خُروج 6:8 - الكتاب المقدس بالعربي الدارجي هنا تشاد

⁸ وَ وَدَّيْتكُو فِي الْبَلَدْ الْحَلَفْت نَنْطِيهَا لِإِبْرَاهِيمْ وَ إِسْحَاقْ وَ يَعْقُوبْ وَ نَنْطِيهَا لَيْكُو إِنْتُو وَرَثَةْ. أَنَا بَسْ اللّٰهْ.›»

خُروج 6:8 Referenca të Kryqëzuara

تكوين 26:3

وَ لَاكِنْ هَسَّعْ أَسْكُنْ فِي الْبَلَدْ دِي وَ أَنَا نُكُونْ مَعَاكْ وَ نِبَارِكَكْ. وَ نَنْطِي الْبُلْدَانْ دَوْل لَيْك إِنْتَ وَ لِذُرِّيّتَكْ وَ نِتِمّ الْكَلَامْ الْأَنَا حَلَفْت بَيَّهْ لِأَبُوكْ إِبْرَاهِيمْ.

تكوين 15:18

وَ بِمِثِلْ دَا، اللّٰهْ سَوَّى مُعَاهَدَةْ مَعَ أَبْرَامْ فِي الْيَوْم دَا وَ قَالْ: «أَنَا نَنْطِي الْبَلَدْ دِي لِذُرِّيّتَكْ مِنْ بَحَرْ مَصِرْ لَحَدِّي الْفُرَاتْ الْبَحَرْ الْكَبِيرْ.

حِزْقِيال 20:42

وَ وَكِتْ نِقَبِّلْكُو فِي بَلَدْ إِسْرَائِيلْ، فِي الْبَلَدْ الْأَنَا حَلَفْت وَ قُلْت نَنْطِيهَا لِجُدُودْكُو، خَلَاصْ تَعَرْفُوا كَدَرْ أَنَا بَسْ اللّٰهْ.

تكوين 14:22

وَ أَبْرَامْ رَدَّ لَيَّهْ وَ قَالْ: «نَرْفَعْ إِيدِي لِلّٰهْ إِلٰـهْ الْعَالِي خَالِقْ السَّمَاوَاتْ وَ الْأَرْض.

حِزْقِيال 47:14

وَ تَلْقَوْا وَرَثَتْكُو أَمْبَيْنَاتْكُو سَوَا سَوَا أَشَانْ أَنَا حَلَفْت وَ قُلْت نَنْطِيهَا لِجُدُودْكُو. وَ الْبَلَدْ دِي تَبْقَى لَيْكُو وَرَثَةْ.

تَثْنِية 32:40

وَ نَحْلِفْ بِنَفْسِي وَ نُقُولْ: ‹أَنَا حَيّ إِلَى الْأَبَدْ.›

خُروج 32:13

وَ فَكِّرْ فِي عَبِيدَكْ إِبْرَاهِيمْ وَ إِسْحَاقْ وَ يَعْقُوبْ الْإِنْتَ ذَاتَكْ حَلَفْت لَيْهُمْ وَ قُلْت: ‹نِسَوِّي ذُرِّيِّتْكُو كَتِيرَةْ مِثِلْ نُجُومْ السَّمَاءْ. وَ نَنْطِيهُمْ كُلَّ الْبَلَدْ الْأَنَا وَاعَدْتُهُمْ بَيْهَا. وَ هِي تَبْقَى وَرَثَتْهُمْ لِلْأَبَدْ.›»

تكوين 35:12

وَ الْبَلَدْ الْأَنَا أَنْطَيْتهَا لِإِبْرَاهِيمْ وَ إِسْحَاقْ، نَنْطِيهَا لَيْك إِنْتَ وَ لِذُرِّيّتَكْ التَّجِي مِنْ بَعَدَكْ.»

تكوين 28:13

وَ اللّٰهْ وَاقِفْ جَنْبَهْ وَ قَالْ لَيَّهْ: «أَنَا اللّٰهْ إِلٰـهْ أَبُوكْ إِبْرَاهِيمْ وَ إِلٰـهْ إِسْحَاقْ. الْأَرْض الْإِنْتَ رَاقِدْ فَوْقهَا دِي، نَنْطِيهَا لَيْك وَ لِذُرِّيّتَكْ.

حِزْقِيال 36:7

وَ فِي شَانْ دَا، دَاهُو اللّٰهْ الرَّبّ قَالْ: «أَنَا حَلَفْت! أَكِيدْ الْأُمَمْ الْمُحَوِّقِينْكُو يِلْحَمَّلَوْا نَتِيجَةْ الْإِهَانَةْ السَّوَّوْهَا لَيْكُو.

حِزْقِيال 20:28

أَنَا وَدَّيْتهُمْ فِي الْبَلَدْ الْحَلَفْت وَ قُلْت نَنْطِيهَا لَيْهُمْ. وَ وَكِتْ هُمَّنْ شَافَوْا أَيِّ جَبَلْ عَالِي وَ أَيِّ شَدَرَةْ خَضْرَةْ، قَدَّمَوْا فِي الْبَكَانْ دَا ضَحَايَاهُمْ. وَ غَضَّبَوْنِي بِهَدَايَاهُمْ وَ بِالْبَخُورْ الرِّيحْتَهْ تَعَجِبْ وَ بِهَدَايَاهُمْ هَنَا الشَّرَابْ الْقَدَّمَوْهُمْ فِي الْبَكَانْ دَا.

حِزْقِيال 20:23

وَ بَتَّانْ أَنَا حَلَفْت لَيْهُمْ فِي الصَّحَرَاءْ كَدَرْ نِشَتِّتْهُمْ بَيْن الْأُمَمْ وَ نِفَرِّقْهُمْ فِي أُسْط الْبُلْدَانْ.

حِزْقِيال 20:15

وَ لَاكِنْ أَنَا حَلَفْت لَيْهُمْ فِي الصَّحَرَاءْ كَدَرْ مَا نِوَدِّيهُمْ فِي الْبَلَدْ الْأَنَا عَزَلْتَهَا لَيْهُمْ. وَ الْبَلَدْ دِي مَلَانَةْ بِاللَّبَنْ وَ الْعَسَلْ وَ جَمِيلَةْ مِنْ كُلَّ الْبُلْدَانْ.

1 صَمُوِيل 15:29

وَ اللّٰهْ الدَّايِمْ إِلٰـهْ بَنِي إِسْرَائِيلْ مَا يَكْدِبْ وَ مَا يَنْدَمْ. أَشَانْ هُو مَا مِثِلْ الْإِنْسَانْ يَنْدَمْ.»

عَدد 23:19

الْإِلٰـهْ مَا مِثِلْ الْإِنْسَانْ يَكْدِبْ وَ لَا مِثِلْ بَنِي آدَم يَنْدَمْ. كُلَّ شَيّءْ الْيُقُولَهْ، هُو يِسَوِّيهْ وَ يِحَقِّقْ كَلَامَهْ الْيِحَجِّيهْ.

خُروج 6:6

فِي شَانْ دَا، قُولْ لِبَنِي إِسْرَائِيلْ: ‹أَنَا اللّٰهْ. نَمْرُقْكُو مِنْ الْعُبُودِيَّةْ وَ نِنَجِّيكُو مِنْ الْخِدْمَةْ الْقَاسِيَةْ هَنَا الْمَصْرِيِّينْ. وَ نَفْدَاكُو بِدُرَاعْ قَوِي وَ بِعِقَابْ عَجِيبْ.

خُروج 6:2

وَ بَعَدْ دَا، الرَّبّ قَالْ بَتَّانْ لِمُوسَى: «أَنَا بَسْ اللّٰهْ.

رُؤية 10:6

وَ هُو حَلَفْ بِاللّٰهْ الْحَيّ إِلَى الْأَبَدْ، خَالِقْ السَّمَاوَاتْ وَ الْأَرْض وَ كُلَّ شَيّءْ الْفَوْقهُمْ وَ الْبَحَرْ وَ كُلَّ شَيّءْ الْفَوْقَهْ وَ قَالْ: «الْوَكِتْ تَمَّ.

خُروج 13:5

اللّٰهْ حَلَفْ لِجُدُودْكُو وَ قَالْ يَنْطِيكُو بَلَدْ الْمَلَانَةْ بِاللَّبَنْ وَ الْعَسَلْ. وَ دِي بَلَدْ الْكَنْعَانِيِّينْ وَ الْحِتِّيِّينْ وَ الْأَمُورِيِّينْ وَ الْحِوِّيِّينْ وَ الْيَبُوسِيِّينْ. وَ وَكِتْ اللّٰهْ وَدَّاكُو هِنَاكْ، فِي كُلِّ سَنَةْ وَاجِبْ تِعَيُّدُوا فِي نَفْس الشَّهَرْ.

عَدد 14:30

أَبَداً إِنْتُو مَا تَدْخُلُوا فِي الْبَلَدْ الْحَلَفْت وَ قُلْت نَنْطِيهَا لَيْكُو لِتَسْكُنُوا فَوْقهَا. إِلَّا كَالِبْ وِلَيْد يَفُونَى وَ يَشُوعْ وِلَيْد نُونْ بَسْ يَدْخُلُوهَا.

يَشُوع 24:13

وَ أَنَا أَنْطَيْتكُو بَلَدْ الْمَا تِعِبْتُوا فَوْقهَا وَ أَنْطَيْتكُو مُدُنْ الْإِنْتُو مَا بَنَيْتُوهُمْ وَ هَسَّعْ قَاعِدِينْ تَسْكُنُوا فَوْقهُمْ. وَ أَنْطَيْتكُو زِرَاعَةْ هَنَا عِنَبْ وَ زَيْتُونْ الْمَا تَيْرَبْتُوهْ وَ هَسَّعْ قَاعِدِينْ تَاكُلُوا مِنَّهْ.›»

نَحَمْيا 9:15

وَ أَنْطَيْتهُمْ أَكِلْ مِنْ السَّمَاءْ وَكِتْ جِيعَانِينْ وَ مَرَقْت لَيْهُمْ أَلْمِي مِنْ الْحَجَرْ وَكِتْ عَطْشَانِينْ. وَ أَنْطَيْتهُمْ إِذِنْ أَشَانْ يَمْشُوا وَ يِشِيلُوا الْبَلَدْ الْحَلَفْت وَ قُلْت تَنْطِيهُمْ.

خُروج 6:4

وَ أَنَا سَوَّيْت مَعَاهُمْ مُعَاهَدَتِي وَ قُلْت نَنْطِيهُمْ بَلَدْ كَنْعَانْ الْهُمَّنْ قَاعِدِينْ فَوْقهَا أَجَانِبْ.

عَدد 10:29

وَ مُوسَى قَالْ لِحُبَابْ وِلَيْد نَسِيبَهْ رَعُوِيلْ الْمِدْيَانِي: «أَنِحْنَ سَايْرِينْ لِلْبَكَانْ الْاللّٰهْ قَالْ يَنْطِيهْ لَيْنَا. تَعَالْ نَمْشُوا سَوَا وَ نِسَوُّوا لَيْك الْخَيْر أَشَانْ اللّٰهْ قَالْ يِسَوِّي لِبَنِي إِسْرَائِيلْ الْخَيْر.»

عَدد 11:12

كُلَّ النَّاسْ دَوْل، أَنَا بَسْ وِلِدْتُهُمْ وَلَّا؟ وَ مَالَا تَامُرْنِي وَ تُقُولْ لَيِّ: ‹أَحْضِنْهُمْ فِي صَدْرَكْ مِثِلْ الْأَمّ تَحْضِنْ صَغِيرْهَا، لَحَدِّي تِوَدِّيهُمْ فِي الْأَرْض الْأَنَا وَاعَدْت بَيْهَا جُدُودْهُمْ.›

تَثْنِية 4:31

أَشَانْ اللّٰهْ إِلٰـهْكُو، هُو إِلٰـهْ رَحِيمْ. وَ لَا يَابَاكُو وَ لَا يِدَمِّرْكُو وَ لَا يَنْسَى الْمُعَاهَدَةْ الْحَلَفْ بَيْهَا لِأَبَّهَاتْكُو.