خُروج 7:10 - الكتاب المقدس بالعربي الدارجي هنا تشاد

¹⁰ وَ خَلَاصْ مُوسَى وَ هَارُونْ مَشَوْا لِلْمَلِكْ وَ سَوَّوْا مِثِلْ اللّٰهْ أَمَرَاهُمْ بَيَّهْ. هَارُونْ زَقَلْ عَصَاتَهْ قِدَّامْ الْمَلِكْ مَعَ خَدَّامِينَهْ وَ الْعَصَاةْ بِقَتْ دَابِي.

خُروج 7:10 Referenca të Kryqëzuara

خُروج 4:3

وَ اللّٰهْ قَالْ لَيَّهْ: «أَزْقُلْهَا فِي التُّرَابْ.» وَ مُوسَى زَقَلْهَا فِي التُّرَابْ وَ الْعَصَاةْ بِقَتْ دَابِي وَ هُو جَرَى مِنَّهْ.

لُوقا 10:19

أَنَا أَنْطَيْتكُو قُدْرَةْ أَشَانْ تِفَجُّقُوا الدَّبِيبْ وَ الْعَقَارِبْ. وَ أَنْطَيْتكُو قُدْرَةْ لَحَدِّي تِنَّصُرُوا فِي كُلَّ قُدْرَةْ إِبْلِيسْ الْعَدُو. مَا فِي شَيّءْ الْيِتَعِّبْكُو.

مَرْخُوس 16:18

وَ يَكُرْبُوا دَبِيبْ وَ كَنْ يَشَرْبَوْا شَرَابْ الْعِنْدَهْ سَمّ، مَا يِسَوِّي لَيْهُمْ شَيّءْ فَسِلْ. وَ يُخُطُّوا إِيدَيْهُمْ فِي الْمَرْضَانِينْ وَ الْمَرْضَانِينْ يَلْقَوْا الْعَافَيْ.»

عَمُوس 9:3

وَ كَنْ أَلَّبَّدَوْا فِي رَاسْ جَبَلْ الْكَرْمَلْ كُلَ، نِفَتِّشْهُمْ وَ نَكْرُبْهُمْ. وَ كَنْ طَمَسَوْا فِي قَعَرْ الْبَحَرْ لِيِلَّبَّدَوْا مِنِّي كُلَ، نَامُرْ دَابِي الْبَحَرْ يِعَضِّيهُمْ.

خُروج 7:9

«أَكُونْ الْمَلِكْ يُقُولْ لَيْكُو: ‹سَوُّوا قِدَّامِي شَيّءْ وَاحِدْ عَجِيبْ.› خَلَاصْ، إِنْتَ تُقُولْ لِهَارُونْ: ‹شِيلْ عَصَاتَكْ وَ أَزْقُلْهَا قِدَّامْ الْمَلِكْ.› وَ الْعَصَاةْ تَبْقَى دَابِي.»

خُروج 7:15

قُمّ أَمْشِي لَيَّهْ بِفَجُرْ وَ تَلْقَاهْ مَارِقْ مَاشِي عَلَيْ بَحَرْ النِّيلْ. وَ إِنْتَ أَمْشِي قَابِلَهْ فِي خَشُمْ الْبَحَرْ. وَ شِيلْ فِي إِيدَكْ الْعَصَاةْ الْأَوَّلْ بِقَتْ دَابِي.

زَبُور 135:9

يَا مَصِرْ! فِي لُبِّكِ إِنْتِ، هُو رَسَّلْ عَلَامَاتْ وَ عَجَايِبْ ضِدّ فِرْعَوْن وَ كُلَّ خَدَّامِينَهْ.

خُروج 7:6

وَ خَلَاصْ، مُوسَى وَ هَارُونْ سَوَّوْا كُلَّ شَيّءْ مِثِلْ اللّٰهْ أَمَرَاهُمْ بَيَّهْ.

خُروج 7:20

وَ خَلَاصْ، مُوسَى وَ هَارُونْ سَوَّوْا كُلَّ شَيّءْ مِثِلْ اللّٰهْ أَمَرَاهُمْ بَيَّهْ. وَ هَارُونْ رَفَعْ الْعَصَاةْ وَ ضَرَبْ أَلْمِي بَحَرْ النِّيلْ قِدَّامْ الْمَلِكْ وَ خَدَّامِينَهْ. وَ كُلَّ أَلْمِي الْبَحَرْ بِقِي دَمّ.

خُروج 12:28

وَ بَنِي إِسْرَائِيلْ مَشَوْا وَ سَوَّوْا كُلَّ شَيّءْ مِثِلْ اللّٰهْ أَمَرْ بَيَّهْ مُوسَى وَ هَارُونْ.