، بَتَّانْ قَمَّ سَوَّى رَاسْ قَوِي وَ أَبَى مَا سِمِعْ كَلَامْ مُوسَى وَ هَارُونْ مِثِلْ اللّٰهْ قَالَهْ.

خُروج 8:15 Referenca të Kryqëzuara

إشَعْيا 26:10

لَاكِنْ كَنْ يِحِنُّوا فِي الْعَاصِي، هُو مَا يِلْعَلَّمْ الْعَدَالَةْ. فِي بَلَدْ الْحَقّ كُلَ، هُو يِسَوِّي الْفَسَالَةْ وَ مَا يِشِيفْ عَظَمَةْ اللّٰهْ.

عِبْرَانِيِّين 3:15

الْكِتَابْ بُقُولْ: <الْيَوْم، كَنْ سِمِعْتُوا حِسّ اللّٰهْ، مَا تِقَوُّوا رُوسَيْكُو مِثِلْ جُدُودْكُو الْأَبَوْا مَا تَابَعَوْا كَلَامَهْ.>

عِبْرَانِيِّين 3:8

مَا تِقَوُّوا رُوسَيْكُو مِثِلْ جُدُودْكُو الْأَبَوْا مَا تَابَعَوْا كَلَامَهْ فِي يَوْم التَّجْرِبَةْ فِي الصَّحَرَاءْ.

جامِعة 8:11

الْعِقَابْ مَا يِنَّفَّذْ عَجَلَةْ فِي الْعَمَلْ الْفَسِلْ. وَ بَيْدَا، قَلْب الْإِنْسَانْ فِي دَاخِلَهْ مَلَانْ بِنِيَّةْ هَنَا سَوِّيِّنْ الْفَسَالَةْ.

خُروج 7:4

وَ لَاكِنْ الْمَلِكْ يَابَى مَا يَسْمَعْكُو. وَ بِإِيدِي أَنَا، نِنَزِّلْ غَضَبِي فِي مَصِرْ. وَ بِعِقَابِي الْعَجِيبْ، نَمْرُقْ شَعَبِي بَنِي إِسْرَائِيلْ مِنْ مَصِرْ حَسَبْ مَجْمُوعَاتْهُمْ.

خُروج 14:5

وَكِتْ فِرْعَوْن مَلِكْ مَصِرْ سِمِعْ كَدَرْ بَنِي إِسْرَائِيلْ عَرَّدَوْا مِنَّهْ، طَوَّالِي لَمَّ خَدَّامِينَهْ وَ غَيَّرَوْا فِكِرْهُمْ وَ قَالَوْا: «شُنُو الْأَنِحْنَ سَوَّيْنَا دَا؟ خَلَّيْنَا بَنِي إِسْرَائِيلْ مَرَقَوْا مِنْ بَلَدْنَا. وَدَّرْنَا الْإِيدْ التَّخْدِمْ لَيْنَا!»

خُروج 4:21

وَ بَتَّانْ اللّٰهْ قَالْ لِمُوسَى: «دَاهُو إِنْتَ مَاشِي لِمَصِرْ. وَ كَنْ وَصَّلْت، وَصِّفْ لِفِرْعَوْن مَلِكْ مَصِرْ كُلَّ الْعَجَايِبْ الْأَنَا أَنْطَيْتَكْ قُدْرَةْ لِتِسَوِّيهُمْ. وَ أَنَا نِقَوِّي رَاسَهْ وَ هُو مَا يِخَلِّي بَنِي إِسْرَائِيلْ يَمُرْقُوا.

رُؤية 16:9

وَ حَرَارَةْ الْحَرَّايْ الشَّدِيدَةْ طَقَّتْ النَّاسْ وَ بَيْدَا، هُمَّنْ قَالَوْا كَلَامْ فَسِلْ فِي أُسُمْ اللّٰهْ أَشَانْ عِرْفَوْا اللّٰهْ عِنْدَهْ قُدْرَةْ فِي أَيِّ وَبَاءْ. وَ مَا تَابَوْا مِنْ ذُنُوبْهُمْ وَ مَا مَجَّدَوْه.

هُوشَع 6:4

«يَا نَاسْ قَبِيلَةْ أَفْرَايِمْ، نِسَوِّي لَيْكُو شُنُو؟ يَا بَنِي يَهُوذَا، نِسَوِّي لَيْكُو شُنُو؟ مَحَبِّتْكُو مِثِلْ سَحَابْ الْفَجُرْ الْيُفُوتْ وَ مِثِلْ كَرَنْج الصَّبَاحْ الْمَا يِطَوِّلْ.

أمْثال 29:1

الرَّاجِلْ الْفَكَّوْا أَدَانَهْ وَ قَاعِدْ يِقَوِّي رَاسَهْ، يِنْرَحِكْ مَرَّةْ وَاحِدْ وَ بَتَّانْ مَا يَلْقَى عِلَاجْ.

خُروج 8:8

وَ بَعَدْ دَا، الْمَلِكْ نَادَى مُوسَى وَ هَارُونْ وَ قَالْ لَيْهُمْ: «أَسْأَلَوْا اللّٰهْ يِخَلِّصْنَا أَنَا وَ شَعَبِي مِنْ الضِّفْدَعْ. وَ نِخَلِّي بَنِي إِسْرَائِيلْ يَمُرْقُوا لِيِقَدُّمُوا ضَحَايَا لِلّٰهْ.»

خُروج 8:14

خَلَاصْ، لَايَمَوْهُمْ كَتِيرِينْ مَرَّةْ وَاحِدْ وَ الْبَلَدْ بِقَتْ عَفْنَةْ.

خُروج 8:16

وَ بَعَدْ دَا، اللّٰهْ قَالْ لِمُوسَى: «قُولْ لِهَارُونْ يِمِدّ الْعَصَاةْ وَ يَضْرُبْ التُّرَابْ وَ الْعَجَاجْ يُقُمّ وَ يَبْقَى أَمْ بَاعُوضَةْ فِي كُلَّ بَلَدْ مَصِرْ.»

خُروج 8:28

وَ خَلَاصْ، الْمَلِكْ قَالْ: «تَمَامْ! أَنَا نِخَلِّيكُو تَمُرْقُوا لِتِقَدُّمُوا ضَحَايَا لِلّٰهْ إِلٰـهْكُو فِي الصَّحَرَاء. لَاكِنْ مَا تَمْشُوا بَعِيدْ وَ بَتَّانْ أَسْأَلَوْا اللّٰهْ فِي شَانِي.»

خُروج 8:29

وَ مُوسَى رَدَّ وَ قَالْ: «أَنَا نَمْرُقْ مِنْ بَيْتَكْ وَ نَسْأَلْ اللّٰهْ كَدَرْ أَمْبَاكِرْ الدُّبَّانْ يِكِسُّوا مِنَّكْ وَ مِنْ خَدَّامِينَكْ وَ مِنْ شَعَبَكْ. وَ لَاكِنْ، يَا الْمَلِكْ، مَا تُغُشِّنَا بَتَّانْ وَ لَا تَدْحَرْ بَنِي إِسْرَائِيلْ مَا يَمُرْقُوا لِيَمْشُوا يِقَدُّمُوا ضَحَايَا لِلّٰهْ.»

خُروج 8:32

وَ لَاكِنْ الْمَلِكْ بَتَّانْ سَوَّى رَاسْ قَوِي وَ أَبَى مَا خَلَّى بَنِي إِسْرَائِيلْ يَمُرْقُوا مِنْ بَلَدَهْ.

1 صَمُوِيل 6:6

مَا تِقَوُّوا رُوسَيْكُو مِثِلْ زَمَانْ الْمَصْرِيِّينْ وَ فِرْعَوْن مَلِكْ مَصِرْ سَوَّوْه! أَشَانْ اللّٰهْ تَعَّبَاهُمْ حَتَّى هُمَّنْ خَلَّوْا بَنِي إِسْرَائِيلْ فَاتَوْا.

أمْثال 26:11

الْمَطْمُوسْ يِقَبِّلْ فِي نِفَاقَهْ مِثِلْ الْكَلِبْ يِقَبِّلْ يَاكُلْ الْقَدَّفَهْ.

1 صَمُوِيل 6:3

وَ هُمَّنْ قَالَوْا: «كَنْ تِقَبُّلُوا صَنْدُوقْ إِلٰـهْ بَنِي إِسْرَائِيلْ فِي بَلَدَهْ، مَا تِقَبُّلُوهْ سَاكِتْ. لَاكِنْ قَدُّمُوا لَيَّهْ هَدِيَّةْ لِكَفَّارَةْ الْخَطَا. وَ بَيْدَا، إِنْتُو تَشْفَوْا مِنْ الْمَرَضْ وَ تَعَرْفُوا مَالَا اللّٰهْ مَا رَفَعْ مِنْكُو الْوَبَاءْ دَا.»

1 صَمُوِيل 6:9

وَ شِيفُوا. كَنْ الْبَقَرْ مَشَوْا عَلَيْ حُدُودْ بَلَدْ إِسْرَائِيلْ عَلَيْ حِلَّةْ بَيْت شَمْس، تَعَرْفُوا كَدَرْ اللّٰهْ بَسْ ضَرَبَاكُو بِكُلَّ الْوَبَاءْ دَا. وَ كَنْ فَاتَوْا بِدَرِبْ آخَرْ كَمَانْ، تَعَرْفُوا كَدَرْ الشَّيّءْ الْجَاكُو، دَا مَا مِنْ اللّٰهْ لَاكِنْ صُدْفَةْ بَسْ.»

1 صَمُوِيل 6:12

وَ الْبَقَرْ مَشَوْا عَدِيلْ عَلَيْ حِلَّةْ بَيْت شَمْس. هُمَّنْ مَاشِينْ فِي دَرِبْهُمْ وَ يَبْكُوا وَ مَا مَيَّلَوْا إِسْرَةْ وَلَّا زَيْنَةْ. وَ كُبَارَاتْ الْفِلِسْطِيِّينْ تَابَعَوْهُمْ لِلْبَقَرْ لَحَدِّي حُدُودْ بَيْت شَمْس.