خُروج 8:11 - الكتاب المقدس بالعربي الدارجي هنا تشاد

¹¹ الضِّفْدَعْ يِكِسُّوا مِنَّكْ وَ مِنْ خَدَّامِينَكْ وَ مِنْ شَعَبَكْ وَ يَمُرْقُوا مِنْ بُيُوتَكْ. إِلَّا يِفَضُّلُوا الْقَاعِدِينْ فِي الْبَحَرْ بَسْ.»

خُروج 8:11 Referenca të Kryqëzuara

خُروج 8:9

وَ مُوسَى قَالْ لَيَّهْ: «أَوْرِينِي الْوَكِتْ الْإِنْتَ تِدَوْرَهْ بَسْ وَ نَسْأَلْ اللّٰهْ فِي شَانَكْ إِنْتَ وَ فِي شَانْ خَدَّامِينَكْ وَ شَعَبَكْ لِيِدَمِّرْ الضِّفْدَعْ الْقَاعِدِينْ فِي بَلَدَكْ وَ فِي بُيُوتَكْ. وَ إِلَّا يِفَضُّلُوا الْقَاعِدِينْ فِي الْبَحَرْ بَسْ.»

خُروج 8:3

وَ الْبَحَرْ يِنْمَلِي بِضِفْدَعْ وَ الضِّفْدَعْ يَمُرْقُوا مِنْ الْبَحَرْ وَ يَدْخُلُوا فِي قَصْرَكْ وَ فِي غُرْفِتَكْ التُّنُومْ فَوْقَهْ وَ فِي سَرِيرَكْ وَ فِي بُيُوتْ خَدَّامِينَكْ وَ شَعَبَكْ وَ فِي فُرْنَكْ وَ فِي الْمَاعُونْ الْيِعَجُّنُوا فَوْقَهْ.

خُروج 8:13

وَ اللّٰهْ قِبِلْ سُؤَالْ مُوسَى وَ كُلَّ الضِّفْدَعْ مَاتَوْا فِي الْبُيُوتْ وَ فِي الْفَضَايَاتْ وَ فِي الزِّرَاعَةْ.

خُروج 8:12

وَ مُوسَى وَ هَارُونْ مَرَقَوْا مِنْ بَكَانْ الْمَلِكْ وَ مُوسَى سَأَلْ اللّٰهْ لِيِخَلِّصْ الْمَلِكْ مِنْ الضِّفْدَعْ النَّزَّلَاهُمْ فَوْقَهْ.

خُروج 4:21

وَ بَتَّانْ اللّٰهْ قَالْ لِمُوسَى: «دَاهُو إِنْتَ مَاشِي لِمَصِرْ. وَ كَنْ وَصَّلْت، وَصِّفْ لِفِرْعَوْن مَلِكْ مَصِرْ كُلَّ الْعَجَايِبْ الْأَنَا أَنْطَيْتَكْ قُدْرَةْ لِتِسَوِّيهُمْ. وَ أَنَا نِقَوِّي رَاسَهْ وَ هُو مَا يِخَلِّي بَنِي إِسْرَائِيلْ يَمُرْقُوا.

خُروج 7:13

وَ بَيْدَا كُلَ، الْمَلِكْ رَاسَهْ بِقِي قَوِي وَ أَبَى مَا سِمِعْ كَلَامْ مُوسَى وَ هَارُونْ مِثِلْ اللّٰهْ قَالَهْ.

خُروج 7:14

وَ اللّٰهْ قَالْ لِمُوسَى: «الْمَلِكْ هُو رَاسَهْ قَوِي مَا يِدَوْر يِخَلِّي بَنِي إِسْرَائِيلْ يَمُرْقُوا.