خُروج 6:4 - الكتاب المقدس بالعربي الدارجي هنا تشاد

⁴ وَ أَنَا سَوَّيْت مَعَاهُمْ مُعَاهَدَتِي وَ قُلْت نَنْطِيهُمْ بَلَدْ كَنْعَانْ الْهُمَّنْ قَاعِدِينْ فَوْقهَا أَجَانِبْ.

خُروج 6:4 Referenca të Kryqëzuara

تكوين 28:4

وَ خَلِّي الرَّبّ يَنْطِيكْ إِنْتَ وَ ذُرِّيّتَكْ الْمَعَاكْ الْبَرَكَةْ الْأَنْطَاهَا لِإِبْرَاهِيمْ. وَ إِنْتُو تَوْرُثُوا الْبَلَدْ الْهُو أَنْطَاهَا لِإِبْرَاهِيمْ وَ إِنْتَ سَاكِنْ فَوْقهَا مِثِلْ أَجْنَبِي.»

تكوين 15:18

وَ بِمِثِلْ دَا، اللّٰهْ سَوَّى مُعَاهَدَةْ مَعَ أَبْرَامْ فِي الْيَوْم دَا وَ قَالْ: «أَنَا نَنْطِي الْبَلَدْ دِي لِذُرِّيّتَكْ مِنْ بَحَرْ مَصِرْ لَحَدِّي الْفُرَاتْ الْبَحَرْ الْكَبِيرْ.

تكوين 26:3

وَ لَاكِنْ هَسَّعْ أَسْكُنْ فِي الْبَلَدْ دِي وَ أَنَا نُكُونْ مَعَاكْ وَ نِبَارِكَكْ. وَ نَنْطِي الْبُلْدَانْ دَوْل لَيْك إِنْتَ وَ لِذُرِّيّتَكْ وَ نِتِمّ الْكَلَامْ الْأَنَا حَلَفْت بَيَّهْ لِأَبُوكْ إِبْرَاهِيمْ.

أعمال الرُسُل 7:5

وَ فِي الْبَلَدْ دِي، اللّٰهْ مَا أَنْطَاهْ أَرْض وَرَثَةْ وَ لَا بَكَانْ صَغَيَّرْ يُخُطّ فَوْقَهْ رِجِلَيْنَهْ كُلَ. وَ لَاكِنْ اللّٰهْ وَاعَدَهْ وَ قَالْ يَنْطِي الْبَلَدْ دِي وَرَثَةْ لَيَّهْ هُو وَ لِعِيَالَهْ. وَ فِي الْوَكِتْ دَا، إِبْرَاهِيمْ مَا عِنْدَهْ وِلَيْد وَاحِدْ كُلَ.

إشَعْيا 55:3

تَعَالُوا لَيِّ وَ خُطُّوا أَدَانْكُو، أَسْمَعَوْنِي وَ تَحْيَوْا. وَ نِسَوِّي مَعَاكُو مُعَاهَدَةْ دَايْمَةْ. أَكِيدْ نَنْطِيكُو رَحْمَتِي الْوَاعَدْت بَيْهَا دَاوُدْ.

زَبُور 105:12

وَ فِي الزَّمَنْ دَا، عَدَدْ جُدُودْنَا شِيَّةْ، هُمَّنْ شِيَّةْ مَرَّةْ وَاحِدْ وَ سَاكْنِينْ فِي الْبَلَدْ دِي مِثِلْ أَجَانِبْ.

2 صَمُوِيل 23:5

«وَ دَاهُو الشَّيّءْ الرَّبّ سَوَّاهْ مَعَايِ أَنَا وَ مَعَ ذُرِّيّتِي، هُو سَوَّى مَعَايِ مُعَاهَدَةْ دَايْمَةْ وَ كَامِلَةْ وَ مَضْمُونَةْ. وَ فِي أَيِّ شَيّءْ، هُو يِنَجِّينِي وَ يِحَقِّقْ مُنَى قَلْبِي.

تكوين 28:13

وَ اللّٰهْ وَاقِفْ جَنْبَهْ وَ قَالْ لَيَّهْ: «أَنَا اللّٰهْ إِلٰـهْ أَبُوكْ إِبْرَاهِيمْ وَ إِلٰـهْ إِسْحَاقْ. الْأَرْض الْإِنْتَ رَاقِدْ فَوْقهَا دِي، نَنْطِيهَا لَيْك وَ لِذُرِّيّتَكْ.

تكوين 23:4

«أَنَا أَجْنَبِي وَ غَرِيبْ وَ عَايِشْ فِي أُسُطْكُو. مِنْ إِذِنْكُو، أَنْطُونِي بَكَانْ النَّدْفِنْ فَوْقَهْ مَرْتِي.»

تكوين 17:13

وَ تِطَهُّرُوا كُلَّ الدُّكُورْ الْوِلْدَوْهُمْ فِي بُيُوتْكُو وَ الْعَبِيدْ الشَّرَيْتُوهُمْ. وَ بَيْدَا، مُعَاهَدَتِي تَقْعُدْ فِي جِلِدْكُو وَ هِي مُعَاهَدَةْ دَايْمَةْ.

تكوين 17:4

«دِي هِي الْمُعَاهَدَةْ الْبَيْنِي وَ بَيْنَكْ. إِنْتَ تَبْقَى أَبُو هَنَا أُمَمْ كَتِيرِينْ.

تكوين 15:13

وَ اللّٰهْ قَالْ لِأَبْرَامْ: «أَعَرِفْ تَمَامْ كَدَرْ بَعَدَيْن ذُرِّيّتَكْ يَبْقَوْا أَجَانِبْ وَ يَسْكُنُوا فِي بَلَدْ الْمَا هِنْتُهُمْ. وَ سِيَادْ الْبَلَدْ دِي يِعَبُّدُوهُمْ وَ يِضَايُقُوهُمْ مُدَّةْ 400 سَنَةْ.

تكوين 6:18

وَ لَاكِنْ أَنَا نِسَوِّي مَعَاكْ مُعَاهَدَتِي. أَدْخُلْ فِي السَّفِينَةْ إِنْتَ وَ أَوْلَادَكْ وَ مَرْتَكْ وَ عَوِينْ أَوْلَادَكْ.

تكوين 12:7

وَ اللّٰهْ بَانْ لِأَبْرَامْ وَ قَالْ: «الْبَلَدْ دِي نَنْطِيهَا لِذُرِّيّتَكْ.» وَ فِي الْبَكَانْ دَا، أَبْرَامْ بَنَى مَدْبَحْ لِيِقَدِّمْ فَوْقَهْ ضَحَايَا لِلّٰهْ الْبَانْ لَيَّهْ.

تكوين 26:4

وَ أَنَا نِسَوِّي ذُرِّيّتَكْ كَتِيرَةْ مِثِلْ نُجُومْ السَّمَاءْ. وَ نَنْطِي الْبُلْدَانْ دَوْل لِذُرِّيّتَكْ. وَ بِذُرِّيّتَكْ إِنْتَ، كُلَّ أُمَمْ الْأَرْض يَلْقَوْا بَرَكَةْ.

عَدد 10:29

وَ مُوسَى قَالْ لِحُبَابْ وِلَيْد نَسِيبَهْ رَعُوِيلْ الْمِدْيَانِي: «أَنِحْنَ سَايْرِينْ لِلْبَكَانْ الْاللّٰهْ قَالْ يَنْطِيهْ لَيْنَا. تَعَالْ نَمْشُوا سَوَا وَ نِسَوُّوا لَيْك الْخَيْر أَشَانْ اللّٰهْ قَالْ يِسَوِّي لِبَنِي إِسْرَائِيلْ الْخَيْر.»

خُروج 6:8

وَ وَدَّيْتكُو فِي الْبَلَدْ الْحَلَفْت نَنْطِيهَا لِإِبْرَاهِيمْ وَ إِسْحَاقْ وَ يَعْقُوبْ وَ نَنْطِيهَا لَيْكُو إِنْتُو وَرَثَةْ. أَنَا بَسْ اللّٰهْ.›»

خُروج 13:4

دَا الْيَوْم الْإِنْتُو مَرَقْتُوا بَيَّهْ مِنْ مَصِرْ فِي شَهَرْ الْقَنَادِيلْ.

خُروج 13:5

اللّٰهْ حَلَفْ لِجُدُودْكُو وَ قَالْ يَنْطِيكُو بَلَدْ الْمَلَانَةْ بِاللَّبَنْ وَ الْعَسَلْ. وَ دِي بَلَدْ الْكَنْعَانِيِّينْ وَ الْحِتِّيِّينْ وَ الْأَمُورِيِّينْ وَ الْحِوِّيِّينْ وَ الْيَبُوسِيِّينْ. وَ وَكِتْ اللّٰهْ وَدَّاكُو هِنَاكْ، فِي كُلِّ سَنَةْ وَاجِبْ تِعَيُّدُوا فِي نَفْس الشَّهَرْ.

زَبُور 105:11

وَ قَالْ: «أَنَا نَنْطِيكُو بَلَدْ كَنْعَانْ وَ دَا قِسِمْ التَّلْقَوْه وَرَثَةْ.»